2 Koulin 7
PNG1 U nje aêamu soku, oso hungkuno wopɨngo hiso mtɨêmokoheso Anɨtu nejapmmentiso soêno nakwo huno syofɨsyɨhwasi yoêmayo wonyo nakwoe sɨmeho wonyo umo lonte soênji yoêmayo nakwoe huyoêmango hwasyo honɨngkanomo ipemotonawe soênji nɨhuênahone hoênaofɨhwasi Anɨtuye yahino wopɨngo somo unɨngkohwano. Nakwo nakwoe yahino somneêno Anɨtumo wonɨmango uyosoêno iyoho wonanono. Honɨngkano wopɨngo itoênohino somo unɨngkohwano. 2 Nakwo sekumo wonyo maselohofe hwonaênyoho. Nakwo hwe fihumo wonyo mulohofefoho. Nakwo afofo hungkuno hwasyo ulontani aêamu fihwamo mokompemaso hwonaênyoho. I osoêno sekwo sɨmeho monejapeênjo pehoêneto. 3 Ngko yoka hungkunoso momjoselalokuyohono. Oêo, hungkuno ole nto selohono. Nakwo sekuneêno sɨmeho engo sejopalokuhwono. Oseso sekwo songo humafijoêmanji nakwo sekwoênji songo wohumano. Sekwo poyo imoênɨfijoêmanji nakwo huhwonaêni poyo umoênano. 4 Hungkuno yolohoênohini selalokweno. Ngko sekumneêno sɨmonyo engo yalokweno. Yoêmayo tango nɨêmanteso ngko sekumneêno apaêno huno syafɨsyontnneso nje sɨmeho wopɨngo nɨmoênɨwoênɨngkisofoho. Sɨmonyo yɨwoênɨngkohefoho. 5 Nakwo ango Tɨlouas ulɨkoêmentani hwaho Masetouniya iêmofapmmentɨhwone sohonta nakwoe aêapaho usijo weêe mofosyohumayofoho. Oêo, yoêmayo yoêmayo tango engoso neêmaêmojofoho. Yoêmayo yoka neêmahonjoso nakwo iyoho nanɨmojofoho. 6 I osoêno Anɨtu kako kakoe aêamu sɨmeho tangoênjo somo sɨmeho wopɨngo umokiyoso hwapɨngo hweho. Anɨtu kako Taitas nɨhwatɨmentiso sohwo kako noneêmanto nakwoe sɨmeho wopɨngo namokumentisofoho. 7 Taitas nakumo neêmayoso osoêneênohinoêmaho. Oêo, kako hungkuno sekumtaêango oso nemotapmmentiso soêne nakwo sɨmonyo mɨkunɨmposo yontani sɨmeho wopɨngo namokumentisofoho. Kako sekwoênji nohumentanɨngki sekwo hofiyo umokosyohumamentohofofoho. Kako sekwoênji humamentiso soêno ole nalɨmento, Sekwo nohonyoêne humotaho lalokwofo. Sekwo oso honɨngkano wonyo soêno sɨmeho tango seyahonɨngki itoêno mɨhwajɨmalofo kuyoho. Sekwo ngkoênji sɨmeho afa inyoêne syafɨsyontɨfi nje hungkunomo inɨngkayoêne semoênɨngkohoho. Ose upaênɨmentiso soêno ngko sɨmonyo imentohefoho. 8 Oso iyoswo sɨmoêmjo ngko sekumneêno semtɨêmokimentohe soêno sekwoe sɨmeho tango ko seimentisoso olohonta nje sɨmeho tango maniyantofiyoho. I sɨmoêmo ngko mtɨêmokumentohe sohonta sekumo sɨmeho tango seyoêne soêno huno syafɨsyonji ngko sɨmeho tango engo nimentisofoho. I osoêno oso sɨmeho tango seêmayoso sɨkuno piênɨngoêmaho. Oêo, sɨkuno tɨfoponoho. 9 Oseso olohonta oso hungkuno tangoênjo semtɨêmokimentohe soêno ngko sɨmonyo yalokweno. Hwapɨngoso sekwo sekwoe sɨmeho tango somjo osoêneêmaho. Oêo, olenoho. Oso sɨmeho tangoso sekwoe yahino wonyo somo iwoloêmokumentohofo soêno yalokweno. Ngko huno ole niyohoho. Oso sɨmeho tangoso Anɨtu huhwo sejapmmentisofoho. Osoêno nakwoe hungkunoso sekumo wonyo maselohofefoho. Awonoho. 10 Anɨtu kako kakoe aêamumo sɨmeho tango uyosoêmanji oso tango hiso aêamu honɨngkano wonyo somneêno iêwaho ikuji yahino wonyo somo hohujo ikinjaofɨkuji Anɨtumo ufohiênyoêne wonefoêmaêmontonoho. I oseso Anɨtu kako sɨmeho tango nejaposo somo nakwo nakwolaho molanehwono. I osoêno aêamu Anɨtumo sɨmeho munyoso sɨmeho tango uyɨhwosoêno oso sɨmeho tango hiso hofɨkoe yahino wonyo somo mɨwoloêmokufitnnehofo. Osoêno hofɨko tɨkanomo ufitnnefoho. 11 Ou, sekwo huno itoêno fɨkwesyafɨhupmno. Oso sɨmeho tango Anɨtu sejapmmentisoso sekumo yahino wopɨngo wopɨngo setɨhwamentisofoho. Sekwo yahino wopɨngo itoênohino somo hi semoênɨngkahonɨngki sekwo olo honɨngkano wonyo soêno semtɨêmokimentohe soêno komoêno lɨkafontɨfi hungkuno homo somo itoêno mɨhwatɨmentohofofoho. Mɨhwajontɨfi oso hwe honɨngkano wonyoênjo sohumo yoka ulontɨfi honɨngkano wonyo somneêno iyoho senalofoho. Sekwo nakumo nahonyoêne humotaho lontɨfi oso hwe huhwo sohwoe honɨngkano wonyo somtaêni hungkuno mikwolofɨhwatɨmentohofofoho. Ose imentohofo soêno olohonta sekwo wonyo ane kuyoho, huno nayohoho. 12 Oso iyoswo sɨmoêmjo semtɨêmokimentoheso ngko oso hwe honɨngkano wonyoênjo sohwoênji oso hwe kako kakimo wonyo ulohoêmentisoso huneênohini semtɨêmokimentoheêmaho. Oêo. Olenoho. Sekwo olo hilo soêno huno seyoneênji semtɨêmokimentohefoho. Sekwo Anɨtuye tɨmopo nohumafɨkuji nje hungkuno soêno hi semoênɨngkuhwosoêno nakwoênji sɨmeho afa inyoêneêeno lonji semtɨêmokimentohefoho. 13 Oso hiso ne imoênɨmentiso soêno nakwo nakwoe sɨmeho wopɨngo namoênɨmentisofoho. Osoênohinɨêmaho. Oêo, Taitas kako sekwoe angopo ntaêni neêmanto sɨmonyo engo imentisofoho. Hwapɨngoso kako sekwoênji nohumentanɨngki sekwo kakimo utɨmantɨfi yahino wopɨngoênohini ulohoêmentohofo soêno kakoe sɨmeho hofiyo umokumalofofoho. Osoêno nakwo sekumneêno sɨmonyo selohofalokuhwono. 14 Sɨmoêmo ngko sekwoe yofe Taitasɨye sɨmanopo hoênosemaêmentohe soêno ngko sekumneêno wonɨmango mannɨmentisofoho. Oêo, yoêmayo hungkuno hopiênonohino ngko sekumneêno Taitasɨmo ulɨmentoheso nehopi imoênɨmentisofoho. Ngko sekumo hungkuno nehopiênohino selɨwoênɨngkohe hopaso oso hungkuno Taitasɨmo ulɨmentoheso ne imoênɨmentisofoho. 15 Taitas kako sekumo seêmaêmentiso sohonta sekwo kakineêno yomoênji iyohoênji ko yontɨfi kakimo utɨmantɨfi wopɨngo ulohoêmentohofofoho. Sekwo kakoe hungkunomo hofiyoêno inɨngkamentohofo soêno huno syafɨsyonto kako sekuneêno umoênalofoho. Oso hisoêno ntɨmentisofoho. 16 Oseso sekwo yahino wonyoangkafo yontɨfe soêno ngko huno niyohoho. Sekwo yahino wonyoangkafoênohinoso neêno uyɨhwantɨfeho. Osoêno ngko sɨmonyo yalokweno.