Apousel 20

1 Nohumpeehonɨngkofi Poul aêamu Jisasɨmo inɨngkawowoênɨngkohofo somneêno ngkiyepono wapɨfento joho ulɨmentisofoho. Nuhuêmokahonɨngkofi Poul Anɨtumneêno hungkuno ulonto hofɨkimo usosofitoêmentisofoho. Ose yonto ulɨmento nje aêamufo woselɨkoêmaêmneêno yohono. Sekwo mpanɨmno. Ose ulonto Masetouniyaêno umentisofoho. 2 Oso hwaho sopo uhwontawento aêamu Jisasɨmo inɨngkawowoênɨngkohofo somo Anɨtuneêno hungkuno ulonto aêamu homo somo usosofitoêmentisofoho. Osohonta kako Ngkɨlik hwaho sopono umentisofoho. 3 Osopo nohumentanɨngki hamno hufaêu sɨhune uyakoloêmentisofoho. Nohumanto kako yofayokinomo Siliyaêno wamto yahonɨngki aêamu Juta sohwa Poulɨêmo wofonjosyano lontɨfi yahonɨngkofi Poul kako nupaênonto huno yɨwoloêmo lohofonto Masetouniyaêno wamo lɨmentisofoho. 4 Nomêne aêamu Poulɨênji umentohofo sohwa hofɨkoe yofe ole, Soupata Pilosɨye hwomu Mpeliyantaêango hweho. Tesolounikantaêango hwaêu Alisɨtakosɨênji Sekuntosɨênjoho. Ngkaiyos Ntepe mtaêango sohwoênji Timoutiênjoho. Hwaho Esiya mtaêango hwaêu Tikikosɨênji Tɨloufimosɨênjoho. 5 Oso aêamu sohwa sɨmoêmo nowentɨfi nakuneêno ango Tɨlouas hontohumamentohofofoho. 6 Nakwo ango Filipai nohumentanɨngkuhwoni oso Sɨkuno Engo aêamu hofɨko oso wopayo engo ka moênnyoso ane nyoêne sɨkunoso moiêwo imoênɨngkahonɨngki nakwo yofayokinomo nowentanɨngkuhwoni sɨkuno aho angaêno hopiênono neyakolofahonɨngki ango Tɨlouas iêmofapmmentɨhwonefoho. Osopo nohumentanɨngkuhwoni sɨkuno aho angaêno hopiênonohino nomêne mtaêni hufaêu neyakoloêmentisofoho. 7 Salole sɨkunoênji aêamu soênji nakwo nuhuêmokontani wosopayo nɨmentɨhwonefoho. Nonɨngkahonɨngkuhwoni Poul aêamu somo lutɨhwamentisofoho. Kako moênɨngkanta wamo lonto imentisoso hungkuno nomêne nomêne lutɨhwamentisoso kuntoliyopo imoênɨmentisofoho. 8 Nakwo ango yokintahopo tokilonjwaêmjo somo nohumentanɨngkuhwoni sikiloho piênɨngo sijɨmentisofoho. 9 Hwe songo fihwo kakoe yofe Jutikos osohwo kako ifofo hanopo nokehumentanɨngki Poul hungkuno neêno lontanɨngki tɨmosaho unɨngkahonɨngki nɨhuênahone saho poyo paênyo fosyawoêmentisofoho. Fosyawoêmentisoso ango tokilonjwaêmjo hufaêu sɨhune somtaêni pɨwahuêmentisofoho. Nopɨwesyahonɨngki aêamu hofɨko utɨmano lontɨfi kotawentɨfi uhwonɨmentohofoso kako poyo nto peênɨmentisofoho. 10 Poul nokotawento hwomu poyo sohwoe aêapahopo pisongkiênamofonto kehutnnoma lohofonto aêamu somo ulɨmento, Sekwo yomo ikutoho. Kako songo humaho. 11 Oseso Poul angomo apaêno nokotasonto aêamuênji wopayo kutɨkujo lohofontɨfi nɨmentɨhwonefoho. Nɨmentɨhwoneso Poul apaêno hungkuno neêno lahonɨngki iyoho longkonɨngkahonɨngki Poul nulɨkoêmanto umentisofoho. 12 Oseso aêamuso hwomu peênɨmentiso sohumo songo humahonɨngki kakoe angomo ipemotawentɨfi hofɨko sɨmeho wopɨngo umoênɨmentisofoho. 13 Poul nalɨmento, sekwo yofayokinomo ukuji ango Asous sopo woswoênano. Ngko honɨngkanomo wamo. Ose nelahonɨngki nakwo yofayokinomo umentɨhwonefoho. 14 Ango Asous sopo noswoênontani Poulɨênji nakwo yofayokinomo nokotosontani ango Mitilinimneêno umentɨhwonefoho. 15 Mitilini ntaêni nowekentani moênɨngkanta hwaho weêe Kiyous mofonepo umentɨhwonefoho. Osopo ntaêni nowentani moênɨngkanta hwaho weêe Samousɨmneêno umentɨhwonefoho. Osopo ntaêni moênɨngkanta Miletos iêmofapmmentɨhwonefoho. 16 Poul nto nalɨmentisofoho. Sɨkuno Engo Pentikousɨmo ngko Jelusalem wohumamonnoho. Osoêno ango Efesos mamnehono. Hwaho Esiya sopo sɨkuno piênɨngo engo moneyakolofonehoho. 17 Ose nalɨmentiso soêno ango Miletos iêmofapmmentɨhwoneso Poul kako hwe engo aêamu Jisasɨmo inɨngkawowoênɨngkohofo somo mokosyohumayo Efesosntaêango sohwamneêno hungkuno ole lɨhwatɨmento, Sekwo nopɨkuji nohonɨmno. 18 Ose lɨhwojahonɨngki aêamu Efesosntaêango iêmofopahonɨngkofi Poul ulɨmento, Ngko hwaho Esiya humamentohe sohonta nje yahinoso sekwo huno moiêwonoho. 19 Aêamu Jutaso ngkimo wonyo ntohofaneêentɨfi hungkuno ko hnnɨngkahonɨngkofi osoêno yoêmayo tangoênji nuêmahonɨngki ngko nje yofe hwotoho fenji sɨmeho tangoênji Anɨtuye syoho imentohefoho. 20 Sekwo huno seyohoho. Ngko iyoho mannɨngkahonɨngki yoêmayo sefoêmayoêno losetɨhwamentohefoho. Ango uhuêmokiyo utɨhwaênyo sopono sekwoe ango soêmno Anɨtuye hungkuno hopiênono losetɨhwamentohefoho. 21 Ngko aêamu Juta soênji aêamu kengo soênjimo ole ulɨmentoho, Honɨngkano wonyo hopiênonohinoso fohoênaopmno. Anɨtumneêno sekwo huno fɨwoloêmokumno. Jisasɨmo sɨmeho hiêntnnono uyɨmno. 22 Anɨtuye Towahuno Wopɨngo kɨko Jelusalemno fiso ntɨmaho. Ngko haloho yonji Jelusalemmneêno wasɨmonneêno yohono. Ango Jelusalem sopo peho wonɨêmaêmtolo. Ngko huno maniyohoyohoho. 23 Oloênohino Towahuno Wopɨngo hungkuno yokumpohnênyo ole ntahonɨngki, Impoêangomo hoênakohufijoso kɨko tango engo wotɨpemaêmonnoho. 24 I osoêno ngko iyoho mannɨngkohoyohoho. Oêo, nje aêapahomneêno huno masyofɨsyalokuyohono. Olo syoho nakwoe Hwe Engo Jisas ntapmmentisoso moiêwo esojwamofo soêno syofɨsyalokweno. Syoho hiloso Anɨtu aêamumo wopɨngoênohini uyɨwoênɨngkiso soêno wolutɨhwamneêno yohono. 25 Sekwo upaênɨmno. Hohonta ngko noseêmanji Anɨtu yokumpohnênyo enemokosyohumayo soêno losetɨhwamentohefoho. I nomêne sɨkunomo sekwo ngkimo manohonɨfitnnehofo. 26 Oseso olo sɨkuno lomo hungkuno yokumpohnênyo waselɨmonneêno yohono. Sekwo tɨkanomo ufijoêmanji sekwoe syohofoho. 27 Yoêmayo Anɨtu yonesoêno nto losetɨhwamentohefoho. Hungkuno fehohnjo hiyaso mohoênasiyofoho. Oêo hopiênonohino losetɨhwamentohefoho. 28 Sekwo itoêno fehumamno. Anɨtuye Towahuno Wopɨngo syoho nto sejapmmentisofoho. Sekwo aêamu Jisasɨmo inɨngkawowoênɨngkohofo somo mokosyohumamno. Jisas kakoe honɨyoênji hofɨkimo mpe imentisofoho. 29 Ngko huno ole nɨyohoho. Ngko sehwotɨêmoême sohonta aêamu sikisɨwojo paênyo sekwoênjo ajwo lopo nopɨkuji wonyo wosemokantɨfeho. 30 Aêamu fehohnjo sekumtaêni nolɨkafɨkuji aêamu Jisasɨmo inɨngkawowoênɨngkohofo somo hwasyomo ipesemotakuji hwasyo hungkuno woselantɨfeho. 31 Osoêno itoêno mokosyohumamno. Oleso inɨngo seyoêeno. Soswo hufaêu sɨhune neyakolofontanɨngki ngko imɨngoênji sɨkunoênji humotaho lonji aêamu angaêno angaênohino sokumo Anɨtuye hungkuno losetɨhwamentohefoho. 32 Ngko Anɨtuye ahopo hoênosesyalokweno. Kako aêamumo wopɨngoênohini selohofɨwoênɨngkiso hweho. Kakoe hungkuno yokumpohnênyo esesyohumahwosi, kakoe aêamu somo honɨngkano wopɨngo inɨngkayoêne yoêmayo wosejapmmentonoho. 33 Sekwoe hamniyoho hwapɨfe yoêmayo soêno hi manɨmoênɨmmentisofoho. 34 Oêo, sekwo huno moiêwonoho. Ngko sekwoênji nohumanji ngko umofonyo iyo soêne nje aêamumneêno mpe imentohefoho. 35 Nto setɨhwamentohefoho. Oso paênyo sekwo fiyɨmno. Sekwo syoho yokumpohnênyo ifijoso aêamu poênɨfo somo ufoêmafɨkuno. Olo hungkuno Jisas nalɨmentisoso sekwo inɨngo seyoêeno. Aêamu nomênemo yanoênohino uyɨwoênɨngkohofoso hofɨkoe sɨmonyo iyoso nomêne aêamu yoêmayo mawoênɨngkohofo somo yakolonoho. 36 Poul oso hungkunoso moiêwo ulonto hofɨkoênji hwomtame ehumantɨfi Anɨtumo jomo ulɨmentohofofoho. 37 Ose yontɨfi hofɨko humotaho lontɨfi Poulɨmo kehutnnomaêmentohofofoho. 38 Sekwo apaêno manohonɨfitnnehofo ulɨmentiso soêno hofɨko sɨmeho tango umentisofoho. Hofɨko yofayokinomneêno ipemotawomentohofofoho.