Efesos 6

1 Sekwo mehomi soku, senɨngkwohwoêyaêuye hungkunomo haloho popmno. Anɨtu hofiyo ose ifitnneêento lɨmentisofoho. 2 Anɨtuye hungkuno ole nalohi, Kɨko jɨje mpohwo naêuye hungkunomo tɨfi finɨngkayo. Ose nalisofoho. Olo honɨngkano hungkuno lomo inɨngkusoêmanji Anɨtu kako wopɨngo wakilohoêmontonoho. Olo honɨngkano hungkuno sɨmoêmjo loso hungkuno ne ulinyo hiênjofoho. 3 Ne hiso olenoho. Kɨko hnnɨngkwohwoêyaêuye hungkunomo haloho pojoêmanji kɨko hwaho lopo wopɨngo nohumentanɨngkiji soswo piênɨngo engo wokiyakoloêmontonoho. 4 Sekwo hamnɨngkwohwoêyoswasi, sekwoe mehomife hunomo wonyo umokukutoho. Hwasyo hungkuno nulɨkutoho. Sikoe mehomi somo Anɨtuye hungkuno lutɨhwahosɨsi hofiyo mokosyohumahosɨsi hofɨko hahnênyo ifijoêmanji hofɨkoe honɨngkanomo siko ntoêno mɨhwajinyo. 5 Sekwo syoho ulohofiyo soku, sekwoe hwe engo nosemokosyohumawoênɨngkohofo sohwafe hungkunomo enjwaêmo itoêno fosyohumamno. Sekwo sɨmeho hufaêuyoênjo imoênɨngkutoho. Oêo, sekwo hofɨkoe syoho somo yokumpohnênyo fiyɨmno. Sekwo Kɨlaisɨye hungkunomo tɨfi inɨngkawoênɨngkohofo hopaso sekwoe hwe engo sohwoe hungkunomo tɨfi ntoêno finɨngkamno. 6 U sekwo aêamu wonahonɨfe lɨkuji aêamufe hunomo afofo umokano lɨkuji hofɨkoe tɨmopo syoho yokumpohnênyo ikutoho. Oêo, sekwo Kɨlaisɨye syoho ulohofiyo kuyoho. Oso sekwo sekwoe hwe engo sohwoe syoho yokumpohnênyo ifijoso sekwo yahino Anɨtu umoênɨwoênɨngkiso somo inɨngkowalokwofo. 7 Sekwo sɨmeho wopɨngoênji sekwoe syoho fiyɨmno. Sekwo aêamu hwahoponjo somnohini syoho miyalokuyohofo. Oêo, sekwoe Hwe Engo Anɨtuye syoho yalokwofo. 8 Sekwo huno seyohoho. Aêamu syoho ulohofiyo soênji aêamu syoho somo mokosyohumalofo soênjimo Anɨtu hofɨkoe syoho somo uhwonɨwoênɨngkiso sohwo hofɨkoe syoho wopɨngo somneêno kako yano ulofiyonefoho. 9 Sekwo aêamu syoho selohofiyɨwoênɨgkohofo soku sekwo aêamu homo somo hofiyo mokosyohumamno. Sekwo iyoho lɨmofo yahinoso fohoênaopmno. Nakwoe Hwe Engo Anɨtu kako ahwomomo humaso sohwo kako aêamu hopiênonohinomo mokosyohumawoênɨngkiso hweho. Kako aêamu yofe engoênjo soênji aêamu sikinjo soênjimo uhwononteso afaênohino uhwonɨwoênɨngkohoho. 10 Ngko olo hungkuno aeêuyo loso waselɨmonneêno yohono. Sekwo Anɨtuênji makotokuênnyo soku, Anɨtu kakoe yokumpohnênyoênji ufohiênɨmno. 11 Seten kako sekumo yamofo selohofɨwoênɨngkiso soêno sekwo Anɨtuye mekino, sampe, yoêmayoso nomafɨkuji yokumpohnênyo fɨkesyohumamno. Setenɨye huno wonyo soênji kakoe yahino wonyo soênji fongkiênaneêno yokumpohnênyo wolohofano. 12 Nakwo aêamu hwahoponjo soênji ikujoho mofongkiênalokuyɨhwono. Oêo, nakwo Setenênji towahuno wonyo soênji fongkiênalokuhwono. Towahuno wonyo hiso hofɨko aêamu sɨkwoêmjohoêmo humalofo somo yokumpohnênyo mokosyohumalofo. Hofɨko hwahopo emoyontɨfi ahwomomo emoyɨwoênɨngkohofofoho. 13 Osoêno sekwo Anɨtuye mekino, sampe, yoêmayoso olohonta mapmno. Ose mafɨkuji yoêmayo wonyo iêmofapɨhwosoêno sekwo yokumpohnênyo lohofɨkuji Setenênji towahuno wonyo soênji ikujoho fongkiênɨfijoso sekwo hofɨkimo nuyakolopitnnefoho. Nuyakolofɨkuji yokumpohnênyo neêno lohopitnnefoho. 14 Osoêno ntoêno esyohumayo yahino soêno nakwo huno wosyofɨsyano. Aêamu kako mango hwamo wafongkuêmo lɨhwosi kako kakoe mekinohwa, sampehwa, omoyohwa, nomahwosi yokumpohnênyo walohoêmontonoho. Mango sohwa hofɨko oso hwe huhwo sohumo wofonjosyano lɨkuji me fɨfijoso mupolopitnnehofo. Hwapɨngoso kako ntoêno esyohumunyo hweho. Oso paênyoso Seten nakumo ikujoho monafongkisoêne itoêno wesyohumano. Nakwoe sampe, mekino, omoyo, yoêmayoso olenoho. Hungkuno nehopiênohino wolano. Hwasyo hungkuno molanehwono. Oso hungkuno neso sekwoe ahuloho paênyofoho. Honɨngkano wopɨngoênohini uyano. Wonyo honɨngkano ihwaloho. Oso honɨngkano wopɨngoênohinoso sekwoe swokinoponjo ikujoho melɨkosafo paênyofoho. Anɨtuye hungkuno wopɨngo aêamufe sɨmeho pompengo ifɨsyɨmofoêneso wolutɨhwano. Oso hiso sekwoe sɨfe manjiêmofo paênyofoho. Setenɨye yoêmayo tango neêmaso soêno Anɨtu kako nefoêmayoêne soêno sɨmeho hiêntnnono uyano. Oso sɨmeho hiêntnnono hiso nakwoe sampe paênyofoho. Nakwo Anɨtu asomo netɨmayoêne soêno huno wosyofɨsyano. Oso nakwoe sohwo hoêyo paênyofoho. Anɨtuye hungkuno soêno huno ntoêno wonayono. Oso Anɨtuye hungkuno hiso nakwoe hwakuhwajo hosɨmno paênyofoho. Kakoe Towahuno Wopɨngo sohwo hungkuno lomneêno wonetɨhwamtonoho. Yoêmayo melɨkosafo hiso sampe mekino yoêmayo paênyoso ntoêno wesyohumano. 18 Mpohumo jomo neêno ulɨmno. Kakoe Towahuno Wopɨngofe yokumpohnênyo sejapɨhwosoêno Anɨtumo jomo ulɨmno. Ntoêno fohontohumamno. Pisoêmoênyo ikutoho. Sekwo Anɨtuye aêamu ne somneêno engolopohamo Mpohumo jomo ulɨkuno. 19 Sekwo Mpohwo Anɨtumo ngkimo nɨfoêmayoêne jomo ole ulɨmno. Anɨtu kako kakoe hungkuno nje mangomo hoênanɨsyɨhwosoêno ngko iyoho iyo yahinoso monje yasyɨêmo Anɨtuye hungkuno wopɨngoso aêamufe hunomo ehohosasiyoêne ulɨmo. Oso hisoêno sekwo Mpohumo ngkineêno jomo ulɨmno. 20 Ngko aêamumo Anɨtuye hungkuno lutɨhwawoênɨngkohe hwoênyoho. Osoêno ngko impoêangomo humaleno. Olopo nohumahmêmo iyoho miyoênjo iêmo Anɨtuye hungkuno aêamu somo lutɨhwayoêne sekwo Mpohumo jomo ulɨmno. 21 Tikikos nenɨngkwaêwehwo Anɨtuye syoho ulohofiyo wopɨngo sohwo kako noseêmahwosi yoêmayo ngkimo nɨêmaêmaso soêno yoloho waselɨmonte hweho. 22 Osoêno ngko kakimo sekuyepono lɨhwojalokweno. Kako nakwoe humayo soêno selɨhwosi sekumo yokumpohnênyo wasesosofitoêmontonoho. 23 Nanɨngkwohwo Anɨtuênji nakwoe Hwe Engo Jisas Kɨlaisɨênji sikoêmontaêi sekwoe sɨmeho pompenjiyo semokohosɨsi sekwo nomêne aêamu somneêno hitoho selofo soênji sɨmeho hiêntnnono engo uyo soênji wosejopanjiyoho. 24 Aêamu nakwoe Hwe Engo Jisas Kɨlaisɨmo hitoho ulofoso musɨkwajiyoênjo iwoênɨngkohofo osomo Anɨtu kako wopɨngo ulohoêmontonoho. Ngko Poulɨêni hungkuno hiloso mtɨêmokohono. Osohopeho.