Hibru 9
PNG1 WeaÅgurühɨdɨdɨ hoafɨ femɨndɨ sɨhefeimbɨ-mayo ranai ana ranɨ-poanɨmbo Godɨmbo dɨdɨbafɨfe hohoanɨmo asu nindou nafɨyoweimbɨ-hündɨ sürühoeimbɨ fondɨ Godɨmbo dɨdɨbafɨfe-rambo ranɨ amboanɨ meÅgoro-ane. 2 WeaÅgurühɨ sapo sürühoeimbɨ fondɨ ser worɨ ra yimbumbofe papɨyoweimbɨyo mafondaro. Weindanɨ papɨ ranambe ana ram nindɨfembo fondɨ nɨÅgo asu yibadɨ bret ranɨ-wamɨ Godɨmbo sɨhefeimbɨ-hündɨ nɨÅgo marandɨ. 3 Ai hoearɨ yipurɨmborɨhi kümarɨhindɨ asu hoearɨ ranɨ daboadanɨ fondɨ mamɨ manɨÅgo ranahambo moanɨ sürühoeimbɨ fond-ane yahomo marundɨ. 4 Worɨ ranɨ safambe, ranɨ-poanɨmbo fɨsɨÅɨrɨyo-randeimbɨ Godɨmbo mandɨfe fondɨ gorɨnambo nafɨrundeimbɨyo asu hoafɨ femɨndɨ sɨhefe-rambo bokis ranɨ-kameihɨ manɨmbafe. Bokis ranahambo gorɨnambo gabudɨfoefimbɨyo haya asu ranambe gor hɨpɨrɨ yaÅgoro-ane asu ranambe mana foaru nindundeimbɨyo manɨÅgo. Aronɨndɨ nɨmɨ-nɨmɨ horombo andüfurɨyoweimbɨ-mayo asu horombo nɨmoei yimbufihɨ God ai hoafɨ femɨndɨ sɨhefe sürü papɨmarandɨ ranai bokis ranambe amboanɨ meÅgoro. 5 Bokis ranɨ-wamɨ mbanendeimbɨ sünambeahɨndɨ nendɨ sɨsamɨ yimbu mapaiarɨfanɨ Godɨndɨ hɨmboamupui-randeimbɨ ra ahafandɨ mbusümo meÅgoro. Ranɨ-wamɨ God ai moaruwai hohoanɨmo ranahambo amboawiyei yahu arandɨ ranɨwamɨ mbanendɨ Ågurɨne hena nɨmarɨfanɨ marɨnandɨ. Åga hapondanɨ ana Ågɨrɨ ranɨ-moatükunɨ ranahambo muÅguna gedühɨ hamɨndɨ wataporɨ-mbondɨhu Ågefɨ. 6 MuÅguambo moatükunɨ ra nafɨrundümo kurarundɨ ana, Godɨmbo sɨhou-rundeimbɨ ranai muÅguambo si aho ra ai ahamundɨ ratüpurɨmbo hohoanɨmo-yomondühɨ sapo weindanɨ papɨmayo ranambe kefoau tüküyafu marundɨ. 7 Åga worɨ safambe papɨ hondü ranambe ana Godɨmbo sai-randeimbɨ bogorɨ adükarɨ ranai yaÅgɨrɨyu kefuai tüküfi marandɨ mamɨmbo yaÅgɨrɨ muÅguambo hɨmbanɨ maho ra. Refihɨ ai moai moanɨ warɨ yaÅgɨrɨ hüfu randɨ, Åga nɨnɨhondɨ horɨ Godɨmbo sɨhefembo sapo ai moaruwai hohoanɨmoyu marandambo asu nindou ai moanɨ hohoanɨmokoate moaruwai hohoanɨmoyei marɨhündɨ ranaheimbohünda kameihɨ semündü hayamboyu hüfu marandɨ. 8 MuÅguambo ranɨ ratüpurɨ ranɨmbo Yifiafɨ Aboedɨ ranai yare nafuiramunühɨ yahoya, weaÅgurühɨ Godɨmbo sai-rambo ser worɨ ranai fondarowanɨ ana, Sürühoeimbɨ Hondü Fondɨ sünambe worɨ safambe hombo nafɨ ra weindahɨfe-koatemayo. 9 Nɨmɨndɨhɨndɨ ra ranane nda. MuÅguambo ranɨ ratüpurɨ ser worɨ ranana sɨsamɨ nahurai hapondanambe ranahamboane nafuiayomunɨ. Nɨnɨhondɨ horɨ Godɨmbohünda raraofe asɨhefeyo ana, Ågɨrɨ nindou dɨdɨyei Godɨmbo hohoanɨmombo sei-arɨhündɨ ranahei Ågusüfo ranai ndondɨhoayondürɨ. 10 Åga saimbo moatükunɨ ra sesɨmbo moatükunɨ, sɨmɨndɨmbo moatükunɨ, mamɨkarambo fi popoaifoefembo moatükunɨ ranana moanɨ fi-hoearɨ moanambuhü ranahandɨ ratüpurɨ hohoanɨmo yaÅgɨr-ane. Åga asu ranɨ-moatükunɨ ra süÅgundɨhi Ågeianɨ Godɨndɨ sɨmborɨ hohoanɨmo tükündɨfemboe yahumboani 11 Krais hapondanambe tüküfimboani, Åga aiana muÅguambo aboedɨ moatükunɨ haponda tükümefeyo ndanahambohünda Godɨmbo sai-rambo bogorɨ adükarɨmbofi tüküfimboani. Godɨmbo saimbo ser worɨ hondü sapo horombodɨdɨ-mayo ranahambo Ågasündeandeimbɨ-mayo. Ranɨ ser worɨ ranana nindou ai worɨmbo-rumbo-yomopoanɨ. Asu ranɨ-moatükunɨ ranai hɨfɨnɨ nafɨyombo-yopoanɨ, Åga wanɨ. 12 Krais ai moai meme horɨ asu burmakau horɨ ra semündü haya Godɨmbo saimbohündambo kefuai hüfu, Åga wanɨ. Åga asu aiana ahandɨ horɨ ranɨ-randɨ semündü hayambo Godɨmbohünda sehefembo God nɨmaruambe Safambe Hondü mamɨmbo yaÅgɨrɨyu kefuai mahüfu sɨhefɨmbo koadürümbo-koadürümbo nɨÅgombo aboedambofe-munɨmbohünda. 13 Åga nindou bɨdɨfɨrɨ ai Godɨndɨ hɨmboahü moaruwai fiayei ana, asu Godɨmbo sɨhou-rundeimbɨ bogorɨ ranai meme horɨ, burmakau anamɨndɨ horɨ, asu burmakau yikɨmɨndɨ weindambo mandɨfimbɨ-hündɨ hasüfɨ ranɨ amboanɨ ahei-wamɨ bubumafoarunda, asu ranɨ-moatükunɨ ranambo nindou ahei moaruwai fi ra Godɨndɨ hɨmboahü aboedɨ tükümehindɨ. 14 Åga Kraisɨndɨ horɨ ana ranɨ-moatükunɨ hohoanɨmo ranahambo Ågasündeandeimb-ane. Sapo Kraisɨndɨ fiambe ana moai moaruwai hohoanɨmo ra akɨdou-amboanɨ nɨmaro, Åga wanɨ. Asu sapo Yifiafɨ koadürümbo-koadürümbo nɨmaro-wembü ranahandɨ Ågɨnɨndɨ-namboyo Krais ahandɨ fi nɨÅgombo hohoanɨmo ra Godɨmbohünda nɨnɨhondɨ hɨfokoefe asɨhefeyo nou yare hɨfokoare masɨhendo. Ranɨmboane ahandɨ horɨ ranai Ågɨrɨ sɨhefɨ fi moanambühɨ ranɨ yaÅgɨrɨ popoaindɨhendɨ, Åga wanɨ. Åga aiana sapo sɨhefɨ hohoanɨmo moaruwai Ågusüfoambe popoai-marɨhemuna asu sɨhɨrɨ horombodɨdɨ fehefekoate ahɨnümbɨ hohoanɨmo moai süÅgurɨhundɨ. Ranɨmbo-anɨmbo asu sɨhɨrɨ God yaÅgɨrɨ nüÅguweimbɨ ahandɨ ratüpurɨ aboedɨ ranɨ yaÅgɨrɨ ratüpurɨ-ndemboyefɨ. 15 Ranɨmbo-hündambo Krais mamɨ ranaiyu sɨmborɨ hoafɨ femɨndɨ sɨhefembo moatükunɨ ra dɨdɨboadore semündü tüküfi weindahɨ-mareandɨ. Rananɨmbo asu nindou daboe dɨbonɨyu-ndüreimbɨ koadürümbo-koadürümbo yaÅgoroweimbɨ aboedɨ moatükunɨ ahei ape ai nɨmorɨmbo segodürɨmbo horombo hoafɨmareandürɨ ra ndahümündimboyei. Ndanɨ-moatükunɨ ra yare yahurai tükümbɨfeyo-wamboane. Sapo Sisas ai yɨfɨyuhü nindou moaruwai mamɨkarɨ hohoanɨmomayei ranambeahɨndɨ aboedambo-mareandürɨ ai weaÅgurühɨdɨdɨ hoafɨ femɨndɨ sɨhefe ra yaÅgoro-ambe ramarɨhindɨmbo-hünda. 16 Nindou düdi ai süÅgunambo yɨfɨndamboyahɨ yahuhaya, asu ahandɨ napo ra nindou Ågorü ai mbɨsemündu-wamboane yahuhaya, pepafihɨ sürü pare asɨhendɨ ranana sapo nɨnɨ-moatükunɨmboyo hoafɨ femɨndɨ asɨhefeyo nahurai-ane. Nindou ranahandɨ nɨmorɨ ai hoafɨ femɨndɨ sɨhefe hoafɨ ra süÅgure huhü afɨndandɨ-mayo napo ra asemündu ana, nindou bɨdɨfɨrɨ ai hoafɨndeihɨya, nindou ranai yɨfɨmayu mbɨsei. 17 Nindou ranai ranɨ-moatükunɨ sɨhendeimbɨ-hündɨ süÅgunambo ai yɨfayu rananɨmbo ranɨ-moatükunɨ ranai mamɨ anɨhondümbo tükündɨfemboe. Åga asu nindou ranai yare hoafɨ fɨramündɨ sɨhai mbura awi yɨfɨkoate yaÅgɨrɨ anüÅgu ana, ahandɨ hoafɨ femɨndɨ sɨhefe moatükunɨ ranai moanɨ yare yaÅgoromboane. 18 Ranɨmbo-hündamboyo weaÅgurühɨdɨdɨ hoafɨ femɨndɨ sɨhefe ranai amboanɨ horɨnambo yaÅgɨr-ane ranɨ hoafɨ ranahambo Ågɨnemɨndɨmbo-hünda yaru marundɨ. 19 WeaÅgurühɨ Moses ai muÅguambo nindou ranaheimbo God ai nindoumbo ranɨ-moatükunɨ yaÅgɨr-anɨmbo süÅgundɨhündɨ yahuhaya ahɨnümbɨ hohoanɨmo hoafɨ sürü papɨre masɨhendɨ ranahambo wataporɨmbo-marandɨ. Ranɨyu asu ai burmakau anamɨndɨndambo horɨ memendambo horɨ ra semündü hɨmonɨ foÅgoefi mbura hisip nɨmɨ düdü dɨdareimbɨyo asu hamburɨ sipsipɨndɨ nɨnendɨ bɨdɨfɨrɨyo ranɨ-moatükunɨ ranambo ahɨnümbɨ Bukɨ-mayo ranɨwamɨ füsɨhai-füsɨhaimarandɨ nindou muÅguambo ranahei wamɨ kameihɨ. 20 Ranɨyu ai hoafɨyuhü yahuya, “Horɨ ndanamboanɨmbo sapo God ai hoafɨ fɨramündɨ sɨhendühɨ ranɨ-moatükunɨ ra randɨhi süÅgundɨhündɨ yahuhaya hoafɨmendürɨ ranahambo Ågɨnɨndamɨndɨmboe,” Kisim Bek 24:20 mehu. 21 Mamɨ yare ramareandɨ yahuraiyu Moses ranai horɨ ra semündü haya, hoafɨ femɨndɨ sɨhefe ser worɨ asu muÅgu moatükunɨ ranambe yaÅgorowanɨ Godɨmbo dɨdɨbafɨfe-rambo moatükunɨ-mayo ranɨwamɨ kameihɨ füsɨhai-füsɨhaimarandɨ. 22 Anɨhond-ane, sapo ahɨnümbɨ hohoanɨmo ranai hoafɨyowohü yahoya, “MuÅguambo moatükunɨ ranana horɨnambo yaÅgɨrɨ-anɨmbo popoaindɨhendanɨ asu asükai aboedɨndɨmboe,” meho. Asu horɨ peyohü popoaihefe-koate ana, God ai Ågɨrɨ amboawi mbüsu nindou-yei hohoanɨmo moaruwai ranahambo. 23 Hɨfɨnɨ rotu ser worɨndɨ moatükunɨ ra sɨsamɨ nahurai-ane, Åga anɨhondü hamɨndɨ moatükunɨ sünambe eÅgoro. Ranɨmbo-hündambo-anɨmbo muÅguambo hɨfɨnɨndɨ moatükunɨ ra horɨnambo popoaihefe ranambo aboedɨ tüküfemboane. Åga sünambeahɨndɨ hondü moatükunɨ eÅgoro ranai Ågasündeandeimbɨ horɨ ranɨnambo yaÅgɨrɨ aboedɨ tükümbɨfeyo-wamboane. 24 Sünambe anɨhondü hamɨndɨ eÅgoro ranahandɨ sɨsamɨ nindou ai sürühoeimbɨ fondɨ nafɨru hɨnɨÅgɨmarundɨ ranambe ana moai Krais ai kefuai hu, Åga wanɨ. Åga sapo sünambe fondɨ hondü-mayo ranambeahɨyu ai Godɨndɨ hɨmboahü sɨhefɨmbo-hündambo kameihɨ tüküfimbo ranambeahɨyu ai kefuai hüfu anüÅgu. 25 Suda-yomondɨ Godɨmbo sai-randeimbɨ bogorɨ adükarɨ ranai ana ser worɨ moanɨ safambe hondü ranambeahɨyu ranɨ-poanɨ horɨ semündü haya moanɨ mamɨmbo yaÅgɨrɨ hɨmbanɨ mamɨ-mamɨ randühɨ kefuai hüfu marandɨ. Åga Krais-ana ai moai ahandɨ fi ra Godɨmbo saimbo afɨndɨmbo kefuai hüfu randɨ, Åga wanɨ. 26 Ranɨ-moatükunɨ ra rambarea-mbonana, Krais ranai tɨÅɨrɨfo afɨndɨmbo semündü ra hu-humbo God ai hɨfɨ, sünü asu muÅgu moatükunɨ ra nafɨrand-ambe amboanɨ tüküfi, Åga wanɨ. Åga asu moanɨ ai mamɨmbo yaÅgɨrɨ hamɨndɨ muÅguambo si aho ranahambo kameihɨ tüküfemboane ndeara bɨdɨfɨranambo si ranai tüküfembo yaÅgɨrɨyo-ambe. Moaruwai hohoanɨmondɨ Ågɨnɨndɨ eÅgoro ra Krais ai ahandɨhoarɨ Godɨmbo sɨhefɨmbohünda yɨfɨyowohü awarɨhefembo-hündamboyu tükümefiyu. 27 MuÅguambo nindou moanɨ mamɨmbo-anɨmbo awi yɨfɨyo mburümbo asu süÅgunambo God ai yɨbobondeambui. 28 Mamɨ yare yahuraiyo Krais amboanɨ ahandɨ fi ra Godɨmbo sɨhefembohünda moanɨ mamɨmbo yaÅgɨrɨ nindou afɨndɨ ranahei moaruwai hohoanɨmo ra raguanambo-fembohünda yɨfɨmayu. Asükaiyu ai tükefiyu ra moaruwai hohoanɨmo ranahambo gogorɨhefembo yɨfɨmboyupoanɨ, Åga nindou dɨdɨyei ahambo tükümbɨfiyu sei hehi hɨmboayei hei ranaheimbo aboedambo-fendürɨmbo-anɨmbo tükündüfimbui.