Hipɨlu 11

1 Anɨtumo sɨmeho hiêntnnono uyo yahinoso olenoho. Yoêmayo wopɨngo Anɨtu sekumo waselohoêmonnoho nalɨmentiso soêno hontohumalohwono. Neso ko yontani nakwo huno nayohoho. Wopɨngo wonalohoêmontonoho. Huno ose neyahonɨngki Anɨtumo sɨmeho hiêntnnono uyalokuhwono. 2 Aêamu hohontajo sohwa hofɨko Anɨtuye hungkunomo sɨmeho hiêntnnono uyɨmotofo soêno Anɨtu ulɨmento, sekwo sɨmeho hiêntnnono ntapmmentohofo soêno nje aêamu ne kuyoho selalokweno. 3 Nakwo Anɨtumo sɨmeho hiêntnnono uyalokuhwone soêno huno ole nayohoho. Anɨtu hungkuno lahonɨngki nakwoe hwaho ahwomo nonyo wosopayo yoêmayoso siki imoênɨmentisofoho. 4 Aeêmtaêni nakwo aêamu Anɨtumo sɨmeho hiêntnnono umotofo somneêno huno wosyofɨsyano. Apel Apel kako Anɨtuye hungkunomo sɨmeho hiêntnnono uyɨmentiso soêno kako yahu sipsip fonjokisahumentisoso Anɨtuneêno iloho yahonɨngki Anɨtu nuhwononto, Nje aêamu nehwosoho ulɨmentisofoho. Apelɨye kolaêwehwo Kein kako Anɨtu hungkuno uyɨmentiso somo hwotoho hmmentiso soêno kako wosopayoênohini uyahonɨngki Anɨtu, Nje aêamu nehwosoho mujoênjo imentisofoho. Apel kako Anɨtuye hungkunomo inɨngkawento peênɨmentisofoho. Osoêno kakoe hungkunoso honɨngkano wopɨngo somo nakumo netɨhwawoênɨngkisofoho. 5 Inouk kako nohumanto Anɨtuye yahinomo tɨfi inɨngkawento Anɨtuye sɨmeho wopɨngo umokumentisofoho. Kako Anɨtumo sɨmeho hiêntnnono uyɨmentiso soêno kako poyo mapeênɨmmentono. Oêo, Anɨtu aêapaho hiênji utɨmaêmentisofoho. Osoêno aêamuso hofɨko kakoe pijafo soêno hafɨhafe wonyopi tɨpmmentohofofoho. 6 Aêamu Anɨtumo sɨmeho hiêntnnono muyoênjo sohwo kako Anɨtuye sɨmeho wopɨngo mumokonehoho. Hwapɨngoso hwe fihwo kako Anɨtumo uêmaêmo loso sohwo kako Anɨtu humaso soêno sɨmeho hiêntnnono uyɨwoênono. Osoênji aêamu Anɨtuneêno tɨpewoênɨngkiso osohumo Anɨtu wopɨngo ulohoêmontonoho. Osoêntnneêno sɨmeho hiêntnnono uyɨwoênono. 7 Nɨwa kako yoêmayo tɨfi imoênone soêno muhwoniyonto kako Anɨtuye hungkunomo nupaênonto sɨmeho hiêntnnono uyɨmentisofoho. Osoêno kako yofayokino angoênjo mɨkunɨmposo mtɨêmokumentisoso hofɨkoêmontohwa yofayokinomo humentohofoso songo humentanɨngkofi aêamu hopiênono yofayokinomo mahumentohofoso poyo peênɨmentohofofoho. Aêamu homo somo Nɨwa kako Anɨtumo sɨmeho hiêntnnono uyo yahinoso hofiyo lutɨhwamentisoso hofɨko haloho maposoênjo imentohofoso hungkuno tangoênjo ikwolofoêneso woênnyofoho. Nɨwa kako Anɨtumo sɨmeho hiêntnnono uyɨmentiso soêno Anɨtu ulɨmento, Kɨko nje aêamu ne hwosoho. Ose ulɨmentisoso Anɨtu aêamu hopiênono kakimo sɨmeho hiêntnnono uyɨwoênɨngkohofo somo oso hiso ulɨwoênɨngkisofoho. 8 Anɨtu Apɨlohammo hungkuno ulahonɨngki Apɨloham kako hungkuno homo somo sɨmeho hiêntnnono uyonto tɨfi inɨngkawomentisofoho. Apɨloham kako kakoe ango sopo nulɨkoêmanto Anɨtu hwaho nomêne wokijapmmo ulɨmentiso sopono umentisofoho. Apɨloham kako huno ole syafɨhuêmento, Ngko ntonte palokweno. Huno ose ko syafɨsyonto kako Anɨtumo sɨmeho hiêntnnono uyonto umentisofoho. 9 Oso hwaho hisoêno Anɨtu kako ulɨmento, Apɨloham kinonji jɨje imu soênjineêno hwaho sejapmnefoho. Ose ulɨmentiso sopo nowento nomêne hwafe hwahopo hwapɨfe ango molɨmentisofoho. Osopo Apɨloham kakoe hwomu Aisakɨjanji hofiyakwo Jekoupɨjanji humamentohofofoho. Hofɨko kihnênawoênnyo hwafoho. 10 Osopo nohumantɨfi Anɨtuye huno mtaêni pone engo wamtɨêmokumo lɨmentiso soêno hofɨko hontohumamentohofofoho. Oso pone engo hiso yokumpohnênyo ponoho. Moiêwo mmoênonehoho. 11 Apɨlohamɨye ape Sola kako aêmanesi mehomi mmoênyo hwonjo imoênɨmentiso sohonta Anɨtu ulɨmento, Ngko hwomu wokijapmmo. Ose ulahonɨngki Sola Anɨtuye hungkuno neênjo somo sɨmeho hiêntnnono uyɨmentiso soêno Anɨtu kako Solamo yokumpohnênyo uyahonɨngki Sola hwomu maêmentisofoho. 12 Osoêno Apɨloham nɨhuêno aêmane imoênonto poyo wapeênɨmonto mofone sopo kako aêamu piênɨngo engo sofe homnɨngkwohwo imoênɨmentisofoho. Oseso Apɨlohamɨye imuso hofɨko olo paênyofoho. Nakwo ahwomomo hntokwaliyo piênɨngo engo uhwonɨwoênɨngkuhwone soênji tafeponjo wosoho uhwonɨwoênɨngkuhwone oso paênyo imoênɨmentɨhwoneênwoho. Apɨloham Anɨtumo sɨmeho hiêntnnono uyɨmentiso hopaso nakwo Anɨtumo sɨmeho hiêntnnono uyalokuhwone hnênwi Apɨlohamɨye imuênwoho. Oso wosoho soênji hntokwaliyo soênji aêamu atofo malɨfitnnehofo. Oso paênyo imoênalokuhwono. 13 Oso aêamu Anɨtumo sɨmeho hiêntnnono umotofoso nohumantɨfi peênɨmentohofofoho. I osoêno olo hwaho lopo nohumantɨfi yoêmayo Anɨtu ulɨmentiso soêno sɨmeho hiêntnnono uyontɨfi nto maêmentohofo hopa syafɨsyontɨfi sɨmeho wopɨngo umoênɨmentisofoho. Ole lɨmentohofi, Olo hwaho lopo sopo nakwoe hwapɨngopoêmaho. Oêo, olopo weêenehwo wohumantanoho. Ose lɨmentohofofoho. 14 Ose lɨmentohofo somneêno nakwo huno nayohoho. Hofɨko hofɨkoe hwaho ne soponeêno wotɨpemantɨfeêno hontohumalofo. 15 Hofɨko oso ango ulɨkoêmaêmentohofo soêno asomo we-eêne huno mosyafɨhuêmmentohofofoho. U hofɨko huno asomo we-eêne syafɨsyontɨfijontentesi hofɨko honɨngkano notɨpemafɨkutnnesohilo. 16 Oêo, ose malɨmentohofofoho. Hofɨko nomêne hwaho wonyoangkafo olo hwaho loponjomo yakoloênnyo soponeêno hontohumamentohofofoho. Ahwomomneêno hontohumamentohofofoho. Osoêno hofɨko Anɨtumo ole ulɨmentohofi, Kɨko nakwoe Anɨtuhwosoho. Ose ulontɨfeso Anɨtu kako wonɨmango mumnɨmmentisofoho. Oêo, kako hofɨkoêne ango engoso nto esyohumamentisofoho. 17 Anɨtu Apɨlohammo ulɨmento, Jɨje hwomu Aisak mtaêni imu piênɨngo engo wokijapmmonnoho. Ose ko ulonto Anɨtu kako Apɨlohammo yamofo ulohoêmentisofoho. Apɨloham kako Anɨtumo sɨmeho hiêntnnono uyɨmentiso soêno kakoe hwomu Anɨtumneêno sojopo wofonjokisahumo lonto imentisofoho. 19 Ose yonto kako huno ole syafɨhuêmento, Nje hwomu poyo peênɨngkuhwosoêno Anɨtu kako apaêno songo ulɨkafoso kako hoponoho. Ose syafɨhuêmentiso soêno ole lɨwoênɨngkuhwoni, Apɨloham kakoe hwomu poyo peênɨmentiso sohwo apaêno songo iwaêmentisofoho. 20 Aisak kako Anɨtuye hungkunomo sɨmeho hiêntnnono uyɨmentiso soêno kakoe hwomu Jekoupɨênji Isou oso hwaêumo yoêmayo tɨfi uêmayoêne soêno aho ulonjimokumentisofoho. 21 Jekoup kako Anɨtumo sɨmeho hiêntnnono uyɨmentiso soêno kakoe sɨkuno poyo peênyoso moiêwo umoênɨmonto yahonɨngki Jekoup kako kakoe mnopo ijofasɨto ehumanto Anɨtuye yofe hoênomaêmentisoso kako Jousepɨye hwomu sohwaêumo ulonjimokumentisofoho. 22 Jousep kako Anɨtu neêno sɨmeho hiêntnnono uyɨmentiso soêno kako tɨfo nepo poyo wapeênɨmonto yonto kako aêamu Isɨlael somo ulɨmento, Sekwo hwaho Ijip nulɨkoêmafɨkuji nje yokinoso nonɨmotawekuji hwaho Kenan sopo fohoênanɨhumno. Ose ulɨmentisofoho. 23 Mousesɨye kanɨngkwohwoêyaêu siko hwomu milongo maêmentisiyo sohonta uhwonɨmentisiyoso hwomu wopɨngo uhwononji hiyasoêmo hamno hufaêu sɨhune mokosyohumamentisiyefoho. Hwapɨngoso ole, Hwe engo hwaho Ijip mokosyohumayo sohwo kako aêamu Isɨlael somo ole ulɨmento, Sekwo hwomu tɨpemafɨkuji fonjahumno. Ose ko ulɨmentiso soêno siko Anɨtumo sɨmeho hiêntnnono uyɨmentisiyo soêno siko hwe engo Ijip mokosyohumayo sohwoe hungkuno somneêno hwotoho fesoêno iyoho munɨmmentisofoho. 24 Mouses kako Anɨtumo sɨmeho hiêntnnono uyɨmentiso soêno kako engo imoênonto kako hwe engofe yofe mayoso ngkilaho lonto kako Anɨtuye aêamu Isɨlael soênji tango maêmentisofoho. Hwapɨngoso ole, kako syafɨhuêmento, Nakwo olo hwaho lopo weêenehwo nohumehwasi poyo wopeênantanoho. Osoêno ngko hwe engo hwaho Ijip mokosyohumayo sohwoe angomo weêenehwo nohumahmêmo yoêmayo yahino wonyo nje sɨmeho wopɨngo nɨmokiyoêne iyoso ngkilaho. Oêo, ngko nje aêamu Isɨlael soênji nohumahmêmo Anɨtuye hungkunomo unɨngkamo. Ose syafɨsyonto 26 ole soêno syafɨhuêmento, Anɨtu uhwosopoêmentiso sohwo Kɨlais oso humneêno ngko tohino mayoso wopɨngofoho. Yoêmayo hoêyango wokoso Ijip mtaêangoso ngkilaho. Ose syafɨhuêmentisofoho. Hwapɨngoso kako yoêmayo Anɨtu wopɨngo ulohofoêne soêno syafɨhuêmentisofoho. 27 Mouses Anɨtumo sɨmeho hiêntnnono uyɨmentiso soêno kako hwe engo hwaho Ijip mokosyohumayo sohwoe sɨmeho tohino soêno iyoho munyoênjo yahonɨngki hwaho Ijip ulɨkoêmanto Mouses kako Anɨtuênji humayo soêno huno uyahonɨngki yokumpohnênyo itoênonto ulɨkoêmaêmentisofoho. Kako asomo mapmmentisofoho. 28 Mouses kako Anɨtumo sɨmeho hiêntnnono uyɨmentiso soêno kakoe aêamu Isɨlael somo ulɨmento, Sekwo yahu sipsip nofonjɨkuji honɨyoso hokuêyo ponjo hwosaho somo fɨfulohopmno. Ose imentohofo soêno aêamu ahwomomjo sohwo kako Isɨlael sofe mehomi tisɨmaso somo mofonjasiyoênjo yonto aêamu Ijip sofe mehomi tisɨmaso somo fonjohumentisofoho. 29 Aêamu Isɨlaelɨso Anɨtumo sɨmeho hiêntnnono uyɨmentohofo soêno hofɨko mijo ayo Mijo Honɨyoênohinofoho lɨwoênɨngkohofo sopo nosoênɨngkahonɨngki nongkihntaêni wakoêmentohofofoho. I osohonta aêamu Ijip sohwa inɨngkawomentohofo sohwamo hofɨko mijo ajwo sopo nto wekahonɨngkofi mijo asomo fokumo lohofonto oso aêamu sohwamo mijo mɨhuloêmentisofoho. 30 Ape hwaênte Lehap ango Jelikou humamojosi kako Anɨtumo sɨmeho hiêntnnono uyɨmentiso soêno kako hwe hufaêu Isɨlaelntaêango tomiêno pmmentisiye sohwaêumo ufoêmaêmentisofoho. Aêamu Isɨlaelɨso Anɨtumo sɨmeho hiêntnnono uyɨmentohofo soêno hofɨko pone engo Jelikou sokilojoênjo sopo iêmofawentɨfi kuêmokuêmofoneêno yontanɨngkofi sɨkuno aho fehohnjo hopiênono nomêne mtaêni hufaêu uyokolofahonɨngki sokilojoso nɨhuênahone pɨwahuêmentisofoho. Nopɨwesyahonɨngki aêamu Isɨlaelɨso hofɨko aêamu Jelikou hopiênono Anɨtuye hungkunomo hwotoho hmmotofo somo fonjahumentohofofoho. Osohonta Lehap kako hwe tomiêno pmmentisiye sohwaêumo ufoêmaêmentiso soêno kako songo humamentono. 32 Nomêne sohwamneêno wamtɨêmokumonntaho. U, Ngkiteyoun, Mpalak, Samɨsoun, Jefɨta, Ntefit, Samuel, aêamu Anɨtu hungkuno uyahonɨngki lɨmotofo oso hwamneêno hungkuno sejoêneso sɨkuno hopoêmaho. 33 Oso aêamu huhwo sohwa hofɨko Anɨtumo sɨmeho hiêntnnono umotofo soêno hofɨko nomêne hwafe hwe engo hwaho mokosyohumayo sohwoe itokusoênjo sohwamo uyakoloêmentohofofoho. Hofɨko hofɨkoe aêamu somo hofiyo mokosyohumantɨfi honɨngkano ntoêno mɨhwatɨmentohofofoho. Oso aêamu huhwo sohwamo yoêmayo Anɨtu wosejapmmo ulɨmentisoso maêmentohofofoho. Aêamu huhwo sohwa hofɨkoe mangohwa hofɨkimo aho nokentɨfi sikisɨwojo (laiyoun) toho lofoneêentɨfi siki sɨwojoênjo somo uhumatɨêmentohofoso aêamumo toho malofeêne Anɨtu kako siki sɨwojofe mangomo pɨjwomokosyohumamentisofoho. 34 Aêamu Anɨtumo inɨngkamotofo somo hofɨkoe mangohwa hwaho kengo mtaêango sohwa utɨmantɨfi toho engo sijɨmentiso sopo uhumojahonɨngkofi aêamu somo toho manɨmmentisofoho. Aêamu sohwa hofɨkimo hasɨmnoênji wofantɨfi imentohofoso muhmnɨmmentisofoho. Hofɨko poênɨfo nohumentanɨngkofi Anɨtu kakoe yokumpohnênyo uyɨmentisofoho. Uyɨmentiso soêno hofɨko hofɨkoe mango sohwamo uyakoloêmentohofoso fonjofepmnaofomentohofofoho. 35 Aêamu peênɨmentohofoso apaêno songo lɨkofahonɨngkofi homnaêwohija apaêno utɨmaêmentohofofoho. Aêamu fiso impe itoênowahonɨngkofi hofɨkoe mango sohwa hofɨkoe aêapahomo wonyo umokumentohofoso hofɨko poyo peênyoêne imentohofofoho. Hofɨko Anɨtumo hohujo ikinjaopijoso hofɨkoe mango sohwa ulɨkaêmantɨfeho. Hofɨko hofɨkoe mango sohwafe hungkuno minɨngkayoênjo uyantɨfitaho. Oêo, hofɨko piênɨmo mtaêni apaêno lɨkafɨkuji songo humayoso womantɨfeho. 36 Aêamu fehohnjo hofɨkoe yahino wopɨngo soêne hofɨkoe mango sohwa hofɨkimo sitofo ulɨmentohofofoho. Nomêne sohwa hofɨkoe hohujo sopo sohwo sonyo fongkuêmentohofofoho. Nomêne sohwamo impoêangomo ahwomo nanoênji intofahumentohofofoho. 37 Hofɨkoe mango sohwa aêamu fehohnjo somo sojoênji fongkuêmentohofofoho. Nomêne somo yamofo nɨhuêno wonyo ulohoêmentohofofoho. Nomêne somo hofɨko iyo hntofe nomantɨfi hofɨkoe aêapahopo hntoêmentohofoso hufaêu imoênɨmentiso soêno poyo peênɨmentohofofoho. Nomêne somo hofɨko hosɨmno fahumentohofofoho. Aêamu fehohnjo hofɨko yoêmayoso umofonyo imentohofo soêno hofɨko yahu sipsipɨênji meme paho soênji hofɨkoe hwapɨfe imoênonto yoêmayo aêapahomneêno umofonyo inyo soênji emoyahonɨngkofi mango sohwa tango uyontɨfi wonyo ulohoêmentohofofoho. 38 Osoêno hofɨko ango ane paênyohwa honɨngkanontɨfi hofɨko hwofɨkiênyo, hwaho aêamu ane sopo, hwaêimomo, sokimomo humamotofofoho. Oso hwe moyaêmi Anɨtumo sɨmeho hiêntnnono umentohofo hiso hofɨko aêamu honɨngkano wonyoênjo somo olo hwaho lopo humayoso ntoênohinɨêmaho. Oêo, hofɨkoe honɨngkano wopɨngoso nomêne somo hwofiloênnyofoho. 39 Oso hwe hwoyaêmi hiso hofɨkoe sɨmeho hiêntnnono uyosoêno Anɨtu kako wopɨngo kuyoho ko ulɨmentisoso yoêmayo Anɨtu wosejapmmo ulɨmentisoso momaêmmentohofofoho. 40 Hwapɨngoso Anɨtu kakoe aêamu neênjo hopiênonohinoso yoêmayo wonyoangkafo afaêno afaêno nomapitnneêento hungkuno mtitoêmentisofoho. Jisas mape sohonta oso aêamu humamotofo Anɨtuneêno sɨmeho hiêntnnono uyɨmotofoso hofɨko nakumo sɨmoêmo monapopitnnehofo. Oêo, hofɨko nakumneêno hontohumalofo.