1 Korin 16

1 Hapondanɨ kakɨ Godɨndɨ nendɨ Sudia hɨfɨhü amarei ranaheimbo fehefe-ndürɨmbohünda gugurɨfembo hoafɨnda samboanahɨ. Kraisɨndɨ nendɨ Garesia hɨfɨhü amarei aheimbo hoafɨmayahɨ nou se-amboanɨ rasüÅgundɨhindɨ. 2 MuÅguambo Sande aho rananɨmbo nindou muÅguambo mamamɨ se kakɨ masahümündi ranahandɨ saimbo sɨhei worambe bɨdɨfɨrɨ dɨgehindɨ. Rananɨmbo süÅgunambo ro tükündaheandanɨ, aheimbo kakɨ gugurɨfe segudürɨmbo ra se Ågɨrɨ afurɨ kokopondühündɨ. 3 Ranɨhü ro tükündaheandüh-anɨmbo nindou se dɨbonɨmehüpurɨ ranai sɨhei-mayo kakɨ gugurɨmarɨhindɨ ra sowandümo houmbo koandɨheheapura wandɨ-mayo ahamundɨ fimbo pas kameihɨ Serusarem Ågoafɨnambo mbɨhanɨmo-ndamboane. 4 Åga asu ro-amboa hohoanɨmo-yahanɨwanɨ ahanɨhɨ ana, nindou ranɨmemo ranai ro-dɨbo mbɨkosomo-ndamboane. 5 Awi ro Masedonia hɨfɨ mbusümo nafɨndahe hehea sɨheimbo sowahɨ tükündaheamboyahɨ, Åga ro Masedonia hɨfɨnafɨ homboanahɨ hohoanɨmoayahɨ. 6 Awi ro moai fɨfɨrɨheandɨ, Åga se-babɨdɨ akɨdou nɨmboahanɨ Ågɨsɨharɨ tükefeyo ra aboedɨndoanɨ maÅgahɨyo, nüÅgumandahe. Se-babɨdɨ nɨmboa mbundɨha asu ro nɨnɨ-nafɨyo hombo hohoanɨmoarandɨrɨ rananɨmbo se wambo nafɨ hombo mbɨfarɨhehindɨr-amboane. 7 Roana se-babɨdɨmbo akɨdou yaÅgɨrɨ nɨmarɨmbo ana moeisahɨ. Åga awi roana se-babɨdɨ gedühɨ nɨÅgomboanahɨ hohoanɨmoayahɨ, Adükarɨ ai rawoyafo ehu ana. 8 Åga awi roana, Efesus Ågoafɨhü ndanɨhü nɨmandɨhanɨ Suda-yafe adükarɨ si Pendikos ra tükündɨfeyoan-anɨmbo ndamboyahɨ. 9 Nɨmboe sapo God ai nɨmorehɨ nindowenihɨ afɨndɨ aheimbo ahandɨ nindoumbofe tüküfembohünda wambo fondɨ masendɨmbo wambo. Åga asu nindou afɨndɨ ai wambo ndanɨhü hürütarɨhündɨrɨ. 10 Åga asu Timoti ai rühɨ sɨhei nafɨndüfiyuanɨ wanɨ, se ndahorɨmɨndei worɨnɨndɨhoran-anɨmbo ai se-babɨdɨ aboedɨ yɨhɨmbokoate mbɨnüÅguwamboane. Åga ai-amboanɨ mare ro raweheandɨ nou Adükarɨndɨ ratüpurɨyu-randeimb-ani. 11 Åga asu nindou Ågorü ai ahambo yowanɨ moanɨndɨ nindou-ani mbüsümbui. Åga se ahambo moanɨ aboedɨ fandɨhehoranɨ Ågusüfoambe afure küre haya mbüsünüwamboane. Åga ai wandafɨ mamɨ bɨdɨfɨrɨ babɨdɨmbo mbɨsɨnɨmonda sahehea hɨmboyaha-purühanahɨ. 12 Haponda wandafɨ Aporosɨndɨ hoaf-ane sɨheimbo hoafayahɨ nda: Ro ahambo wandafɨ mamɨ bɨdɨfɨrɨ-babɨdɨ sɨheimbo sünɨ hoeimbɨreandürɨ sahehea hoafɨya-handowohanahɨ. Åga ai hombo moei yahumboani, awi hapondanambe ana. Åga awi ai nɨnɨsɨmboanɨyo hombo nafɨ eÅgoro ana, ai Ågumbui. 13 Se hɨbadɨhündühɨ anɨhondümbofe hohoanɨmo Ågɨnɨndɨ kɨkɨhɨndühümündi nɨmboei. Se yɨhɨmbokoate moanɨ Ågɨnɨndɨ nɨmboei. 14 Se ratüpurɨndeihɨ ra sɨhei Ågusüfo pefe hohoanɨmo ranambo yaÅgɨr-anɨmbo ratüpurɨndei Ågei. 15 Wandafɨ mamɨ, sapo se Stefanas asu ahandɨ worambeahɨndɨ-yei hoafɨ ra fɨfɨrɨhindɨ. Sapo ai boateiyei Akaia hɨfɨhü Kraisɨmbo anɨhondümbo-rɨhindeimbɨ tükümehind. Ai Godɨndɨ nendɨ ranaheimbo fehefendürɨmbo ratüpurɨ ra refembo afɨndɨ hohoanɨmoyei arɨhündɨ. Wandafɨ mamɨ, ro haponda sɨheimbo hüti-hoafayahandürɨ se-amboanɨ yahurai nindou-yomondɨ hoarehɨ nɨmboei. Asu nindou düdi ai-babɨdɨ farɨhoundürɨhɨ houmbo ratüpurɨyomo arundɨ amboanɨ kameihɨ. 17 Stefanas, Fortunatus asu Akaikus ai sɨhei fondɨhümbo sapo se ndanɨhü sɨfokoate-mayei ranɨmbo asu ai wambo sowana masɨfomo-ndamboanahɨ hɨhɨfɨ-hɨhɨfayahɨ. 18 Aiyomo wambo wandɨ Ågusüfoambe ndoru kümarundɨrɨ sapo sɨheimbo ramarundürɨ nou. Nindou yahuraimbo-anɨmbo nindou aboed-anemo mbɨsefɨ hohoanɨmo-ndefomboane. 19 Esia hɨfambe Kraisɨndɨ nendɨ amarei ranai sɨheimbo hɨhɨfarɨhündürɨ. Akwira, Prisira-anafe, asu Kraisɨndɨ nendɨ ahafe worambe fandɨhi nɨmarei arɨhündɨ ranai-amboanɨ Adükarɨndɨ ndürɨnambo sɨheimbo hɨhɨfarɨhündürɨ. 20 Asu wandafɨ mamɨ muÅgu ndanɨhündambo amboanɨ sɨheimbo hɨhɨfarɨhündürɨ. Se Kristenɨ-yafe hohoanɨmo süÅgu sɨmborɨ wakɨkɨhürɨndei. 21 Ro Por-anahɨ wandɨ warɨnambo sɨheimbo hɨhɨfɨ hoafɨ nda sürü paparɨhandɨ. 22 Nindou düdi ai Adükarɨmbo aboedɨ hohoanɨmo-yondokoate-ayu ana, ai moaruwaimbo-mbɨfiyuwamboane. Adükarɨ, se mborai! 23 Adükarɨ Sisas ai ana sɨheimbo moanɨ hɨpoambo-mbɨreandür-amboane. 24 MuÅguambo se Sisas Krais-babɨdɨ anɨmboei sɨheimbo ro Ågusüfo pararɨheandürɨ.