Hipɨlu 10

1 Oso hohontajo honɨngkano hungkuno Anɨtu Mousesɨmo uyɨmentisoso yoêmayo wopɨngo tɨfi imoênone soêno yamofo netɨhwayoênefoho. Oso hungkuno sɨmoêmo uyɨmentisoso hungkuno wopɨngo tɨfinjoso afaêmaho. Oêo, hohontajo honɨngkano hungkunoso ole nalohi, Sekwo soswo angaêno angaênohino somo sekwoe wonyomneêno yahu fonjokisahumno. Ose nalɨmentisofoho. I osoêno aêamu oso hungkuno somo inɨngkamotofoso hofɨkoe huno sɨmeho wopɨngo neso imokiyoêneêmaho. 2 Oêo, hohontajo honɨngkano hungkunoso aêamufe honɨngkano ne wopɨngo imokontentesi aêamu hiso Anɨtumneêno yoêmayo yahu neêno mofonjokisyasyɨkutnnesohilo. Oêo, oso aêamu hiso hofɨkoe honɨngkano wonyo somneêno wonɨmango neêno unɨngkahonɨngki hofɨkoe wonyomneêno yahu neêno fonjokisasyɨwoênɨngkohofofoho. 3 I osoêno soswo huhwo huhwi hofɨko yahu fonjokisasyontɨfi hofɨkoe honɨngkano wonyomneêno huno ufohotofoênefoho. 4 Hwapɨngoso yahu honɨyoso aêamufe wonyo wae meeofonehoho. Oêo, nɨhuêno awonoho. 5 Osoêno Kɨlais nakwoe hwahopo wapmmonto yonto Anɨtumo ole ulɨmento, Aêamufe wonyo honɨngkanomneêno yoêmayo yahu kijapɨwoênɨngkohofoso ngkilaho lalokuno. I osoêno kɨko ngkineêno hwahoponjo aêapaho somneêno enisyohumahonɨngkini hofɨkoe honɨngkano wonyomneêno nje aêapaho loso wokijapmmonneêno yohono. 6 Aêamu hofɨkoe wonyo honɨngkanomneêno yahu hopiênonohino tohomo fonjiêmofontɨfi yoêmayoso kɨko uhwonyoêno kisosyontanɨngkofi jɨje sɨmeho wopɨngo makumoênɨngkiyohoho. 7 Osoêno ngko ole kiloho, U Anɨtu kɨko ngkimo nohonyo. Yoêmayo ngko poyo peênyo soêne iyoswomo mtɨêmokumentohofoso ngko jɨje hunomo kinɨngkape-eêne wawomneêno yohono. Ose ulɨmentisofoho. 8 Sɨmoêmo Kɨlais kako Anɨtumo olo soêno ulɨmento, Aêamu hofɨkoe wonyomneêno yahu fonjasyɨwoênɨngkohofo soêno kɨko ngkilaho lɨwoênɨngkohino. Yoêmayo yahino wonyo somneêno kijapɨwoênɨngkohofoso jɨje sɨmeho wopɨngo makumoênɨwoênɨngkiyohoho. Oso honɨngkano hungkuno Anɨtu kako Mousesɨmo sɨmoêmo uyɨmentiso somo hofɨko ko inɨngkamotofo soêno oso hungkuno hiso Kɨlais Anɨtumo ulɨmentisofoho. 9 Ose ulonto Anɨtumo ulɨmento, U Anɨtu ngko nto pohono. Jɨje sɨmeho wopɨngo kumoênyoêneso yoêmayo uyɨmonneêno yohono. Ose ulahonɨngki Anɨtu kako hohontajo hofɨkoe wonyomneêno yahu fonjokisahumentohofo yahino somo wae yaofonto kako Jisasɨye aêamufe wonyo wae yaofoêne kakoe aêapaho inyoso Anɨtu nomanto hohontajo yahino somo uyohopoêmentisofoho. 10 Jisas Kɨlais kako yoêmayo syoho Anɨtuye sɨmeho wopɨngo umoênyoêneso yonto kako aêamufe wonyomneêno kakoe aêapaho inɨmentisofoho. Sɨkuno angaênohino somo inɨmentiso soêno aêamu hopiênonohino hnênɨmo Anɨtu nahonɨmentisoso wopɨngofoho lɨmentisofoho. 11 Aêamu aêamufe wonyo wae yaofo syohoênjo sohwa hofɨko sɨkuno huhwo huhwi oso syohoso imotofofoho. Yahu neêno fonjahumotofofoho. I oso hiso imotofoso aêamufe wonyoso wae meeêmmotofofoho. 12 I osoêno Kɨlais kako aêamufe wonyo wae yaofoêne sɨkuno angaênohino somo kakoe aêapaho inɨmentisofoho. Ose inɨmentiso soêno nakwoe wonyo honɨngkano hopiênonohino imentɨhwone soênji olohontajo yalokuhwone soênji hwangku yaso soênji nɨhuênahone wae yaoêmentisofoho. Wayo yaoêmentiso sohonta kako Anɨtuye aho angahohntaêni usijoêno humaho. 13 Osopo nohumanto Anɨtu kako Jisasɨye mangohwa nje sɨfɨkiênyoêmo wonɨhumajononto hontohumaho. 14 Jisas kako aêamufe wonyo wae nɨhuênahone yaofoêne sɨkuno angaênohino somo kakoe aêapaho inɨmentiso soêno oso aêamu kako nahwosopoêmentiso hnênɨmneêno nɨhuênahone wopɨngofoho lɨmentisofoho. Ose lɨmentiso soêno nakwo wopɨngo imoênalokuhwono. 15 Anɨtuye Towahuno huhwo kako nakumo olo hilo soêno nehopeho nalɨmentisofoho. Sɨmoêmo ole nalohi, 16 Hwangku yahino songo aêamu ngkoênji mokotɨkuênyo hungkunoso uyɨmonnoho. Osohonta nje honɨngkano hungkunoso aêamufe sɨmehomo hofɨkoe hunomo wohoênahumonnoho. Anɨtu ose lɨmentisofoho. 17 Anɨtuye Towahuno sohwo nomêne hungkuno nalɨmento, Oseso ngko hofɨkoe yahino wonyo soênji honɨngkano wonyo soêntnneêno apaêno huno mosyafɨsiyoênjo uyɨmonnoho. Ose nalɨmentisofoho. 18 U Anɨtu kako nakwoe wonyo wae nɨhuênahone yaoêmentiso soêno nakwo oso wonyo hisoêno Anɨtumo apaêno pehoêno uyanehwono. Awonoho. Nɨhuênahone enaoêmentisofoho. 19 Nje aêamu soku, Jisas nakumneêno kakoe honɨyo usɨhumaêmentiso soêno nakwo Anɨtu humaso ango sopo nosyuhwasi osopo iyoho monanonehoho. 20 Jisas kako nakumneêno poyo peênɨmentiso soêno honɨngkano songo oso ango Anɨtu humaso soponeêno swaneêno hwosampoêmentisofoho. Hohonta hwapɨfe pmpilɨpeehinyoso oso honɨngkano somo pɨkuênawoênnyofoho. I kakoe aêapaho inɨmentiso soêno oso honɨngkanoso nɨhuênahone hwosampoêmentisofoho. 21 Jisas nakwoe hwe yofe engoênjo aêamufe wonyo wae nɨhuênahone yaofo syohoênjo sohwo kako nakwoe Hwe Engo Anɨtuye temtitofo hnênɨmo nemokosyohumawoênɨngkiso hweho. 22 Hohonta yoêmayo somo yahu honɨyo ifolɨposɨêmoêmentohofo somo Anɨtu uhwonɨmentisoso wopɨngo uhwonɨmentisofoho. Oso hopaso Jisas kako nakwoe honɨngkano wonyomneêno poyo peênɨmentiso soêno Anɨtu nahonɨmentisoso wopɨngo nahonɨmentisofoho. Osoêno nakwoe honɨngkano wonyo somneêno nakwo sɨmeho tango moneyalofiyoho. I hohonta hofɨko hofɨkoe aêapaho Anɨtu uhwonyoêne mijo yomaênɨmentohofo hopaso Jisas kako mijo kiyonemaêmentisofoho. Osoêno nakwo iyoho monanyoênjo nohumehwasi Anɨtumo uêmano. Hwapɨngoso kako nakwoe hungkunomo nepaênone soêno huno nayohoho. 23 Nakwo nomêne aêamu somo Anɨtumo sɨmeho hiêntnnono uyalokuhwone soêno yoloho lɨjwaofɨwoênɨngkuhwone soêno sɨmeho uyoso yokumpohnênyo nokesyohumehwasi yoêmayo Anɨtu nalɨmentiso soêno wohontohumano. Nakwo nohontohumehwasi poênɨfo humehwaloho. Oêo, yoêmayo Anɨtu kako yonesoêno nakumo nalɨmentisoso nehopeho. Oso Anɨtu kako uyɨmontonoho. 24 Olo soêno huno wosyofɨsyano. Nakwo foêmaênyo engoso sɨmeho inyosoêno pipi yanehwono. Osoêno huno syofɨsyɨhwasi huno wopɨngo tɨpemehwasi hofiyo uyano. 25 Nakwo aêamu Anɨtumo sɨmeho hiêntnnono uyɨwoênɨngkuhwone hnênwi nakwo Jisasɨye yofe soêno uhuêmokohumayo yahino somo nusɨkwajɨhwaloho. Aêamu fehohnjoso oso yahino somo nto ulɨkoêmaêmalofofoho. Oêo, nakwo nuhuêmokuhwasi Anɨtumneêno yokumpohnênyo lohofoêne wofoêmoênano. Ose yalokuhwoneso yokumpohnênyo neêno wofoêmoênano. Hwapɨngoso Jisasɨênji hungkuno ikwolofoêne sɨkunoso mofoneponoho. 26 Nakwo Anɨtuye hungkuno ne somo huno nayɨhwosoêno osopo nakwolaho lɨhwasi honɨngkano wonyomo neêno nohumehwasi oso honɨngkano wonyo wae enaofoêneso Anɨtumo peho uyanehwono. Nɨhuêno awonoho. 27 Ose yasoêmanji nakwo nakwoe honɨngkano wonyo somneêno hungkuno ikwolofoêne neêno nohontohumehwasi iyoho wonanono. Hungkuno moiêwo ikwolofɨhwasi Anɨtuye mango sohwonaênɨmo toho mɨkunɨmposo somo nonanoneênwoho. 28 Nakwo olo soêno huno nayohi, aêamu fihwo kako Mousesɨye honɨngkano hungkunomo haloho maposoênjo imentiso sohwo kako honɨngkano wonyo imentisoêmanji nomêne aêamu hufaêu, hufaêu sɨhune osohwa wonyo somo uhwonontɨfi oso aêamu huhwo sohwoe wonyomneêno hungkuno yoloho lɨjwaofo soêmanji oso hwe Mousesɨye honɨngkano hungkunomo minɨngkayoênjo sohumneêno hitoho mulofeênjo yontɨfi fonjahumentohofofoho. 29 Aêamu Anɨtuye honɨngkano hungkuno Mousesɨmo uyɨmentiso somneêno ngkilaho lɨmentiso soêno ose imentohofoêmanji aêamu nomênehwo kako Anɨtuye Hwomumneêno ngkilaho losoêmanji oso hwe huhwo sohumneêno Anɨtu kako peho ulohofoneto. Oso aêamu huhwo sohwo kako tango mɨkunɨmposo engo mane hweho. Hwapɨngoso oso hwe huhwo sohumneêno Anɨtuênji mokotɨkuênyoêne oso hwe sohwoe wonyo wae yaofoêne Jisas kakoe honɨyo usɨhumaêmentisofoho. I osoêno usɨhumaêmentiso soêno hwe huhwo sohwo Jisasɨmneêno sitofo ulɨwoênɨngkohoho. Anɨtuye Towahuno Wopɨngo sohwo nalohofɨwoênɨngkiso sohumneêno ngkilaho lɨwoênɨngkohoho. 30 Anɨtu kako ole lɨmentiso soêno huno nayohoho. Aêamu honɨngkano wonyo iwoênɨngkohofo somo ngko Anɨtuêni kakoe wonyo somneêno wonyo aku uyɨmonnoho. Nje syohofoho. Hungkuno nomêneso ole nalɨmento, Hwe Engo Anɨtu sohwo kako kakoe hwe moyaêmife yahino wopɨngoênjo soênji yahino wonyoênjo soênjimo yano ilofonefoho. 31 Aêamu yahino wonyoênjo somo tango mɨkunɨmposo uyonefoho. Osoêno kako tango engo monejape soêno honɨngkano wopɨngoênohinimo unɨngkowano. 32 Hohonta sekwo Anɨtumneêno sɨmoêmo nupaênontɨfi sɨmeho hiêntnnono uyahonɨngkofi aêamu wonyo selohofahonɨngkofi yoêmayo tango seêmaêmentiso sohonta sekwo yokumpohnênyo lohoêmentohofofoho. Oso hohontajo somneêno sekwo huno fɨsyafɨhupmno. 33 Sɨkuno fehohnjo somo hofɨko sekumo hwe moyaêmife tɨmopo sehumajontɨfi hungkuno wonyo sitofoênji selontɨfi tango sejapmmentohofofoho. Sɨkuno nomênemo sekwoe aêamuso oso paênyo tohino mentanɨngkofi sekwo hofɨkimo nuhwonontɨfi ufoêmano lontɨfi imentohofoso sekwo hofɨkoênji tohino somaêmentohofofoho. 34 Sekwoe aêamu fehohnjo hofɨko Anɨtumo sɨmeho hiêntnnono umentohofo soêno impoêangomo uhumojahonɨngkofi sekwo hofɨkoênji tohino somaêmentohofofoho. Sɨkuno nomêne somo sekwoe yoêmayo hoêyangoso aêamu nomêneso wae esemofahonɨngkofi sekwo hoêyango soêno huno engo mosyafɨsiyoênjo yontɨfi hwahoponjofoho. Womapɨfe lontɨfi sɨmeho wopɨngoênji sɨmonyo imentohofofoho. Hwapɨngoso sekwo huno moiêwonoho. Sekwoe hoêyango neso ahwomomo weho. Neêno nowentɨhwonefoho. 35 Oseso yoêmayo soêno sekwoe sɨmeho yokumpohnênyo uyoso nohoênasyɨkutoho. Oêo, Anɨtu kako wopɨngo selohofonefoho. 36 Sekwo yokumpohnênyo lohofɨkuji Anɨtuye hungkunomo tɨfi finɨngkamno. Ose ifijoêmanji Anɨtu yoêmayo wopɨngo wosejapmmo selɨmentisoso wotɨpemantɨfeho. 37 Anɨtuye hungkuno iyoswomo mtɨêmokumentohofoso ole nalohi, Sɨkuno weêeneponoho. Oso hwe nakwoe hwahopo wapmmo nalɨmentiso sohwo weêenepi wapmmontonoho. Kako miyonehoho. 38 Nje aêamu honɨngkano ntoênohinoênjoso hofɨko ngkimo sɨmeho hiêntnnono ntopalokwofoso hofɨko songo nohumafitnnefoho. I aêamu hiso ngkineêno hohujo ikinjanɨmopijo oso aêamu somneêno nje sɨmeho wopɨngo manɨmoênonehoho. Ose nalɨmentisofoho. 39 I osoêno nakwo Anɨtumneêno hohujo mikinjumofeênwoho. Osoêno nakwo tɨkano somo tohino neêno mayo sopono mowanehwono. Oêo, nakwo Anɨtumo sɨmeho hiêntnnono uyɨwoênɨngkuhwone hnênwi nakwo sɨmeho wopɨngoênji songo neêno humentɨhwanefoho.