1 Pita 2

1 Sekwo yoêmayo yahino wonyoso fohoênaopmno. Hwasyo hungkuno soênji hungkuno mangoênohinojo soênji fohoênaopmno. Aêamu hoêyango engoênjo somneêno sɨmeho tohino semnyoso fohoênaopmno. U nomêne aêamu somneêno sitofo ujoso fohoênaopmno. 2 Nakwo huno nayohoho. Mehomi weêeso hofɨko amno wonantɨfi humotahoênohini lɨwoênɨngkohofofoho. Oso paênyoso sekwo Anɨtuye hungkuno ne somneêno humotaho filɨmno. Oso hungkuno hiso sekwoe huyoêmangomnefoho. Oso hungkuno amno paênyoso sɨkuno huhwo huhwi nonɨngkuji yokumpohnênyo nɨtoênɨngkuji Anɨtuênji wopɨngo wohumantɨfeho. 3 Anɨtu kakoe yahino wopɨngo setɨhwamaso soêno sekwo inɨngkawentɨfi oso homo somneêno huno syafɨsyontɨfi oso yahino meêwampeênjofoho lalokwofo. 4 Sekwo Jisas Kɨlais songo neêno humawoênɨngkiso sohumo uêmapmno. Kako engkwosaho fompokumo miyoênjo engolopohamo neêno wontnnawowoênɨngkiso paênyo hweho. Aêamu hwahoponjoso hofɨko oso engkwosahoso nakwolaho lontɨfi wae yaoêmentohofofoho. I oso engkwosaho homo somo Anɨtu kako nohwosopento yofe engo mulɨmentisofoho. 5 Sekwo hoku ango yokino fompokumo miyoênjo neêno wontnnawowoênɨngkiso paênyo soku Jisas Kɨlaisɨmo nuêmafɨkujoêno Jisas kakoe ango ne wasemokumontonoho. Oso ango homo somo kakoe Towahuno wohumamontonoho. Osopo sekwo kakoe syoho ulohofiyo imoênɨngkuji Anɨtumneêno yoêmayo syohoso ikujoêno Anɨtuye sɨmeho wopɨngo umokumno. Osoêno nakwo Jisas Kɨlaisɨmneêno yoêmayo syoho yasosoêno Anɨtu kakoe sɨmeho wopɨngo umoênɨmontonoho. 6 Aêamu Anɨtuye hungkuno mtɨêmokumentohofo sohwa Jisasɨmneêno ole mtɨêmokumentohofi, Upaênɨmno. Ngko ango yokino hopiênonohino somo yokumpohnênyo itofomokosyohumayoêne engkwosaho wopɨngo wonyoangkafo angaênohino sohumo uhwosopoêmentohefoho. I oso engkwosaho hiso ngko pone songo Saiyon sopo wonjahumentohefoho. I aêamu hofɨko oso engkwosaho wonjahumentohe sohumo hofɨko sɨmeho hiêntnnono uyɨkuji hofɨko kakineêno wonɨmango munonehoho. Ose mtɨêmokumentohofofoho. 7 Aêamu Kɨlaisɨmo sɨmeho hiêntnnono uyɨwoênɨngkohofo somo oso engkwosaho Kɨlais sohwo kako hofɨkimo hofiyo ufoêmaêmontonoho. I aêamu kakimo sɨmeho hiêntnnono muyoênjo somo kako mufoêmanehoho. Ole mtɨêmokumentohofi, Olo sojo engkwosaho paênyo aêamu ango injuwoênɨngkohofo sohwa nakwolaho lontɨfi syoho iyo sohwa hofɨko wae yaoêmentohofo loso olohontajo engkwosaho loso angomo sosofitofoêne hwapɨngo imoênɨngkohoho. Ose mtɨêmokumentohofofoho. 8 I nomênepo aêamu sɨmeho hiêntnnono muyoênjo somneêno hofɨko ole mtɨêmokumentohofi, Oso engkwosaho hoênaoêmentohofo sohumo aêamu hofɨko entofomafɨkuji wopɨwesyantɨfeho. Ose mtɨêmokumentohofofoho. Aêamu hofɨko Anɨtuye hungkunomo hwotoho fewoênɨngkohofoso hofɨko oso hungkuno homo somo entofomafɨkuji hofɨko wopɨwesyantɨfeho. Anɨtu kako oso yahino hiso iêmofapone soêno huno uyɨmentisoso ne imoênementisofoho. 9 Sekwo sokumo Anɨtu kakineêno sehwosopoêmentiso soêno sekwo kakoe aêamu ne imoênɨmentohofofoho. Sekwoe Hwe Engo nemokosyohumayo sohwoe syoho ulohofiyo kuyoho. Osoêno Anɨtu kako sekumo honɨngkano wonyo ane imoênyoêne sehwosopoêmentiso kuyoho. Sekwo Anɨtuye aêamu ne sokumo kako sekumo wopɨngo selohofiwoênɨngkiso soêno nomêne aêamu somo filutɨhwamno. Ole nakumo nalohoêmento, Sɨmoêmo sekwo sɨkwoêmjohoêmo nohumentanɨngkofi kako kakoe pomponaho wopɨngopo mesehumajɨêmentisofoho. 10 Sɨmoêmo sekwo aêamu sikinjo paênyo humamotofofoho. I olohonta sekwo Anɨtuye temtitofo neku humalofo. Hohonta Anɨtu kako sekuneêno hitoho uloêmentiso soêno sekwo huno maseyo kuyoho. I olohonta kako sekumo wopɨngo selohoêmentiso soêno huno seyahonɨngki sekwo sɨmeho neênjo uyalokwofo. 11 Nje aêamu soku sekwo olo hwaho lopo kihnênawoênnyo kuyoho. Sekwoe hwaho neso olopo mauyoho. Ahomomo weho. Osoêno ngko olo hungkunolo waselɨmonneêno yohono. Sekwo yoêmayo hwahoponjo yahino soênji sekwoe yoêmayo wonyoso sɨmeho umo lonte soêntnneêno hohujo fikinjaopmno. Oso yahino wonyo sohwo kako nakwoe huyoêmango nonto wonyo namokonoho lɨkuji hohujo fikinjaopmno. 12 Sekwo aêamu Anɨtuye hungkunomo inɨngkawowoênɨngkohofo soku sekwo aêamu Anɨtuye hungkunomo hwotoho fewoênɨngkohofo soênji ajwopo nohumafɨkuji sekwo honɨngkano wonyo ane hano ntoêno fɨwanɨmno. Sekwo aêamu Anɨtuye honɨngkanomo inɨngkawowoênɨngkohofo soêno hofɨko sekumo sitofo selɨwoênɨngkohofo oso aêamuso hofɨko ikinjaofontɨfi sekwoe syoho wopɨngo somo sehonontɨfi oso sɨkuno Anɨtu kako hungkuno ikwolofoêne poso sohonta hofɨko Anɨtu kakoe yofe nohoênomapitnnefoho. 13 Sekwo Anɨtumneêno huno ntoêno syafɨsyɨkujɨêmanji olo hwaho loponjo hwe engo yofe hwofiloênnyo sohwo hwaho lopo sekumo semokosyohumawoênɨngkiso sohwoe hungkunomo tɨfi finɨngkamno. Anɨtu kako sekumo hofɨkoe sɨfɨlakuênyoêmo sehumajɨêmentiso soêno sekwo kakoe hungkuno somo haloho popmno. 14 Oso hwe yofe engo hwofiloênnyo huhwo sohwamo nomêne aêamu yofe engoênjo sohwamo enjwaêmo humalofo. Oso huhwafe hungkunomo tɨfi finɨngkamno. Hwe yofe engoênjo sohwa hofɨko hofɨkoe syoho ulohofiyo sohwa hofɨko aêamufe yahino wonyo somneêno tohino uyoêne uhwajɨkuji nomêne aêamuso hofɨko hwe engo sohwoe hungkunomo haloho pewoênɨngkohofo osohwafe yofeso wohoênomantɨfeho. 15 Anɨtu kako olo soêno umoênɨngkohoho. Sekwoe yahino wopɨngoênohini yahonɨngkuji aêamu hofɨko Anɨtuye syoho wopɨngo somneêno sitofo lɨwoênɨngkohofo sofe huno wonyo syafɨsyɨwoênɨngkohofo somo sekwoe yahino wopɨngoso hofɨkoe mangomo mampiênyo umokumontonoho. 16 Sekwo oso honɨngkano hungkuno Mouses sejapmmentiso somtaêni Anɨtu isɨhutofosemaêmentisofoho. I osoêno sekwo honɨngkano wonyoso nɨhuêno mifitnnehofo. Sekwo ole lɨkutoho. Ngko Anɨtuye aêamu ne nto imoênɨmaleno. Osoêno ngko honɨngkano wonyo iêmeso tohino momaêmnehono. Ose lɨkutoho. Oêo, sekwo oso yoêmayo hungkuno homo somo hohujo ikinjaofɨkuji sekwo Anɨtuye syoho osoênohini ulohofiyɨmno. 17 Sekwo nomêne aêamufe yofeso monje isyɨkutoho. Oêo, sekwo hofɨkoe yofeso fohoênomapmno. I Anɨtuye aêamu ne somneêno sɨmeho uyɨkuji hofɨkimo wopɨngoênohini ulohopmno. Sekwo Anɨtuye hungkunomo haloho pekuji kakoe yofe fohoênomapmno. Hwe yofe engo hwaho mokosyohumayo huhwoe yofeso fohoênomapmno. 18 Sekwo syoho ulohofiyo soku, sekwo sekwoe hwe engo nosemokosyohumawoênɨngkohofo sofe hungkunomo haloho popmno. Hofɨkoe hungkuno homo somo haloho pekuji hungkuno homo somo sekwo enjwaêmo fosyohumamno. Hwe engo wopɨngo selohofɨwoênɨngkohofo somnohinɨêmaho. Oêo, hwe engo wonyo selohofɨwoênɨngkiso sohwoe hungkunomo enjwaêmo fosyohumamno. 19 Sekwo Anɨtuneêno honɨngkano wopɨngoênohini ikujoêno sekwoe hwe engo nosemokosyohumawoênɨngkohofoso hofɨko tohino siki sejapɨkujoêno sekwo Anɨtumneêno yokumpohnênyo neêno lohofɨkujoêno Anɨtu kakoe sɨmeho wopɨngo umoênɨmontonoho. 20 Sekwo honɨngkano wonyo imofɨkujoêno hofɨko tohino sejapɨkujoêno sekwo tɨmoênohini uhwontohumentanɨngkuji Anɨtu kako sekuneêno hitoho mulofeênjo umontonoho. I osoêno sekwo honɨngkano wonyo ane wopɨngoênohini yontanɨngkuji hofɨko sekumo tohino siki sejapɨkujoêno sekwo tɨmoênohini uhwontohumentanɨngkuji Anɨtu kako sekumo wopɨngo waselohoêmontonoho. 21 Hwapɨngoso oso tohino siki mayo yahino homo somo inɨngkayoêne Anɨtu kako sehwosopoêmentisofoho. Kɨlais kako sekwoe wonyomneêno tohino maêmentiso sohonta kako tohino siki mayoêne yahinoso hofiyoêno setɨhwamentisofoho. Kakoe hwotohomo finɨngkamno. 22 Jisas kako honɨngkano wonyoso nɨhuêno mimmentisofoho. Kakoe mango mtaêni hwasyo hungkunoso mahoênɨmmentisofoho. 23 Hofɨko kakimo sɨfajo ko ulahonɨngkofi kako hofɨkimo sɨfajo aku mulɨmmentisofoho. Hofɨko tohino ko uyahonɨngkofi kako ole mujofoho. Hwangku ngko tohino mɨkunɨmposo wosejapmmonnoho. Ose mujofoho. Oêo, Jisas kako Anɨtu aêamufe yahino somneêno yano ntoêno ulofɨwoênɨngkiso sohwoe ahomo yoêmayo hiso hoênahinonto kako Anɨtu ufoêmayoêne hontohumamentisofoho. 24 Jisas kako kakoe aêapaho wopɨngo somo nakwoe wonyo hungkunoso kotosahonɨngki kako iyo hwojiyafɨkuênnyo somo peênɨmentisofoho. Oso hopo sopo nopeênonto oso yahino wonyo nakumo yokumpohnênyo nemokosyohumamojo somtaêni wopɨngomnohini unɨngkowantanoho. Jisas nakwoe wonyomneêno tohino mɨkunɨmposo maêmentiso soêno kako sekumo wopɨngo semokumentisofoho. 25 Hohonta sekwo yahu sipsip paênyo honɨngkano hwasyomo uhwosopentɨfi weêmo imoênaofamentohofofoho. I olohonta Kɨlais sekwoe huyoêmango semokosyohumawoênɨngkiso sohwo kako asomo nosetɨmahonɨngki sekwo kakimo yahu sipsip paênyo soku inɨngkowalokwofo.