Yona 2

1 Yona impa yafas wangun wasaê da yugin da Yawe, arangan Anutu gan, 2 ibiani, “O Yawe! Dzi waê da barabin tsiraê bingan, da dzi nuê Agu i U rima dzi sib, da U ringant i dzi. Dzi mpa iruê garam mampan gampan, da dzi rang ibiaê da Agu, da U ringant i dzi nanggangê rangan. 3 U tapu dzi ruê uruts warangê da mpui ifingê i dzi ruê rungum warangê bingan. Uruts ibuarum dzi da U iyamiyamam tsiraê ititam i dzi. 4 Dzi buni gaê U tiasa dzi rai i U maranggam, da bitsintaê dzi bungê atip atsanga Agu Ungaram Mararam. 5 Mpui tsiraê igangum dzi da yintsungê dzi yu fufin da asapangê sib da ibuafir dzi nting angu. Da dzi nang i mampan. Biningê biningê yudzu dzi gudzungê gangê sib. 6 Dzi sasatup iruê ifa mamai wain mingêa uruts warangê bingan, da intap igi itsungin dzi sib i dzi gangê tipa yaban. Da bitsintaê Yawe, dzi Anutu gangê Agu; U tip iyu dzi sinungê garam mampan gampan da dzi rungê impa marataê. 7 Gubuê dzi nanga i mampan da dzi marangê ifur Agu, Yawe, da dzi nanggangê udagin ibiawaê da Agu imingê U Ungaram Mararam. 8 Rib pumuêa mugus maraganun mamida i nanga nam waêan irim barun da U maraampi gam. 9 Da bitsintaê dzi bungê arim nam tsaradan nabiaê da Agu ruta mint tsarifa U binganggam. Da dzi bungê anang nam santan dzi tagada ruangê gin sib. I nam rima sib iba imingê Agu Yawe gin angu." 10 Da Yawe ini da yafas itsup Yona iwaê ifa uruts ringan.