1 Korin 15
PNG1 Wandafɨ mamɨ, haponda ro sɨheimbo aboedɨ hoafɨ masahandürɨ ra asükainda hohoanɨmo botɨndɨhendürɨ samboanahɨ. Aboedɨ hoafɨ ra se sahümündi hehimboyei asu se ranɨfihɨ Ågɨnɨndɨ manɨboadei ranahamboanahɨ. 2 Aboedɨ hoafɨ sɨheimbo ro bokarɨmarɨ-heheandürɨ ranahambo Ågɨnɨndɨ kɨkɨhɨrɨhümündi anɨboadei hei ana, ranambo se aboedambo-ndahimboyei. Åga refekoate-ndeianɨ ana, Ågɨrɨ fandɨhendürɨ. 3 Ro hoafɨ hɨmborɨya heheambo masahamɨndɨhɨ ra sɨheimbo masahandürɨ ra ai aboedɨ adükarɨ moatükunɨ hamɨnd-ane: Krais ai sɨhefɨ moaruwai hohoanɨmo ra raguanambo-fembo-hündamboyu yɨfɨmayu, sapo Godɨndɨ hoafɨ yare hoafɨmayo süÅgu. 4 Ahambo hoÅguambe sɨhehorane, asu ranambe Ågɨmɨ nɨmbɨyu mbura asükaiyu botɨmefiyu, Godɨndɨ hoafɨ yare hoafɨmayo süÅgu. 5 Ranɨyu asu ai Pitambo-so boatei tüküfi mburamboyu asu süÅgunambo ahandɨ 12 süÅgururü-rundeimbɨmbo-so tükümefiyu. 6 Ranɨyu asükaiyu ahandɨ wandafɨ mamɨ 500 Ågasündeandeimbɨ nindou ranaheimbo-so tükümefiyu. Nindou ra afɨndɨ ana anɨmboei, Åga asu bɨdɨfɨrɨ ana yɨfɨsafɨmayei. 7 Ranɨyu ai Semsɨmbo-so tüküfi mburamboyu asu süÅgunambo ahandɨ hoafɨ sowandümo homo-rundeimbɨ-memo muÅguambo ahamumbo-so tükümefiyu. 8 Ranɨyu asu süÅgunambo hondü wambo-so amboa tükümefiyu. Asu ro furambe saÅgorambo hapoadümboyaha wakemɨndɨ-ndɨrɨmbo nahurai-anahɨ. 9 Kraisɨndɨ hoafɨ sowandümo homo-rundeimbɨ-yomondɨ mbusümo ra akɨdou saf-anahɨ. Wambo ana Kraisɨndɨ hoafɨ semündü hu-randeimbɨ mbɨsei dükandɨhi-ndɨrɨmboyei sapo ro Godɨndɨ nendɨ ranaheimbo moaruwaimbo-marɨhearü hahɨ ranɨmbohünda. 10 Åga God ai wambo moanɨ hɨpoambo-mareandɨra ranɨmboanahɨ haponda ro Kraisɨndɨ hoafɨ sahamɨndɨ ha-rɨhandeimbayahɨ. Åga asu ahandɨ moanɨ hɨpoambofe hohoanɨmo ranai moai moanɨmbofeyo, Åga wanɨ. Kraisɨndɨ hoafɨ sowandümo homo-rundeimbɨ bɨdɨfɨrɨ ai muÅgu moai ro ratüpurayahɨ nou yaru tɨÅɨrɨfoyomo. Åga roana, wand-amboanɨ moai ratüpurɨya rɨhandɨ. Åga Godɨndɨ moanɨ hɨpoambofe hohoanɨmo wandɨ fiambe amarondɨrɨ ranane farɨhendɨra ro rawarɨheandɨ. 11 Ranane hoafɨ ra ro hoafɨyahembü hündɨyo asu ai hoafɨyomondeimbɨ hündɨyo ra sapo mamɨ ranɨ hoafɨ ranɨyo bokarɨ-marɨhehundɨ ranahambo se anɨhondümbo-marɨhindɨ. 12 Krais ai yɨfɨmayua asu God ai hoÅguambeahɨndɨ botɨmarirɨ hoafɨ ra ro afɨndɨmbo hoafɨyefɨ marɨhundɨ. Åga asu nɨmboe nindou bɨdɨfɨrɨ sɨhei mbusümo anɨmboei ranai hoafɨyeihɨya, “Nindou yɨfɨyoweimbɨ-hündɨ ana, Ågɨrɨ asükaindo botɨndɨfeyo,” maseia? 13 Ranɨ hoafɨ ra anɨhondümbayo-mbonana, God ai moai Kraisɨmbo hoÅguambeahɨndɨ botɨrirɨ. 14 Asu Krais ai yɨfɨhündɨ botɨfekoate-mbeimbonana asu ro Ågɨrɨ nɨnɨmbo hoafɨyefɨ rɨhunda asu se Ågɨrɨ nɨnɨ-moatükunɨmbo anɨhondümbo-rɨhindɨ. 15 Rambefe-mbonanasɨ, asu ro Godɨmbo tɨkai hoafɨyefɨ-rɨhundeimbɨ nindou tükümbayahu. Sapo ro ahambo anɨhondümbo hoafɨyefühɨ sefɨya, “God ai Kraisɨmbo botɨmarirɨ,” asefɨ. Nindou yɨfɨhündɨ botɨfekoate-mbembonana, God ai Ågɨrɨ Kraisɨmbo yɨfɨhündɨ botɨrirɨ. 16 Åga God ai nindou yɨfɨyeimbɨhündɨ ranaheimbo botɨfendürɨra koatembei-mbonana, asu Krais ai-amboanɨ yɨfɨhündɨ botɨmbefipoanɨ. 17 Åga asu God ai Kraisɨmbo yɨfɨhündɨ botɨfikoateyu-mbonana, asu sɨhei anɨhondümbofe ranai sɨheimbo mbafarɨ-hendürɨpoanɨ. Åga seana sɨhei moaruwai hohoanɨmo ranaianɨmbo kɨkɨhɨndamɨndɨndürɨ nɨÅgomboe. 18 Asu anɨhondümbo rambefembonana, nindou dɨdɨyei Kraisɨmbo anɨhondümbo-rɨhorɨ mburɨhü yɨfɨmayei ranai-amboanɨ moaruwaimboyahi. 19 Sɨhɨrɨ ana Kraisɨmboanefɨ anɨhondümbo-rɨhurühɨ hɨmboayahundo. Åga asu Krais ai sɨhefɨmbo ndanɨsɨmboanɨ yaÅgɨrɨ fehefemunɨmbo hɨmbombayefɨ-mbonana, asu nindou bɨdɨfɨrɨ sɨhefɨmbo hɨpoanɨmboembou-anei sahümunɨ. 20 Hohoanɨmo ra yahuraiyopoanɨ, Åga wanɨ. Åga anɨhondüyo Krais ai yɨfɨyu mbura hoÅguambeahɨndɨ God ai botɨmarirɨ. Nümbürambeahɨndɨ horombonambo sesɨmbo moatükunɨ boatei nafaramɨndo nahuraiyo God ai Kraisɨmbo boatei yɨfɨyeimbɨ nindou ai yaÅgɨrɨ botɨfekoate-yeiambe ahambo botɨmarirɨ. 21 Nindou mamɨ ahandɨ süÅgu yɨfɨmbo hohoanɨmo tükümefeyo asu nindou mamɨ ai-amboanɨ ahandɨ süÅgu yaÅgɨrɨ botɨfembo hohoanɨmo tükümefeyo. 22 Sapo nindou muÅgu ai ra Adamɨndɨ sɨrɨhünd-anei yɨfɨmayu süÅgu yɨfɨyei arɨhündɨ. Åga nindou muÅguambo Kraisɨndɨ sɨrɨhünd-anei botɨmefiyu süÅgu botɨyahi arɨhündɨ. 23 Åga muÅguambo nindou mamamɨ ahei botɨfeambe botɨndahumboyefɨ. Krais ai boateimayu asu ai asükaindu kudüwan-anɨmbo asu nindou ahandɨ sɨrɨmayei ra muÅgu botɨndahimboyei. 24 Ranɨ-sɨmboan-anɨmbo muÅgu-moatükunɨ muÅgumboayo si ranai tükündɨfemboe. Rananɨmbo asu Krais ai sanendɨ, ananɨ, kabomo ra hɨfandɨ-rundeimbɨ, muÅguambo ratüpurɨ bogorɨmboyafu-ndeimbɨ, asu muÅguambo Ågɨnɨndɨ hɨfandu-ndeimbɨ ranahamumbo hɨfɨnambo-ndeapurɨmbui. Rananɨmbo asu ai Ågɨnɨndɨ hɨfandarandɨ ra Ape Godɨndɨ warɨwamɨ hɨnɨÅgɨndeambui. 25 Awi ranambe ana Krais ai bogorɨmbondüfi nüÅgu Ågumbo anɨmbo, asu God ai moaruwai nendɨ ranaheimbo hɨfɨnambo-ndeandürɨ haya Kraisɨndɨ yirümbo hoarehɨ hɨnɨÅgɨndearümbui. 26 Amurɨ hürütümbɨ ranaheimbo hɨfɨnambo-ndeandürɨ Ågu-Ågumbo anɨmbo, asu süÅgunambo hondü-anɨmbo yɨfɨ ranahambo amboanɨ hɨfɨnambo-ndeambui. 27 Godɨndɨ hoafɨ yare hoafɨyowohü yahoya, “God ai muÅgu-moatükunɨ ahandɨ hoarehɨ hɨnɨÅgɨmareandɨ,” meho. Åga God ai muÅguambo moatükunɨ ranambeyupoanɨ. Ranɨmbo-anɨmbo sɨhɨrɨ fɨfɨrɨndɨ-humboane, God ai muÅgu-moatükunɨ ra Kraisɨndɨ hoarehɨ hɨnɨÅgɨmareand-anesɨ, Åga asu ai moai ahandɨ hoarehɨ nüÅgu, Åga wanɨ. 28 Åga muÅgu-moatükunɨ ra Kraisɨndɨ hoarehɨ yaÅgɨrɨndoan-anɨmbo, asu Godɨndɨ Nɨmorɨ ranai sapo Afɨndɨ ai muÅgu-moatükunɨ ahandɨ hoarehɨ hɨnɨÅgɨmareandɨ ranɨ-hoarehɨndümbui. Rananɨmbo asu God ai ahandɨhoarɨ muÅgu-moatükunɨ aho ranahambo bogorɨ hondündümbui. 29 Åga asu yɨfɨyeimbɨ ai botɨfekoate-ayei ana, asu nindou bɨdɨfɨrɨ aheimbohünda hɨmonɨ hundürɨyei arɨhündɨ ranai nüÅgurɨhi-ndühɨyeia? Asu yɨfɨyeimbɨ ai botɨfekoate-ayei ana, asu nɨmboe nindou bɨdɨfɨrɨ ai aheimbo fehefe-dürɨmbohünda hɨmonɨ hundürɨyei arɨhünda? 30 Asu yɨhoefɨmbo amboa. Ro Krasɨndɨ ratüpurɨ ratüpurɨmayefɨ asu nindou bɨdɨfɨrɨ ai muÅguambo si aho ra moaruwaimbo-rɨhimunɨ hei arɨhündɨ. Asu yɨfɨyeimbɨ nendɨ ranai asükaiyo botɨfekoatembo-ayei ana, asu ro nɨmboe moanɨ ndarɨhu anɨmboefa? 31 Wandafɨ mamɨ, muÅguambo si aho ra ro yɨfɨmbo nahuraiya arɨhandɨ. Ra anɨhond-ane. Se muÅguambo Sisas Krais-babɨdɨ anɨboadei ranɨmboanahɨ ro sɨheimbo hɨhɨfɨ-hɨhɨfɨyahühɨ weindahɨ rarɨhe hoafehandürɨ. 32 Efesus Ågoafɨhü ro nɨmambeahɨndɨ nɨnɨhondɨ-babɨdɨ nahurai yifiarɨmayahɨ. Ranɨmbo-hündambo nindouyafe hohoanɨmo süÅgu ro nɨnɨ-moatükunɨ aboedɨ mandahamɨndɨha? Åga asu yɨfɨyeimbɨhündɨ nindou ranai asükaindei Ågɨrɨ botɨndahindɨ hoafɨ ra anɨhondayo ana, ambesɨ, Åga sɨhɨrɨ moanɨ, “Sesɨ dagudifɨ, hoe ndɨmɨndefɨ raraondɨhu Ågefɨmboane. Åga sümbu ana awi sɨhɨrɨ yɨfɨndemboyefɨ,” hoafɨ mamɨ hoafɨmayo süÅgu. 33 Se tɨkai hoafɨ anɨhondümbo-ndɨhimboyei. Sɨhɨrɨ sɨhefɨ wandafɨ moaruwai-mayei ranɨ-babɨdɨ ahahabodefɨ ana, asu ai sɨhefɨ hohoanɨmo aboedɨ ra moaruwaimbo-ndɨhimunɨmboyei. 34 Se wudɨpoapondɨhi hohoanɨmondeihɨ asu moaruwai hohoanɨmo ra rühüsafɨ hɨnɨÅgɨndɨhindɨ. Nindou bɨdɨfɨrɨ seana moai awi Godɨmbo fɨfɨrɨhorɨ. Ranahandambo se amoanɨÅgɨmbeyei-amboane. 35 Nindou bɨdɨfɨrɨ ai düdundahindühɨ anɨmboya, “Nindou yɨfɨhündɨ ra nüÅgundɨhi asükai botɨmandahinda? Fi ra asükaindo botɨndɨfeyowohü nüÅgu-nahurai fi ndemɨndɨ haya tükündɨfe manɨÅgoa?” mbɨseimboyei. 36 Ranana hɨhɨndɨ hoaf-ane? Se ra fɨfɨrowamboanafɨ nɨnɨ-moatükunɨ hoarɨ hɨfambe hɨfɨ kararowandɨ ranai yɨfɨkoate-nahuraiayo ana, asu ai Ågɨrɨ yaÅgɨrɨ aboedɨ tükündɨfeyo. 37 Se konɨyo asu nɨnɨ maÅgɨrɨyo hɨfarowandɨ ra moai emündü düdüdü kameihɨ hɨfɨrowandɨ, Åga hoarɨ yaÅgɨr-ane hɨfɨ kararowandɨ. 38 Ranana asu God ai hohoanɨmomayu süÅgu düdüdü emündü napo ra ranɨfihɨ papareandɨ. Ranai muÅgu nɨne-moatükunɨ mamamɨ hoarɨ ranaheimbo ranɨ-poanɨmbo ranɨ-poanɨmbo düdüdü, emündü ra sagadürɨ arandɨ. 39 MuÅgu-moatükunɨ yaÅgɨrɨ nɨÅgo haya hoahoaÅgo-randeimbɨ ranahei fisafɨ ana mamɨ sɨmogodɨ yaÅgɨrɨyopoanɨ, Åga wanɨ. Nindou ai Ågorü-poanɨmbo fisaf-ane, nɨnɨhondɨ ai Ågorü-poanɨmbo fisaf-ane, ndu napo ai Ågorü-poanɨmboane. Asu kinɨ ai Ågorü-poanɨmboane. 40 Sünambeahɨndɨ moatükunɨ fi-poanɨmboane, asu hɨfɨ ndanɨhündambo fi-poanɨmboane. Åga asu sünambeahɨndɨ moatükunɨ ranai Ågorü-poanɨmbo fiyomboane, asu hɨfɨ ndanɨhündambo moatükunɨ ranai Ågorü-poanɨmbo fiyomboane. 41 Hüfɨhamɨndɨ ai-amboanɨ ahandɨ ranɨ-poanɨmbo fi anandɨ. Amoamo ai-amboanɨ ahandɨ ranɨ-poanɨmbo fi anandɨ. Asu mupui amboanɨ ranɨ-poanɨmbo fi anandɨ, Åga asu muÅguambo mupui ra bɨdɨfɨrɨ ai Ågorü-poanɨmbo fiyo asu bɨdɨfɨrɨ ai Ågorü-poanɨmbo fiyo ra hoaÅgomboane. 42 Moanɨ yahurai-anɨmbo nindou yɨfɨyeimbɨhündɨ asükaindei botɨndahinda tükündɨfemboe. Fi ra asamboefeyo rananɨmbo ai sümboyo-randeimb-ane. Åga asu fi ranai yaÅgɨrambofe tükefeyo ranai ana sümbokoateyo-randeimb-ane. 43 Fi asamboefeyo ranana wosɨhoaforɨ hɨmboyowohü hoafendɨyowohane. Åga asu fi yaÅgɨrɨ botefeyo ranana moanɨ aboedɨ hɨmboyowohü Ågɨnɨndɨ tüküfeihane. 44 Fi asamboefeyo ranana hɨfɨ ndanɨhündambo fi yaÅgɨr-ane. Åga asu fi botefeyo ranana sünambeahɨndɨ fi-ane. Hɨfɨ ndanɨhündambo fi-poanɨmboane, asu sünambeahɨndɨ fi-poanɨmboane rehayamboane anɨÅgo. 45 Sapo Godɨndɨ hoafɨ yare hoafɨyowohü yahoya, ‘WeaÅgurühɨdɨdɨ nindou, ahandɨ ndürɨ Adam ana, nindou yaÅgɨrɨ nɨÅgombo tükümefiyu,’ meho. Åga asu Ågorü Adam, Krais, aiana yaÅgɨrɨ nɨÅgombo yifiafɨ saimboyu tükümefiyu. 46 Yifiafɨ hoearambe fi ranai moai raboatei tüküfeyo, Åga wanɨ. Åga hɨfɨ ndanɨhündambo fi ranɨboatei tüküfeyoane, asu süÅgunambo yifiafɨ fi ranai tükümefeyo. 47 WeaÅgurühɨdɨdɨ Adam aiana hɨfɨhündɨyu tükümefiyu. Åga asu süÅgudɨdɨ Adam ana sünambeahɨndɨ tükümefiyu-ani. 48 Hɨfɨ ndanɨhündambo nindou ana sapo nindou hɨfɨnambo nafɨyumbɨhündɨ-mayu nahurai-anei. Åga asu nindou sünambeahɨndɨ aiana sapo nindou sünambeahɨndɨ tükümefiyu nahurai-anei. 49 Hapondanɨ ana sɨhɨrɨ nindou hɨfɨnambo nafɨyumbɨ-mayu ranahandɨ fi-hoearɨ-yefomboanefɨ, Åga mare yahurai-anɨmbo sɨhɨrɨ nindou sünambeahɨndɨ tükümefiyu rahurai fi-hoearɨ-ndemboyefɨ. 50 Wandafɨ mamɨ, hoafɨ nda ndahurai-mayowamboanahɨ hoafehandürɨ. Nindou hɨfɨ ndanɨhündambo safɨ horɨ ranɨ-finambo tüküfimbɨ nindou ranai ana Ågɨrɨ God Ågɨnɨndɨ hɨfandarandɨ ranambe Ågu. Asu nɨne-moatükunɨ sümboyo-randeimbɨ ra asu Ågɨrɨ nɨne-moatükunɨ sümbokoateyo-randeimbɨ ra ndemündu. 51 Dɨbo hoafɨ meÅgoro nda hɨmborɨndei, nindou muÅguambo sɨhɨrɨ Ågɨrɨ yɨfɨndefɨ. Åga muÅguambo sɨhɨrɨ Ågorü-süÅgundahundühɨ anɨmbo ranɨ-poanɨmbo findefɨ hohu tükündahumboyefɨ. Nɨmehünou, hɨmboarɨ dɨkɨrɨhu afarɨhumɨndefɨ nou bɨdɨfɨranambo fufuÅɨ ai hoafɨndoanɨ sɨmborɨ tükündahumboyefɨ. Sünambeahɨndɨ fufuÅɨ ranai hoafɨndoanɨ anɨmbo nindou yɨfɨyeimbɨhündɨ ranai asükaindei botɨndahimboyei, asu muÅguambo sɨhɨrɨ moanɨ ranɨ-poanɨmbo tükündahumboyefɨ. 53 Sümboyo-randeimbɨ fi ranana Ågorü-poanɨmbo findo haya sümboyokoate-randeimbɨ tükümbɨfeyo-wamboane. Åga asu yɨfɨyo-randeimbɨ fi rananɨmbo Ågorü-poanɨmbo findo haya yɨfɨyo-rakoate tükümbɨfeyo-wamboane. 54 Rananɨmbo sümboyo-randeimbɨ fi ranai sümboyo-rakoate findoanɨ, asu yɨfɨyo-randeimbɨ fi ranai yɨfɨyo-rakoate findoan-anɨmbo, asu Baiborambeahɨndɨ hoafɨ ranai anɨhondü tükündɨfemboe. Ai yahoya, “Yɨfɨ ai awarɨhoeihü yaÅgɨrɨ koadürümbo nɨÅgombo ranai harɨhoai tükümefeyo!” meho. 55 “Yɨfɨ se, naha sɨhafɨ harɨhefembo Ågɨnɨnda? Yɨfɨ se, naha sɨhafɨ Ågɨnɨndɨ moaruwaimbofe ramboa?" 56 Moaruwai hohoanɨmo, ra yɨfɨndɨ moaruwaimbofe Ågɨnɨndɨ nɨmɨndühane. Ahɨnümbɨ hohoanɨmo ra nindou-yafe moaruwai hohoanɨmo nafuiyo arandɨ rananɨmbo asu nindou ai moaruwaimbo-ndahimboyei. 57 Sɨhefɨ Adükarɨ Sisas Kraisɨndɨ Ågɨnɨndɨnamboyu God ai sɨhefɨmbo ramareamuna yifiar-ambeahɨndɨ hamarɨhehundɨ. Åga ranɨmbo-hündambo-anɨmbo sɨhɨrɨ Godɨmbo hɨhɨfɨndɨhurɨmboane! 58 Wandafɨ mamɨ, ranɨmboane se akɨdou-amboanɨ bübürɨndeimboyei, Åga se moanɨ Ågɨnɨndɨ hamɨndɨ nɨboadei. Se muÅguambo si ahora Adükarɨndɨ ratüpurɨ tɨÅɨrɨfondei ndühündɨ, nɨmboe sapo ndanɨ-moatükunɨ nda se fɨfɨrɨhindɨ. Se Adükarɨmbo ratüpurayei ra Ågɨrɨ moanɨmbondɨfeyo.