Apousel 19
PNG1 Apoulous ango Koulin osopo nohumentanɨngki Poul ango Antiyouk ulɨkoêmanto hwaho hwofɨkiênyoênjo sopono nowakento ango Efesos iêmofapmmentisofoho. Osopo kako aêamu Jisasɨmo inɨngkamotofo fehohnjo somo tɨpemaêmentisofoho. 2 Poul aêamu homo somo ulɨmento, Sekwo Jisasɨmo sɨmeho hiêntnnono uyɨmentohofo sohonta Anɨtuye Towahuno Wopɨngo maêmentohofotaho. Ose ulahonɨngki ulɨmentohofi, Oêo, nakwo Anɨtuye Towahunomneêno mupaênyoênwoho. 3 Ose ulahonɨngkofi Poul ulɨmento, Mijo sekwo tɨhwoe hungkuno upoênɨngkahonɨngkofi kiyosemaêmentohofoto. Ose ulahonɨngki ulɨmentohofi, Jounɨye hungkuno nalontɨfi mijo kiyonemaêmentohofofoho. 4 Ose ulahonɨngkofi Poul ulɨmento, Hohonta Joun ole ulɨmojo hweho, Aêamu hofɨkoe wonyomo hohujo ikinjaofɨkujoêno mijo wokiyosemaêmnoho. Ose ulonto nomêne hungkuno ulɨmento, hwe tɨfi pososohumo sɨmeho hiêntnnono uyɨmno. Ose ulɨmojo hweho. Oso hwe tɨfinjo sohwo Jisasɨyoho. Ose ulɨmentisofoho. 5 Oso hungkuno hiso nupoênɨngkahonɨngkofi Jisasɨye yofemo mijo kiyomaêmentohofofoho. 6 Ose yahonɨngkofi Poul aêamu homo somo aho kisosyahonɨngki Anɨtuye Towahuno Wopɨngo aêamu somo uhulaêofonto hungkuno kengo kengo uyɨmentisofoho. Hofɨko hungkuno kengo kengo lontɨfi Anɨtuye hungkuno lɨmentohofofoho. 7 Oso hwe sohwa aho hopiênono sɨfe mtaêni hufaêuyoho. 8 Poul aêamu Jutafe tajo angomo noswonto Jisasɨmneêno yokumpohnênyo lutɨhwamentisofoho. Hamno hufaêu sɨhune memjaofahonɨngki kako neêno lɨwoênɨmojo hweho. Poul kako aêamu Jutaso Anɨtu nemokosyohumayo soponeêno sɨmeho yɨwoloêmokufitnneêento lutɨhwamentisofoho. 9 I osoêno aêamu fehohnjo yokumpohnênyo imoênontɨfi Jisasɨmo sɨmeho hiêntnnono muyofoho. Hofɨko utɨhwaênyopo Anɨtuye Honɨngkanomneêno wonyo hungkuno sitofo lɨmentohofofoho. Osoêno Poul oso aêamu homo somo ulɨkoêmanto aêamu Jisas Kɨlaisɨmo inɨngkunyo nomêne soênji umentohofofoho. Sɨkuno huhwo huhwi Poul mesyɨlutɨhwayo sohwoe hungkuno angomo Jisasɨye hungkuno lutɨhwamojofoho. Oso hwe mesyɨlutɨhwayo sohwoe yofe Tilanosɨyoho. 10 Poul ose yontanɨngki soswo hufaêu uyakoloêmentisofoho. Aêamu hopiênono hwaho Esiya sopo humamotofoso Jisasɨye hungkuno upaênɨmentohofofoho. Aêamu Juta soênji aêamu temtitofo kengo soênji upaênɨmentohofofoho. 11 Anɨtu Poulɨmo aho yokumpohnênyo umokahonɨngki yoêmayo kengo wonyoangkafoso mtɨêmokumentisofoho. 12 Aêamu fihwafe hwapɨfe weêe somo Poul aho pmêmokahonɨngki nomotawentɨfi aêamu mnokinoênjo soênji aêamu towahuno wonyo ehuhnnamoênnyo soênjimo uyahonɨngkofi aêamuso hwapɨfe weêeso aho nopmêmokahonɨngkofi mnokino moiêwo imoênɨmentisofoho. Towahuno wonyoso nulɨkoêmantɨfi umentohofofoho. 13 Aêamu Juta hwoso sohwa emoyontɨfi towahuno wonyo somo wae yaoêmotofɨhwafoho. Oso aêamu huhwo sohwa Jisasɨye yofe lontɨfi towahuno wonyo somo wae yaofoneêentɨfi lɨmentohofofoho. Towahuno wonyo somo ulɨmentohofi, Poul hungkuno lutɨhwawoênɨngkiso sohuneêno Jisasɨyoho. Oso hwe huhwo sohwoe yokumpohnênyoênjo kengopo wokuhwatɨmo. Ose ulɨmentohofofoho. 14 Aêamu Juta yofe engoênjo tajo ango syohoênjo sohwo kakoe yofe Sefa, oso hwoe hwomu aho fehohntaêni hopiênono nomêne mtaêni hufaêu sohwa oso hungkunoso towahuno wonyo sohumo ulɨmentohofofoho. 15 Oso hungkuno towahuno wonyo sohumo ulahonɨngkofi towahuno wonyo sohwo ulɨmento, Jisas sohuneêno ngko huno niyohoho. Poul ntnneêno huno niyohoho. I sekwo tɨhwasilo, Ngko huno maniyohoyohoho. 16 Ose ulonto hwe towahuno wonyoênjo somo aêamu sohwamo hwekaêmo yaofonto hofɨkoe hwapɨfemo sɨsɨmpento ikujoho yokumpohnênyo fongkuêmentisofoho. Oso aêamu huhwo sohwa hwe sohwoe angomo komoêno ulɨkoêmantɨfi aêapaho tohinoênji hwapɨfe ane hiyae humpoêmentohofofoho. 17 Aêamu Jutaênji aêamu kengo soênji Efesos humamotofo sohwa olo hilo soêno nupaênontɨfi iyoho unɨmentisofoho. Osoêno hofɨko Jisasɨye yofe hoênomaêmentohofofoho. 18 Hwe moyaêmi piênɨngo engo Jisasɨmo sɨmeho umentohofoso hofɨko hofɨkoe hohontajo yahino hofɨkoe yoêmayo wonyo soêno utɨhwaênyopo yoloho ulɨmentohofofoho. 19 Aêamu piênɨngo engo peefoênohwosoêno kiênyoêno hunoênjoso hofɨko hofɨkoe iyoswo huno hwapɨngoênjo mtɨêmokumentohofoso nuhuêmokontɨfi aêamufe tɨmopo toho uyoêmentohofofoho. Oso iyoswo somne hamniyohoso atofo lɨmentohofoso fifɨti tausen (50,000) kina imoênɨmentisofoho. 20 Hohosohonta Jisasɨye hungkuno yokumpohnênyo imoênɨngkahonɨngki angoêmeemo hoênɨngkahonɨngki aêamu piênɨngo Jisasɨye hungkunomo inɨngkamentohofofoho. 21 Osohonta Anɨtuye Towahuno Wopɨngo Poulɨye hunomo uyahonɨngki Poul ole syafɨhuêmento, ngko hwaho Masetouniyaênji Ngkɨlikɨênji uhwontaêmo tɨfi Jelusalemno wamo, lonto lɨmento, Ngko osopono uêmo hwangku ango Loum sopo uhwonɨmonnoho. 22 Ose syafɨsyonto kako hwe hufaêu kakimo ufoêmawoênɨngkisiyo sohwaêu Timoutiênji Elasɨtosɨênji oso hwaêumo Masetouniyaêno uhwatɨmentisofoho. Poul sikimo nolɨhwajonto kako hwaho Esiya sopo weêenehwo humamentisofoho. 23 Oso hohosohonta aêamu fehohnjo Efesos humamotofoso aêamu Jisasɨye Honɨngkanomo tɨfi inɨngkawowoênɨngkohofo somo wonyo ulohoêmentohofofoho. 24 Oso ango sopo hwe fihwo kakoe yofe Ntemitɨliyosɨyoho. Kako sojo ewafo paênyoso huyoêmango syohoênjo hweho. Oso aêamu sofe anɨtu hwasyosi Atemisɨyoho. Ntemitɨliyos kakoe aêamuênji hofɨkoe anɨtu hwasyosiye ango huyoêmango mtɨêmokahonɨngkofi aêamu hamniyoho engoênji mpe imotofofoho. 25 Ntemitɨliyos kako kakoe aêamu syoho afaênjo sohwamneêno joho ulahonɨngki uhuêmokumentohofofoho. Nuhuêmokahonɨngkofi ulɨmento, Olo syoho hiloso nakwoe hamniyoho hwapɨngofoho. 26 Oso hwe Poul sohwo kakoe yoêmayo syoho yɨwoênɨngkisoso sekwo huno moiêwonoho. Kako ole lutɨhwalofi, sekwo anɨtu ahoênji mtɨêmokuwoênɨngkohofoso hwasyo anɨtuyoho. Ne anefoho. Ose lutɨhwalofoho. Aêamu piênɨngo engo oso hungkunoso nupaênontɨfi tɨfi inɨngkowalokwofo. Olo hiloso nakwoe ango Efesosɨênohinoêmaho. Oêo, nakwoe hwaho Esiya yawojoêmeemnoho. 27 Oso hungkuno Poul lisoso nakwoe syohomo wonyo wonamokumontonoho. Osoênohinɨêmaho. Nakwoe anɨtu engosi Atemis kakoe ango wonyoangkafoso sikinjo paênyo umoênɨmontefoho. Sɨmoêmo aêamu Esiya soênji hwaho yawojoêmeemjo soênji olo aêmu lohnneêno hwomtame ulohoêmotofofoho. I osoêno Poulɨye hungkuno Atemisɨye yofe engoso wonyo umokumonto yalofoho. 28 Ose ulahonɨngki aêamuso nupaênontɨfi sɨmeho tohino umnɨngkahonɨngki mohmêno ulɨwoênɨmentohofi, Nakwo Efesos soênyuye Atemis yokumpohnênyiyoho. 29 Ose neêno ulɨwoênontɨfi sɨmeho fefoyo umokahonɨngki hofɨko afaêno afaêno nolɨkafontɨfi angkuhwafo uhuêmokiyo sopono komoêno wentɨfi hwe hufaêu hwaêu Ngkaiyosɨênji Alisɨtakosɨênji oso hwaêumo kompemotawomentohofofoho. Oso hwe huhwo sohwaêu Masetouniyantaêango hwaêu Poulɨênji emmojiyo hwaêuyoho. 30 Poul kako aêamufe sɨmanopo walohoêmto yahonɨngki aêamu Jisasɨmo inɨngkamotofoso uhoholoêmmtohofofoho. 31 Aêamu fehohnjo yofe engoênjo hwaho Esiya mokosyohumayo sohwa Poulɨmneêno hwe wopɨngo hweho hnnɨmentohofo sohwa Poulɨyepono hungkuno ole lɨhwatɨmentohofi, Poul kɨko oso uhuêmokiyo sopo nopohotoho. 32 Ose lɨhwamentohofoso aêamu uhuêmokiyo somjo sofe hunoso ehiloêmeeêmentisofoho. Aêamu fehohnjo hungkuno kengo lɨwoênontanɨngkofi aêamu nomêne sohwa nomêne kengo hungkuno lɨwoênɨmentohofofoho. Oso aêamu piênɨngo sohwa uhuêmokiyo soêno hwapɨngoso huno muyofoho. 33 Aêamu Juta fihwa Alekɨsanta sohumo aêamu somo uloneêentɨfi usɨtofomotamentohofofoho. Osoêno Alekɨsanta ajwomoêmo nolohofonto hofɨkoe hungkunomo asomo ulɨmo lonto aho hoênomaêmentisofoho. 34 Ose ko yahonɨngki aêamuso Alekɨsanta yofe uhwofontɨfi Juta hweho lontɨfi hungkuno afaêno afaêno mohmêno ulɨwoênɨmentohofi, Atemis nakwo aêamu Efesos soênyuye aêmu engiyoho. Hofɨko joho neêno lɨwoênontanɨngkofi mofehiênyo sɨmoême hano uyoso hufaêu imoênɨmentisofoho. 35 Tɨfi sohonta hwe fihwo yofe engoênjo aêamufe ifalifaliyo syohoênjo sohwo mampiênyo fosyohumamno ulonto ulɨmento, Sekwo aêamu Efesos soku upaênɨmno. Aêamu hopiênono huno ole uyalofoho, Nakwo Atemisɨye ango engo soênji oso sojo ahwomo mtaêango pɨwahuêmentiso soênji mokosyohumamwoênɨngkuhwoneênwoho. 36 Aêamu oso hungkuno somo ilojaofoneso tɨhwolo. Awonoho. Sekwoe sɨmeho ntoêno wasemoênono. Fonɨfonyoso iyoêeno. 37 Olo hwe sekwo ipemotapohofo sohwaêu nakwoe Atemisɨye ango engomjo hufo miyo hwaêuyoho. Siko Atemisɨmneêno sitofo mujofoho. 38 Ntemitɨliyosɨênji kakoe syoho ulohofiyo soênji hofɨko nomêne hwe sohumneêno hungkunoênjoêmanji oso hungkunoso nakwoe hwe engo sohumneêno fɨpemotapmno. Osopo hungkuno joêne sɨkuno somo itoêno womɨhwajɨfe. 39 Sekwo nomêne hungkunoênjo hwasɨêmanji sɨkuno uhuêmokiyo ne somo walɨfe. 40 Olo hungkuno neêno lontanɨngkuji nakwoe hwe engo sohwa huno pipi syonafɨhupitnnehofo. Oêo, yolohoso ne anefoho. Hwe engo sohwa olo uhuêmokiyo soêno nalohonɨfijoso nakwo pehofo ulantanto. Awonoho. Nakwo hungkuno asomo mulanehwono. 41 Ose ulonto aêamu hofɨko uhuêmokiyo sopo nohumentanɨngkofi ulɨmento, Fohumpopmno. Ose ulahonɨngki humpoêmentohofofoho.