Apousel 7
PNG1 Hwe yofe engoênjo sohwo Sɨtifenɨmo ulɨmento, Oso hungkuno kikimneêno nalohofoso nehopitaho. 2 Ose ulahonɨngki Sɨtifen ulɨmento, Nje aêamu soku, sekwo upaênɨmno. Hohonta nakwoe ajuyohwo Apɨloham kako ango Helanɨmneêno maweênjo imentiso sohonta oso hwaho Mesopoutemiya nohumentanɨngki Anɨtu wonyoangkafo sohwo uêmahonɨngki Apɨloham nuhwonɨngkahonɨngki Anɨtu ulɨmento, 3 Olo hwaho loênji jɨje aêamu soênjimo uhwatɨêmofo. Nomêne hwaho nokitɨhwahmêmeêno osopo fohumantohoho. 4 Ose ulahonɨngki Apɨloham oso hwaho Kalɨtiya ulɨkoêmanto hwaho nomêne Helan osopo humamentisofoho. Kanɨngkwohwo poyo peênɨmentiso sohonta Anɨtu ulɨmento, Hwaho nomêne kitɨhwahmêmeêno mpano. Ose ulahonɨngki olo hwaho humalohwone lopo pmmentisofoho. 5 Anɨtu Apɨlohammo olo hwaholo nutɨhwanto osohonta kako yano muyɨmmentisofoho. Oêo nɨhuêno awonoho. I osoêno Anɨtu ulɨmento, Oso hwaho hiloso kɨkoênji jɨje imuhwanjimo sejapmnefoho. Ose ulɨmentisofoho. Osohonta Apɨloham kako hwomu ane hweho. 6 Nomêne hungkuno Anɨtu ulɨmento, Jɨje imuso aêamu kengo sofe hwahopo ufijoso osopo siki syoho ulohofɨkutnnefoho. Aêamu kengoso jɨje imu somo tohino engo uyɨfitnnefoho. Soswo foua hantɨlet (400) uyokolofontanɨngkuhwosi jɨje imuso osopo humafitnnefoho. 7 Oso aêamu kengo jɨje imu somo yokumpohnênyo umokosyohumayo somo hungkuno tangoênjo ikwolofoêne uyɨmnefoho. Osohonta jɨje imu oso hwaho kengo sopo ulɨkoêmafɨkujoso olo hwaho lopo nje yofe hoênonɨmapɨfitnnefoho. Ose ulɨmentisofoho. 8 Anɨtu nomêne hungkuno Apɨlohammo uyɨmentisofoho. Aêapaho sɨhu koloênyoêne ulɨmentisofoho. Anɨtuye hungkuno inɨngo mamofeêne honɨngkano hiso uyɨmentisofoho. Oseso Apɨlohamɨye hwomu Aisak imoênɨngkahonɨngki sɨkuno aho fehohntaêni hopiênono nomêne hohntaêni hufaêu sɨhune memjaofahonɨngki Apɨloham kakoe hwomufe aêapahomo sɨhu ukoloêmentisofoho. Hwangku Aisakɨye hwomu Jekoup imoênɨngkahonɨngki sɨhu ukoloêmentisofoho. Tɨfi sohonta Jekoupɨye hwomu aho hufaêu hopiênono sɨfe mtaêni hufaêu imoênɨngkahonɨngkofi sɨhu ukoloêmentisofoho. Osohwa neyakwosafoho. Oso yahino hiso neênohini sɨhu koloênɨmotofofoho. 9 Jekoupɨye hwomu sohwa hamnɨngkwaêwehwo Jousepɨneêno hintotohino umnɨngkahonɨngki aêamu kengo sohwa Jousepɨmo mpe uyahonɨngkofi hafilaêwehwosa hamniyoho maêmentohofofoho. 10 Yoêmayo tango soênji Jousepɨmo uêmahonɨngki Anɨtu ufoêmaêmentisofoho. Oseso oso hwe engo hwaho Ijip mokosyohumayo osohwo Jousepmneêno joho ulahonɨngki Anɨtu Jousepɨmo huno engo wopɨngoênjo uyahonɨngki hwe engo hwaho Ijip mokosyohumayo sohwo ulɨmento. Kɨko hwe wopɨngo hwosoho. Osoêno kɨko olo hwaho Ijipɨênji, nje aêamu loênji nje ango loênji hopiênono kɨko ngkineêno mokosyohumayoêne hwosoho. Ose ulonto Jousepmmo angoênji hwahoênji mokosyohumayoêne yofe engo mulɨmentisofoho. 11 Oseso Jousep hwaho Ijip nomokosyohumentanɨngki wopayo nosyofahonɨngki mijoho engo iêmofapmmentisofoho. Neyakwosa hwaho Kenan sopo humamentohofoso mijoho uyɨmentisofoho. 12 I osoêno Jekoup kako wopayo engo Ijip weho upaênonto neyakwosamo Ijipmneêno lɨhwatɨmentisofoho. 13 Hwangku sohonta hofɨko Ijipmneêno apaêno umentohofoso osohonta Jousep ulɨmento, Ngko Jousepɨênyoho. Ose ulahonɨngki hwe engo hwaho Ijip mokosyohumayo sohwo Jousepɨye aêamu sohwamneêno huno umentisofoho. 14 Oseso Jousep kanɨngkwohumneêno hungkuno lɨhwatɨmentisofoho. Jekoupɨêmontohwa hofɨko sefenti-faifɨfoho (75). Osomneêno Jousep lɨhwatɨmentisofoho. 15 Osoêno Jekoup Ijipɨneêno nowento osopo poyo peênɨmentisofoho. Neyakwosa osopo poyo peênɨmentohofofoho. 16 Hwangku sohonta hofɨkoe imuso hofɨkoe yokinoso Syekemneêno motawentɨfi oso sokimo somo yokinoso hoênahumentohofofoho. Oso sokimo hwahoênjoso Apɨloham hohonta Hemɨye hwomu sohwamo hamniyoho uyonto mpe imentisofoho. 17 Oso hungkuno Anɨtu Apɨlohammo ulɨmentisoso ne umoênɨmonteêno yahonɨngki aêamu Isɨlaelɨso piênɨngo engo imoênɨmentohofofoho. 18 Osohonta Ijipmjo hwe yofe engoênjo sohwo Jousepmneêno huno muyofoho. 19 Oso hwe huhwo sohwo neyakwosamo wonyo ulohofahonɨngki tohino engo maêmentohofofoho. Hwe engo sohwo ulɨmento, Sekwoe mehomi milongo imoênɨfijoso melojwasiyoêneêmaho. Nuhwonɨngkuji fohoênaofɨkuno. Osopo wapeênɨngkuhwono. Ose ulɨmentisofoho. 20 Hohosohonta Mouses hwomu wonyoangkafo sohwo imoênɨngkahonɨngki kanɨngkwohwoêyaêu hamno hufaêu sɨhune uyakoloêmentisofoho. Hwomu sohumo angomo hiyaso mokosyohumentanɨngki 21 Mousesɨmo mempo hohntaêni hoênahumentisiyo sohonta hwe engo hwaho Ijip mokosyohumahoso kakoe mu Mousesɨmo uhwontohumayo maêmentisofoho. Kakoe hwomu ne paênyo imoênɨmentisofoho. 22 Ijipmjo hwe hunoênjo sohwa Mousesɨmo yoêmayo soêno mesyomtɨêmokutɨhwamentohofofoho. Mouses huno engo manto hwe engo imoênɨmentisofoho. Kakoe syohoso hungkunoso wopɨngoênohino hweho. 23 Mouses kakoe soswo fouti (40) uyokolofahonɨngki lɨmento, Ngko nje aêamu ne Isɨlael somo uhwonamo. 24 Ose syafɨsyonto nowento uhwonɨmentisoso Hwe Ijip syoho ulohofiyo mokosyohumayo sohwo aêamu Isɨlael sohumo wonyo ulohofontanɨngki Mouses nuhwononto syafɨhuêmento, Nje aêamu Isɨlael sohumo ufoêmaêmo lonto hwe Ijipɨênjo sohumo fonjahumentisofoho. 25 Hwe sohumo fonjasyonto Mouses huno ole syafɨsyonto, Nje aêamu Isɨlaelɨso ole huno syofɨsyalokwofo, Anɨtu Mousesɨmo nefoêmayoêne uhwatɨmaso hweho. Ose syafɨhuêmentisofoho. I osoêno aêamu Isɨlaelɨso oso hunoso huno masyafɨsiyoênjo imentohofofoho. 26 Moênɨngkanta hwe Isɨlael sohwaêu ikujoho fongkiênontanɨngki Mouses nuhwononto, mtampo lohofonto ulɨmento, Nje aêamu sohwahusi, Sikoênɨkwahisoho. Siko ikujoho pehoêno fongkiênalokusiyo. 27 Ose ulahonɨngki hwe fihwo konɨngkwaêwehumo wonyo ulohofo sohwo Mousesɨmo ilojaofonto ulɨmento, Nakumo nemokosyohumayoêneso. Tɨhwo kilɨmasoto. Kɨko nakwoe hungkunomo itoêno menehwajiyoêne hwosilaho. 28 Ou, kɨko fosi hwe Ijip mtaêango sohumo fonjahumahnno hopa wofonjanɨhumonneêelaho. 29 Ose ulahonɨngki Mouses nupaênonto hiyae wento oso hwaho Ijip ulɨkoêmanto hwaho nomêne Mitiyan humamentisofoho. Osopo nohumanto hwomu hufaêu tɨpemaêmentisofoho. 30 Soswo fouti (40) uyakolofahonɨngki hwe ahwomo mtaêango sohwo Mousesɨmo uêmaêmentisofoho. Mouses osohonta hwofɨkiênyo Sainai mafone sopo aêamu anepo humamentisofoho. Mouses nohumanto uhwonɨhwojamentisoso iyoswo weêe soêmtaêni toho nto sijahonɨngki ose uhwononto, yomo yonto kako tɨfonepo nowento toho hwapɨngo hoêmo soêmo uhwonɨmentisoso hwe ahwomo mtaêango sohwo Mousesɨmo ulɨmento, 32 Ngko jɨje ajuyohwosa Apɨlohamja, Aisakɨja, Jekoupɨja, hofɨkoe Anɨtu hwoênyoho. Ose ulahonɨngki Anɨtuye mampaho upaênonto Mouses yomo yomo yonto iyoho unɨngkahonɨngki sɨmoêmango akofaho hiênɨmentisofoho. 33 Ose yahonɨngki Anɨtu ulɨmento, Olo hwaho lopo ngko humaleno. Osoêno jɨje sɨfɨkwongo fosyo fiyojasyo. 34 Aêamu Ijipɨso nje aêamu Isɨlael somo wonyo engo nolohofahonɨngkofi hofɨko tohino engo malokwofo soêno uhwonɨngkohefoho. Nje aêamufe youwo youwo upaênɨngkohefoho. Hofɨkimneêno ufoêmayoêne pohono. Osoêneêno Ijipmneêno wokuhwatɨmo. Ose ulɨmentisofoho. 35 Aêamu Isɨlaelɨso hofɨko Mousesɨye hungkunomo hwotoho nto hmmentohofofoho. Ole ulɨmentohofi, Kɨko nakwoe hwe engo hwosilaho. Nakwoe hungkunomo itoêno menehwajiyo hwosilaho. Mousesɨmo ose ulohonɨmentohofofoho. Huhwo sohumo Anɨtu nuhwajonto hwe engo mokosyohumayoêneênji ufoêmayoêne sohumo uhwosopoêmentisofoho. Hwe ahwomo mtaêango toho weêe sohumo uêmaêmentiso sohwo Mousesɨmo sosofitofosyohumamentisofoho. 36 Aêamu Isɨlael Ijip nohumentanɨngkofi Mouses yoêmayo kengo wonyoangkafoso yonto Ijip mtaêango aêamu somo ipemotasɨmentisofoho. Soswo fouti (40) uyokolofontanɨngki oso hwaho aêamu ane sopo oso Mijo Ayo Saênjo Honɨyoênohino pisongkotnênawojo sopo Mouses yoêmayo kengo wonyoangkafoso imentisofoho. 37 Oso Mouses huhwo sohwo aêamu Isɨlael somo ulɨmento Anɨtu sekwoênjo mtaêango hwe fihumo muhwosopenefoho. Anɨtuye hungkuno selohe sohwo ngko paênɨngo hweho. 38 Oso Mouses huhwo sohwo aêamu Isɨlael soênji hwaho aêamu anepo humamentohofofoho. Hwe ahwomo mtaêango sohwo hwofɨkiênyo Sainai sopo Mousesɨmo hungkuno uyɨmentisofoho. Mouses neyakwosanjopo humentanɨngki Anɨtu Mousesɨmo honɨngkano hungkuno wopɨngo uyɨmentisofoho. Oso hungkuno hiso nakwo hopiênonohino hnênwiyefoho. 39 I osoêno neyakwosa kakoe hungkuno nakwolaho lɨmentohofofoho. Hungkuno homo somo hwotoho hmmentohofoso Ijipmneêno asomo wowantɨfi imentohofofoho. 40 Oseso hofɨko Elounɨmo ulɨmentohofi, Nakumo ipenemotaweênehwo anɨtu nomêne kengo mtɨêmojo. Mouses Ijip mtaêni nehwajoponto kako ntɨêmtɨkeno. Nakwo huno monaiyohoyohoho. Ose ulɨmentohofofoho. 41 Hohosohonta yahu huyoêmango hwasyo anɨtu kengo paênyo mtɨêmokontɨfi yahu nomêne nofonjasyontɨfi anɨtu huyoêmango hwasyo sohumo ulɨmentohofi, Olo yahu loso kikineêno fonjasyɨhwonefoho. Ose ulɨmentohofofoho. Olo hiloso hofɨkoe ahoênji imentohofo soêno sɨmeho wopɨngo umoênɨmentisofoho. Osoêno hofɨko elɨjwanɨmentohofofoho. 42 Osoêno Anɨtu hofɨkimo hohujo ikinjɨmofahonɨngki hofɨko mofehiênyo hwanji hamno hwanji hntokwaliyo hwanjimneêno hofɨko hwomtame ulohoêmentohofofoho. Aêamu Anɨtuye hungkuno mtɨêmokumentohofo sohwa ole mtɨêmokumentohofi, Aêamu Isɨlael soku, sekwo oso hwaho aêamu anepo nohumentanɨngkuji soswo fouti (40) seyokolofontanɨngki ngkineêno yahu fonjahumentohofotaho. Awonoho. 43 Sekwo anɨtu hwasyo Molouk kakoe hwapɨfe ango molontɨfi motasɨmentohofofoho. Nomêne anɨtu hwasyo Lefan kakoe hntokwaliyo huyoêmango mtɨêmokontɨfi motasɨmentohofofoho. Oso hwamneêno hwomtame ulohoêmotofofoho. Osoêneêno Mpapiloun nongkihntaêni wosehwatɨmo. Ose mtɨêmokumentohofofoho. 44 Oso hwaho aêamu ane sopo neyakwosa hwapɨfe ango molɨmentohofofoho. Anɨtu ne sohuneêno hwomtame ulohofoêne molɨmentohofofoho. Oso hwapɨfe ango hisoêno Anɨtu Mousesɨmo huyoêmango utɨhwanto ulɨmento, Olo paênyo moso. Ose ulahonɨngki hwapɨfe ango molɨmentohofofoho. 45 Neyakwosa hofiyakwosa mtaêango olo hwapɨfe ango nomantɨfi Jousyɨwaênji motasontɨfi nomêne aêamufe hwaho maêmentohofofoho. Aêamu nomêne hwahoênjo somo Anɨtu wae yaofonto hwaho hopo sopo neyakwosa humamentohofofoho. Oso hwapɨfe ango hiso oso hwaho hopo sopo neêno wentanɨngki Ntefit kakoe sɨkuno imoênɨmentisofoho. 46 Ntefit imoênɨngkahonɨngki Anɨtu nuhwononto lɨmento, Ntefit hwe wopɨngo hweho. Kakimneêno sɨmeho wopɨngo nɨmoênɨngkohoho. Ose lahonɨngki Ntefit Anɨtumo jomo ulɨmento, Jekoupɨye Anɨtu hwosoho. Kɨkoêne ango wamolɨmonneêno yohono. 47 Ose ko lahonɨngki Ntefitɨye hwomu Soulomoun Anɨtuye ango molɨmentisofoho. 48 Aêamu Anɨtuye hungkuno lɨmotofo sohwa ole lɨmentohofi, Anɨtu Yoêmayo Yoêmayo Yakoloênnyo sohwo ango aêamu hwahoponjo sohwa molɨfijo somo mohumanehoho. 49 Anɨtu ole ulɨmento, Ahwomo loso nje epohumayoponoho. Hwaho hiloso nje sɨfe ikwoêofofoho. Ngkoêne ango pipi molɨfitnnehofo. Ngko ntɨêmo humamnehono. 50 Yoêmayo hwapɨngoso tɨhwolo. Ngkonoho. Anɨtu ose ulɨmentisofoho. 51 Sekwo aêamu hahnênyo iyoênjo kuyoho. Sekwoe sɨmehoênji sekwoe huno soênji aêamu nje hungkunomo haloho maposoênjo paênyo hwasoho. Nje Towahuno Wopɨngo somo sekwo seyakwosa hopa hwotoho fewoênɨngkohofɨhwasoho. 52 Seyakwosa Anɨtuye hungkuno lɨmotofo hopiênonohino sohwamo wonyoso ulohofɨwoênɨmentohofofoho. Anɨtuye hungkuno lɨmotofo sohwa ole selɨmotofi, Hwe Wopɨngo sohwo noponefoho. Ose selahonɨngkofi sekwo hopiênonohino somo fonjahumentohofofoho. Olohonta oso hwe wopɨngo sohwo nopahonɨngki sekwo osohumo tokoyoêofo yontɨfi fonjahumentohofofoho. 53 Aêamu huhwo sohwasi sekwo Anɨtuye honɨngkano hungkuno aêamu ahwomo mtaêni selɨmentisoso ne masewoênyofoho. Haloho miyo hwasoho. Sɨtifen ose ulɨmentisofoho. 54 Aêamu kaunɨsol sohwa Sɨtifenɨye hungkuno nupaênontɨfi huno nehopi ko uyahonɨngki sɨmano hintotohino umnɨngkahonɨngki mpuyo lɨmentohofofoho. 55 Oseso Anɨtuye Towahuno Sɨtifenɨmo uêmohulofahonɨngki, Sɨtifen ahwomomo uhwonɨmentisoso Anɨtuye pomponaho mofehiênyo paênɨngo uhwononto Jisas Anɨtuye aho anga sohohntaêni nohumentanɨngki uhwononto, ulɨmento, 56 Uhwonɨmno. Ahwomo mtampotoho. Anɨtuye hwomu Anɨtuye aho anga hohntaêni lɨkofohumaho, uhwonalokweno. 57 Ose ulahonɨngki hofɨko haloho pɨkuênontɨfi mamuyo mjalɨmɨwentɨfi Sɨtifenɨmo ifeehuêmo ulohoêmentohofofoho. 58 Sɨtifenɨmo aho yokumpohnênyo nokentɨfi nomotawentɨfi angkuhwafopo mempo hohntaêni nosutofafontɨfi sojo fongkuêmentohofofoho. Oso aêamu huhwo sohwa Sɨtifenɨmneêno hwasyo hungkuno ulɨmentohofo sohwa hofɨkoe manjiêmofo yojomantɨfi hwe songo Soulɨye huyoêmo hoênahumentohofofoho. 59 Sojo neêno ufonjontanɨngkofi Sɨtifen Anɨtumo joho ulɨmento, Hwe Engo Jisas kɨko nje huyoêmangoso nɨmaho. 60 Ose ulonto hwomtame yonto joho engo yokumpohnênyo ulɨmento, Hwe Engofo olo wonyo ntohofohofo losoêno kɨko olo aêamu sohwamo wonyo uyohotoho. Ose ulonto nɨhuênahone poyo peênɨmentisofoho.