1 Koulin 11
PNG1 Sekwo ngkimo nohonɨmno. Kɨlaisɨye yahinomo inɨngkowalokwe hopaso sekwo ngkimo tɨfi nnɨngkapmno. 2 Sekwo ngkineêno huno syanɨfɨsyɨwoênontɨfi oso hungkuno nto sejapmmentohe somo sekwo hofiyo inɨngkowalokwofo. Osoêno ngko sekwoe yofe hoênomalokweno. 3 I osoêno sekwo olo nje hungkuno losoêno huno waseyono. Kɨlaisɨye mnokino engoso Anɨtuyoho. U nakwo aêamu hwahoponjo hnênwi hwe hopiênonohino sohwonaêniye mnokino engoso Kɨlaisɨyoho. Oso paênyoso hwoyaêmi sofafe mnokino engoso huhwafoho. 4 Osoêno aêamu fihwo kako Anɨtuye hungkuno aêamumo ulɨhwosi kako Mpohumo jomo uloso sohwo kako kakoe mnokino manjiêmofo soênji lohofosoêmanji kako wonɨmango unɨmontonoho. Sekwo aêamu Koulin sopo humalofo soku sekwo ole lɨwoênɨngkohofi, Aêamu mnokino manjiêmofoênjo sohwo kako nomênehumo enjwaêmo humunyo hweho. 5 Aêmu fisi kako mnokino manjiêmofo ane lohofosoêmanji kako aêamumo Anɨtuye hungkuno ulɨhwosi Mpohumo jomo ulosoêmanji kako wonɨmango unono. Hofɨko kakimo mnokino manjiêmofo ane simo uhwonɨngkuji aêamu hofɨko ole wolantɨfeho, Olo aêmu losi kako wonɨmango unono. Kako yokumpohnênyiyoho. Hwe sohwa hofɨko mnokino manjiêmofo momanjiêmoênyo iwoênɨngkohofo paênyiyoho. Osoêno kako hwoyaêmi hwaênte sofafe mijiyo hmênɨwoênɨngkohofo paênyo hmênniyoho. 6 U aêmu fisi kako kakoe mnokinomo hwapɨfe mopaênyosimo aêamu nuhwonɨngkuji ole wolantɨfeho. Oso aêamu kako hwehumo enjwaêmo mohumuyoho. Kakoe yokumpohnênyoso yakoloênniyoho. Oso aêmusi kako kakoe mijiyoso hwe sohwafe mijiyo hopa tɨfo wahmênono. U kako oso aêmusi kako mijiyo tɨfo soêno ngkilaho losoêmanji eêwano kako nomêne aêamuênji Anɨtumneêno uhuêmokufijo soêno kakoe mijiyo somo hwapɨfe wopaênono. 7 Anɨtu sohwo kako Hwe Engo ne hweho. Kako nomênehumo enjwaêmo mohumunyo hweho. Osohwo kako hwe hwahoponjo sohwonaênɨmo kako paênyo mtɨêmokumentisofoho. Osoêno nakwo hwe sohwonaêni nakwoe mnokino somo nopoênɨngkuhwaloho. I osoêno moyaêmi sofa hofɨko hwehwamo enjwaêmo humalofo. Osoêno hwoyaêmi sofa hofɨko hofɨkoe hwehwafe yofe hoênomayoêne hofɨkoe mnokino somo wopaênɨfe. 8 Hwapɨngoso hohonta Anɨtu kako hwe mtɨêmokumentisoso ape mtaêni yafo manto mtɨêmokumentisoêmaho. Oêo, kako hwehumtaêni yafo angaêno manto ape mtɨêmokumentisofoho. 9 Anɨtu kako apeso hwehwamo ufoêmayoêne mtɨêmokumentisofoho. 10 Oseso moyaêmi sofa hofɨko hofɨkoe hwehwamo enjwaêmo humalofo sofa hofɨko oso hisoêno aêamu ahwomomjo somo utɨhwayoêneso hofɨkoe mnokino somo wopaênɨfe. 11 I osoêno nakwo Anɨtumo sɨmeho uyɨwoênɨngkuhwone hnênwi nakwo hwe sohwonaênnohini yoêmayo iyosoêno hopoêmaho. I hwoyaêmi sofamnohini yoêmayo iyosoêno hopoêmaho. Oêo, oseêmaho. Hwe moyaêmi nakwo nemêno majokuênontani yokumpohnênyo sosofitoênontani Anɨtuye yahino afaêno afaêno iwoênɨngkuhwono. 12 Sɨmoêmo Anɨtu kako hwe sohwoe yafo nopemanto ape mtɨêmokumentisofoho. I olohonta ape sofa hofɨko hwomu aswo mawoênɨngkohofo soêno Anɨtu kako hwomu apefe sɨmehomo mtɨêmokuwoênɨngkohoho. I oso hisoêno hwe hwoyaêmi yoêmayo hopiênonohinoso Anɨtu kako hwapɨngo hweho. 13 Nakwoe yahinoso olenoho. Hwe fihwo kako kakoe mijiyo sawemo engoso mahmênyoso oso wopɨngoêmaho. I hwoyaêmi sofa hofɨkoe mijiyo sawemo engoso oso wopɨngofoho. Hofɨkoe wokosofoho. Oso mijiyo sawemoso Anɨtu kako hofɨkoe mnokinomo ifehuêmokosyohumayoêne uyɨmentisofoho. 16 Osoêno sekwo huno olo soêno fɨsyafɨhupmno. Aêmu fisi kako Mpohwo Anɨtumo jomo ujoêne tajo ango somo syuhwosi kakoe mnokinomo hwapɨfe mopaênyoênjo iyoso oso wopɨngotaho. Oêo, wonyofoho lɨwoênɨngkuhwonefoho. 17 Jisas nakwoe wonyomneêno peênɨmentiso soêno syafɨsiyoêne uhuêmɨngo soêno honɨngkano hungkuno waselɨmonneêno yohono. Ngko ole maselɨmnehono, Sekwo Anɨtumneêno nuhuêmokontɨfi sekwo Anɨtu kakineêno hwomtame ulohofo yahinoso wopɨngo yalokwofo. Ose maselɨmnehono. Oêo, sekwo yahino wonyo yalokwofo. Sekwo yahino wonyo yalokwofo soêno sekwo mɨhuêmokiyoênjo yontɨfijontentesi oso wopɨngoênesohilo. 18 Ole upaênɨmalefoho. Sekwo nuhuêmokontɨfi sekwoe huno kengo kengo soênji husilo husilofo lohofalokwofo. Sɨmeho afa minyofoho. Ngko oso hungkunoso upaênɨmale soêno ngko huno ole syofɨsyalokweno. Olo hungkuno loso neênjofoho syofɨsyalokweno. 19 Sekwo husilo husilofo lohofalokwofo soêno aêamu Anɨtuye hungkuno ne somo tɨfi inɨngkowalokwofo soêno utɨhwaênyopo uhwonantanoho. Oso wopɨngofoho. I osoêno sekwo sɨmeho afa minyoênjo ikuji Anɨtumneêno uhuêmokufijoso oso wonyofoho. 20 Jisas kako sekwoe wonyomneêno poyo imoênɨmentiso soêno huno syafɨsiyoêne nuhuêmokontɨfi wopayo nonontɨfi sekwo ntoêno mohumulofo. Oêo, sekwo Kɨlaisɨmneêno mosyofɨsyalokuyohofo. Sekwo wopayo siki nalokwofo. 21 Ou, sekwo nuhuêmokontɨfi sekwo angaêno angaênohino soku sekwo sekwoe wosopayo nomotoswapontɨfi sekwo nomêne aêamu somneêno huno monosyafɨhuênyoênjo yalokwofo. Fehohnjoso mijo nilohofalokwofo. I osoêno aêamu fehohnjoso hofɨko wosopayoêno umofonyo iyosoêno mijoho engo uyalofoho. 22 Sekwo oso aêamu hisomo wopayo muyoênjo pehoêno yalokwofo. Sekwo Anɨtuye aêamu homo somo sɨmeho muyaloku liyohofo. Sekwo hofɨkimo wonɨmango ifɨsyɨmofalokwofo. U, sekwo wosopayo engo wonano lɨkuji sekwo sekwoe angomo humafɨkuji hmnɨmno. Sekwo Anɨtuye tajo ango somo pehoêno motoswapohofo. I osoêno ngko peho hungkuno selɨmnehono. U, ngko sekwoe yofe wohoênosemaêmonntaho. Oêo, nɨhuêno awonoho. Oso hisoêno ngko sekwoe yofeso mohoênosemaêmonnohono. 23 Ngko olo hungkuno Jisas ntapmmentiso loso nto selɨmentohefoho. Oso sɨkuno homo somo Jutas kako mango sohwafe ahomo Jisasɨmo hoênahumentiso sɨkuno homo somo Jisas kako wopayo nomanto 24 Anɨtumo isamoyoka ulonto oso wosopayo hiso kutɨkujo lohofonto kakoe inomokomoyo sohwamo nuyonto ulɨmento, Olo wosopayo loso nje aêapahofoho. Ngko sekumo sefoêmayoêne sejopalokweno. Olo ngko sekwoênji humanji yoêmayo selohofalokwe loso sekwo hwangku huno syanɨfohupitnneêenji selohofalokweno. Hwangku sekwo olo hopa neêno ikujo. Ose ulahonɨngki nɨmentohofofoho. 25 Oso wopayoso moiêwo nosojwaofahonɨngkofi Jisas kako oso noswanyo ipisayo mijoênjoso nomanto nuyonto ulɨmento, Olo ipisayo mijolo nje honɨyofoho. Ngko sekwo Anɨtuênji makotɨkuênyoêne yahino songo soêno nje honɨyo usɨhumaêmonnoho. Hwangku sekwo nje poyo peênyo soêno syanɨfɨsyɨkuji sekwo olo paênyoso neêno ikujo. Ose ulɨmentisofoho. 26 Ihwoni. Oso wopayoênji mijoênji nyoêne yahino Kɨlais nejapmmentisoso sekwo ole lutɨhwalokwofo. Jisas nakwoe wonyomneêno poyo peênɨmentiso soêno nakumo huno nafohotofoênefoho. Nakwo ose yontanɨngkuhwasi aêamu nomêneso nonahonɨngkuji hofɨko Jisas nakumneêno poyo peênɨmentiso soêno huno wotɨpemantɨfeho. Sekwo oso yahinoso neêno mjɨmɨwentanɨngkuji Jisas kako asomo noponefoho. 27 Kɨlais oso yahino nejapmmentiso soêno olo soêno huno wonayono. Aêamu fihwo kako Kɨlaisɨye sɨmeho wopɨngo mumokiyoênjo yoso sohwo kako Kɨlaisɨye aêapahoênji honɨyoênji siki nososohwo kako Kɨlaisɨye yahino losomo wonyo imokalofoho. Ose yososoêno kakimo tango engo uêmalofoho. 28 Oseso aêamu fihwo kako Kɨlaisɨye aêapahoênji honɨyoênji wanɨmo lɨhwosi sɨmoêmo kako kakoe sɨmeho huno osomo ntoêno syafɨhuênɨngkuhwosi intoênohini imoênɨngkuhwosoêno wanono. 29 Hwapɨngoso aêamu fihwo kako hwe engo Jisas nakumneêno poyo peênɨmentiso soêno huno ntoêno muyoênjo sohwo kako Kɨlaisɨye aêapahoênji honɨyoênji siki nososohumo Anɨtu kako oso aêamu huhwo sohwoe yahino wonyo somneêno tohino uyɨmontonoho. 30 Sekwo oso yahino iwoênɨngkohofo soêno hwe moyaêmi piênɨngo hofɨko sekwoênji humalofo fehohnjoso yokumpohnênyo anefoho. Fehohnjo mnokinoênjofoho. Fehohnjoso hofɨko poyo nto peênɨmentohofofoho. 31 U sekwo sekwoe honɨngkano somneêno huno ntoêno syafɨhuênɨngkuji nontɨfijontentesi u oso tohino hiso sekwo momafɨkutnnesohilo. 32 I osoêno Anɨtu kako nakwoe wonyo soêno huno syafɨsyɨhwosi kako nakumo tohino nejapeêmanji kako nakwo kakoe mehomi hnênwiye honɨngkano somo ntoêno imofonehwojalofoho. Anɨtu ose yosoêmanji hwangku sohonta aêamu piênɨngo engoso hofɨkimo tɨkanomo mɨhwajoso sohonta nakwo tohino momanefoho. 33 U sekwo nje aêamu soku, sekwo wopayo nɨngkuji Kɨlaisɨye aêapahoênji honɨyoênji wonano lɨkuji sekwo nomêne aêamu angaêno angaênohino osomneêno hontohumafɨkuji hofɨko hopiênono nto uhuêmokukujoêno osohonta sekwo wopayoênji mijoênji hmnomafɨkuno. 34 U aêamu fihwo kako mijoho uyɨhwosoêno kako kakoe angoêmo sɨmoêmo wanɨmontonoho. Tɨfi kako sekwoênji humahwosi wanɨmontonoho. Sekwo Kɨlaisɨye honɨyoênji aêapahoênji nɨfijo soêno uhuêmokiyo yahino soêno tango mapitnnoho. Hungkuno fehohnjoso mokosyohumaleno. Hwangku ngko sekwoe angopo seêmahmêmo wolosetɨhwamonnoho.