Yowanis 14

1 “Agam wangum anungê barabindan da maram fura nam ampi bingan u! Wamuaruts Anutu da wamuaruts dzi nampruê. 2 Mumai ampi bingan imingê wasaê i Ramangê ungaran, da dzi bungê afa i tipa agam mumai gam. Da bida maêan da dzi wasangê nida nan igi wasi da agam. 3 Da gubuê dzi fatipa agam mumai gam sib da dzi bungê atip aba i uda agam, i gamp dzi mpada gin da agam bungê ampa gin nampruê. 4 Da agam isruê i sanab fada gamp dzi fada gin igi sib wa." 5 Tomas ini da Yisu ibiani, “Nifutsarif, aga uwayantangê mangan wapuê i gamp agu fada gin igi u. Da aga nabusruê i sanab fadan igi nabianungê?" 6 Yisu ini binaê, “Dzi su sanab da nan nidzun da maran taêan wain. Garam mangan wasangê badan da Ramangê i sanab mangan u, imaê, i dzi angu. 7 Bida agam sruêa i dzi nidzun angu, da agam bungê asruê i Ramangê nabinigi. Aruani da fadan da agam isruê i Arangan da itsanga Arangan sib." 8 Filip ini da Arangan, “Nifutsarif, wasantingê Ramanggam da agai, da nigi bungê asangê aga wangunggangê." 9 Yisu ini Filip nifunggan mungaê ini binaê, “Filip, dzi rut agam impa gubuê guntiê bingan sib wa, da ibianungê da agu madabusruê i dzi? Manga tsanganda dzi da itsanga Ramangê. Da ibianungê da u ni, ‘Wasantingê Ramanggam da agai?’ 10 U sangê muarutsa bida dzi mpa Ramangê wasaê da Ramangê impa dzi wasaê, ma? Nan santan dzi nidan da agam igi anungê dzi runggangê nanggangê u, imaê; Ramangê aru mpada dzi wasaê runggan inang gan guman igi. 11 Agam wamuaruts nan aru dzi nida bida, ‘Dzi mpa Ramangê wasaê da Ramangê impa dzi wasaê.’ Da bida maêan, da wamuaruts dzi i gum dzi nangan da waêa sib ugu. 12 Nan nidzun bingan dzi nani da agam! Nugu muarutsa dzi da bungê anang nam dzi nangan. Da arangan bungê anang nam tsiraê nayus nam dzi nangan igi, i wain ibi dzi nang i fadan da Ramangê. 13 Da dzi bungê anang nam idzuwai agam guta gin i dzi binganggangê, da Ramangê bungê au bingan tsiraê i Narun. 14 Bida agam guta dzi i nam idzuwai i dzi binganggangê, da dzi bungê anang. 15 “Bida agam maram arida i dzi da agam bungê atangê warangê i nan dzi nidan. 16 Da dzi bungê agut i Ramangê da natangin Mangan aru rima agam sib naba da bungê arut agam nanting. 17 Nigi Marapayam santingêa nan nidzun wasi. Garam intap wasangê uda Arangan yaban u, i ribigi wararab da isruê i Arangan u. Da bitsintaê agam isruê i Arangan sib, i Arangan irut agam impai da bungê ampa wasaê i agam. 18 Dzi wasangê tirida agam rai bida mamaê marabirimpup u; dzi bungê atip aba da agam. 19 Gubuê uts pas angu da garam intap wasangê i tipa tsanganda dzi, da bitsintaê agam bungê atsanga dzi. Dzi mpa marataê, da agam bungê ampa marataê nabinigi. 20 Waêa gubuê arigi da agam bungê atsangan nabi dzi mpa wasaê i Ramangê da agam impa wasaê i dzi da dzi mpa wasaê i agam. 21 Manga ringanta i dzi nanggangê da atangêa warangê gin, da arangan isu garam maran arida i dzi. Manga maran arida i dzi, da Ramangê maran bungê ari i arangan, da dzi binigi dzi marangê bungê ari i arangan nampruê da dzi nasantingê runggangê wasi da arangan." 22 Garam bits binganggan Yudas (anungê Yudas Iskariot u) igutin ini binaê, “Nifutsarif, ibianungê da u ni santingêa runggam wasi da agai angu da anungê garam intap santan aga u?" 23 Yisu ini binaê, “Bida manga maran arida i dzi, da arangan bungê atangê warangê i dzi nanggangê. Da dzi Ramanggangê maran bungê ari i arangan, da aga bungê aba da narut arangan nampai nanting. 24 Garam maran mamida i arida i dzi, da anungê isangê i atangêa warangê i dzi nanggangê u. Nan agam ringanta gin igi anungê dzi runggangê nanggangê u; nigi Ramangê aru tanginda dzi badan ugu nanggan. 25 “Gubuê aru dzi rungê ruta agam mpadan ani, da dzi ragi nan ani da agam. 26 Da bitsintaê Ramangê bungê atangin Marapayam Mararam aru rima agam sib naba i dzi binganggangê. Da Arangan bungê asantingê agam i nam santan da narim maran furan da agam i nan santan dzi nidan da agam sib ugu. 27 Dzi tangin nanggangê nufan narut agam da nampa tayangê agam wangunggam. Dzi nanggangê nufan tangindan da agam anungê ibi garam intap gan riman u. Ibinigi da agam wangum anungê barabindan da ratan u. 28 Agam iringant i nan dzi nidan ugu sib wa, ‘Dzi bungê afa sinungê agam da dzi bungê atip aba da agam.’ Bida agam maram arida i dzi, da agam nugum bungê atsiaê i dzi gangê fadan da Ramangê, i Ramangê binganggan tsiraê iyus dzi. 29 Nan ani dzi ni mungê da agam da aruani, da bungê amus waêan. I gubuê nam igi waêan, da agam bungê amuaruts. 30 Dzi wasangê i rungê fisa i nan ampi bingan da agam u. I garam gudzun intap ani gan iba. Arangan nampanggan imaê i rasuda dzi, 31 da bitsintaê garam intap nararab nabi dzi marangê yari nidzun angu i Ramangê da dzi mus inang nam isangê Ramangê nidan da dzi. “Ariê, agam wauriê da agi nafan."