Hibru 10
PNG1 Suda-yeimayo ahɨnümbɨ hohoanɨmo ranana sapo nɨne-moatükunɨ aboedɨ süÅgunambo tüküfemboayo ranahandɨ-mayo sɨsamɨ yifiafɨ nahurai-ane. Asu nindou ai ahɨnümbɨ hohoanɨmo süÅgurɨhi-rühündeimbɨ muÅguambo hɨmbanɨ aho ra ahei moaruwai hohoanɨmo ranahambo-hündambo Godɨmbo nɨnɨhondɨ hɨfokoarɨhi sɨhehi arɨhündɨ. Åga ranɨ hohoanɨmo Ågɨrɨ nindou Ape sowana hei arɨhündɨ ranaheimbo muÅguna aboedambo-ndeandürɨ. 2 Åga ahɨnümbɨ hohoanɨmo süÅgu nindou-yei moaruwai hohoanɨmo ranahambo raguanambo-reandüra ai aboedɨ sürühehindeimbɨ tükümbehi-mbonana, asu ai Ågɨrɨ moaruwai hohoanɨmo ranahambo hütiyefɨ sei hehi hei rɨhündɨ. Rambefe-mbonana, asu muÅguambo Godɨmbo nɨnɨhondɨ hɨfokoefe hohoanɨmo ra rühɨsafɨ hɨnɨÅgɨrɨhisɨ. 3 Åga asu Godɨmbo hɨfokoefe sɨhefe hohoanɨmo ra muÅguambo hɨmbanɨ yarɨhi pɨyei arɨhü hei ahei moaruwai hohoanɨmo ranahambo hohoanɨmo korɨfoefe-ndürɨmbohünda. 4 Åga burmakau hor-ane asu meme hor-ane ranɨ-moatükunɨ ranai ana awi Ågɨrɨ moaruwai hohoanɨmo ranahambo raguanambo-ndeandɨ. 5 Ranɨmbo-hünda Krais ai ndeara hɨfɨna kosɨmbo yahumbo ai Godɨmbo hoafɨyundühɨ yahuya, “God, seana sɨhambohünda nɨnɨhondɨ hɨfokoefe sɨhefe moatükunɨ ranɨmbo ana se moai yifirɨyafɨ, Åga se wandɨ fi-safɨ ranɨrandɨ refembohünda yaro masahawandɨ. 6 Seana nɨnɨhondɨ sɨhambohünda muÅguambo mandɨfeimb-ane, asu moaruwai hohoanɨmo raguanambo-fembohünda Ågorü-poanɨ sɨhambo sɨhefembo moatükunɨ ranɨmbo ana moai hɨhɨfɨ-hɨhɨfɨyafɨ randɨ. 7 Ranɨyahɨ asu ro yarɨhe hoafɨyahühɨya, ‘O God, yɨnɨyahɨ ro nda.’ Sapo sürü paru masɨhoemo buk ranambe wambohünda yare hoafɨmayo. Moanɨ sɨhafɨ hohoanɨmoayafɨ ranɨ-süÅgufembo-hünda ro ndeara kosamboanahɨ,” Buk Song 40:6-8 mehu. 8 WeaÅgurühɨ ai yare hoafɨyuhü yahuya, “Seana moai yifirɨyafɨ randɨ sɨhambohünda nɨnɨhondɨ hɨfokoefe sɨhefe asu mandɨfe arandɨ moaruwai hohoanɨmo raguanambofembo ranɨmbo ana,” mehu. Ahɨnümbɨ hohoanɨmo ra yaÅgorowanɨ ranɨ-süÅgumbo nɨnɨhondɨ Godɨmbo hɨfokoefe sɨhefe hohoanɨmo ra yarɨhi arɨhündɨ yahu Krais ai hoafɨmayu. 9 Asükai ai yare hoafɨyuhü yahuya, “O God, yinɨyahɨ ro nda. Ro sapo se hohoanɨmoayafɨ süÅgu yaÅgɨrɨ süÅgufihɨ refemboanahɨ ndanɨmboahɨ,” mehu. God ai muÅguambo wamɨndafɨ Godɨmbo sai-rambo moatükunɨ ra gɨgɨranambo-reandühani, asu Kraisɨndɨ fi Godɨmbo saimbo moatükunɨ ranahandɨ fondɨhü sɨmborɨ kɨkafoareandɨ. 10 Sapo Sisas Krais ai God ro hohoanɨmoayahɨ süÅgu yaÅgɨrɨ rambɨreandamboane mehu ranɨ-süÅgure haya asu ai moanɨ ahandɨ fi ra mamɨmbo yaÅgɨrɨ muÅguambo si aho ranɨmbo kameihɨ Godɨmbo masɨhendo. Rananɨmbo asu sɨhɨrɨ moaruwai hohoanɨmo ranambeahɨndɨ aboedɨ sürühehundeimbɨ anɨmboefɨ. 11 Suda-yomondɨ Godɨmbo sai-randeimbɨ bogorɨ mamamɨ ranai ahandɨ Godɨmbo nɨnɨhondɨ mandɨfe sɨhefembo ratüpurɨ ra muÅguambo si ratüpurɨyuhü moanɨ mamɨ ranɨ-moatükunɨ ratüpurɨ yaÅgɨrɨyu rarao ra hu marandɨ. Åga asu ranɨ-moatükunɨ ratüpurɨ ranai ana awi Ågɨrɨ moaruwai hohoanɨmo ranahambo raguanambo-ndeandɨ. 12 Åga asu Krais-ana moanɨ ai mamɨmbo yaÅgɨrɨyu yɨfɨyuhü ahandɨ fi ra Godɨmbo masɨhendo muÅguambo si moaruwai hohoanɨmo ra raguanambofembo-hünda. Ranani asu ai haponda Godɨndɨ warɨ hondü waranɨ amaru. 13 Ranɨhü ai Godɨmboya, ai wandɨ hürütümbɨ nindou ra wandɨ yirɨmbo hoarehɨ hɨnɨÅgɨmbɨreandɨ yahuhaya hɨfanda amaru. 14 Ai moanɨ mamɨmbo yaÅgɨrɨ yɨfɨyuhü Godɨmbo fi ahandɨ ra sɨhendühɨ asu ranɨnambo ai nindou ranaheimbo moaruwai hohoanɨmo ranambeahɨndɨ sürühendürɨ hɨnɨÅgɨ-mareandüra ai koadürümbo-koadürümbo ndorɨhehi anɨmboei. 15 Yifiafɨ Aboedɨ ranai-amboanɨ ranahambo anɨhond-ane meho. Åga ai Baibor-ambeahɨ weaÅgurühɨ hoafɨyowohü yahoya, 16 “Haponda awi süÅgunambo-anɨmbo Israer nindou-babɨdɨmbo, ndanɨ hoafɨ femɨndɨ sɨhefe ndandɨhe ndahurai-anɨmbo randɨheamboyahɨ,” Adükarɨ ra mehu. “Ro wandɨ-mayo hohoanɨmo ahei hohoanɨmoambe hɨnɨÅgɨndɨheandühɨ asu ahei Ågusüfofihɨ sürü papɨndɨhɨ hɨnɨÅgɨ-ndɨheamboyahɨ,” Jeremaia 31:33 mehu. 17 Ranɨyu ai nɨÅofi hoafɨyuhü yahuya, “Ro ahei moaruwai hohoanɨmomayei-ane asu moaruwai hamɨndɨ moatükunɨ hondü yarɨhi arɨhündɨ ranahambo amboawiyei mbɨsahɨ Ågɨrɨ gedambo hohoanɨmondahɨ,” Jeremaia 31:34 mehu. 18 Asu muÅgu ranɨ-moatükunɨ hohoanɨmo ranahambo amboawiyei ehu ana, asu moaruwai hohoanɨmo raguanambofembo Godɨmbo nɨnɨhondɨ hɨfokoefe sɨhefe hohoanɨmo ranai Ågɨrɨ asükaindo tükündɨfe ndandɨ. 19 Åga ranɨmbo-hündambo-anɨmbo wandafɨ mamɨ, awi Godɨmbo sɨhefe bogorɨ adükarɨ ai moanɨ Sürühoeimbɨ Hondü Fondɨ ranambe kefuai hu arandɨ nou sɨhɨrɨ amboanɨ moanɨ hɨmbokoate God nɨmaruambe Sisasɨndɨ horɨ süÅgumbo keboehu Ågemboyefɨ. 20 Sɨhɨrɨ ranambe keboehu Ågemboyefɨ sɨmborɨ nafɨ ranɨ-süÅgu. Sisas yɨfɨyuhüyu ai hoearɨ Godɨndɨ nafɨtambehü mapenɨÅgo ranɨ mbusümo nafɨ hɨfombo yaÅgɨrɨ nɨÅgoweimbɨ nafɨ ra sübüdɨmarɨhendɨ. 21 Ranɨmboane hapondanɨ ana sɨhɨrɨ Godɨmbo Sai-randeimbɨ Bogorɨ Adükarɨ Godɨndɨ worɨ sünambe ranambeahɨndɨ nindou hɨfanda-randeimbɨ bogorɨ anüÅgu. Ranai Sisas-ani. 22 Sapo aiyu ahandɨ horɨna sɨhefɨmbo moaruwai hohoanɨmo sɨhefɨ Ågusüfoambe ranahambo sɨhɨrɨ hüti-anefɨ yarɨhu arɨhundɨ sefɨ-rɨhundeimbɨ amaro ra popoai-marɨhemunɨ. Asu sürühoeyoweimbɨ hoenambo amboanɨ kameihɨ sɨhefɨ fi hundürümaramunɨ. Ranɨmbo-hündambo-anɨmbo sɨhefɨ Ågusüfoambe moaruwai tɨkai hohoanɨmo amaro ra raguanambondɨhu mbundɨhu asu sɨhɨrɨ moanɨ anɨhondümbofe hohoanɨmo ranɨ yaÅgɨrɨ ndahumündefɨ hohu God sowana akɨmɨ sühündahu Ågefɨmboane. 23 God ai aboedɨ moatükunɨ süÅgunambo sɨhefɨmbo saimunɨmboayu ranahambo horombo hoafɨmareandɨ. Ranɨmbo sɨhɨrɨ hoafɨyefɨ arɨhundɨ ranahambo awi Ågɨnɨndɨ nɨmboefɨmbo hɨmbondefɨmboane. Awi ahambo sɨhɨrɨ randeambui mbɨsefɨ anɨhondümbo-ndɨhumboane sapo God ai hoafɨyumbühündɨ ai randeambuimbo-hündambo wambo. 24 Awi sɨhɨrɨ mamamɨ wandafɨ mamɨ ranaheimbo hohoanɨmo-ndefɨmboane. Asu nindou ai sɨmborɨ fehefe asu Ågusüfo pefe hohoanɨmo ra ahei hohoanɨmoambe botɨndɨhumboane. 25 Awi sɨhɨrɨ ana wandafɨ mamɨ-babɨdɨ mamühɨ fandɨfe hohoanɨmo ra refe hɨnɨÅgɨfepoanɨ rühɨ sapo nindou amurɨ bɨdɨfɨrɨ raweahi arɨhündɨ nou, Åga wanɨ. Åga se hoeirɨhimboanei bɨdɨfɨranɨ si ra ndeara akɨmane. Åga ranɨmbo-hündambo-anɨmbo asu sɨhɨrɨ nindou bodɨmondɨ ranahei Ågusüfoambe hohoanɨmo Ågɨnemɨndɨ-ndürɨmbohünda tɨÅɨrɨfondefɨ Ågefɨmboane. 26 Asu sɨhɨrɨ Kraisɨndɨ-mayo anɨhondü hoafɨ ra fɨfɨrɨhu mburɨhu, moanɨ sɨhefɨ hohoanɨmonambo yaÅgɨrɨ hefühɨnda, ranɨnambo moaruwai hohoanɨmo ranɨ-süÅgu peahu ahefɨ ana, moai Ågorü-poanɨmbo hɨfokoefe Godɨmbo sɨhefeyoanɨ asu ranambo hohoanɨmo ra raguanambofembo yaÅgoromunɨ, Åga wanɨ. 27 Åga sapo Godɨndɨ yɨbobofemunɨmbo si tükündɨfeyowohü nindou Godɨndɨ hürütümbɨ ranaheimbo Ågɨnɨndɨ hamɨndɨ hai ranambo tɨkɨrɨndandürɨmboe ranahambo yɨhɨmboyefühɨ hɨmboayefɨ ranɨ yaÅgɨr-ane eÅgoro. 28 Nindou düdi ai ahɨnümbɨ hohoanɨmo Moses masendɨ ra hɨmborɨyowohü süÅgufekoate-ayu ana, nindou yimbuyafanɨ asu Ågɨmɨyomo ai ranɨ-moatükunɨ ra ai ramareandɨ sei hoafɨyeianɨ moanɨ amboawi yaho-koate hɨfokoarɨhi marɨhündɨ. 29 Asu nindou düdi ai Godɨndɨ Nɨmorɨmbo daboadɨ hɨhɨrarirɨ ana, se ranahambo nüÅgurɨhi hohoanɨmo-yeihɨyeia? Nindou ranai ana awi afɨndɨ tɨÅɨrɨfo saf-anɨmbo ndemündümbui. Kraisɨndɨ-mayo horɨ ranambo Godɨndɨ hoafɨ femɨndɨ sɨhefe ranahambo ndomarɨhendɨ. Horɨ mamɨ ranamboyo nindou ranahambo hohoanɨmoambe sürɨherɨ hɨnɨÅgɨmarer-anesɨ. Åga asu nindou ranai hoafɨ femɨndɨ sɨhefe horɨ-mayo ranahamboya, ranɨ-moatükunɨ ana moan-ane, Åga ndorɨhoeimbɨ moatükunɨ hamɨndɨyopoanɨ yahumbü nindou-ani. Ranani asu ai Yifiafɨ moanɨ hɨpoambore-randeimbɨ ranahambo moaruwai-moaruwai-mboareandɨ. 30 Sapo sɨhɨrɨ fɨfɨrɨhundɨ Adükarɨ ai yare hoafɨyuhü yahuya, “Nindou moaruwai hohoanɨmoyeianɨ ranɨ-süÅgumbo sɨmborɨ tɨÅɨrɨfo sai ana, wandɨ ratüpur-ane. Ro sɨmborɨ tɨÅɨrɨfo ndeheamboyahɨ,” Æo 32:35 mehu. Asükaiyu ai nɨÅofi Ågorü hoafɨyuhü yahuya, “Adükarɨ ai ahandɨhoar-anɨmbo ahandɨ nendɨ ra yɨbobondearümbui,” Æo 32:36 mehu. 31 YaÅgɨrɨ koadürümbo nüÅgumbü God ai nindou kɨkɨhemɨndɨmbo ra yɨhɨmbombü moatükun-ane. 32 Sapo ranɨ-moatükunɨ sɨheimbo-so horombombo tükümefeyondürɨ ranahambo se hohoanɨmondei! Godɨndɨ-mayo si aboedɨ sɨheimbo boakɨfoa-reandürambe ranɨ mbusümo maho ra sapo se tɨÅɨrɨfo afɨndɨ tükümefendüra awi tɨÅɨrɨfo ranambe hüti-hütimayei hei-ane. 33 Se ranɨ-sɨmboanɨ nɨmboei-ambe ana Ågoambo nindou bɨdɨfɨrɨ ai sɨheimbo nindou hɨmboahü moaruwai-moaruwaimbo-rɨhindürühɨ tɨÅɨrɨfombü hohoanɨmo masahündürɨ. Asu se Ågoambo nindou ai tɨÅɨrɨfo asahümündi ranɨ-babɨdɨmbo-yahindühɨ se ahei mbusümo nɨmboeimbo ai tɨÅɨrɨfoayei ra farɨhehi-ndürühanei. 34 Ranɨyei asu se nindou karabusambe nɨmboeimbo tɨÅɨrɨfoayei nou se-amboanɨ ai-babɨdɨmbo tɨÅɨrɨfomayei. Asu nindou bɨdɨfɨrɨ ai sɨhei napo ra Ågoambo fufurühümündi hündüranɨ asu se ranɨmbo hɨhɨfɨ-hɨhɨfɨyeihɨ aheimboya, ‘I ambɨrɨhündɨ ana,’ sei hehi warɨ hürühümündi-anɨ ai sahümündi marɨhündɨ. Se ranɨ-moatükunɨ ranahambo ramarɨhindɨ ra, sapo sɨhei aboedɨ moatükunɨ hondü koadürümbo-koadürümbo yaÅgoromboayo ra fɨfɨrɨhi hehimbo-wambo. 35 Ranɨmbo-hündambo awi se sɨhei Ågɨnɨndɨ hamɨndɨ anɨhondümbofe ho moatükunɨ-mayo ra warɨ-hündühümündimboyei, Åga yowanɨ. Åga nɨmboe ranɨ-moatükunɨ ranahambo takɨn-anɨmbo God ai aboedɨ adükarɨ moatükunɨ ro ndeheamboyahɨ mehu ra ai ndembui. 36 Ranɨmbo-hündambo-anɨmbo God ai nɨne-moatükunɨ saimbo horombo hoafɨmareandɨ ra semɨndɨmbohünda awi se moanɨ sapo God ai nɨne hohoanɨmo hohoanɨmoayu ranɨ-süÅgu yaÅgɨrɨ hɨmboarɨnambo hɨbadɨhümbo ratüpurɨndei. 37 Sapo Baiborambe God ai yare hoafɨyuhü yahuya, “Awi gedamboyo-poanɨ, Åga nindou sapo tüküfembo-mayu ranai tükündɨfimbui. Ai Ågɨrɨ gedambo hɨhɨnɨÅgɨndeandɨ. 38 Ro hohoanɨmoayahɨ ranɨ-süÅgu yaÅgɨrɨ rarɨhindeimbɨ nindou wandɨ, awi ai wambo anɨhondümbo-rɨhindürühɨ mbɨnɨmboei-amboane. Åga asu nindou düdi bɨdɨfɨrɨ ai wambo anɨhondümbofe ranahambo sɨsɨrefiyu ana, asu ro Ågɨrɨ nindou ranahambo wudɨndɨhinɨ,” Habakuk 2:3-4 mehu. 39 Åga asu sɨhɨrɨ ana Godɨmbo anɨhondümbofe hohoanɨmo ranahambo sɨsɨrɨyahundühɨ awarɨhehundeimbɨ nindou-yefɨpoanɨ, Åga wanɨ. Åga awi sɨhɨrɨ ana Godɨmbo anɨhondümborɨhu hefühɨ aboedambo-yahundeimbɨ nindou-anefɨ.