Yowanis 7

1 Intsup sib raiyi da Yisu iyung ifa gamp gamp fain mingêa intap Galili angu. Arangan ibugin i fada intap Yudia, i garam Yuda garam gudzun gudzun gan ini isa Arangan funub. 2 Da garam Yuda gubuê gan mararam tsiraê Mpada Ungar Bangub isu uts i waêan. 3 Da Yisu rain rusan ini rutin ibiani, “Watangin gamp ani rai da wafa Yudia, da u ribam atsungêa agu mpada naga isangê i tsanganda nam maran mangan u nangan. 4 Garam bits maran fura i garam tsangandan da rima bingan tsiraê rutin anungê inang guman igi imingê maradzigin u. Bida u nanga nam bida nigi, da wakupis runggam da garam santan natsangan." 5 I Arangan rain rusan wain anungê imuaruts Arangan u. 6 Ibinigi da Yisu ini ribigi nanggan mungaê ibiani, “Dzi gubuê gangê anungê iba warip iwaê u. Gubuê santan ani isu agamam. 7 Garam intap ani wabugin agam u, imaê! Da bitsintaê ibugin dzi i dzi kupis ribarangan nanggan maisan nangan wasi. 8 Agam wafa tsanga gubuê mararam tsiraê igi. Dzi wasangê i biaêan u, i dzi gubuê gangê rururungan waba warip iwaê u." 9 Yisu ini nan arigi sib da rungê impa imingê Galili. 10 Gubuê Yisu rain rusan fada sib i tsanganda gubuê mararam tsiraê igi, da Arangan ibinigi ifa bampan. Da wasantingê runggan i garam mangan faringêa Arangan u. 11 Da garam Yuda garam gudzun rusan isau Yisu imingê gubuê mararam tsiraê igi da igut i ruan ini binaê, “Arangan anungê?" 12 Garam ampi bingan igagara i nan da ruan i Arangan, da fain ini binaê, “Arangan garam bini.” Da bitsintaê fain ini binaê, “Imaê, arangan garam iyuêa garam ampi bingan." 13 Da bitsintaê ribigi rat i garam Yuda garam gudzun rusan, ibinigi da gan mangan wani Arangan wasi imingê ampan santan maran u. 14 Gubuê mararam tsiraê igi bungê fawaêa wasaê, da Yisu iyab ifawaê Ungar Mararam da yatangê i ntiangê gan wasaê da ifis i nan da ampan. 15 Garam Yuda gudzun rusan iringantin da igara bangin da ini binaê, “Arangan iyu uwayant araga ibianungê? Anungê yatangê i utusa ampan i Anutu nanggan u!" 16 Yisu ini ribarangan nanggan mungaê ibiani, “Nan dzi fisa gin ani anungê dzi nanggangê u. Dzi fis i Aru tanginda dzi badan ugu nanggan. 17 Garam maran arida i atangêa warangê i Anutu uwayantan da bungê asruê gin nabi nan dzi fisagin ani iba imingê Anutu gin ma dzi ni nan i rugaê uwayantangê. 18 Garam fisa i rugan uwayantan da inang i tsarifa runggan angu. Da bitsintaê manga nanga i tsarifa garam aru tanginda arangan badan ugu, arangan garam nan nidzun da rururungan. 19 Moses irim nan faidagin da agam. Da bitsintaê agam manga watsungê gin u. Ibianungê da agam inang i isa dzi funub?" 20 Rib utup tsiraê igi ini binaê, “Marapayam maisan iyantsang agu! Manga nang i isa agu funub?" 21 Yisu ini ribigi nifunggan mungaê ibiani, “Dzi nang nam maran mangan bitsintaê angu da agam santan igara bangim gin ugu. 22 Moses itangin nan faidagin safa riniubit da agam (da bitsintaê anungê iba imingê Moses u â iba imingê agi tafangê rusangê gin). Ibinigi da bida gubuê safa mamaê mitan marub mangan riniubitan waêan da gubuê Sabat, da agam inang da isaf mamaê mitan igi riniubitan da gubuê Sabat igi. 23 Bida agam safa mamaê mitan riniubitan da gubuê Sabat i anungê isa Moses nanggan faidagin udziê, da ibianungê da agam nugum iruaê i dzi nanga garam mangan rininggan santan dauman da gubuê Sabat? 24 Anungê raruda nam yaba i nam maran tsangandan angu u; wararu nam i sanab rururungan." 25 I nan Yisu nidan igi da garam Yerusalem fain igut i ruan ini binaê, “Mani garam ribigi nanga i isa funub ugu igi, ma? 26 Aitsangan! Garam arangan arigi, imunti ifis i nan ampan tsiraê maran da manga watip ini nan manga gin u. Garam gudzun ruas masruê i arangan Kristus, Garam Anutu Ragadan, ma imaê? 27 Da bitsintaê agi sruê i garam igi gan bada gin. Gubuê Kristus badan da garam mangan wasangê sruêa i arangan gan bada gin." 28 Gubuê Yisu rungê fisa i nan mingêa Ungar Mararam ntiangê gan wasaê da inuê nifun tsiraê bingan ibiani, “Agam ini agam sruêa i dzi da dzi gangê bada gin sib wa, da bitsintaê dzi waba i rugangê binganggangê u, imaê! Anutu itangin dzi iba, da Arangan nan nidzun wain. Agam anungê isruê i Arangan, 29 da bitsintaê dzi sruê i Arangan, i dzi rut impai da itangin dzi iba." 30 Ribigi ringanta i nan igi, da fain inang i mpunga Arangan, da manga wangif Arangan u, i Arangan gubuê gan anungê ibawarip iwaê u. 31 Da bitsintaê rib ampi bingan mingêa ampi tsiraê igi wasaê imuaruts Arangan da ini, “Garam ani inang nam maran mangan ampi bingan, da garam mangan wasangê nanga nam maran mangan yusa arangan u. Mani Kristus arangan aruani?" 32 Garam Farisai iringant i garam igi gagarada i nan da ruan gin yaba i Arangan, da irut garam pumuêa Anutu wain gudzun rusan itangin garam singaari ruas mpada tayangê Ungar Mararam iba i mpunga Arangan. 33 Ibinigi da Yisu ini binaê, “Dzi bungê arut agam nampa isiê pas angu da dzi bungê atip nafan da Aru tanginda dzi badan ugu. 34 Agam bungê asau dzi, da agam wasangê i tsanganda dzi u. Da gamp dzi fada gin, da agam anungê isangê i fawaêa gin." 35 Da garam Yuda gudzun rusan ini da ruan, “Garam ani nabuni fada anungê da agi anungê isangê i tipa tsanganda arangan? Arangan mani fadan da agi ribangê fain dzarangan da ruta rib Grik mpada intap faingê aga da utusa garam Grik? 36 Wain ibianungê da arangan ini nan ani, ‘Agam bungê asau dzi, da agam wasangê i tsanganda dzi,’ da ‘Gamp dzi fada gin, da agam anungê isangê i fawaêa gin’?" 37 Da gubuê mararam tsiraê igi gubuê gan bampa sib iwaê, da gubuê arigi tsiraê bingan iyus gubuê fain ugu. Da Yisu imunti da inuê nifun tsiraê ini binaê, “Bida garam mangan wan tsaraêan, da arangan naba da dzi da nanum. 38 Manga muarutsa dzi, da mpui maran taêan bungê afringfring nawaê arangan wangunggan wasaê nabi Anutu Nanggan Kakaran nidan ugu." 39 Ini nan igi iyab i Marapayam Mararam aru rib muarutsa Arangan ugu bungê amus udan. Gubuê arigi da Marapayam anungê iwarip iba u, i Yisu anungê iwarip iyu bingan tsiraê u. 40 Garam ringanta i nan igi gan fain ini binaê, “Nan nidzun bingan, garam ani arangan Profet agi rima marangê gin ugu." 41 Da fain ini, “Arangan Kristus.” Da fain ini, “Kristus nabuwaê Galili nabianungê naba? 42 Nan Kakaran ini i Kristus bungê awaê Tafit utupan namingê Betlehem, Tafit gampan wain." 43 Ibinigi da ribaranga iyu uwayant mara maran i Yisu da yudzungê i nan da ruan. 44 Garam fain ini i mpunga Arangan, da bitsintaê gan manga wangif Arangan u. 45 Da garam singaari ruas mpada tayangê Ungar Mararam ugu itip ifan da garam pumuêa Anutu gudzun rusan da garam Farisai ruas. Da garam gudzun ruas igi igutin ini binaê, “Ibianungê da agam imami mpunga arangan da uda badan?" 46 Garam singaari ruas ini nan mungaê ibiani, “Aga rarab garam mangan nanggan nidan wafasangê garam aga nanggan nidan u." 47 Da Farisai ruas ini ribarangan nanggan mungaê ibiani, “Mani arangan ma-yiyuê agam ampruê? 48 Aga garam gudzun ma Farisai ani fain mamuaruts arangan? Imaê angu! 49 Da bitsintaê ampi tsiraê ani angu imuaruts arangan da wasruê i nan faidagin u. Da ribarangan bungê awaê da Anutu wangunggan sasusan." 50 Da Nikodimus, ribigi gan mangan aru fadan da Yisu ugu, igutin ini binaê, 51 “Agi nanggangê faidagin ini agi raruda garam gar sanga angu, ma? Ini agi naringant i arangan nanggan mungê da nasruê i nam arangan nangan." 52 Ribigi ini arangan nifunggan mungaê ibiani, “Mani garam Galili gan bits agu? Wasau da watsangan nan kakaran ugu, da agu bungê awaê da nan bida profet manga wasangê i waêa mingêa Galili u!" 53 Da ribarangan itangin ruan rai da idzarang ifa gan gampan wain ruga rugan.