1 Koulin 10

1 Nje aêamu soku, aêamu fehohnjoso hofɨko Anɨtuye hungkunomo hwotoho hmmentohofo somneêno sekwo huno olo soêno fɨsyafɨhupmno. Hohonta Mouses kako aêamu Isɨlaelɨfe ajuyohwosamo hwaho Ijip mtaêni nomanto hofɨko Ijip nulɨkoêmantɨfi hwaho aêamu anepono motawento osopo humamentohofofoho. Oso hopo sopo Mousesɨênji aêamu Isɨlael soênji hofɨko osopo nohumentanɨngkofi himo aêamu hopiênonohino somo ifehuêmokahumentisofoho. Sɨki ifehuêmokahumentisoêmaho. Oêo, honɨngkano utɨhwayoêne ifehuêmokahumentisofoho. Osohonta hofɨko mijo ayo engo momɨngo sopo iêmofɨwahonɨngkofi Anɨtu kako hofɨkimo mijo ayo engo huhwo sohumo mtɨhupɨhwojahonɨngki aêamu hopiênonohino hofɨko osopo wakoêmentohofofoho. 2 Aêamu hiso hofɨko Mouses nakwoe hwe engo umoênono lontɨfi hofɨko kakoênji ufohiênontɨfi kakimo inɨngkawentɨfi hofɨko himo homo somo enjwa soêmo humantɨfi mijo engo somo wakoêmentohofofoho. 3 Oseso hofɨko mijoho uyahonɨngki Anɨtu kako ahwomo mtaêni wosopayoênji mijoênji hopiênonohino somo umentisofoho. Nuyahonɨngki hofɨko nɨmentohofofoho. Oso hopo sopo mijo sojo mtaêni nɨmentohofoso oso mijo hwapɨngoso Kɨlaisɨyoho. Aêamu hofɨko hano lohoênowentanɨngkofi Kɨlais kako hofɨkimo hofiyo emokosyohumamojo hweho. 5 I oseso Anɨtu kako aêamu hopiênonohino homo somo wopɨngo ko ulohofahonɨngki hwe moyaêmi piênɨngo engoso hofɨko yahino wonyoso yahonɨngkofi Anɨtu kako nuhwononto oso hwaho aêamu ane sopo Anɨtu kako hofɨkimo poyo umokumentisofoho. Umokahonɨngki hofɨkoe pijafoso oso hwaho hopo sopo hintalinyo paênyo osopo nonje huêmehinawoêmentisofoho. 6 Oso yoêmayo hopiênonohino imoênɨmentisoso nakumo honɨngkano wopɨngo netɨhwayoêne imoênɨmentisofoho. Hofɨko yoêmayo soêno hi umoênɨngkahonɨngki wonyo imentohofofoho. Oso hopaso nakwo miyanehwono. 7 Osoêno neyakwosa fehohnjo sohwa hofɨko hwasyo anɨtumo inɨngkawentɨfi hofɨko hwomtame ulohoêmentohofofoho. Oso hwamneêno Anɨtuye hungkunoso ole nalɨmento, Hofɨko hwasyo anɨtu somneêno hwomtame ulohofontɨfi hofɨko nohumantɨfi wosopayoênji mijoênji nontɨfi nolɨkafontɨfi hofɨko syohiênyo wonyo imentohofofoho. Nakwo oso hopaso miyanehwono. 8 I osoêno nakwo nomêne aêamufe apohufo ihwaloho. Oso aêamu Isɨlael piênɨngo engoso hofɨko oso yahino wonyo hiso yahonɨngkofi Anɨtu kako oso sɨkuno angaênohino somo hofɨkimo poyo imokumentisofoho. Oso aêamu hiso hofɨko tɨwenti-tɨli tausenɨfoho (23,000). 9 I osoêno nakwo Anɨtumo yamofo nulohofɨhwaloho. Aêamu Isɨlaelɨso hofɨko Anɨtumo yamofo ulohofontɨfi hofɨko kɨko ntoêno monemokosyohumawoênɨngkiyohino hwosoho ulahonɨngkofi Anɨtu kako oso aêamu homo somo homaso toho woloêmeehufe lonto homamo uhwojahonɨngki aêamu piênɨngo engo somo homaso toho lofopijɨsyuêmoêmentohofofoho. 10 I yoêmayo Anɨtu iwoênɨngkiso soêno yoka hnnɨngkuhwaloho. Aêamu Isɨlaelɨso hofɨko Anɨtumneêno yoka hungkuno ulahonɨngkofi aêamu ahwomo mtaêangoso kako aêamu piênɨngo engo somo fonjahumentisofoho. 11 Oso yoêmayo yahino wonyo imentohofoso aêamu fihwa hofɨko oso yahino wonyo imentohofo soêno Anɨtuye hungkuno mtɨêmokumentohofo sohwa hofɨko nakumo honɨngkano wopɨngo netɨhwayoêne iyoswomo mtɨêmokumentohofofoho. Nakwo olohonta nohumentanɨngkuhwoni sɨkuno moiêwo umoênɨmonto yahonɨngki nakwo oso hungkuno homo somo nuhwonontani nakwo oso honɨngkano homo somneêno huno wopɨngo tɨpemalokuhwono. 12 Oseso aêamu fihwo kako ole loso, Ngko yokumpohnênyo lohokwe soêno ngko honɨngkano wonyo mimnehono. Ose loso sohwo kako iêwaho ntoêno wehumano. Kako nopɨwasyonoho. 13 Aêamu hopiênonohino hnênɨmo yoêmayo honɨngkano wonyo nontɨmneêno ipenemotawesoso kengo kengoêmaho. Oêo, afaênohinofoho. Osoêno Anɨtu wosefoêmaêmo nalɨmentiso soêno nakwo huno nayohoho. Kako olohonta nefoêmalofoho. Oseso honɨngkano wonyo nontɨmo nemotaweso sohwo kako nakwoe yokumpohnênyo somo moneyakolofonehoho. Yoêmayo wonyo neêmaso sohwo woneyakoloêmo lɨhwosi ko yososo, Anɨtu nefoêmayoêne honɨngkanoso umoêmontonoho. Kakoe yokumpohnênyo nejapɨhwosoêno nakwo yokumpohnênyo wolohofantanoho. 14 Anɨtu kako aêamu Isɨlael homo somo wopɨngo ko ulohofahonɨngki hofɨko wonyo imentohofofoho. Osoêno nje aêamu soku sekwo anɨtu hwasyo somo hohujo ikinjaofɨkuji iêwaho fiyɨmno. 15 Sekwo hunoênjo kuyoho. Ngko sekumo olo hungkuno selalokwe losoêno sekwo huno fɨsyafɨhupmno. 16 Kɨlais kako nakwoe wonyomneêno poyo peênɨmentiso osoêno wosyofɨsyano lontani nuhuêmokontani nakwo olo mijo Jisasɨye honɨyofoho lontani Mpohwo Anɨtumo isamoyoka ulontani nonontani ole syafɨsyɨwoênɨngkuhwono, Jisas nakumneêno kakoe honɨyo usɨhumaêmentiso sohumo ufohiênalokuhwono. Nakwo wosopayo nomentani kutɨkujo lohofontani nontani Kɨlaisɨye aêapahofoho lɨwoênɨngkuhwono. Kɨlais kakoe aêapaho nakwoe wonyo engo soêno tohino umnɨmentiso sohumo ufohiênalokuhwono. 17 Oso wosopayo angaênohinoso nakwo hwe moyaêmi piênɨngo hnênwi nakwo kutɨkujo lohofontani nɨmalohwone hnênwi nakwo afa aswomjo paênyiênwoho. 18 Sekwo aêamu Isɨlaelɨfe yahino soêno sekwo huno fɨsyafɨhupmno. Hofɨko Anɨtumneêno yahu fonjokisasyontɨfi hofɨko oso yahu fehohnjoso nonontɨfi ole syafɨsyɨwoênɨngkohofi nakwo Anɨtuênji mafohotoênɨngkuhwono. 19 Ngko hungkuno hwapɨngoso pehofo selalokweno. Aêamu hofɨko hwasyo anɨtu sohuneêno yoêmayo hoênasyɨwoênɨngkohofoso ne hiênjotaho. Oso hwasyo anɨtu sohwo kako nehopi lohumaho. Ose loselalokweno. 20 Oêo, oso awonoho. Hofɨko yoêmayo hwasyo anɨtu sohuneêno hoênasyɨwoênɨngkohofo sohwo oso towahuno wonyo somneêno hoênasyɨwoênɨngkohofoso Anɨtumneêmaho. Osoêno oso aêamu hofɨko towahuno wonyo sohwafe yofe hoênomayoêne uhuêmokukuji sekwo hofɨkoênji nomɨhuêmokinɨngkutoho. Sekwo hofɨkoênji mɨhuêmokinɨfijoêmanji towahuno wonyo sohwanji ufohiênantɨfeho. 21 Sekwo nuhuêmokontɨfi Kɨlaisɨye honɨyoênji aêapahoênji nontɨfi towahuno wonyofe wosopayo soênji nomohuêmokukuji nonɨngkutoho. Oêo, sekwo oso honɨngkano hufaêuyo homo somo sinɨngkakutoho. Sekwo Anɨtuênji wohumano lɨkuji sekwo towahuno wonyo soênji nohumafɨkutoho. 22 Sekwo oso honɨngkano hufaêuyo somo ifijoêmanji Anɨtu kako ngkilaho selɨhwosi nakumo sɨmeho wonyo wonejapmmontonoho. Hwapɨngoso Ngkoênohini Hwe Engo hwoênyoho ose nalɨmentisofoho. Nakwoe yokumpohnênyoso kakimo uyakolofantontaho. Nɨhuêno awonoho. Ose selalokweno. 23 Aêamu fehohnjoso ole lɨwoênɨngkohofofoho. Yoêmayo hopiênono Anɨtu kako nakumneêno hano mopitofasiyoso nakwo yasoso oso hisoêno honɨngkano wonyo anefoho. Oso hungkuno lɨwoênɨngkohofoso nehopeho. I osoêno yahino fehohnjoso nakumo monefoêmanehoho. Nakwo Anɨtuye honɨngkanomo inɨngkowentanɨngkuhwasi oso yoêmayo yaso sohumjo yokumpohnênyo sohwo kako nakumo yokumpohnênyo monasosofitofonehoho. 24 Yoêmayo nakwo uyano lɨhwasoso huno nakuneêno syofɨhuênɨngkuhwasi ihwaloho. Oêo, nakwo huno nomêne aêamu somneêno huno wosyofɨsyano. U, ngko ose iêmo nomêne somo ufoêmaêmontaho. Sekwo huno osoêno syafɨsyɨkuji yoêmayoso fiyɨmno. 25 Nakwo huno ole nayohoho. Olo yoêmayo hopiênonohino olo hwaho lopo wojoso Anɨtuyefoho. Anɨtuye hungkunoso ose nalɨmentisofoho. Oseso nakwo yoêmayoso nasoso oso wopɨngofoho. Sekwo tongo wonano lɨkujoso uhuêmokiyo sopo ntaêni mpekuji sekwo oso tongo kakwoêyohwo sohumo olo tongo loso kɨko hwasyo anɨtu hwoso sohuneêno fonjokisasyohino mtaêangotaho. Ose ulohonɨngkiji mpehotoho. Oêo, kɨko mpeênohini yohoji hmnyo. 27 U hwe fihwo kako Anɨtumo sɨmeho hiêntnnono muyoênjo sohwo kako wosopayo iloho ihwosi wonano lɨhwosi joho selɨhwosoêno u sekwo wosɨhwano lɨkujɨêmanji u sekwoe hunofoho. Noho fɨwanɨmno. Kako sekumo yoêmayo tongo sejapososo sekwo hmnɨmno. Oso tongo hisoêno sekwo huno piênɨngo syafɨsyɨkutoho. Oêo, sekwo tohoênohini hmnɨmno. 28 I osoêno hwe fihwo kako sekumo ole seloso, Olo tongo loso hwasyo anɨtumneêno fonjokisahumalofo mtaêangofoho. Ose selɨhwosi, Ngko manɨmnehono selɨhwosoêno sekwo oso hwe huhwo sohwoe huno somneêno huno syafɨsyɨkuji nonɨngkutoho. 29 Hwapɨngoso sekwo huno ole seyohoho, Ngko olo yahu loso nɨmeêmanji nje honɨngkano wonyo mmoênonehoho. Huno ose ko seisoso oso hwe sohwo kako sekumo hungkuno seliso soêno kako ole syofɨsyalofoho. Olo yahu hiloso nɨmeso ngko hwasyo anɨtumo hopa inɨngkowalokweno. Oso aêamu huhwo sohwo kako huno ose syofɨsyalofoho. Osoêno sekwo oso yahuso nonɨngkutoho. I osoêno nomêne aêamufe huno somtaêango somneêno nakwo honɨngkano somo hano pitofonesyalokwofoso wopɨngoêmaho. Osoêno nakwo yoêmayo yahu nasosoêno aêamu ole nalɨfitnnoho, Oso yahinoso wonyofoho. Ose nalɨfitnnohontani yoêmayo yahu soêno nomêne aêamu somo mulohonanehwono. 30 Ngko Anɨtumo wosopayoêne isamoyoka ulɨêmo nonɨêmeêno nomêne aêamu sohwo kako ngkimo oso honɨngkanoso wonyofoho eso pehoêno wantɨmontolo. 31 Oseso sekwo nonyo wosopayo wonano yoêmayo yahino uyano lɨkujɨêmanji sekwo sɨmoêmo huno ole fɨsyafɨhupmno. Yoêmayo imeso ngko Anɨtuye sɨmeho wopɨngo umokumontaho. Sekwo oso hisoêno huno kakiêno syafɨsyɨkuji sekwo yoêmayo Anɨtuye yofe hoênomayoêne fiyɨkuno. 32 Sekwo soku sekwo aêamu Juta soênji aêamu temtitofo kengo soênji aêamu Anɨtumo inɨngkawowoênɨngkohofo soêntnneêno huno fɨsyafɨhupmno. Sekwo yoêmayo iwoênɨngkohofo somo senɨngkafijoêmanji hofɨkoe honɨngkano wonyo ifijo soêno sekwo oso homo somo ikutoho. 33 Ngko huhwoênɨye yahinoso oso paênyofoho. Aêamu hofɨkoe sɨmeho wopɨngo umoênoneêenji ngko yoêmayo wopɨngoso iwoênɨngkohefoho. Yoêmayo ngkimo nɨfoêmayo syoho osomnohini miyalokuyohono. Oêo, aêamu piênɨngo engo somo wopɨngo ulohofoêneso syoho yalokweno. Hwapɨngoso aêamu hofɨko Anɨtumo inɨngkafitnneêenji ngko yoêmayoso yalokweno.