1 Tesolounika 3

1 Nakwo sekuneêno neêno syosyefɨsyɨwoênalokuhwone soêno sekwoe hungkuno najo soêne nohontohumehwaloho. Osoêno Sailasɨênji nekwo ole mtitofontai nekwo ango Atenɨs sopo nohumentai 2 Timouti sekuyepono wolɨhwojantayoêyɨhwoyo. Timouti huhwo sohwo kako nekwoênji Anɨtuye syoho yontani Jisas Kɨlaisɨye hungkuno lutɨhwawoênɨngkiso hweho. Nekwo Timoutimo sekwoe sɨmeho hiêntnnonohino somneêno yokumpohnênyo semokiyoêneêno uhwajɨhwoyo. Kako Anɨtuye yokumpohnênyo soêno wasefohotoêmtonoho. 3 Yoêmayo tangoso seêmalokunjo soêno iyoho masenonehoho. Sekwo huno moiêwonoho. Yoêmayo tohino mayosoêno Anɨtu lɨmento, Tohino wotɨpemantɨfeho. Ose lɨmentisofoho. 4 Nakwo sekwoênji nohumentani oso hisoêno nto selɨmentɨhwoni, Nakwo hopiênonohino tohino engo notɨpemanefoho. Ose selahonɨngkuhwoni hungkuno hiloso ne imoênɨmentiso soêno huno seyohoho. 5 Osoêno sekwo wopɨngo ko humalofo syafɨsyonji sekwoe hungkuno najo soêne mohontohumamnehono. Osoêno olo hilo soêno Timoutimo sekuyepono wolɨhwatɨmneêno yohono. Sekwo sɨmeho hiêntnnonohinoso yokumpohnênyo hiênji kohumalofo. Seten kako sekumo afofoênjo sejapɨhwosoêno nakwoe syoho ne ane imoênonoholontae lɨhwajɨhwoyo. 6 Timouti sekumo selɨkoêmanto olohonta nakumo neêmakwoho. Hungkuno wopɨngo sekumtaêangoso lonetɨhwahoho. Ole lonetɨhwahi, Hofɨko Anɨtumo sɨmeho hiêntnnono yokumpohnênyo uyalokwofo. Hofɨko aêamu nomêne somo sɨmeho wopɨngo uyontɨfi ufoêmalokwofo. Engolopohamo hofɨko nakumneêno syafɨsyɨwoênɨngkohofo. Nakwo sekumo wosehonantaneêno yalokuhwone hopaso sekwo nakumo wonehonantɨfeêno yalokwofo. Ose nalɨmasofoho. 7 Nakwoe aêamu soku, nakwo olopo tohino engo mentani nohumentanɨngkuhwone sekwo sɨmeho hiêntnnono yokumpohnênyo uyɨwoênɨngkohofo soêno upaênontani oso hisoêno nakumo yokumpohnênyo natofoênefoho. 8 Sekwo Hwe Engo Jisas sohumneêno yokumpohnênyo humalofo soêno huno naiso soêno yoêmayo tango nakumo neêmasoso nakwo sɨmeho wopɨngoênji wohumantanoho. 9 Nakwo sekumneêno Mpohumo jomo ulontani sɨmeho wopɨngo wonyoangkafo namoênɨngkohoho. Sɨmeho wopɨngo wonyoangkafo soêno Mpohumo isamoyoka pipi ulanehwono. Nakwo sekumneêno sɨmonyo yalokuhwono. 10 Mofehiênyoênji sɨkunoênji nakwo sekumo sefomayoêne Anɨtumo jomo ulɨwoênɨngkuhwonefoho. Sekwo Anɨtumo sɨmeho weêe uyɨfijoêmanji nosehonɨngkuhwasi sekwoe sɨmeho hiêntnnono engo uyosoêno wosefomaêmtonoho. 11 Nakwoe Mpohwo Anɨtuênji nakwoe Hwe Engo Jisas ntnneêno sekumo Tesolounika seêmayoêne honɨngkano namofiyoêne jomo ulalokuhwono. 12 Hwe Engo sohumo ole ulalokuhwono, Sekwo sɨmeho afa inɨwoênɨngkohofo soênji sekwo nufoêmaênɨwoênɨngkohofo soênji aêamu nomêne somo sɨmeho uyo soêntnneêno engo umojo. Ose ulalokuhwono. Nakwo sekumneêno hitoho selofɨwoênɨngkiso hopaso Hwe Engo sohwo kako sekumo sefoêmayoêne jomo ulalokuhwono. 13 Hwe Engo ose yososo sekwoe sɨmeho somo yokumpohnênyo semokososo nakwoe Hwe Engo Jisas kakoe aêamuênji asomo pɨfijo sohonta sekwo Anɨtuye sɨmanopo lohofɨkuji honɨngkano wonyo ane wopɨngoênohini lohopitnne kuyoho.