1 Tesolounika 4
PNG1 Ou, nakwoe aêamu soku, hungkuno nomêne woselantaneêno yɨhwono. Nakwo Anɨtuye sɨmeho wopɨngo umoênyo soêno yoêmayo honɨngkano yahino nto setɨhwamentɨhwonefoho. Oso yahino wopɨngo somo sekwo weêe inɨngkowalokwofo. I olohonta nakwoe Hwe Engo Jisasɨye sɨmano mofohiênontani hungkuno yokumpohnênyo woselantaneêno yɨhwono. Oso honɨngkano yahino wopɨngo somo sekwo aho yokumpohnênyo neêno fɨkesyohumantokuno. 2 Yoêmayo hungkuno hopiênono Jisas mtaêango selɨmentɨhwoneso sekwo huno moiêwonoho. 3 Sekwo yahino wopɨngo somo inɨngkayo soêno Anɨtu ole umoênalofoho. Honɨngkano wonyo aneênjo wopɨngoênohinimo finɨngkamno. Yoêmayo yahino wonyo aêmohufo iyoso nɨhuênahone fohuêmeeopmno. 4 Ape mayo yahino soêno honɨngkano itoênohini fɨsyafɨhupmno. Ou, sekwo angaêno angaênohino sohwasi, sekwo ape womano lɨkuji ape mayo yahino somneêno huno syafɨsyɨkuji sekwo ape itoêno mapmno. Sekwo sɨmeho noselɨkafɨhwoloho. 5 Sekwo aêamu Anɨtu neêno huno mosyafɨsiyoênjo sofe yahino nomafɨkutoho. Hofɨko hofɨkoe aêapahomnohini syafɨsyontɨfi apemneêno sɨmeho fefoyo uêmahonɨngki ape hufo hopa iwoênɨngkohofɨhwafoho. 6 Olo yahino losoêno sekwo nomêne somo wonyo ulohofɨkutoho. Nomêne sohwafe ape hufo nomafɨkutoho. Olo yahino wonyo losoêno Anɨtu tohino mɨkunɨmposo uyonefoho. Olo hilo soêno nakwo hungkuno yoloho nto selɨmentɨhwonefoho. 7 Anɨtu kako nakumo honɨngkano wonyomo inɨngkayoêne nahwosopoêmentisoêmaho. Oêo honɨngkano wonyo ane wopɨngoênohini somo inɨngkayoêne nahwosopoêmentisofoho. 8 Olo ape itoêno mayoêne hungkuno somo hwe fihwo hwotoho feso sohwo kako aêamufe hungkunomnohini mafewoênɨngkiyohoho. Oêo Anɨtuye hungkuno homo hwotoho fewoênɨngkiso hweho. Anɨtu huhwo sohwo kakoe Towahuno wonyo ane wopɨngoênohini nejapɨwoênɨngkiso sohumo hwotoho fewoênɨngkisofoho. 9 I aêamu nomêne somo sɨmeho inyosoêno pehofo semtɨêmokiyɨmnehono. Oêo Anɨtu oso hisoêno nto setɨhwamasofoho. 10 Sekwo aêamu Masetouniyantaêango Anɨtumo sɨmeho umotofo somo sekwo sɨmeho uyɨwoênɨngkohofo kuyoho. I osoêno nakwoe aêamu soku nakwo hungkuno yokumpohnênyo woselantaneêno yɨhwono. Olo yahino loso sekwo yokumpohnênyo neêno fisyafɨsyɨkuno 11 Sekwo hungkuno tɨfiênjo soêno huno yokumpohnênyo fɨsyafɨsyɨkuno. Sekwoe humayoso hofiyo ntoêno fosyohumafɨkuji sekwo syoho yoêmayo soêno itoêno mokosyohumamno. Sekwoe wopayo syoho yoêmayo syohoso sekwoe ahoênji ntoêno fiyɨkuno. Hohonta ose nto selɨmentohefoho. 12 Ose ifijoêmanji aêamu Anɨtuneêno mosyafɨsiyoênjoso sekwoe honɨngkanomo sehonɨngkuji hofɨko yofe wopɨngo womeselantɨfeho. Sekwo yokumpohnênyo ifijoêmanji sekwo umofonyo mifitnnehofo. Nomêne somo yoêmayo soêno jomo mulɨfitnnehofo. Oêo sekwo hoponoho. 13 U nakwoe aêamu soku aêamu poyo nto peênyosoêno sekwoe hunomo itoêno womesehwojantaneêno yɨhwono. Huno itoêno syafɨhupijoso poyo peênyosoêno sekwoe sɨmeho tango maseyonehoho. Aêamu Anɨtumo sɨmeho hiêntnnono muyoso aêamu poyo peênɨngkahonɨngki ntɨêmo kohumaho syafɨsyontɨfi humotaho latɨpewoênɨngkohofofoho. Anɨtu nelɨkafone soêno mohontohumayoênjoso hofɨko poyo peênyosoêno hofɨkoe sɨmeho tango uyalofoho. 14 Jisas kako poyo peênonto apaêno songo lɨkaêmentiso soêno syafɨsyɨwoênɨngkuhwono. Oso hisoêno nakwo sɨmeho hiêntnnono uyɨwoênɨngkuhwonefoho. Osoêno olo soêno huno nayohoho. Aêamu Jisasɨmo sɨmeho hiêntnnono uyontɨfi peênɨmentohofoso hofɨko Jisasɨênji ufohiênɨngkahonɨngkofi Anɨtu songo humayoso uyɨmentiso soêno Jisas asomo poso sohonta kako aêamu homo somo asomo ipemotaponefoho. 15 Nakwoe Hwe Engo Jisasɨye hungkuno woselantaneêno yɨhwono. Hwangku Hwe Engo sohwo asomo poso sohonta nakwo hwe moyaêmi songo humalohwone hnênwi nakwo aêamu peênɨmentohofo somo sɨmoêmo mupeenehwono. 16 Oêo Hwe Engo sohwo kako mampaho engoênji joho lahonɨngkuhwosi aêamu ahwomomjo sɨmoêmtaêango sohwo joho lɨhwosi Anɨtuye kounoho yoka hoênɨngkuhwosoêno osohonta Hwe Engo sohwo ahwomomo ulɨkoêmahwosi noponefoho. Oso hohosohonta aêamu Jisas Kɨlaisɨmneêno sɨmeho hiêntnnono uyontɨfi peênɨmentohofo somo Anɨtu songo ulɨkafonefoho. 17 Oso hohosohonta nakwo hwe moyaêmi Jisasɨmo sɨmeho hiêntnnono uyontani songo humalohwone hnênwi Hwe Engo sohwo nakumo netɨmahwosi nakwo hiênnonji poyo peênɨmentohofo soênji himopo noswoênɨngkuhwasi osopo Hwe Engo sohumo sɨêmowanefoho. Osohonta nakwo Hwe Engo sohwoênji engolopohamo neêno humentɨhwanefoho. 18 Oso hisoêno sekwo senɨngkwaêwehwosamo ulɨkuji hofɨkimo yokumpohnênyo usosofitopmno. Aêamu poyo peênyosoêno sɨmeho tango uyalokunjo somo olo hungkuno hiloso ulɨkujoêno hofɨkoe sɨmeho wopɨngo umoênɨmontonoho.