Lukas 13

1 Gubuê arigi da faingê rungê mpadan irim sisingê da Yisu i garam Galili faingê aru Pilatus isa funub da gubuê ribarangan tsarada apu da Anutu mingêa Ungar Mararam. 2 Da Yisu ini i nanggan mungaê, “Da agam maram ifur i rib Galili tuas aru nigi nanggan maisan mayus rib Galili faingê aga, ibiani da tuasaranga iwaê ibinigi? 3 Dzi nani da agam, imaê! Da bitsintaê bida agam mamida parima i ruam da agam santan bungê arim ganunggam rai nabinigi. 4 Da agam maram ifur ibianungê i rib 18 aru ungar guntiê Siloam ruaêa ragun gin da mampan ugu? Ribarangan nanggan maisan mayus rib faingê mpada Yerusalem? 5 Dzi nani da agam, imaê! Da bitsintaê bida agam mamida parima i ruam da agam santan bungê arim ganunggam rai nabinigi." 6 Ida Arangan ini nan raman ani: “Garam mangan intang gai fik wasaê i gum wain gan, da arangan ifa i uda i nidzunggan, da bitsintaê anungê iwaê rut u. 7 Ibinigi da arangan ini da garam mpada tayangê gum wain igi ibiani, ‘Aruani da udzuf iruê da bits da dzi ba i uda gai fik ani nidzunggan da dzi anungê iwaê rutin u. Ibinigi da warab rai! Wain idzuwai da intsup intap nagaran gan utaê angu?’ 8 Da garam mpada tayangê gum ini, ‘Tsiraê, wagantsi da udzuf bits, da dzi bungê antang intap nawafiê da narim apu ragin i wainggan. 9 Da bida kapa nidzun da udzuf mangan aga, bini! Da bida maêan, da narab rai.’" 10 Gubuê Sabat mangan da Yisu ifis i nan imingê ungar mpruêa ruan gin mangan. 11 Da sagat mangan impai nigi; marapayam maisan rima rinin gingêan iyantsang arangan isangê udzuf 18, da inang arangan baru urun inguangê da wasangê muntida rururungan u. 12 Da gubuê Yisu tsanganda sagat igi da inuê arangan ba da ini, “Sagat, dzi kiraê rinin gingêan dzura agu ugu sib." 13 Ida Arangan irim bangin ragun i sagat igi, da sung angu barun idaum da imunti rururungan iyab da itsarif Anutu. 14 Da garam gudzun mpada tayangê ungar mpruêa ruan gin itsangan da nugun iruaê i Yisu tipa rinin gingêan dauman da gubuê Sabat. Da ini da ribigi ibiani, “Gubuê 6 igi gubuê gum nangan. Ibinigi da agam waba da gubuê arigi angu i nanga rininggam dauman, da anungê nangan da Sabat u." 15 Da Nifutsarif ini da arangan, “Agam garam umpur nifun nida nan angu! Agam santan inang da ikiraê makau ma dongki gam i mumai gada nam in i mungêa gin fada i numa mpui da gubuê Sabat! 16 Da sagat ani Abraham narunggan aru Sadang udzudan sangêa udzuf 18, da nam idzuwai bumais i dzi kiraêa arangan rininggan da gubuê Sabat?" 17 Gubuê Yisu nida nan igi da gan garam ipiapan santan rinin imiaê, da bitsintaê rib santan nugun itsiaê i nam ngarubini santan aru Arangan nangan igi. 18 Ida Yisu igutin, “Dzi naram Anutu nanggan mpada tayangê gan garaman nayab i nam idzuwai? 19 Nigi sangê gai nidzun isiê angu garam mangan udan da ntanga ruêa gan guman . Da iyingê isu gai tsiraê da apu dzuf irim git i bangin." 20 Da Arangan itip igutin, “Dzi nabutip naram Anutu nanggan mpada tayangê gan garaman nayab i nam idzuwai? 21 Isangê yist sagat mangan udan da yatsa mpruêan da parawaê tsiraê bingan. Raiyi da iyantsang isangê parawaê santan fupan." 22 Da Yisu iyung da ifis i nan imingê gamp isiê da tsiraê ifa i waêa Yerusalem. 23 Da garam mangan igut i Arangan, “Nifutsarif, Anutu bungê atus maran i rib iruê angu i runta sinungê Arangan nugu tsakia gan da atangêa gan nanggan mpada tayangê gan garaman?” Da Arangan ini da ribarangan, 24 “Warim runggam santan i atangêa muantsi nifufiring igi, i dzi nani da agam, ampi bingan bungê aintsaê i atangêan da anungê isangê u. 25 Da gubuê ungar rinunggan tsunginda muantsi sib, da agam bungê amunti manaê da nadiditing muantsi da nanuê, ‘Nifutsarif, watus muantsi i agai.’ “Da bitsintaê Arangan bungê ani nan mungaê, ‘Dzi anungê isruê i agam ma agam imingê anungê iba.’ 26 “Ida agam bungê ani, ‘Amaê. Aga rut agu iga nam da inum impruê ruangê da u fis i nan da agai imingê aga gampangê ugu.’ 27 “Da bitsintaê Arangan bungê ani nan mungaê, ‘Dzi anungê isruê i agam ma agam imingê anungê iba. Agam garam nanga maisan wafa manaê i dzi!’ 28 Da gubuê siata agam rai da agam tsanganda Abraham, Isak, da Yakop, da profet ruas santan mpruêa ruan mingêa Anutu nanggan mpada tayangê gan garaman, da bitsintaê agam mpada manaê, da agam bungê arang tsiraê da agam nifu urungun bungê agara gris gris. 29 Da garam mingêa manaê i utup Yuda bungê aba namingê gubuê yaban da gubuê ruêan, manis dzraê da fiê, da bungê ampai naga nam namingê Anutu nanggan mpada tayangê gan garaman. 30 Watsangan sib i rib fain tsanganda bida utaê utaê ugu bungê asu miamun, da rib nidzun nidzun ugu bungê asu garam bampan." 31 Da gubuê aru nigi angu da rib Farisai faingê iba da Yisu da ini da Arangan, “Watangin gamp arani rai da wafan, i Herot Antipas ini isa agu funub." 32 Da Arangan ini nan mungaê, “Watip wafan da wani da iyam buman igi i dzi bungê adaru marapayam maisan da natip rinin gingêan nadaum da aruani da maiê aga. Da gubuê suda iruê da bits da dzi bungê antsup sib. 33 Da bitsintaê aruani da maiê da maiê mangan aga da dzi rubungê ayung afan i waêa Yerusalem, i anungê isangê Anutu profetan mampa gamp mangan; imaê, namamp namingê Yerusalem angu. 34 “O Yerusalem, Yerusalem, agu gamp aru isa profet ruas funub da tapuda tuas aru tanginda bada da agu ugu funub i tauf! Gubuê ampi bingan da dzi ni ufuma u narum rusam mpruêa bida tatariê rinan singuba narun rusan ruêa inutan da bitsintaê agam ibugin. 35 Da aruani da watsangan, agam gampam imingê da agam. Dzi nani da agam, agam wasangê tipa tsanganda dzi, nasangê agam nidan, ‘Anutu ifinti aru badan suda Nifutsarif maran ani.’"