1 Pita 1

1 Ngko Pitaêni Jisas Kɨlaisɨye hungkuno lɨkuêmofo (apousel) syohoênjo hwoênyoho. Sekwo aêamu Anɨtu sehwosopoêmentiso soku sekwo sekwoe pone hwapɨngo sopo nulɨkoêmantɨfi hwaho Pountosɨênji Ngkolesiyaênji Kapotousiyaênji Esiyaênji Mpitiniya osopmmeemneêno humpoêmentohofo sokuneêno olo iyoswo loso semtɨêmokiyalokweno. 2 Anɨtu kako sekuneêno huno syasyefɨsyonto kako sekumo kakoe aêamu ne imoênyoêne sehwosopoêmentiso kuyoho. Osoêno sekwoe sɨmeho moêmo Anɨtuye Towahuno Wopɨngo sohwo kako syoho yalofoho. Osopo nohumanto kako Jisas Kɨlaisɨye hungkunomo sekwo tɨfi ntoêno inɨngkafitnne soêno kako sekwoe honɨngkano wonyo somo wae yasemofoêne syoho iwoênɨngkisofoho. Jisas Kɨlais kakoe honɨyo sekumneêno usɨhumaêmentiso soêno sekwoe wonyoso wae yaofahonɨngki sekwo aêamu songo paênyo kihoêmaso kuyoho. Anɨtu sekuneêno sɨmeho wopɨngo umoênyo soênji kakoe hitoho engo soênji sekumo engo weesemofono. 3 Anɨtu kako nakuneêno hitoho engo ulofahonɨngki kakoe hwomu Jisas Kɨlais nakwoe wonyoêne poyo peênyoêne uhwatɨmentisofoho. Jisas nopeênɨngkahonɨngki Anɨtu kako apaêno songo ulɨkaêmentiso soêno nakwo kakoe aêamu ne imoênontani olohonta nakwoe yahino songoênji humalohwone hnênwi kako asomo netɨmayoêne hontohumalohwono. Osoêno nakwo nakwoe Hwe Engo Jisas Kɨlaisɨye kanɨngkwohwo Anɨtu osohumo isamoyoka ulɨhwasi kakoe yofe wohoênomano. 4 Yoêmayo wopɨngo nakwo Anɨtuye aêamu ne hnênwi maneso Anɨtu kako ahwomomo hoênahumentisoso weho. Oso yoêmayo wopɨngo ahwomomjo wojo hiso wonyo mmoênonehoho. Oêo, neêno nowentɨhwonefoho. Anɨtu kako oso hiso ntoêno esyohumanto nakuneêno ahwomomo motohontonemokosyohumaho. 5 Sekwo Anɨtumneêno huno neêno syafɨsyontɨfi sɨmeho hiêntnnono uyɨwoênɨngkohofo soêno Anɨtu kakoe yokumpohnênyoênji hofiyo semokosyohumentanɨngkuhwosi sekwo yoêmayo wopɨngoso womantɨfeho. Sɨkuno moiêwo imoênoso sohonta Jisas nakumo asomo netɨmayoêne poso sohonta yoêmayo wopɨngo nakumneêno ntoêno esyohumasoso utɨhwaênyopo iêmofapɨhwosoêno uhwonantanoho. 6 Sekwo Anɨtu yoêmayo wopɨngo sejapone soêno huno syafɨsyɨkuji sɨmonyo fiyɨmno. I osoêno olohonta yoêmayo tango seêmayo soêno sekwo iyoho senɨngkuhwoloho. Oêo, yoêmayo wopɨngo sekwo tɨfi noêmo mapitnne soêno sekwo huno syafɨsyɨkuji sɨmeho wopɨngoênji fosyohumamno. 7 Anɨtu kako ole syofɨsyalofoho. Yoêmayo tango uêmasoso hofɨko ngkineêno sɨmeho hiêntnnono ntopalokwofoso yokumpohnênyo utoêmonnoho. Anɨtu kako ose syofɨsyalofoho. Oso paênyoso aêamu ahwomo yokino mtɨêmokuwoênɨngkohofo sohwa hofɨko ahwomo yokinoso toho engo sopo iloho yontɨfi yoêmayo hintalinyoso moiêwo imoênɨngkahonɨngki ahwomo yokino neênohinoso lɨfawowoênɨngkisofoho. Oso ahwomo yokinoso sekwoe sɨmeho hiêntnnono Anɨtumo uyalokwofo somo muyakolofonehoho. Oêo, oso ahwomo yokinoso wonyo imoênɨngkuhwosoêno sekwoe sɨmeho hiêntnnonohino uyoso neêno nowentɨhwonefoho. Yoêmayo tango seêmasoso sekwoe sɨmeho hiêntnnono uyoso yokumpohnênyo imoênɨngkuhwosoêno neêno nowentɨhwonefoho. Oseso Jisas Kɨlais utɨhwaênyopo pɨhwosoêno sekwo sɨmeho hiêntnnono uyalokwofo soêno sekwoe yofe engo nomafɨkuji Kɨlaisɨye yokumpohnênyo soênji nomafɨkuji neêno nohumantokutnnefoho. 8 Sekwo Kɨlaisɨmo muhwonyoênjo ko yontɨfi kakineêno sekwo sɨmeho umentohofofoho. I olohonta sekwo kakimo muhwonyoênjo yontɨfi kakineêno huno neêno syafɨsyontɨfi sɨmonyo yalokwofo. Oso sɨmonyo iyo hiso yoêmayo hwahoponjo somneêno sɨmonyo iwoênɨngkohofo somo hwofiloênnyofoho. U aêamu hofɨko oso sɨmonyo iyo homo somneêno huno muyoso hofɨkoe huno ntoêno ehohosasiyoêneso nakwo pipi ufoêmanehwono. Oêo, awonoho. 9 I hwapɨngoso nakwo Anɨtumo sɨmeho hiêntnnono uyalokuhwone soêno Anɨtu kako nakwoe huyoêmangoso songo imokalofoho. Huyoêmango songo hiso Anɨtuênji neêno humayoênefoho. 10 Oso wopɨngo Anɨtu nelohofalokunjo soêno hohonta aêamu Anɨtu hungkuno uyahonɨngki lɨmotofo sohwa hofɨko hungkuno hiso ifalifaliyo mtɨêmokontɨfi hwapɨngo ne soêno wejokwojosyano lontɨfi syoho engo ko imentohofoso hofɨko hwapɨngo ne soêno huno mosyafɨhuêmmentohofofoho. 11 Kɨlaisɨye Towahuno osohwo kako hofɨkoe sɨmeho momêmo nohumanto hofɨkimo ulɨmento, Tɨfi noêmo Kɨlais kako tohino kengo kengo mahwosi kako yofe engo manefoho. Ose ulahonɨngki hofɨko ulɨmentohofi, Sɨkuno ntɨsomo imoênoneto. Oso sɨkuno homo somo peho peho imoênoneto. 12 Oseso Anɨtu hofɨkimo utɨhwamento, Ngko olo hungkuno selalokwe loso sekwoe sɨkuno lomneêno moselalokuyohono. Oêo, aêamu tɨfi imoênɨfijo osomneêno lalokweno. Ose lutɨhwamentisofoho. Aêamu Anɨtuye hungkuno mtɨêmokumentohofo sohwa hofɨko olo hungkuno loso sekuneêno mtɨêmokumentohofofoho. Oseso olohonta aêamu Anɨtuye hungkuno wopɨngo selɨmentohofoso oso hungkuno hiso selɨmentohofofoho. Anɨtu kakoe Towahuno Wopɨngo ahwomo mtaêni uhwojahonɨngki oso Towahuno huhwo sohwo kakoe yokumpohnênyoso oso aêamu somo uyahonɨngki hofɨko oso hungkuno hiso selɨmentohofofoho. I aêamu ahwomomjoso hofɨko Anɨtuye hungkuno hwapɨngo ne soêno wotɨpemantɨfiêno yalokwofo. Neso hofɨko huno muyofoho. 13 Oseso sekwo sekwoe hunoso ntoêno ikwesyafɨsyɨkuji ntoêno fohontohumamno. Yoêmayo yahino wonyoso ikutoho. Oêo, sekwo Jisas Kɨlais kako utɨhwaênyopo asomo pɨhwosi kako sekumo yoêmayo wopɨngoso sejapone soêno huno syafɨsyɨkuji ntoêno fesyohumamno. 14 Hohonta sekwo Anɨtumneêno huno itoêno maseyo sohonta sekwoe sɨmehoso kako wonyo umo lonte osomo sekwo inɨngkamotofofoho. I oso hiso apaêno ikutoho. Oêo, sekwo Anɨtuye mehomi soku, sekwo kakoe hungkunomnohini finɨngkamno. 15 Anɨtu kako kakoe mehomi imoênyoêne sehwosopoêmentiso sohwo kako wonyo ane humaso soêno sekwo hoku Anɨtu paênyo honɨngkano wonyoêmaso hmmoênɨmno. Osoêno nakwo yoêmayo iwoênɨngkuhwoneso honɨngkano wonyoêmaso uyano. 16 Hwapɨngoso aêamu Anɨtuye hungkuno mtɨêmokumentohofo sohwa hofɨko ole mtɨêmokumentohofi, Anɨtu nalɨmento, Ngko honɨngkano wonyo ane hwoênyoho. Osoêno sekwo hoku honɨngkano wonyo ane fosyohumamno. Ose mtɨêmokumentohofofoho. 17 Sekwo Anɨtumo jomo ulantɨfi, sekwo ole ulɨwoênɨngkohofi, Mpohwo. I ose ko ulontɨfeso ole soêno fɨsyafɨhupmno. Nanɨngkwohwo huhwo sohwo kako aêamufe yofe engo somneêno mosyafɨsiyoênjo iwoênɨngkisofoho. Oêo, kako aêamu angaêno angaênohino sofe yahino somneêno kako yano ilofɨwoênɨngkiso hweho. Osoêno sekwo Anɨtuye mehomi olo hwaho lopo humalofo soku olo hwaho loso sekwoe hwapɨngopoêmaho. Oêo, kihnênawoênnyo kuyoho. Sekwoe hwapɨngo neso ahwomomnoho. Osoêno sekwo olo hwaho lopo nohumafɨkuji sekwoe yahino soênji hano emoyo soêntnno huno ntoêno fɨsyafɨhupmno. Anɨtuye sɨmehoso tango ifisyɨmofanoho lɨkuji huno ntoêno fɨsyafɨhupmno. 18 Sekwo huno moiêwonoho. Hohonta sekwo sekwoe ajuyohwosafe yahino somo tɨpemantɨfi ne ane siki humamotofofoho. I oso honɨngkano sikinjo homo somo humentanɨngkofi Anɨtu kako mpe esemanto isɨhutofosemaêmentisofoho. Anɨtu kako sekumo mpe esemayoso yoêmayo hwahoponjo hamniyoho wonyo imoênɨwoênɨngkiso osoênji mpe esemaêmentisoêmaho. 19 Oêo, kako sekumo Kɨlaisɨye honɨyo osoênji mpe esemanto isɨhutofosemaêmentono. Oso honɨyoso olo hwaho loponjo hamniyoho hopiênono mɨhuêmokinɨngkuhwosi oso honɨyo homo somo mpe iyoso hopoêmaho. Oso hohosohonta aêamu hofɨkoe wonyomneêno yahu sipsip wonyoangkafoênohini wonyo aneênjoso fonjokisahumotofofoho. Oso paênyoso Kɨlais kako honɨngkano wonyo nɨhuêno ane sohwo kako nakwoe wonyomneêno poyo peênɨmentisofoho. 20 Nakwoe hwaho mamtɨêmokiyo sohonta oso syoho homo somneêno Anɨtu kako Kɨlaisɨmo uhwosopoêmentisofoho. Kɨlais huhwo sohwo kako olohonta sɨkuno moiêwo umoênɨmonte somo sekumo wopɨngo selohofoêneso utɨhwaênyopo nto iêmofapohoho. 21 Kɨlais kako sekumo nosefoêmahonɨngki sekwo Anɨtumo sɨmeho hiêntnnono uyalokwofo. Anɨtu kako Kɨlaisɨmo apaêno songo ulɨkafonto yofe engo uyɨmentiso soêno sekwo huno olo soêno seyohoho. Anɨtu kako sekumo apaêno songo woselɨkaêmontonoho. Osoêno sekwo oso hisoêno sɨmeho hiêntnnono uyɨkuji sɨmeho wopɨngoênji fohontohumamno. 22 Sekwo Anɨtuye hungkuno ne somo inɨngkowalokwofo soêno sekwoe sɨmeho wonyo ane paênyo imoênɨngkohoho. Sekwo sekwoe yoêmayo soêno huno mosyafɨsiyoênjo yontɨfi sekwo nomêne aêamu somo sɨmeho uyalokwofo. Oso sekwo sɨmeho neênjo uyo hiso mango mtaênnohini lɨkutoho. Oêo, sekwo nomêne aêamu somo sɨmeho neênjo uyo soêno syoho yokumpohnênyo fiyɨmno. 23 Sekwoe songo humayo yahinoso songofoho. Oso songo humalofo hiso senɨngkwohwoêyaêu mtaêangoêmaho. Oêo, Anɨtu engolopohamo songo humaso sohumtaêangofoho. Nanɨngkwohwo yaêu siko nakumo songo humayo nejapɨwoênɨngkisiyoso moiêwo umoênɨmontonoho. Olo nomêne songo humayo songo loso Anɨtuye hungkuno ne mtaêangofoho. Kɨlais Anɨtuye hungkuno sohwo songo neêno humayoêneso hwapɨngo hweho. 24 Aêamu Anɨtuye hungkuno mtɨêmokumentohofo sohwa ole mtɨêmokumentohofi, Nakwo hwe moyaêmi olo hwaho lopo humalohwone hnênwi hoja paênyoênwoho. Yoêmayo yofe engo, ou, hoêyango engo mentaneso hoja paênyoso sɨlɨfiyo lonto yofoho iwoênɨngkisofoho. 25 I osoêno nakwoe Hwe Engo sohwoe hungkuno engolopohamo neêno nowentɨhwonefoho. Ose lɨmentohofofoho. Oso hungkuno wopɨngo hiso hofɨko sekuneêno selɨmentohofofoho.