Yowanis 2

1 Gubuê iruê fada sib da nam gadan bintsuda garam da sagat iwaê gamp isiê Kana mingêa Galili, da Yisu rinanggan impa nigi. 2 Da ribigi irim nan i Yisu da riban atsungêa gin i mpada wasaê i nam gadan bintsuda gin igi mpruêan. 3 Da gubuê wain gurun ntsupan da Yisu rinanggan ini da Arangan, “Ribani wain gurun gan intsup sib." 4 Da Yisu ini rinanggan nifunggan mungaê ibiani, “Rinangê, anungê dzi nanggangê mangan igi wayu. I dzi gubuê gangê anungê iba warip iwaê u." 5 Da Arangan rinanggan ini da garam gum ruas igi ibiani, “Agam wanang nam idzuwai arangan nidan da agam i nangan." 6 Mingêa ungar igi da gur tauf 6 ranguda mpui gin rungê imingê i finuêa i adzuêa bangin da nam fain gin atsungêa garam Yuda sanaban nanga wangunggan sapan i Anutu maranggan. Gur tauf igi bitsintaê bitsintaê isangê ranguda mpui bida 100 lita gin. 7 Yisu ini da garam gum ruas ibiani, “Warangu mpui naruê gur santan aga nasangê bafungêan.” Ibinigi da tuasarangan irangu mpui i gur santan igi isangê fungêa sib. 8 Da ini da tuasarangan ibiani, “Wafinuê mpui ani pas da wayu wafan da garam suda wain i nam gadan bintsuda gin da naintsaê.” Ribarangan inang ibi Yisu nidan. 9 Gubuê garam wain igi intsaêa mpui suda wain gurun igi da anungê isruê i wain gurun igi iba imingê anungê. (Da garam gum ruas finuêa mpui igi sruê gin.) Ibinigi da garam suda wain i nam gadan bintsudan igi inuê garam uda finin igi ba 10 da ini rutin, “Garam santan rima ampi i wain gurun irim wain gurun ngiban bini isu miamun. Da gubuê garam numa yusan da maran didiruntan da irim wain gurun mamida i ngiban. Da bitsintaê u gantsi wain gurun ngiban bini ani isangê u riman da aruani." 11 Nigi nam maran mangan miamun Yisu nangan, da inang imingê gamp Kana mingêa Galili. Arangan isantingê nampanggan da riniurun gan wasi, da riban atsungêa gin imuaruts Arangan. 12 Da gubuê nam bintsudan igi ntsupan da Yisu irut rinanggan da rain rusan da riban atsungêa gin iruê gamp Kapenaum, da impai igi gubuê fain. 13 Garam Yuda gubuê gan tsiraê mararam faringêa bida Angira Atupa Sib nanga i waêan, da Yisu iyab Yerusalem. 14 Da mingêa Ungar Mararam ntiangê gan wasaê da Yisu itsanga garam rantsa makau, dumpa, da ngasabusir, da garam suba moni i moni mingêa intap fain badan rumpai. 15 Ibinigi da Arangan iyu bruê da ifir impruê ruan da idzibi ribigi da idaru rai sinungê Ungar Mararam impruê da dumpa da makau. Da yitam i garam suba moni igi tiriang gan da iyats i moni gan ararai. 16 Da impiê rib rantsa ngasabusir da ini binaê, “Wau nam santan igi nawaê sinungê mumai ani! Anungê nanga dzi Ramanggangê ungaran ani suda ungar rantsa nam in u!" 17 Gubuê Arangan riban atsungêa gin tsangandan da ringantagin da maran ifur nan kakaran mingêa Anutu nanggan nida binaê, “Dzi marangê yari tsiraê bingan angu i ungaram ibi dzaf iga imingê dzi wangunggaê wasaê." 18 Da garam Yuda garam gudzun gan fain igut i Yisu ini binaê, “U bungê anang nam maran mangan idzuwai i santingêa bida Anutu irim nampang da agu i nanga nam bida nigi?" 19 Yisu itip ini ribarangan nifunggan mungaê ibiani, “Watawaê ungar mararam ani rai, da gubuê iruê da bits da dzi bungê atip araê gin." 20 Da rib Yuda igi itip ini Arangan nifunggan mungaê ibiani, “Aêuêa! Ungar Mararam riman ani iyu udzuf guntiê bingan isangê 46 i rima sib. Da u ni tipa raêa gin da gubuê iruê da bits angu, a?" 21 Da bitsintaê ungar mararam Yisu nidan igi ini iyab i rininggan. 22 Ibinigi da gubuê Anutu raêa i Arangan sinungê nam mampan, da riban atsungêa gin maran ifur nan Arangan nidan ugu. Da ribarangan imuaruts Anutu nanggan da nan santan Arangan nidan ugu. 23 Gubuê Yisu mpada Yerusalem i gubuê mararam tsiraê faringêa bida Angira Atupa Sib, da rib ampi bingan itsanga nam maran mangan ampi bingan Yisu nangan mingêa nigi da imuaruts Arangan. 24 Da bitsintaê Yisu wamuaruts ribigi u, i Arangan irarab garam santan ratar. 25 Da Arangan wamami ruan i garam mangan tipa nida garam gar wasi da Arangan u, imaê, i Arangan runggan irarab garam gar wangunggan wasaê sib.