Yowanis 1

1 Miamun bingan da Nan imingê mungê. Da Nan igi irut Anutu. Da Nan arangan Anutu. 2 Da Arangan irut Anutu impai miamun bingan. 3 I Arangan angu da Anutu itangin nam sib angu, da Anutu watangin nam mangan tangindan ugu sinungê Arangan u. 4 Da Arangan isu nam maran taêan wainggan, da nam maran taêan igi irim nam puatsadan da garam gar. 5 Da nam puatsadan igi yari imingê nam mimin wasaê, da nam mimin warasu u. 6 Da Anutu itangin garam mangan iba, arangan binganggan Yowanis. 7 Arangan iba i nida nam puatsadan igi wainggan wasi, i rib santan angu muarutsan. 8 Arangan runggan wasu nam puatsadan igi u, imaê. Arangan imungê ba i kupisa nam puatsadan igi wainggan. 9 Da nam puatsadan nidzun aru arida wasi i garam santan iba intap. 10 I Arangan angu da Anutu itangin intap mungê, da Arangan iba mpa intap, da bitsintaê garam intap wasruê i Arangan garam idzuwai igi u. 11 Arangan ibawaê gan intapan sib, da bitsintaê gan utupan wain igi anungê yis yaring i Arangan da iyu iyab u. 12 Da bitsintaê rib uda Arangan yaban da muarutsan, da Arangan inang da ribigi isu Anutu narun rusan. 13 Ribigi anungê isu Anutu narun rusan i garam da sagat wangunggan uda ruan ma garam gar uwayantan ma biê gan u, imaê. Anutu runggan inang ribigi isu i narun rusan. 14 Nan arangan isu garam gar da impa wasaê i agai . Da aga tsangan i nampanggan da binganggan tsiraê isangê Narun yampi bitsintaê angu mingêa Raman gin badan. Da Arangan garam maraampi da nan nidzun wain. 15 Yowanis ini Arangan wasi da inuê ibiani, “Garam arani garam aru dzi nidan ugu, ‘Garam atsungêa dzi ba isu miamun i dzi, i Arangan impa ratar bingan miamun, raiyi da dzi mus waêan.’" 16 I Arangan maraampi gan ntidan ntingan angu da ifinti agi santan i nam bini bini maiê maiê. 17 Anutu irim nan faidagin i Moses banginggan da maraampi da nan nidzun iwaê imingê Yisu Kristus gin. 18 Garam mangan anungê iwarip itsanga Anutu u, imaê. Narun yampi bitsintaê aru runggan Anutu mpada uts da Raman, Arangan angu isantingê Anutu wasi. 19 Nani Yowanis nanggan nida wasi da gubuê garam Yuda garam gudzun gan mpada Yerusalem tanginda garam pumuêa Anutu da garam rima gum sib mingêa Ungar Mararam fain fadan da Yowanis i guta gin i arangan wai. 20 Yowanis anungê idzigin nan mangan u, imaê. Iragi runggan dzidziwandan wasi angu da ribarangan ibiani, “Dzi wasu Kristus, Garam Anutu Ragadan igi u." 21 Da ribarangan itip igutin ibiani, “Da agu wai? Agu Eliya?” Da arangan ini binaê, “Dzi wayu.” “Da mani agu profet aga rima marangê gin ugu, ma?” Da arangan ini, “Imaê." 22 “Da agu wai? Wani da agai, i aga fanida nan mungaê da garam tanginda aga badan aga. U buni ibianungê i runggam?" 23 Da Yowanis ini, “Dzi su nifun mangan nuêa mingêa nam manaê dadauntan bida ani, ‘Watip Nifutsarif sanaban narururungê,’ isangê profet Aisaia nidan ugu." 24 Da rib aru tanginda garam badan ugu da rib Farisai igi. 25 Da ribarangan itip igut i Yowanis ini binaê, “Bida agu anungê Kristus ma Eliya ma profet igi, da ibianungê da agu rurub garam?" 26 Yowanis ini ribigi nanggan mungaê ibiani, “Dzi rurub garam i mpui, da bitsintaê garam mangan impa wasaê i agam da agam wafaringê u. 27 Arangan garam atsungêa dzi ba. Da dzi wadaum i piraêa fufuai i Arangan faga gangkang gan u." 28 Nam santan igi iwaê imingê Betani imingê mpui Yordan marafain gan mingêa gubuê yaban, aru Yowanis ruruba garam gin ugu. 29 Maiê mangan da Yowanis itsanga Yisu yunga badan da arangan, da ini binaê, “Agam watsangan, Anutu Dumpa Narun gan aru siata garam intap nanggan maisan rai Arangan igi! 30 Garam arani garam aru dzi nidan ugu, ‘Garam atsungêa dzi ba isu miamun i dzi, i Arangan impa ratar bingan miamun, raiyi da dzi mus waêan.’ 31 Dzi runggangê anungê isruê i Arangan garam arangan igi u, da bitsintaê dzi ba rurub garam i mpui, i wainggan ibi kupisa Arangan wasi da garam Israil." 32 Da Yowanis itip ini nan wasi ibiani, “Dzi tsanga Marapayam Mararam isu busir maran imingê gunungun iruê ibampa iyab i Arangan. 33 Dzi runggangê anungê isruê i Arangan garam arangan igi u, da bitsintaê Anutu aru tanginda dzi badan i ruruba garam i mpui ugu ini wasi da dzi ibiani, ‘Gubuê u tsanganda garam aru Marapayam Mararam ruêa bampada yaba gin, da Arangan garam ruruba garam i Marapayam Mararam arigi.’ 34 Da dzi runggangê itsangan sib da ini wasi da agam i Anutu Narunggan Arangan igi." 35 Da tipa pisa maiê mangan da Yowanis itip imunti nigi da riban atsungêa gin iruêrun imunti impruê da arangan. 36 Da gubuê arangan tsanganda Yisu bayunga fadan da ini ibiani, “Watsangan i! Anutu Dumpa Narun gan igi!" 37 Da Yowanis riban iruê igi iringant i nan arangan nidan da yatsungê Yisu. 38 Gubuê Yisu taningêan da tsanganda rib iruê igi atsungêa Arangan, da igutin ini binaê, “Agam isau nam idzuwai?” Da rib iruê igi ini Arangan nifunggan mungaê ibiani, “Rabai” (wainggan ibi ‘Kidungwaga’), “u mpa anungê?" 39 Da Yisu ini, “Waba ntuaê da agam bungê atsangan.” Ibinigi da tuasarangan ifan da itsangan Yisu gan mpada gin. Da gubuê arigi da tuasarangan irut Arangan impai, i gubuê maran ibi 4 kilok nam nufan sib. 40 Garam iruêrun ringanta i Yowanis nanggan da atsungêa Yisu igi gan bits Andru, Saimon Petrus rainggan. 41 Gubuê arangan tanginda Yisu rai da ifa rururungan da iwaê da rainggan Saimon da ini rutin ibiani, “Aga tsanga Mesia sib wa.” (Bingan Mesia isangê Kristus, da wainggan ibiani, ‘Garam Anutu Ragadan’.) 42 Da Andru iyu rainggan ifan da Yisu. Yisu irarab arangan da ini binaê, “Agu Saimon, Yowanis narunggan, da nafaringê agu Sifas.” (Bingan Sifas isangê bingan Petrus, da wainggan ibiani, ’tauf’.) 43 Maiê mangan da Yisu maran ifur i fada intap Galili. Da Arangan ifawaê da Filip da ini rutin ini binaê, “Watsungê dzi." 44 Filip igi garam gamp Betsaida, Andru da Petrus gampan wain ibinigi. 45 Filip ifawaê da Natanail da ini rutin ibiani, “Aga waê da garam Moses kakara nan gin mungê mingêa wasaê i Nan Faidagin da profet ruas bida nigi kakara nan gin ugu. Arangan Yisu, garam Nasaret, Yosef narunggan." 46 Natanail igutin, “Gamp Nasaret? Nam bini idzuwai igi isangê i waêa nigi ba?” Da Filip ini, “Waba angu da watsangan." 47 Gubuê Yisu tsanganda Natanail yunga badan da ini ibiani i arangan, “Watsangan! Garam Israil nidzun mangan igi, nan umpur imaê i gan wangunggan." 48 Natanail igutin ini binaê, “U busruê i dzi ibianungê?” Da Yisu ini, “Dzi tsanga agu mungê gubuê aru u mpada yaung gai fik warangê, da Filip imus nuêa agu." 49 Natanail ini nan mungaê ini binaê, “Rabai! Anutu Narunggan agu! Garam Israil King gan agu!" 50 Yisu ini da arangan ini binaê, “Dzi ni da agu sib ibi dzi tsanga agu mpa yaung gai fik warangê; u ringant i nan arigi angu da u muaruts? Agu bungê atsanga nam tsiraê bingan nayus nigi." 51 Da Arangan itip ini, “Dzi nani nan nidzun bingan da agam, agam bungê atsanga gunungun dagangan da Anutu angira gan yaban da ruêan i Garam Narunggan."