1 Timouti 2
PNG1 Ngko kikimo hungkuno kijopalokwe sɨmoêmjoso olenoho. Aêamu Anɨtumo sɨmeho hiêntnnono uyɨwoênɨngkohofoso ole uyɨfe. Hofɨko yoêmayo soêno umofonyo ikuji hofɨko Mpohumo jomo ulɨfe. Hofɨko aêamu hopiênonohino somneêno Anɨtumo jomo ulɨkuji yoêmayo Anɨtu hofɨkimo wopɨngo ulohoêmonto imentiso osoêno sekwo Anɨtumo isamoyoka ulɨmno. Oso aêamu hwaho mokosyohumawoênɨngkohofo sohwanji hwe engo sohwantnneêno Anɨtumo jomo ulɨfe. Hofɨko Anɨtumo jomo ulɨkujoêno oso aêamu huhwo sohwa hofɨko nakumo hofiyo nemokosyohumafɨkujoêno nakwo sɨmeho wopɨngoênji nohumehwasi Anɨtuye yahino wopɨngo somo tɨfi ntono unɨngkowantanoho. 3 Nakwo aêamu hopiênonohino somneêno Anɨtu honɨngkano wonyo somtaêni isɨhutofonemayoêne sohumo jomo ulɨhwasoêno kako nakumo tɨmo wopɨngo nahonɨngkuhwosi kakoe sɨmeho wopɨngo umoênɨmontonoho. 4 Anɨtu kako aêamu hopiênonohino somo kakoênjo pone asomo utɨmayo soêno umoênɨngkohoho. Aêamu hopiênonohinoso hofɨko kakoe hungkuno neênjo somo nupaênɨngkuji kakimo tɨfi inɨngkayo soêno umoênɨngkohoho. 5 Nakwo huno nayohoho. Anɨtu kako angaênohinohwo humaho. I aêamu angaênohino sohwo nakwo aêamu hwahoponjo lohnênɨmneêno Anɨtumneêno hwaho loponjo humaso sohwo Kɨlais Jisasɨyoho. Oso huhwo sohwo kako nakwoênji Anɨtuênji hungkuno monehwajiyoêne hweho. Sɨmeho pompengo nalɨpe-eêne hweho. 6 Oso syoho homo somneêno Anɨtu kako sɨkuno hoênahumentisoso iêmofopahonɨngki Kɨlais kako kakoe fosyohumayo wonyoangkafoso nohoênosyahoponto kako aêamu hopiênonohino honɨngkano wonyo somtaêni isɨhutofonemayoêne mpe enemayoêne kakoe honɨyo wopɨngoso usɨhumaêmentisofoho. Ose imentiso soêno nakwo huno ole nayohoho. Anɨtu kako aêamu hopiênonohino somo asomo utɨmayoêne soêno umoênɨngkohoho. Oso honɨngkano hiso utɨhwaênyopo ujo ehontojwahumentisofoho. 7 Oseso Anɨtu kako ngkimo olo kakoe hungkuno loso aêamu somo lutɨhwayoêne nɨhwosopoêmentisofoho. Olo hungkuno loso ngko hwasyo molokitɨhwalokuyohono. Oêo, nehopi lokitɨhwalokweno. Anɨtu kako aêamu temtitofo kengo somo asomo utɨmaêmo lonto hofɨko nje hungkuno neênjo somo sɨmeho hiêntnnono ntapɨfitnneêento hofɨkimo lutɨhwayoêne nɨhwosopoêmentiso hwoênyoho. 8 Oseso ngko oloêno nɨmoênɨngkohoho. Hwe moyaêmi angoêmeemjo hopiênonohinoso hofɨko Mpohumo jomo ulɨfe. Oso aêamu hiso hofɨko yahino wonyoso nohoênasyɨkuji hofɨko wopɨngoênohini humafɨkuji Mpohumo jomo ulɨfe. Hofɨko nomêne aêamu somneêno sɨmeho tohino muhmnyoênjo uyono. Hofɨko yoka mahnnyoênjo ufe. Oêo Anɨtumneêno huno ntoêno syafɨsyɨkuji kakimo yoêmayo soêno jomo ulɨfe. Ose nɨmoênɨngkohoho. 9 Ngko moyaêmi sofamneêno ole soêno nɨmoênɨngkohoho. Moyaêmi sofa hofɨko huno itoêno syafɨsyɨkuji he manjiêmofo itoêno fiyɨmno. Sekwo huno ole soêno nosyafɨhuênɨngkutoho. U ngko angkafiênyoho. Aêamu wanohonɨfe. Ose lɨkuji yoêmayo he manjiêmofo hamniyoho engo ihnênaofɨkuji mijiyoênji aêapahomne wokososo wopɨngo wopɨngo ihnênɨngkutoho. Oêo, yoêmayo he manjiêmofo honje monje yɨêmoênɨngkutoho. 10 Sekwo moyaêmi sofasi aêamu ole wonalɨfe, Hofɨko Anɨtuye mehomi nefafoho. Aêamu ose wonalɨfe sekwo ose lɨfijoêmanji sekwo Anɨtuye syoho wopɨngoênohini fiyɨmno. Oso syoho wopɨngo hiso sekwoe aêapahomjo wokoso paênyofoho. 11 Sekwo moyaêmi sofasi sekwo nomêne aêamumneêno hwahopo pawekuji nomêne aêamufe huyo soêmo mampiênyo humafɨkuji Anɨtuye hungkuno upaênɨmno. 12 Ngko olo yahino losoêno manɨmoênɨngkiyohoho. Hwe sohwa hofɨko moyaêmi sofamo enjwaêmo humayoso wopɨngoêmaho. Ngko moyaêmi sofa hofɨko hwe sohwamo Anɨtuye hungkuno lutɨhwayo soêno manɨmoênɨngkiyohoho. Oêo, moyaêmi sofa hofɨko mampiênyo humafɨkuji Anɨtuye hungkunoso halohoêno upaênɨfe. 13 Sɨmoêmjo hwapɨngoso Anɨtu kako Atam sɨmoêmo mtɨêmokonto tɨfi Efa mtaêmokumentisofoho. 14 Nomêneso olenoho. Atam kako Iten nohumanto Setenɨye hwasyo hungkunomo sɨmeho hiêntnnono muyɨmmentisofoho. Oêo, Efa kako oso hwasyo hungkuno homo somo nupaênonto sɨmeho hiêntnnono uyonto tɨfi inɨngkawento honɨngkano wonyo imentisofoho. Oso imoênɨmentiso soêno huno syafɨsyɨhwasi moyaêmi sofa hofɨko hwe sohwafe hungkunomo enjwaêmo wohumafe. 15 Oseso olohonta moyaêmi sofa hofɨko mehomi aswo mantɨfeso tohino engo malokwofo. I osoêno hofɨko Anɨtumo sɨmeho hiêntnnono neêno uyɨkuji nomêne aêamu soênji hofɨko sɨmeho inɨngkuji hofiyoêno ufoêmafɨkuji honɨngkano wopɨngoênohini tɨpemafɨkuji huno wopɨngoênohini syafɨsyɨkuji humentanɨngkuji Anɨtu kako oso moyaêmi hofo sofafe wonyomjo tohino somtaêni isɨhutofumanefoho.