Matyu 4

1 Ranɨyo asu ranɨ-sɨmboanɨ Yifiafɨ Aboedɨ ranai Sisasɨmbo Satan ai sɨsɨhɨmombohünda nɨmɨ wohɨ furɨkoatereandühɨ serɨmɨndɨ maho. 2 40 si ra Sisas ai sesɨkoate nüÅgu mbura asu ai wembombomayu. 3 Asu Satan, nindou sɨsɨnda-randeimbɨ ai ahambo-so tüküfi hoafɨyundühɨ yahuya, “Se Godɨndɨ Nɨmorayafɨ ana, nɨmoei kurayo ndanahambo hoafɨndafanɨ sesɨmbofe tükümbɨfeyowamboane,” mehundoamboyu. 4 Asu sɨmborɨ Sisas ai hoafɨyuhü yahuya, “Godɨndɨ Bukambe yahoya, ‘Sesɨ yaÅgɨrɨ ana ai Ågɨrɨ nindoundɨ yaÅgɨrɨ nɨÅgombo ndendɨ. Nindou ai yaÅgɨrɨ nɨÅgombo sahümündi arɨhündɨ ra muÅgu hoafɨ Godɨndɨ yafambeahündɨ süÅgu mbɨsahümündi,’ meho,” mehu. 5 Ranɨyu asu Satan ai Sisasɨmbo Godɨndɨ adükarɨ Ågoafɨ Serusarem ranɨ-nambo serümündü hu haya hafumbo nɨmoamo hamɨndɨ Godɨndɨ Worɨ Adükarɨ bogɨmondɨ ranɨwamɨ hɨnɨÅgɨmarirɨ. 6 Ranɨyu asu ai Sisasɨmbo hoafɨyundühɨ yahuya, “Asu se Godɨndɨ Nɨmorayafɨ ana, nɨmoamo ndanɨ-wamɨnɨndɨ hɨfɨnɨ horɨpɨndafo pɨndafɨ. Sapo Baiborambe yare hoafɨyowohü yahoya, ‘God ai sɨhambo ahandɨ sünambeahɨndɨ nendɨ ranahamumbo hoafɨnduanɨ asu ai sɨhambo ahamundɨ warɨnambo mbundɨndɨnɨnɨmboemo asu Ågɨrɨ nɨmoei hoarehɨ kurayo ranai sɨhambo futɨndeanɨnɨ,’ meho,” Buk Song 91:11-12 mehundoamboyu. 7 Asu Sisas ai ahambo yahuya, “Åga awi Baiborambe hoafɨ ranamboanɨ ai yare hoafɨyowohü yahoya, ‘Se Adükarɨ sapo sɨhafɨ God ranahambo rando hoeindorɨmboyafɨ, Åga yowanɨ,’ meho,” mehundoamboyu. 8 Ranɨyu asükaiyu Satan ranai Sisasɨmbo serümündü hɨfɨ wafu nɨmoamo hamɨndɨ-mayo ranɨwamɨ mahafu. Ranɨyu ai ranɨwamɨ nüÅgumbo Sisasɨmbo muÅguambo nindou-yafe hɨfandarundɨ ranɨyo asu ahamundɨ muÅguambo aboedɨ adükarɨ moatükunɨ eÅgoro ranahambo nafuimefoendo. 9 Ranɨyu asu Satan ai hoafɨyundühɨ yahuya, “Asu se yirɨ yimbu pusɨrowandühɨ wambo hohoanɨmoyafɨndɨrühɨ Ågusüfo pararowandɨrɨ ana, asu ro sɨhambo muÅgu moatükunɨ nafuimehanɨnɨ ra ndahanɨnɨmboyahɨ,” mehundoamboyu. 10 Asu Sisas ai ahambo hoafɨyundühɨ yahuya, “E! Satan, se andai ragu Ågafɨ! Baiborambe hoafɨ ranai yare hoafɨyowohü yahoya, ‘Adükarɨ sapo sɨhafɨ Godɨmayu ranahambo yaÅgɨranɨmbo se hohoanɨmondafɨ Ågusüfo pandoworühɨ asu ahandɨ ratüpurɨ yaÅgɨrɨ ratüpurɨndafɨ,’ meho,” mehundo-amboyu. 11 Asu Satan ai Sisasɨmbo yare hɨnɨÅgɨmarira ndamefiyua asu Godɨndɨ nendɨ ranai kosɨmo ahambo farɨhouwurühɨ hɨfandɨmarürɨ. 12 Sonɨmbo sowaründümo karabusambe hɨnɨÅgɨmarüwurɨ hoafɨ Sisas ai hɨmborɨyu haya Gariri hɨfɨna mahu. 13 Asu ai Nasaret Ågoafɨhü hɨnɨÅgɨre haya Kaperneam Ågoafɨ sapo Gariri kurɨhoe ranɨkɨmɨ Ågoafɨ ranɨna mahu. Kaperneam Seburun hɨfɨ, Naptari hɨfambe eÅgoro ranühɨ manüÅgu. 14 Sapo God ai ahandɨ hoafɨ hoafɨyu-randeimbɨ nindou Aisaiandɨ yasɨmondɨ süÅgu yare hoafɨyuhüya, “Seburun hɨfɨ, Naptari hɨfɨ, Gariri hoe nafɨ howanɨ gogu ra, Sodan hoe gogoanɨnɨ ra nindou Sudayafe ndɨfoyei Gariri hɨfane. 16 Nindou dɨdɨyei ai nɨmbɨ nɨmaroambe anɨmboei ranai ana si adükarɨ ra hoeirɨhimboanei. Yɨfɨyorambo hɨfɨ ranambe nɨmbɨ nɨmaroanɨ nindou anɨmboei ranaheimbo ana si ranai boakɨfoareandürɨmboane,” Aisaia 9:1-2 mehu, Åga ranɨ-sɨmoÅgorühümboyo ranɨ-moatükunɨ ra yahurai tükümefeyo. 17 Ranɨyu asu ranɨ-sɨmboanɨ piyu haya Sisas ai ahandɨ hoafɨ ra bokarɨhendühɨ yahuya, “Awi se sɨhei moaruwai hohoanɨmo ranahambo daboadanambondɨhindɨ, nɨmboe sapo God Ågɨnɨndɨ hɨfandarandɨ eÅgoro ranai ndeara akɨmɨ tüküfembo yaÅgɨrane,” mehu. 18 Sisas ai Gariri kurɨhoekɨmɨ huane kinɨ wowarɨyafanɨ rɨnandeimbɨ apodoho ranai manɨmbafanda hoeimareapɨrɨ. Ahafandɨ ndürɨ ra Saimon, Pitamboyu-randeimbɨ asu ahandɨ akɨdɨ Andruyu. Apodoho ranai andürɨnambo kurɨhoe ranambe kinɨ wowarɨyafandühɨ manɨmbafanɨ. 19 Ranɨyu asu Sisas ai hoafɨyupɨrühɨ yahuya, “Se mborai wandɨ süÅgu sɨnɨfandanɨ anɨmbo asu ro sɨhafanɨmbo nindou semɨndɨmbo se kinɨ rawarɨneandɨ nou nafuindahapɨrɨmboyahɨ,” mehupɨramboyafanɨ. 20 Asu ai moanɨ hoafɨ nɨÅgoambe ahafandɨ andürɨ ra rarɨne sɨhene hena Sisasɨndɨ süÅgu ndamefɨneandɨ. 21 Asükaiyu ai sühüfi huhündamboyu Ågorü apodoho ahafandɨ ndürɨ Sems, Son ai ahafandɨ afɨndɨ Sebedi babɨdɨ botambe nɨmarɨmombo ahamundɨ andürɨ ra dɨboadorundühɨ mamarɨmonda hoeimareapurɨ. Asu ai ahafanɨmbo mborai mehupɨrɨ. 22 Asu moanɨ hoafɨ nɨÅgoambe ahafandɨ bot asu afɨndambo rarɨne hɨnɨÅgɨrɨne hena Sisasɨndɨ süÅgu ndamefɨneandɨ. 23 Ranɨyu asu Sisas ai Gariri hɨfɨ muÅgu ranambe nüÅgu wakɨmareandɨ. Ranɨyu asu ai refihɨ Suda-yafe rotu worɨ nindou ranambe aheimbo yamundɨmareandürɨ. Asu ai refihɨ God Ågɨnɨndɨ hɨfandarandɨ eÅgoro Aboedɨ Hoafɨ ranahambo bokarɨmarɨhendürɨ. Mamɨ ranɨ sɨmboanɨ nindou ranahei fi ranai moanɨ ranɨpoanɨmbo ranɨpoanɨmbo aÅgünɨ fi moaruwaimboareandürɨ ranahambo aboedɨmarearü. 24 Ai ranɨ-moatükunɨ rawareandɨ ranahambo Siria hɨfɨ muÅgu ranambe nindou amarei ranai hɨmborɨmayei. Asu ranɨyei muÅguambo nindou ranai nindou dɨdɨyei ai moanɨ mamɨkarɨ aÅgünɨ moaruwai asu asübusɨ afɨndɨ mamɨkararandürɨ ranaheimbo ahambo-so fufurühümündihündürɨ mafandɨhindɨ. Bɨdɨfɨrɨ nindou moaruwai nendɨ ahei fiambe nɨmarümbɨ, wunünümboyeimbɨ asu yirɨ warɨ yɨfɨsafeimbɨ ranɨyei ai mafandɨhinda asu Sisas ai aheimbo aboedɨmarearü. 25 Ranɨyo asu nindou afɨndɨ ranai Gariri hɨfɨhündɨ, Dekaporis Ågoafɨhündɨ, Serusarem Ågoafɨhündɨ, Sudia hɨfɨhündɨ asu Sodan hoe gogoanɨnɨpoedɨ ranai mamɨ muÅgu ahambo süÅgumarɨhorɨ hei.