Efesos 3

1 Ngko Poulɨêni Kɨlaisɨye syoho ulohofiyo sohwoêni ngko sekumneêno impoêangomo humaleno. Hwapɨngoso ngko aêamu temtitofo kengo sokumo Anɨtuye hungkuno wopɨngo losetɨhwawoênɨngkohe soêno aêamu Jutaso ngkimo impoêangomo intofanɨhumentohofofoho. 2 Sekwo olo soêno nto upaênɨmentohofo soêno ngko huno syafɨsyohono. Anɨtu sekumneêno hitoho ulofahonɨngki kako yoêmayo wopɨngo waselohoêmto yonto sekumo losetɨhwayoêne syoho loso ntapmmentisofoho. 3 Anɨtuye hungkuno wopɨngoso hiyasoêmo woêmojoso ntɨhwahonɨngki ngko hungkuno losomo huno nimentisofoho. Hungkuno fehohnjoso nto semtɨêmokiyohefoho. 4 Olo iyoswo losomo atofo lɨfijoso sekwo huno ole waseyono. Kɨlaisɨye hungkuno hiyasoêmo woêmojoso kako ujo nto ehontojwanɨhumentisofoho. 5 Hohonta olo hungkuno hiyasoêmo woêmojo loso Anɨtu kako aêamu somo mutɨhwammojofoho. I olohonta Anɨtuye Towahuno Wopɨngo kako nakwo aêamu Anɨtuye hungkuno uyohojɨkuêmofo (apousel) syohoênjo sohwa hnnonji aêamu Anɨtu kakoe hungkuno uyahonɨngki lɨmotofo sohwanjimo ujo ehontojwahumentisofoho. 6 Hungkuno wopɨngo hiyasoêmo woêmojo hiloso olenoho. Sekwo Jisas Kɨlaisɨye hungkuno wopɨngo somo upaênɨmentohofo soêno sekwo aêamu temtitofo kengo soku sekwoênji nakwo aêamu Juta soênnonji nakwo temtitofo afa imoênontani aêapaho afa paênyo humalohwono. Yoêmayo wopɨngo Kɨlais Jisas nakumneêno nalohoêmentiso soêno Anɨtu yoêmayo nakumneêno hwosopeehumentisoso womantanoho. 7 Anɨtu kako ngkimo kakoe hungkuno wopɨngoso uyohojɨkuêmofoêne nɨhwosopoêmentiso soêno ngko oso hungkuno wopɨngo sohwoe syoho ulohofiyo hwoênyoho. Anɨtu kako olo syoho lomneêno kako ngkineêno hitoho ulofahonɨngki kako kakoe yokumpohnênyo ngkimo nɨsosofitoêmentisofoho. 8 Anɨtuye hwe moyaêmi ne somo ngko enjwaêmo humaleno. Ngko Anɨtuye hungkunomo hwotoho hmêmote hwoênɨmo Anɨtu kako wopɨngo ntohofonto nje wonyoso wae yanɨmoêmentisofoho. I Anɨtu olo syoho aêamu temtitofo kengo somo kakoe hungkuno wopɨngo lutɨhwayo soêno nɨhwosopoêmentisofoho. Anɨtuye hungkuno wopɨngo loso olenoho. Yoêmayo yahino wopɨngoso Kɨlaisɨmo weho. U aêamu sikinjo sohwo kako yoêmayoso matɨpɨhwononehoho. Oêo, aêamu Kɨlaisɨmo inɨngkawoênɨngkiso sohwo kako yoêmayo wonyoangkafoso Kɨlaisɨmo wotɨpemaêmtonoho. 9 Sɨmoêmo Anɨtu yoêmayo mtɨêmokumentiso sohwo kako yoêmayo soêno imneêento huno syafɨsyonto Jutafe temtitofo soênji temtitofo kengo kengo soênji afa imoênɨfitnneêento hiyasoêmo hoênahumentisofoho. Oso hungkuno hiyasoêmo woêmojoso ne imoênyoêneêento aêamu hopiênonohino somo huno ehohosɨsiyoêne Anɨtu olo syoho loso ntapmmentisofoho. 10 Hwapɨngoso Anɨtu kako aêamu ahwomomjo somo mokosyohumayo sohwanji ahwomomjo aêamu hopiênonohino soênjimo kakoe huno wopɨngo hiyasoêmo woêmojoso ujo ehontojwahinyoênefoho. Neso olenoho. Aêamu Juta soênji aêamu temtitofo kengo soênji Anɨtu kako mekiloêmokuhumajonto kakoe aêamu ne imokahonɨngki hofɨko kakineêno uhuêmokuwoênɨngkohofofoho. Oso homo somo aêamu ahwomomjo sohwa uhwonontɨfi hofɨko Anɨtuye huno wopɨngo soêno huno uyohoho. 11 Hohonta aêamu ahwomoênji hwahoênji mamtɨêmokiyo sohonta Anɨtu ose imneêento huno syafɨsyonto nakwoe Hwe Engo Kɨlais Jisasɨmo nejapmmentiso soêno ne imoênɨmentisofoho. 12 Nakwo Kɨlaisɨmo sɨmeho hiêntnnono uyɨwoênɨngkuhwone soêno nakwo Kɨlaisɨênji ufohiênontani nakwo Anɨtumo uêmayo soêno iyoho monenalofiyoho. Hwapɨngoso Kɨlais sohwo kako Anɨtumo uêmayoêne honɨngkano hweho. 13 Osoêno ngko hungkuno weêe waselɨmo. Ngko Anɨtuye hungkuno aêamu temtitofo kengo sokumo selɨwoênɨngkohe soêno tohino malokwe losoêno sekwo sɨmeho wonyo semoênɨngkuhwoloho. Oêo, sekumo sefoêmayoênefoho. Osoêno sekwo sɨmeho wopɨngoênji fohumantokuno. 14 Nto selohe soêno ngko yoêmayo Anɨtu kako yonesoêno huno syafɨsyonji ngko Mpohumneêno hwahopo hwomtame ulohofalokweno. 15 Aêamu nopeênontɨfi ahwomomo nto sɨmentohofo soênji nakwo hwahoponjo temtitofo hopiênonohino hnênnonji nakwo Anɨtu kako kakoe yofe neso nanɨngkwohweho. Osoêno kako menalɨmentisofoho. 16 Olo soêno ngko Mpohwo yoêmayo hwapɨngo sohuneêno jomo ulalokweno. Kako kakoe Towahuno Wopɨngo sohwo sekwoe sɨmehomo sehuloêofɨhwasoêno sekwo kakoe yokumpohnênyo wonyoangkafo soênji yokumpohnênyo wolohofantɨfeho. Osoêno ngko Mpohumo jomo ulalokweno. 17 Sekwo sɨmeho Anɨtumo uyɨwoênɨngkohofo soêno Kɨlais kako sekwoe sɨmeho moêmo humaho. Osoêno kakineêno fɨsyafɨsyɨwoênɨngkuno. Iyo pmpongo hwahomoêmo unjilofonto yokumpohênnyo kemokosyohumawoênɨngkiso paênyoso Anɨtu kako sekumo hitoho engo sejopalokunjo soêno sekwo huno syafɨsyɨkuji sekwo yokumpohnênyo filohopmno. 18 Sekwo ose ifijoêmanji sekwo Anɨtuye mehomi hopiênonohino soku Kɨlais kako sɨmeho nejape soêno huno waseyono. Kɨlaisɨye hitoho nejapeso yoêmayo hwahoponjo soênjimo ahwomomjo soênji yakoloênnyofoho. Nɨhuêno yokintahoponoho. 19 Kɨlaisɨye mɨkunɨmposo nejapo soêno nakwo huno ntoêno monayohoyohoho. Oêo nakwoe hunoso tɨfofoho. I osoêno sekwo Kɨlais yokumpohnênyo sejape soêno huno ntoêno seyoêne Mpohumo jomo ulalokweno. Oseso Anɨtu kako sekwoe huyoêmango somo sefoêmahwosi kako paênyo wopɨngoênohini wasemokumontonoho. Ngko oso hisoêno Mpohumo jomo ulalokweno. 20 Anɨtuye yokumpohnênyo engo nakwoe sɨmeho moêmo syoho nelohofalofoho. Osoêno nakwo nakwoe huno tɨfo soênji yoêmayo soêno Mpohumo jomo ujo soêne kakoe yokumpohnênyo hiso engo namokiyo hweho. 21 Osoêno nakwo Anɨtuye mehomi hnênwi yoêmayo wopɨngo Kɨlais Jisas nakumneêno nalohoêmentiso soêno nakwo kakineêno uhuêmokuwoênɨngkuhwone hnênwi Anɨtuye yofeênji Kɨlais Jisasɨye yofeênji nakwo engolopohamo neêno wohoênomewoênɨngkuhwano.