Efesos 5

1 Anɨtuye mehomi soku Anɨtu hitoho engo sejapɨwoênɨngkiso soêno sekwo kakoe yahino somo tɨfi finɨngkamno. Kako paênyo hmmoênɨmno. 2 Kɨlais kako nakumo hitoho engo nejapmmentiso soêno kako nakwoe wonyomneêno kakoe aêapaho wopɨngoso ihnênaoêmentisofoho. Anɨtu oso homo somo uhwononto akino wopɨngo waêmentiso hopaso kakoe sɨmeho wopɨngo umoênɨmentisofoho. Oso yahino wopɨngo somo finɨngkamno. 3 Yoêmayo yahino wonyo, aêmohufo, kifosyoho, nomêne hwafe yoêmayo soêno hi semoênyo, oso yahino wonyoso sekumo seêmahwoloho. Oêo, sekwo Anɨtuye aêamu ne kuyoho. Osoêno aêamu fiso hofɨko sekwoênjopo humafɨkuji oso yahino wonyoso motɨpemapitnnehofo. 4 Sekwo wonyo hungkuno nolɨkutoho. Hwasyo hungkuno syohiênyo hungkuno wonyoso nolɨkutoho. Oêo, oso yahinoso Anɨtuye mehomimneêmaho. Sekwo soku, sekwoe hungkunoso Anɨtuye yofe hoênomayoênefoho. Kakimo isamoyoka ujoênefoho. 5 Sekwo huno moiêwonoho. Aêamu kifosyohoênjo sohwa, aêmohufo iwoênɨngkohofoso, hungkuno wonyo lɨwoênɨngkohofoso, aêamu kako hoêyangomnohini syafɨsyonto womaêmo lɨwoênɨngkisoso, oso aêamu hiso hofɨko Anɨtuênji Kɨlaisɨênji siko aêamumo yokumpohnênyo mokosyohumasiyo sopo mêmopitnnefoho. Oêo, nɨhuêno awonoho. Aêamu yoêmayo hoêyango soêno hi umoênoso sohwo kako hoêyango hiso kakoe Anɨtu paênyo imokinonto hoêyango somne hwomtame ulohofɨwoênɨngkisofoho. 6 Sekwo huno ntoêno fɨsyafɨhupmno. Aêamu oso yahino wonyo somo upesemotowantɨfeêno yalokwofoso hofɨkoe siki hungkuno somo tɨfi inɨngkakutoho. Aêamu oso yahino wonyo yontɨfi Anɨtuye hungkuno somo hwotoho fewoênɨngkohofo somneêno Anɨtu kako sɨmeho tohino umnonefoho. 7 Osoêno sekwo hofɨkoênji ejokuênohumafɨkutoho. 8 Sekwo soku, hohonta sɨkwoêmjohoêmo humamotofokuyoho. I olohonta nakwoe Hwe Engo Jisas kakoe pomponahopo sehumajɨêmasofoho. Osoêno sekwo pomponahopo neêno humafɨkuji hano itoêno femoyɨmno. 9 Anɨtuye pomponaho loso yahino wopɨngoênji honɨngkano ntoênohino soênji hungkuno nehopiênohino soênji utɨhwaênyopo ujo ejokwojasyɨwoênɨngkisofoho. Oseso sekwo oso yahino wopɨngoso neêno fikuno. 10 Sekwo Anɨtuye sɨmeho wopɨngo umokiyoêne honɨngkano tɨpemafɨkuji osomo syoho yokumpohnênyo fikuno. 11 Aêamu sɨkwoêmjohoêmo nohumantɨfi hohontajo yahino wonyoso iwoênɨngkohofo soênji sekwo ejokuênohumafɨkutoho. Oêo, sekwo iêwaho ntoêno fiyɨmno. Oso yahino wonyoso ne anefoho. Sekwo aêamufe honɨngkano wonyo somneêno hungkuno ulɨkuji honɨngkano wopɨngo utɨhwamno. 12 Yoêmayo yahino wonyoso hofɨko hiyasoêmo iwoênɨngkohofo soêno ngko sejo soêno wonɨmango nnɨngkahonɨngki ifalifaliyo mamtɨêmokoho yohono. 13 Anɨtuye pomponahoso aêamu yoêmayo hiyasoêmo yɨwoênɨngkohofo somo utɨhwaênyopo ujo ehontojwasyɨwoênɨngkisofoho. Aêamu fiso hofɨkoe yahino wonyo hwapɨngo neso uhwonɨngkuji yahino wonyo somo wohoênofano lɨkuji Anɨtumo nɨhuênahone uyantɨfitɨkeno. Osoêno uhwonantanoho. 14 Oso aêamu homo somneêno ta lɨmotofoso ole nalohi, Kɨko saho wotnno sohwosi, kɨko honɨngkano wonyomo nohumanji, aêamu poyo peênɨngkohofo paênyo humawoênɨngkino, filɨkaho. Kɨlais kakoe pomponaho jɨje sɨmehomo wolakisyono. 15 Sekwo sekwoe humayo yahino somneêno huno itoêno fɨsyafɨhupmno. Aêamu Anɨtumneêno huno mosyafɨsiyoênjo humawoênɨngkohofo hopa nohumafɨkutoho. Oêo, sekwo aêamu hunoênjo humawoênɨngkohofo hopaso fosyohumamno. 16 Olohonta yahino wonyo piênɨngo engo woênnyoponoho. I sekwo soku olopo siki humayoêne mohumulofo. Oêo, yoêmayo iwoênɨngkohofoso Anɨtumneêno fiyɨmno. 17 Sekwo Anɨtumneêno huno mosyafɨsiyoênjo ikuji yoêmayo syohoso ikutoho. Oêo, ilofɨkutoho. Sekwo soku sɨmoêmo Anɨtuye hunoso tɨpemafɨkuji tɨfi yoêmayoso itoêno fiyɨmno. 18 Sekwo mijo yokumpohnênyo engo nɨngkuji nonilohofɨkutoho. Oêo, oso yahinoso sekumo wonyo wasemokumonteêno yohoho. I osoêno sekwo Anɨtuye Towahunoso nomafɨkujoêno kako sekumo wosehulaêofono. 19 Osoêno sekwo nuhuêmokukuji sekwo Anɨtuye hungkuno hnnɨngkuji kakoe yofe hoênomayoêne Taênjo Iyoswo taênji filɨmno. Sekwoe towahunomo yokumpohnênyo imokiyoêne haohonta sekwo Hwe Engo Anɨtuneêno syafɨsyɨkuji kakoe yofe fohoênomapmno. Osoêno tajo angomjo taso mango mtaêni lɨkuji sɨmeho ajwo moêmtaêni filulɨkaênɨngkuno. 20 Yoêmayo seêmaso soêno nanɨngkwohwo Anɨtumo isamoyoka ulɨmno. Wopɨngoênohini seêmahwosoêno isamoyoka nolɨkutoho. Oêo, tango soênji seêmahwosoêno Anɨtumo isamoyoka ulɨmno. Hwapɨngoso nakwoe Hwe Engo Jisas Kɨlais kako wopɨngoênohini nalohofɨwoênɨngkiso soêno isamoyoka ulɨmno. 21 Sekwo Kɨlaisɨye hungkunomo tɨfi inɨngkowalokwofo soêno sekwo aêamu nomêne somneêno hwahopo pawomno. 22 Moyaêmi sofasi, sekwo sekwoe Hwe Engo Jisas Kɨlais kakoe hungkunomo enjwaêmo humalofo hopaso sekwo sekwoe hwehwafe hungkunomo enjwaêmo fosyohumamno. 23 Hwapɨngoso pehoêneto. Hwe sohwa hofɨkoe ape sofamo hwe engo imoênontɨfi aêmusyamo mokosyohumawoênɨngkohofɨhwafoho. Oso hopaso Kɨlais kako kakoe aêamu ne sofe hwe mnokino engoênjo hweho. Aêamu hiso Kɨlaisɨye aêapahofoho. Kɨlais oso aêamu somo asomo utɨmayoêne poyo peênɨmentiso hweho. 24 Aêamu Kɨlaisɨmo sɨmeho uyɨwoênɨngkohofoso hofɨko kakimo enjwaêmo humalofo hopaso moyaêmi sofa hofɨko hofɨkoe hwehwamo enjwaêmo wohumafe. 25 Hwe sohwasi, sekwo sekwoe aêmusyamneêno sɨmeho epufohi filohopmno. Kɨlais kakoe aêamu ne somneêno sɨmeho engo uyɨmentiso soêno kako hofɨkineêno poyo peênɨmentisofoho. Oso paênyoso sekwo sekwoe aêmusyamo sɨmeho uyɨmno. 26 Kɨlais kakoe aêamu ne somneêno poyo peênɨmentiso soêno kakoe hungkuno soênji mijo kiyomayo yahino soênji hofɨkoe huno hofɨkoe sɨmeho honɨngkano wonyo ane kihoêmaso imokalofoho. 27 Oseso Kɨlais kakoe aêamu neso hofɨko kakoe sɨmanopo lohopijo sohonta hofɨko honɨngkano wonyo nɨhuêno ane kihoêmaso nɨhuêno wonyoangkafoênohini lohopitnnefoho. 28 Oseso sekwo hwe sohwasi sekwo upaênɨmno. Sekwoe aêapahomneêno hitoho selofɨwoênɨngkiso hopaso sekwoe aêmusyamneêno hitoho waselofono. Hwe kakoe apeênji sikoe aêapaho afa inɨmentisiyo soêno hwe sohwo kakoe apemo wopɨngo ulohofɨhwosoêno kako kakoe aêapahomo wopɨngo ulohofalofoho. 29 Nakwo huno ole nayohi, aêamu kako kakoe aêapahomneêno mangohwa imoênyoso awonoho. Kako kakoe aêapahomo wosopayo uyɨwoênɨngkohoho. Kakoe aêapaho ntoêno emokosyohumawoênɨngkohoho. Oso paênyoso Kɨlais kako kakoe aêamu ne somo wopɨngo emokosyohumawoênɨngkiso hweho. 30 Hwapɨngoso nakwo Kɨlaisɨye sɨfe aho aêapahoênwoho. 31 Anɨtuye hungkuno ole nalohi, U hwe fihwo kako kakoe kanɨngkwohwoêyaêumo ulɨkoêmahwosi kakoe apeênji womokotɨkuênanjiyoho. Oseso siko nemêno makotɨkuênisoso siko aêapaho afa umoênanjiyoho. Ose nalɨmentisofoho. 32 Oso hungkuno hisoêno nje hunoso olenoho. Hwapɨngo neso hufaêuyoho. Hwapɨngo hiyasoso ole, Kɨlais kakoe aêamu ne soênji aêapaho afa imoênalokwofo soêno nelalofoho. 33 Osoênohinɨêmaho. Oêo, sekwo hwe angaêno angaênohino sohwa hnnontnneêno selalofoho. Sekwo hwe sohwasi sekwoe aêapahomneêno hitoho selofɨwoênɨngkiso hopaso sekwoe aêmusyamneêno hitoho waselofono. Osoêno sekwo moyaêmi sofasi sekwo sekwoe hwehwafe yofe fohoênomapmno.