2 Koulin 8
PNG1 Nje aêamu soku, sekwo olo hungkuno loso huno itoêno waseyonontnneêno waselɨmonneêno yohono. Aêamu hwaho Masetouniya sopo humalofoso hofɨko Anɨtumneêno sɨmeho uyo soêne uhuêmokuwoênɨngkohofo somo Anɨtu kako wonyoangkafoso ulohofalofoho. 2 Hofɨko nohumentanɨngkofi tango mɨkunɨmposo uêmanto oso tango hiso hofɨkimo yamofo ulohoêmentisofoho. Hofɨko umofonyo mɨkunɨmposo ko inyo hi hofɨko Anɨtumneêno sɨmeho wopɨngoênji humamentohofofoho. Oseso hofɨko nomêne aêamu somneêno ufoêmayoêne huno syafɨsyontɨfi hofɨkoe hamniyoho uhuêmokumentohofofoho. 3 Hungkuno yoloho selalokweno. Ngko oso hamniyoho hisoêno jomo ulɨmentoheêmaho. Oêo, hofɨko hofɨkoe hunomnohini inɨngkamentohofofoho. Hamniyoho ilɨfeeoêmentohofoso uhuêmokontɨfi osopo nomêne hamniyohoso umofonyo ko yontɨfi uhuêmokumentohofofoho. 4 Hofɨko nakumo jomo yokumpohnênyo ole nalɨmentohofi, Anɨtuye aêamu ango Jelusalem humamotofoso yoêmayo soêno umofonyo engo yalokwofo somo nakwo ufoêmasoso wopɨngotaho. 5 Ose nelahonɨngkofi nakwo huno ole syafɨhuêmentɨhwoni, Hofɨko hamniyoho weêeso aêamu somneêno uhuêmokantɨfeho. Ose ko syofɨsyahonɨngkuhwoni hofɨko sɨmoêmo hofɨkoe sɨmeho Anɨtumo uyontɨfi hofɨkoe yahino yoêmayo soênji Anɨtumo nɨhuênahone uyɨmentohofofoho. Nakwo Anɨtuye sɨmeho wopɨngo umokaneêentɨfi nakwo hiênɨmneêno hitoho ulofalofoho. 6 Oseso Taitas kako hamniyoho huêmeesiyo syohoso sekwoênji emaêmentiso sohumo sekwoe ango sopo oso aêamu foêmayo syoho homo somo esojwaofoêne hungkuno ulɨmentɨhwonefoho. 7 Yoêmayo syoho iwoênɨngkohofoso wonyoangkafoênohini iwoênɨngkohofo kuyoho. Sekwo yoêmayo soêno Anɨtumo sɨmeho hiêntnnono uyalokwofo. Sekwo Anɨtuye hungkunoso hofiyo lutɨhwalokwofo. Sekwo Anɨtu mtaêni yoêmayo huno wopɨngoso tɨpemalokwofo. Sekwo aêamu nomênimo ufoêmayoêne hi semoênɨngkahonɨngki hofiyo yalokwofo. Osoênji sekwo nakumo sɨmeho nejopalokwofo. Sekwo oso yoêmayo hiso wonyoangkafo iwoênɨngkohofo hopaso sekwo oso hamniyoho huêmeesiyo syohoso moiêwo wesejwaopɨfentnneêno yalokweno. 8 Ngko hamniyoho engo uyɨmno maselɨmnehono. Oêo osoêneêmaho. I osoêno nomêne aêamuso hofɨko olo syoho somneêno hi umoênɨngkahonɨngki hofiyo uyalokwofo. Oseso sekwo oso paênyo ifijoêmanji nakwo huno ole wonayono. Hofɨko mangoênohinɨêmaho. Oêo, nomêne aêamu somneêno hitoho nehopiênohini selofalofoho. Huno ose wonayɨmontonoho. 9 Nakwoe Hwe Engo Jisas Kɨlais nakumneêno wonyoangkafo nalohoêmentiso soêno sekwo huno seyohoho. Kako yoêmayo hopiênonohino mokosyohumunyo hwapɨngo sohwo kako nakumo nefoêmayoêne umofonyo hwapɨngo imentisofoho. Sekwo yoêmayo wopɨngo ahwomo mtaêni mayosoêno kako oso wopɨngo homo somo ulɨkoêmotaponto nakwoe hwaho lopo umofonyo engo imentisofoho. Kɨlais kako sekumneêno ose imentiso soêno sekwo aêamu nomêne somneêno huno syafɨsyɨkuji ufoêmapmno. 10 Ngko nje hunoso olo syoho lomneêno wolɨjwasemoêmneêno yohono. Sekwo nomêne soswo somo oso syoho hiso ulɨkaêmentohofo soêno sekwo syoho hiso olohonta moiêwo fesyojwaopmno. Aêamu hopiênonohinoso oso hamniyoho huêmeesiyo syoho yalokwofoso sekwo nɨhuêno sɨmoêmo oso hisoêno hungkuno mtitofontɨfi hamniyoho huêmeesiyo emaêmentohofofoho. 11 Oseso olohonta oso syoho hiso moiêwo fesyojwamopmno. Hohonta sekwo oso syoho hiso hi semoênɨngkahonɨngki emaêmentohofofoho. Oso hopaso sekwo syoho homo somo moiêwo esejwaofoêne hi wasemoênono. Oso hamniyoho sekwo angaêno angaênohino soku mokosyohumawoênɨngkohofo somo yoêmayo soêno yano ulofiyɨkuji fehohnjo aêamu nomêne somo ufoêmayoêne fohoênaopmno. 12 Sekwo hamniyoho engo momokosyohumunyo soku nohumafɨkuji nomêne aêamu somo ufoêmaêmo huno yokumpohnênyo syafɨsyɨkujoêno Anɨtu kako sɨmeho wopɨngo wosejapmmontonoho. Kako hamniyoho engo soêno mosyofɨsyalofiyoho. Oêo, jɨje weêe mokosyohumunyoso nomêne aêamu somo ufoêmano lɨkuji hamniyoho fehohnjoso uyɨfijoso sekwo Anɨtuye sɨmeho wopɨngo umokantɨfeho. 13 Ole moselalokuyohono. Sekwo nomêne aêamu somo ufoêmayone syoho engo yokumpohnênyo yontanɨngkuji oso aêamu hiso sekwoe hamniyoho nomafɨkujoêno syoho aneênjohwo wopɨngoênohini wohumafe. Ose moselalokuyohono. Oêo, ngko Anɨtuye aêamu neso yoêmayo itoêno humayoêne umofonyo miyosoêno selalokweno. 14 I olohonta sekwo yoêmayoso piênɨngo engo mokosyohumunyo kuyoho. Osoêno sekwo aêamu olohonta umofonyo inyo somo ufoêmapijoêmanji tɨfi noêmo sekwo umofonyo ifijoêmanji hofɨko osohonta oso hisoêno piênɨngo mokosyohumunyoêmanji wosefoêmantɨfeho. Sekwo ose ifijoêmanji sekwo hopiênonohino yoêmayo soêno itoêno fosyohumayoêne umofonyo mifitnne kuyoho. 15 Oso hopaso aêamu Anɨtuye hungkuno mtɨêmokumentohofo sohwa hofɨko aêamu Isɨlael aêamu mohumunyo sopo nohumentanɨngkofi Anɨtu wosopayo ahwomo mtaêni uyɨmentiso somneêno ole mtɨêmokumentohofi, Aêamu kako wosopayo piênɨngo engo huêmemaêmentiso sohwo kako wosopayo nilɨfeesiyoso ane hweho. Aêamu kako wosopayo weêeênohini huêmemaêmentiso sohwo kako wopayoêne umofonyo miyo hweho. Ose mtɨêmokumentohofofoho. 16 Anɨtu kako Taitasɨmo huno wopɨngo uyahonɨngki Taitas kako sefoêmayoêne nakwo hopa imoênalokunjo soêno ngko Anɨtumo isamoyoka ulalokweno. 17 Ngko oso syoho hisoêno ko ulɨmentoheso ngko huno ole syofɨsyalokweno. Ngko kakimo hungkuno mujoênjo yontɨêmtentesi kako kakoe huno mtaêni sekuye pono pɨhwonesohilo. 18 Oseso Taitasɨênji nomêne aêamu sohwoênji sekuyepono uhwojalokuhwono. Angoêmeemjo aêamu Anɨtumneêno uhuêmokuwoênɨngkohofoso oso hwe huhwo sohwo kako Anɨtuye hungkuno hofiyo lutɨhwawoênɨngkiso soêno hofɨko kakoe yofe hoênomawoênɨngkohofofoho. 19 Osoênohinɨêmaho. Oêo, oso aêamu hiso hofɨko oso hwe sohumo ngkoênji aêamu Jutiya somneêno hamniyoho uyohojaeêne uhwosopoêmentohofo hweho. Olo syoho yalokuhwoneso nakwo Anɨtuye yofe hoênomentani nakwo nomêne aêamu somo ufoêmaênyo soêno hi nemoênɨngkahonɨngki utɨhwalokuhwono. 20 Nakwo olo hamniyoho engo aêamumo ufoêmayoêne mokosyohumalohwone soêno aêamu fihwa hofɨko nakwoe yahino somneêno hwasyo hungkuno mjonalɨfitnnohontani oso hwe huhwo sohumo hofɨko uhwosopoêmentohofo sohwoênji uhwojalokuhwono. 21 Nakwo Anɨtuye tɨmoponohini yoêmayo yahino itoênohino uyantaneêno ihwoneêmaho. Oêo, aêamu hopiênonohino sofe tɨmopo yahino wopɨngo itoênohinoso uyantaneêno yɨhwono. 22 Oso hwe hufaêu sohwaêuênji nomêne hwe angaênohino sohwoênji uhwojalokuhwono. Sɨkuno piênɨngo engo somo olo hwe lohwoe syohoso kakimo nakwo syoho hisoêno yamofo ulohofontaneso kako oso syoho hisoêno hi umoênɨngkahonɨngki hofiyo yalofoho. Sekwoe yahino wopɨngo soêno ngko oso hwe huhwo sohumo ulɨmentohe soêno kako huno ole uyohoho. Sekwo nomêne aêamu somneêno hamniyoho hofiyo wohuêmesyantɨfe soêno huno uyohoho. Osoêno kako sekwoe ango poneêno sɨmeho wopɨngoênjo woseêmaêmonteêno yalofoho. 23 Taitas sohumneêno sekwo huno ole soêno waseyono. Ngko yoêmayo syoho sefoêmayoêne iwoênɨngkoheso Taitas kako ngkoênji majopohiênontai syoho afaêno afaêno yalokuhwoyo. Oso hwe nomêne sohwaêu siko oloponjo aêamu Anɨtumneêno uhuêmokuwoênɨngkohofo sofe sɨmano mafohiênonji siko Kɨlaisɨye yofe hoênomayoêne olo syoho loso yalokusiyo. 24 Oseso oso aêamu huhwo sohwamo sekwo hofiyo utɨmafɨkuji sikineêno hitoho waselofono. Ose ifijoêmanji oso aêamu oso hwe hufaêu hwaêumo sekuye poneêno uhwojalokwofoso hofɨko huno ole wosyofɨsyantɨfeho. Yoêmayo hungkuno wopɨngo Poul kako aêamu Koulin somneêno nalɨwoênɨngkisoso neênjofoho wosyofɨsyantɨfeho.