Yowanis 8

1 Da Yisu ifa mamai Oliv. 2 Da pisa tataê maratait da Arangan itip ifa Ungar Mararam ntiangê gan wasaê. Da ampan santan iba rutin, da Arangan impai iruê da yutus ribarangan. 3 Da garam gudzupuê i nan faidagin da garam Farisai iyu sagat gabun bits ruta garam mangan araraêa i ruan iba munti ampan maran 4 da ini da Yisu, “Kidungwaga, sagat ani irut garam mangan yararaê i ruan da rib itsangan arangan. 5 Moses ini i Nan Faidagin i sagat nanga asub bida ani da agi natapu funub i tauf. Da u bungê ani nan idzuwai gin?" 6 Ribarangan ini nan bida nigi i intsaêa Yisu i nifu nan idzuwai Arangan nidan i suda ribarangan nanggan muntida yaba gin da dzura nan asub da Arangan. Da bitsintaê Yisu idzuangê iruê da yakar nan iruê intap ngaruntsuaf i bangi tsitsin. 7 Ribigi rurim udzungê da Arangan da igutin babampafan i sagat igi. Da Arangan iraê i ruan da ini, “Bida agamam mangan asub maêa gin, da arangan nasu miamun i tapuda tauf yaba i sagat ani!" 8 Ini nan igi sib da itip idzuangê iruê da iyakar nan iruê intap ngaruntsuaf. 9 Ribarangan ringanta i nan igi da itus ruan bits bits ifa gan arun. Garam tsiraê tsiraê isu miamun i ruan da santan ibinigi ifa sib isangê Yisu angu da sagat igi rungê impai. 10 Yisu iraê i ruan iyab da igut i sagat igi, “Sagat ai, garam santan bingan ugu ifa anungê? Gan bits rumunti i raruda agu, ma?" 11 Da sagat igi ini binaê, “Garam tsiraê, imaê.” Da Yisu ini, “Da dzi binigi, dzi wasangê i raruda agu u. Wafan. Aruani da fadan da anungê tipa nanga asub u." 12 Raiyi da Yisu itip ini da ampan ibiani, “Dzi su nam puatsadan arida intap sib. Manga atsungêa dzi da wasangê yunga nam mimindan wasaê u. Imaê, arangan bungê ayu nam puatsadan rima maran taêan." 13 Garam Farisai ringanta i nan igi da ini ibiani, “U runggam ini nan wasi iyab i runggam, ibinigi da aga wasangê uda u nanggam nida runggam wasi igi yaban bida nan nidzun u." 14 Yisu itip ini da ribarangan ibiani, “Hai, dzi ni nan wasi iyab i runggangê, da bitsintaê nan dzi nidan ani nan nidzun, i dzi sruê i gangê wainggangê bada gin da tipa fada gin. Da agam wasruê i dzi gangê bada gin da tipa fada gin u, imaê! 15 Agam iraru garam i garam gar uwayantan angu. Da dzi anungê iraru garam mangan u. 16 Da bida dzi raruda garam, da dzi bungê araru rururungan, i anungê dzi runtaê angu u; imaê, Ramangê aru tanginda dzi badan ugu irut dzi. 17 Agam Nanggam Faidagin ini i bida garam iruêrun nida nan mangan wasi sangêa ruan angu da nan igi nan nidzun. 18 Ibinigi da dzi runggangê ini runggangê wasi, da Ramangê aru tanginda dzi badan ugu ini dzi wasi impruê ibinigi." 19 Rib Farisai igut i Arangan ibiani, “U ramanggam impa anungê?” Da Yisu ini binaê, “Agam wasruê i dzi ma Ramangê u. Bida agam sruêa i dzi, da agam isangê i sruêa i dzi Ramanggangê bida nigi." 20 Yisu ifis i nan da ribigi imingê Ungar Mararam ntiangê gan wasaê mumai rima dangki gin. Da garam mangan wampung Arangan u; imaê, i Arangan gubuê gan anungê iwarip ibawaê u. 21 Da Yisu itip ini da ribarangan ibiani, “Dzi bungê afan, da agam bungê asau dzi, da agam bungê amamp nampruê da nanggam maisan. Da gamp dzi fada gin da agam wasangê bada gin u." 22 Rib Yuda gudzun rusan iringant i nan igi da ini ibiani, “Wain ibianungê da ini, ‘Gamp dzi fada gin da agam wasangê bada gin u’? Mani bungê ais runggan funub, ma?" 23 Yisu ini binaê, “Agam iba imingê intap ani, da dzi ba imingê wagungê. Agam isu intap ani gan, da dzi anungê isu intap ani gan u. 24 Ibinigi da dzi ni da agam sib wa i agam bungê amamp nampruê da gam nanggam maisan. Da bida agam mamida i muarutsa bida Dzi Mpa Ibi Arigi Angu, da agam bungê amamp nampruê da nanggam maisan igi i." 25 Da ribarangan igutin ini binaê, “Agu wai?” Da Yisu ini ibiani, “Nan dzi nida i dzi mangan ani, da dzi ni da agam sib ugu da gubuê dzi raêa i gumangê da iba da isangê aruani. 26 Nan ampi bingan rumingê i dzi nidan da agam i raruda agam. Da bitsintaê Aru tanginda dzi badan ugu, Arangan nan nidzun wain, da nan dzi ringanta gin mingêa Arangan gin, nigi angu da dzi nang da dzi ni wasi da garam intap." 27 Ribigi anungê isruê i nan Arangan nidan igi ini iyab i Ramanggan. 28 Ibinigi da Yisu ini binaê, “Gubuê agam raêa i Garam Narunggan, da agam bungê asruê gin nabi Dzi Mpa Ibi Arigi Angu, da dzi anungê inang nam i rugangê uwayantangê u. Imaê, nan idzuwai Ramangê santingêa dzi gin, da dzi ni wasi. 29 Aru tanginda dzi badan ugu irut dzi da watangin dzi rai u, i dzi nang nam Arangan nugun nufa gin." 30 Gubuê Yisu rungê nida nan igi, da rib ampi bingan imuaruts Arangan. 31 Yisu ini da rib Yuda muarutsa Arangan igi ibiani, “Bida agam gifa dzi nanggangê babampaf, da agam isu dzi ribangê atsungêa dzi nidzun. 32 Da agam bungê asruê i nan nidzun, da nan nidzun bungê apiraê agam rai sinungê gum agam nangan bida garam gum utaê." 33 Ribarangan ini Arangan nifunggan mungaê ibiani, “Agai ani Abraham tafan rusan da aga sau runggangê i gubuê mangan da aga suda garam fain garam guman utaê. Da ibianungê da u buni piraêa aga rai sinungê gum aga nangan bida garam gum utaê?" 34 Yisu itip ini binaê, “Dzi ni nan nidzun bingan da agam, garam nanga nam maisan isu nam maisan garam guman utaê. 35 Garam gum utaê wasangê ruta garam gudzunggan utupan mpada ntingan u, da bitsintaê garam gudzun narunggan bungê ampa utup igi nanting. 36 Da bida Narun piraêa agam rai sinungê nam maisan, da nan nidzun bingan, agam wasangê i rungê mpada bida nam maisan garam guman u. 37 “Dzi sruê gin i agam Abraham tafan rusan, da bitsintaê agam ini isa dzi funub, i wain agam warim wasaê mangan imingê wangunggam i dzi nanggangê mpada gin u. 38 Dzi ni da agam i nam dzi ruta Ramangê mpadan da tsangandan mingêa i maranggan ugu, da agam inang nam agam ringanta gin mingêa agam ramanggam gin." 39 Da ribarangan ini, “Aga ramanggangê Abraham.” Da Yisu itip ini, “Bida Abraham narun rusan agam, da agam madanang nam Abraham nangan. 40 Dzi ni nan nidzun aru dzi ringanta gin mingêa Anutu gin ugu da agam sib, da bitsintaê agam inang i isa dzi funub. Da Abraham anungê inang nam bida nigi u. 41 Agam inang nam agam ramanggam musa nangan.” Da ribarangan ini, “Aga anungê mamaê puatsi u; aga Ramanggangê da Anutu runtaê angu." 42 Ida Yisu ini, “Bida agam Ramanggam Anutu da agam maram madaari i dzi, i dzi mingê Anutu gin iba, i wain arigi da dzi mpa wasaê i agam. Dzi waba i rugangê maranggangê furan u, imaê. Arangan itangin dzi iba. 43 Ibianungê da agam imami dzidziwanda i dzi nanggangê nidan da agam igi? Wain ibi agam yintsungê ringa bampun sib i ringanta i dzi nanggangê. 44 Sadang isu agam ramanggam da agam ini atsungêa ramanggam igi wangunggan akatsan. Miamun ugu bawaêan da aruani da arangan isu garam bangi biê siata garam gar rai, da arangan watsungê nan nidzun u, i nan nidzun imaê i arangan. Gubuê arangan suda umpur da nigi arangan nifu nanggan rururungan, i arangan garam umpur da nan umpur sib angu ramanggan. 45 Da bitsintaê dzi nang da dzi ni nan nidzun da agam, ibinigi da agam anungê imuaruts dzi! 46 Isangê i agam mangan santingêa dzi asubangê nangan wasi? Da bitsintaê bida dzi nida nan nidzun da agam, da ibianungê da agam imami muarutsa dzi? 47 Anutu garaman iringant i Arangan nanggan. Da agam anungê Anutu narun rusan u, i wain igi da agam anungê irim ringam i gan nanggan u." 48 Garam Yuda gudzun rusan ini Arangan nanggan mungaê ibiani, “Nan nidzun bingan! Agu garam Samaria da marapayam maisan iyantsang agu!" 49 Da Yisu ini, “Imaê! Marapayam maisan manga wayantsang dzi u. Dzi tsarif Ramanggangê runtaê angu da agam irim ub nidzun angu i dzi. 50 Dzi wanang i tsarifa rugaê binganggangê yaban u, da bitsintaê aru nida i ampan tsarifa dzi, Arangan garam raruda nam rururungan. 51 Dzi nani nan nidzun bingan da agam, garam atangêa warangê i dzi nanggangê da anungê isangê i mampan u." 52 Ribigi ini da Yisu ibiani, “Nan nidzun bingan, aruani da aga tsanga marapayam maisan irut agu sib wa! Abraham da profet ruas imamp sib wa, da agu munti babampaf i manga atangêa warangê i u nanggam fisagin da uda yaban, da arangan wasangê i mampan u. 53 Aga ramanggangê Abraham imamp sib, da u mani yusa arangan, ma? Profet ruas ibinigi imamp sib. Amaê! U buni nanga runggam bida anungê?" 54 Yisu itip ini ribigi nifunggan mungaê ibiani, “Bida dzi tsarifa runggangê da nigi nam utaê. Da bitsintaê dzi Ramanggangê aru agam nifum faringêa agam Anutu gam gin ugu, Arangan itsarif dzi. 55 Agam wasruê i Arangan mangan u, da bitsintaê dzi sruê i Arangan. Bida dzi nida dzi mamida i sruêa i Arangan, da dzi madawaê abi garam nan umpur nabi agam. Da bitsintaê dzi sruê i Arangan da yatangê warangê i Arangan nanggan. 56 Gubuê agam tafanggam Abraham maran fura i tsanganda dzi gubuê gangê badan ani, da nugun inuf in, da gubuê arangan tsanganda sib da nugun itsiaê wasi angu gin." 57 Rib Yuda itip ini Arangan nanggan mungaê ibiani, “Agu udzufam anungê iwarip iwaê 50 da u butsanga Abraham ibianungê?" 58 Da Yisu ini binaê, “Nan nidzun bingan dzi nani da agam! Gubuê Abraham rinanggan mamida i apingêa arangan da Dzi Mpa Ibi Arigi Angu." 59 Ibinigi da ribarangan intsungê tauf i tapuda Arangan funub, da bitsintaê Arangan ifingê i ruan da itangin Ungar Mararam rai.