1 Timouti 3
PNG1 Olo hungkuno loso nehopeho. Aêamu kako Anɨtuye syoho somo mokosyohumayo soêno kako syoho wonyoangkafo soêno umoênɨmontonoho. 2 Oseso oso aêamu Anɨtuye syoho mokosyohumayo huhwo sohwo kako kakoe yahino wopɨngoênohino soênji wohumano. Ose humentanɨngkuhwosi nomêne aêamuso hofɨko hwe huhwo sohumo nuhwonɨngkuji hofɨko yahino wonyoso nɨhuêno motɨpemapɨfitnnehofo. Olo syoho hiloso hwe kako ape angaênohinoênjohwo humahwosi uyono. Oso aêamu huhwo sohwo yoêmayo yahino kako iwoênɨngkisoso kakimo yokumpohnênyo mumokosyohumanehoho. Yoêmayo yahino wonyo kakimo uêmasoso kako oso yahino homo somo monje yasiyoso hoponoho. Kako yoêmayo soêno huno ntoêno syafɨsyɨhwosi syoho ntoêno uyono. Oso hwe huhwo sohumo aêamu ango kengoêmtaêangoso kako nomêne aêamu somo Anɨtuye hungkuno lutɨhwayo syohoso wopɨngo uyono. 3 Kako mijo yokumpohnênyoso nɨngkuhwosi monilohofonehoho. Kako nomêne aêamu somneêno sɨmeho tohino komoêno muhmnonehoho. Oêo, kako aêamu hopiênonohino somo sɨmeho wopɨngoênohini uyɨmontonoho. Kako nomêne aêamu somo ikujoho mafonjonehoho. Kako yoêmayo hamniyoho mayo soêne huno engo syafɨsyɨwoênɨngkuhwoloho. 4 Kako kakoe apeênji mehomiênjimo kako ntoêno wemokosyohumamontonoho. Kakoe mehomi sohwa kanɨngkwohwoe hungkunomo halohoêno upeentɨfeho. 5 Hwe fihwo kako kakoe mehomiênji konaêwohiênjimo ntoêno memokosyohumayo sohwo kako oso aêamu Anɨtumo sɨmeho hiêntnnono uyo somo ntoêno mokosyohumayoso pipi wemokosyohumamontolo. Oêo, awonoho. 6 Aêamu Anɨtumo sɨmeho hiêntnnono kahopi uyalokuso sohwo kako aêamumo mokosyohumayo syoho loso momanehoho. Oso aêamu sɨmeho hiêntnnono Anɨtumo kahopi uyalokunjo sohwo kako olo syoholo nomahwosoêno, ngko hwe engo hwoênyoho, kako huno ose syafɨsyonehoho. I kako oso hunoso nosyofɨsyɨhwosɨêmanji Anɨtu kako oso huno wonyo hisoêno kako Setenɨmo wae yaoêmentiso hopaso oso hwe sohumo wae yaofonefoho. 7 Aêamu Anɨtumo sɨmeho hiêntnnono muyoênjo yontɨfi yolohoêmo humalofo huhwanji oso hwe aêamumo mokosyohumayo syohoênjo sohumo uhwonɨngkuji kakoe yahino wopɨngo somneêno hofɨko huno ole wosyofɨsyantɨfeho, Kako hwe wopɨngo hweho. Kako yahino wonyo yosoêmanji hofɨko kakoe yahino wonyo somneêno hungkuno mjulɨkujoêno Seten kako monje ulohofɨhwosoêno kakoe syohoso wopɨwahuêmontonoho. Kako Anɨtuye aêamu somo honɨngkano wopɨngomo ntoêno momɨhwajonehoho. I ngko olo iyoswo aêamu yahino wopɨngo wopɨngoênjo somneêno mtɨêmokalokwe loso i aêamu oso yoêmayo yahino hiênjo somo kɨko Anɨtuye aêamu ne somo mokosyohumayoêne syoho soêno uhwosopofo. 8 Oso paênyoso aêamu Anɨtuye syohoênjoso hofɨko hofɨkoe yahino somneêno huno ntoêno wosyafɨhuênɨfe. Hofɨko huno hufaêuênji nomokosyohufɨkutoho. Oêo, huno Anɨtumneênohini wosyafɨhupɨfe. Hofɨko mijo yokumpohnênyo nɨngkukuji nonilohofɨkutoho. Hofɨko huno nomêne aêamu mtaêni hamniyoho yoêmayoso engo mayosoêno huno nosyafɨsyɨkutoho. 9 Aêamu Anɨtuye syohoênjo sohwa hofɨko hofɨkoe sɨmeho moêmo ole mahnnɨfitnnehofo, Ngko wonyo hwoênyoho. Ose mahnnɨfitnnehofo. Oêo, hofɨko Anɨtu kakoe hungkuno neênjoso ujo ehontojwahumentiso homo somo sɨmeho hiêntnnono uyɨkuji aho yokumpohnênyo wokemokosyohumantɨfeho. Ose ikujoêno ole wosyafɨhuênɨfe, Anɨtuye hungkuno neênjoso nje yahino wonyo somo wae yanɨmoêmentisofoho. Kakoe hungkunomnohini unɨngkamo. Ose syafɨhuênɨngkuji Anɨtuye yahino wopɨngoênohini uyɨfe. 10 Aêamu Anɨtuye syohoênjo sohwa hofɨkoe yoêmayo yahino soênji hofɨkoe syoho soênji sekwo sɨmoêmo uhwonɨmno. Oso homo somo sekwo yahino wopɨngoênohini uhwonɨfijoêmanji eêwano hofɨko Anɨtuye syohoso uyɨfe. 11 I hofɨkoe aêmusya hofanji yahino wopɨngoênohini uyɨfe. Hofɨko nomêne aêamu somneêno sitofo nolɨkutoho. Oso moyaêmi hofo sofa hofɨko yoêmayo yahino iwoênɨngkohofo huhwo sohwo hofɨkimo yokumpohnênyo mumokosyohumanehoho. Oso yoêmayo yahinoso hofɨkimo uêmasoso hofɨko oso yahino homo somo monje yasiyoso hoponoho. Hofɨko yoêmayo yahino iwoênɨngkohofoso ntoênohini uyɨfe. 12 Aêamu Anɨtuye syohoênjo sohwo kako ape angaênohini womano. Oso hwe huhwo sohwo kako kakoe mehomiênji kakoe apeênji ntoêno womokosyohumano. 13 Aêamu Anɨtuye syohoênjo sohwa hofɨko hofɨkoe syoho wopɨngoênohini ikuji hofɨkoe humayo yahinoso wopɨngoênohiniêmanji aêamuso hofɨkimo nuhwonɨngkuji hofɨkoe yofe nohoênomafɨkuji yoêmayo hungkuno Kɨlais Jisas mtaêangoso lutɨhwawoênɨngkohofo somo hofiyo upoênantɨfeho. 14 Ngko sekwoe angopo sekumo komoêno woseêmaêmonji yalokweno. 15 I osoêno ngko komoêno moseêmaso yalokwe soêno ngko olo iyoswo mtɨêmokalokwe losomo sekwo atofo lɨkuji Anɨtuye mehomife yahino wopɨngo soêno huno wopɨngo wotɨpemantɨfeho. Sekwo Anɨtuye mehomi soku, Anɨtu kakoe ango kuyoho. Anɨtu kako sekwoe sɨmeho moêmo songo humaho. Oseso sekwo Anɨtumo sɨmeho hiêntnnono uyalokwofo soku sekwo Anɨtuye hungkuno ne somo aho yokumpohnênyo kesyohumafɨkuji oso hungkuno huhwo sohwo sekwo itɨhwaênyopo mehoênahumno. 16 Anɨtuye hungkuno hwapɨngo ujo ehontojwahumentisoso nɨhuêno wopɨngofoho. Anɨtuye hungkuno hwapɨngoso Jisas Kɨlaisɨyoho. Oso huhwo sohwo kako kakoe yahino wopɨngo somo aêamu hwahoponjo hnênwi monje mesyanehwono. Kakoe yahino somo sɨmeho hiêntnnono uyalokuhwoneso olenoho. Jisas Kɨlais kako nakwo aêamu hwaho loponjo lohnênwiye aêapaho nehopi manto kako utɨhwaênyopo iêmofapmmentisofoho. Anɨtuye Towahuno Wopɨngo sohwo kako Kɨlaisɨye yahino hwapɨngo neso netɨhwahonɨngki oso yahino hiso ntoênohini uhwonɨwoênɨngkuhwonefoho. Aêamu ahwomomjo huhwo wopɨngo osenohini uhwonɨwoênɨgkohofofoho. Kɨlaisɨye hungkunoso aêamu temtitofo hopiênonohino sofe angoêmeemo hoênɨmentisofoho. Aêamu hwahoponjoso hofɨko kakineêno huno syafɨsyontɨfi sɨmeho hiêntnnono umentohofofoho. Anɨtu kakoe hwomu Kɨlaisɨmo ahwomomo utɨmaêmentisofoho.