Lukas 2

1 Gubuê wasaê aru Yowanis rinan apingêa sib igi da King tsiraê Kaisar Augustus itangin nan i kakara garam sib angu mpada gamp santan Rom mpada tayangê gin binganggan. 2 Gum akara garam bingan igi iwaê isu miamun da gubuê Kwirinius suda kiap tsiraê i intap Siria. 3 Da garam sib angu ifa gampan wain ruga rugan i rima bingan. 4 Ibinigi da Yosef irut Maria, sagat ragada rutin ugu, itangin gamp Nasaret mingêa Galili rai da ifa Yudia, i akara bingan. Da iwaê Betlehem, Tafit gampan, i wainggan Yosef imingê Tafit utupan gin. Da gubuê arigi sagat rumpa marabampap. 6 Bawaêa nigi sib da sagat gubuê gan apingêan ibawaê. 7 Da yapingê narun marub miamun, da ipatiê i bruê da isintungê iruê ibang. I ungar ampi gingêa gin wasaê utaê mangan ruwamingê u. 8 Mingêa gamp igi, da garam mpada tayangê dumpa impa tayangê gan dumpa gan imingê puatsi manaê da idziang. 9 Nifutsarif angira gan iwaê rutin, da Nifutsarif nanggan puatsadan yari wasi gin, da ribarangan irunt fafun da irat tsiraê angu i nam igi. 10 Da bitsintaê angira ini rutin, “Watangin ratan. Waringantin! Dzi yu sisingê bini iba da agam i rima nugun tsiaêan tsiraê da garam santan. 11 I gubuê aruani da agam garamam rima sib rinan yapingê imingê Tafit gampan. Arangan Nifutsarif Kristus, Garam Anutu Ragadan. 12 Agam fawaêan da bungê atsangan i nam santingêan bida ani: mamaê mitan patiêa sib i bruê igingê iruê ibang." 13 Sung angu da angira utup tsiraê iwaê impruê da angira igi, da nifun itsaf Anutu ibiani: 14 “Nan tsarifan nafan da Anutu mpada wagungê, da nan nufan namingê intap narut garam Anutu maran aridagin." 15 Angira itangin ribarangan rai da itip ifa gunungun, da garam mpada tayangê dumpa ini da ruan, “Ariê, agi fada Betlehem da tsanganda nam Nifutsarif santingêa agi gin ani." 16 Ifa sung angu da iwaê da Maria da Yosef da itsangan mamaê narun gingêa ruêa ibang. 17 Tuasarangan itsangan sib, da ifis i nan i mamaê narun angira nida rutin ugu wasi. 18 Da garam santan aru ringanta i nan igi irunt fafun gin da igara bangin i garam mpada tayangê dumpa nanggan fisagin. 19 Da Maria maran ifur nam sib angu waêan igi da itip imingê i gan wangunggan. 20 Garam mpada tayangê dumpa itip ifan da nifun itsaf da itsarif Anutu i nam sib angu ribarangan ringantagin mingêa angira gin da tsangandan mingêa Betlehem ugu iwaê isangê angira nidan. 21 Mamaê narun igi gubuê gan iwaê 8 da isaf i rinin da ifaringê i binganggan Yisu, bingan angira nida mungê da rinan rumpada sasaê ugu. 22 Gubuê nam paêa ruan ntsupa sib , da Maria irut Yosef iyu Yisu da ifa Yerusalem i rima dangki ngarumum narufaê ma ngasabusir iruêrun atsungêa Moses nanggan faidagin i nanga runggan sapan. Da irim Yisu isu Nifutsarif nanggan mararam, isangê Nifutsarif nanggan faidagin nidan bida ani, “Watangin mamaê marub miamun sib angu nafan da Nifutsarif." 25 Da gubuê arigi, garam rururungan atsungêa sanab mararam mangan, binganggan Simion, impa Yerusalem. Da Anutu Marapayaman Mararam isisungê arangan da impa irim maran i Anutu gubuê gan rima gan garaman Israil sib. 26 Anutu Marapayaman Mararam ini rutin mungê i anungê isangê mampan da bungê ampai marataê raiyi nasangê tsanganda Nifutsarif Garaman ragadan. 27 Da gubuê arigi da Marapayam yusu Simion ifa Ungar Mararam. Da mpada nigi, da itsangan Maria da Yosef uda mamaê narun Yisu badan i nanga nam i Arangan atsungêa sanab nan faidagin nidan. 28 Da Simion yapingê Yisu sinungê Maria da nifun itsarif Anutu ini binaê: 29 “Nifutsarif nampang wain, u nanggam ragadan ibasu nidzun, da watangin dzi, u garam pumuêan gam, nafan ruta nan nufan bini. 30 I dzi maranggangê itsangan u nanggam rima aga sib 31 aru u tipa mungê i garam sib angu tsangandan. 32 Da Arangan bungê asu nam puatsadan nadumpu wasi i garam mamida mingêa wasaê i utup Yuda da nasu nan tsarifan nafan da u garamam Israil." 33 Da Yisu ramanggan da rinanggan maran ifur nan ampi bingan i Simion nanggan nidan i mamaê narun igi. 34 Da Simion ifinti ribarangan sib da ini da rinan Maria ibiani, “Mamaê narun ani bungê anang da garam Israil ampi bingan bungê arururuaê da bungê araê i ampi bingan. Da Arangan bungê asu nam santingêa Anutu uwayantan bini, da bitsintaê garam ampi bingan bungê arim barun rutin. 35 Da ibinigi bungê asu nam kupisa garam wangunggan ratar wasi. Da agu wangunggam barabindan bungê abi singan bararang ntanga u nugunggam." 36 Da Ana, Fanuel narun finam imingê utup Aser an, arangan sagat profet mangan uda Anutu nanggan da nida wasi. Gubuê suda gabun da irut impai isangê udzuf 7 angu da gabun imamp. Arangan isu sagat fufi sib. 37 Da isu sagat yaruf isangê udzufan 84. Da watangin Ungar Mararam rai u. Arangan imingê ruta nanggan paêa ruan i nam gadan da uda Anutu gin da gubuê da idziang. 38 Da Simion ntsupa nanggan nidan sib, da Ana iwaê ba da irim dangki da Anutu da ini nan iyab i mamaê narun ifan da garam santan mpada fangêa i garam idzuwai barima Israil sib. 39 Yosef irut Maria inang nam santan isangê Nifutsarif nanggan faidagin sib da itip ifa gan gampan wain Nasaret mingêa Galili. 40 Da mamaê narun igi iyingê ruta riniurun da mararuru, da Anutu maraampi gan ibuafir Arangan. 41 Da Yisu ramanggan da rinanggan iti ifa Yerusalem da udzuf santan i gubuê mararam faringêa bida Angira Atupa Sib. 42 Da Yisu udzufan waêa 12, da Arangan irut ramanggan da rinanggan iyab Yerusalem i gubuê tsiraê igi, yatsungê gan tafan rusan sanaban. 43 Da gubuê mararam igi gubuê gan ntsupan, da ramanggan da rinanggan itip iyung ifa gan gampan, da bitsintaê anungê isruê i Yisu rumpada Yerusalem u. 44 Maran ifur Arangan yunga wasaê i ribarangan utupan, da iyung isangê gubuê bits raiyi da isau Arangan imingê wasaê i gan utupan. 45 Imami waêan da Arangan da itip ifa Yerusalem i sauda Arangan. 46 Da gubuê suda iruê da bits da iwaê da Arangan imingê Ungar Mararam, impa impruê da nan gudzun ruas, iringant i ribigi nanggan nidan da igut i ribigi i nan fain. 47 Rib santan ringanta i Arangan nanggan nidan da igara bangin i Arangan uwayantan da nanggan mungaê nidan. 48 Arangan ramanggan da rinanggan tsanganda Arangan da irunt fafun. Da rinanggan ini da Arangan, “Narungê, ibianungê da u nang ibiani da agai? Dzi da u ramanggam isau agu ruta nan maran furan ampi bingan." 49 Da Yisu ini da ribarangan, “Ibianungê da agam isau dzi? Agam madasruê gin dabi dzi mpa ramanggangê ungaran?" 50 Da bitsintaê ribarangan anungê idzidziwan i nan Arangan nida rutin igi wainggan u. 51 Da Arangan irut ramanggan da rinanggan iruê Nasaret, da yatangê warangê i raman da rinan nanggan santan. Da rinan maran ifur da itip nam igi sib angu imingê i wangunggan. 52 Arangan iyingê tsiraê ruta mararuru, da Anutu da garam maran yari gin da itsarif Arangan.