Luk 13
PNG1 Oso hohosohonta aêamu fehohnjo hofɨko nohumantɨfi Jisasɨmo ulɨmentohofi, Aêamu Ngkalilintaêango fehohnjoso hofɨko Anɨtuye tajo ango engo Jelusalem sopo nohumantɨfi hofɨko Anɨtumneêno yahu fonjokisyosyontanɨngkofi hwe yofe engoênjo hwaho mokosyohumayo sohwo kako kakoe aêamu itokusoênjo sohwamo lɨhwojahonɨngki hofɨko aêamu Ngkalilintaêango somo fonjahumentohofofoho. 2 Ose ulahonɨngkofi Jisas ulɨmento, Ose ntohofo soêno sekwo huno ole losyofɨsyalokwofo. Oso aêamu Ngkalilinjo hiso hofɨkoe honɨngkano wonyoso nomêne aêamu Ngkalilintaêango somo yakoloênnyo soêno oso tango mɨkunɨmposo tɨpemaêmentohofofoho. Ose losyofɨsyalokwofo. 3 Oêo, sekwo ose syafɨsyɨkutoho. Ngko hungkuno nehopiênohini waselɨmonneêno yohono. Sekwo hopiênono sekwoe yahino wonyo somneêno hohujo mikinjaopijoêmanji sekwo hopiênono oso tango hopaso notɨpemapitnne kuyoho. 4 I oso ango Silouam sopo aêamu aho hufaêu sɨfe fehohnjoho hopiênono nomêne sɨfe mtaêni hufaêu sɨhune nohumentanɨngkofi ango yokintahoponjo sawemo engo sohwo pɨwasyonto aêamu homo somo kilopoêmentisofoho. Oso hwe moyaêmi hofo sofe yahino wonyoso Jelusalemmjo aêamu somo yakoloênnyo soêno huno losyofɨsyalokwofo. 5 Oêo, osoêneêmaho. Hungkuno nehopiênohini waselɨmonneêno yohono. Sekwo hopiênono sekwoe yahino wonyo somneêno hohujo ikinjaofɨkuji Anɨtumne sɨmeho mɨwoloêmo kiyoêmanji sekwo hopiênono oso tango hiso paênyoso notɨpemapitnne kuyoho. 6 Jisas kako pahnnɨmo hungkuno ole ulɨmento, Hwe fihwo kakoe impojohopo iyo ikwongo hulɨmentiso soêno kako ikwonjayo ne intoênyo soêno wonyopi uhwonomahoso imojofoho. 7 Oseso kako syoho mokosyohumayo sohumo ulɨmento, Kɨko upaênyo. Soswo hufaêu sɨhune ngko oso ikwonjayo hiso womjɨmonji potnneso huno uhwonapɨwoênɨngkohefoho. Oseso oso iyo huhwo sohwo olohonta kɨko mɨngo filofeeofo. Kako hwahomjo afofo siki mayoso wopɨngoêmaho. 8 Ose ulahonɨngki syoho mokosyohumayo sohwo ulɨmento, Hwe engofo, olo iyo huhwo lohwo sohwo olo soswo lohumo walohofono. Hwangku ngko kakoe pmpongomo mno ijɨêmo yahwoyoho koêmeehmêmeêno ne itoêno untoênɨmontolɨkeno. 9 Nomêne soswomo ne mintoênɨngkuhwosi wopɨngofoho. Awoêmanji ngko wolofeeoêmonnoho. Jisas kako oso pahnnɨmo hungkunoso ulɨmentisofoho. 10 Sɨkuno iyoho humayo fisomo Jisas kako tajo ango weêe somo hwe moyaêmimo Anɨtuye hungkuno lutɨhwamentisofoho. 11 Oso tajo ango homo somo aêmu fisi towahuno wonyo ehuhnnamoênnyosi kako mnokinoênji neêno nohumentanɨngki soswo aho hufaêu sɨfe fehohnjo hopiênono nomêne sɨfe mtaêni hufaêu sɨhune uyakoloêmentiso soêno kakoe hohujoso fahuloêmojiyoho. Oseso kako itoêno lɨkofohumayoso miyommojofoho. 12 Jisas kako aêmu hisimo uhwononto joho lutɨmanto ulɨmento, Aêmu losiyo ngko jɨje mnokino engo kiwoênɨngkiso somtaêni nto isɨhutofokumahono. 13 Ose ulonto Jisas kako aêmu hisimo aho kisuhumentisoso aêmu hisiye hohujo fahuloênnyoso nɨhuêno komoêno itoêno mulohokumentisofoho. Jisas kako aêmu simo wopɨngo ose umokahonɨngki aêmu hisi kako Anɨtuye yofe hoênomaêmentisofoho. 14 Oso sɨkuno iyoho humayo homo somo Jisas kako aêmu simo wopɨngo imokumentiso soêno hwe engo oso tajo ango weêe somo mokosyohumayo sohwo kako sɨmeho tohino umnɨngkahonɨngki aêamu piênɨngo engo somo ulɨmento, Sɨkuno aho fehohnjo hopiênono aho nomêne mtaêni angaênohino somo yoêmayo syoho iyoêne sɨkunofoho. Sekwo soku aêamu sohwo wopɨngo wonamokɨfe lɨkujɨêmanji sekwo soku sɨkuno syoho iyo somo hmêmofapmno. Sekwoe aêapaho wopɨngo semokiyoêne sɨkuno iyoho humayo losomo nopɨkutoho. 15 Ose ulahonɨngki Jisas ulɨmento, Sekwo mangoênohino lɨwoênɨngkohofo kuyoho. Sɨkuno iyoho humayo homo somo sekwo sekwoe yahu somo hofɨkoe ango somtaêni mawentɨfi mijomneêno ipemotapɨwoênɨngkohofo kuyoho. 16 Oseso ngko olo Apɨlohamɨye imu simo Setenɨye towahunoso kakimo neêno ehuhnnaofontanɨngki soswo aho hufaêu sɨfe fehohnjo hopiênono nomêne sɨfe mtaêni hufaêu sɨhune uyakoloênnyo simo olo sɨkuno iyoho humayo lomo wopɨngo umokoheso wonyotaho. 17 Jisas ose ulahonɨngki Jisasɨye mango sohwa upaênontɨfi wonɨmango engo unɨmentisofoho. I hwe moyaêmi piênɨngoso hofɨko yoêmayo yoêmayo wonyoangkafo Jisas imentiso soêno sɨmonyo imentohofofoho. 18 Jisas kako pahnnɨmo hungkuno nomêne ulɨmento, Anɨtumo enjwaêmo humayo yahinoso peho paênyoto. Ngko yamofoso pehomneêno esetɨhwamnehono. 19 Olenoho. Iyo fihwo kakoe yofe masɨtet. Kakoe neso nomêne iyo ipisayo paênyoêmaho. Oêo, nɨhuêno weêefoho. Hwe fihwo oso weêe hiso kakoe syohopo hulahonɨngki engo imoênonto nomêne iyo syoho soponjo somo yakolonoho. Engo imoênɨngkahonɨngki yɨhufoso nopontɨfi kakoe pamo sopo hofɨkoe aifo syontɨfi osopo kehumawoênɨngkohofofoho. 20 Ose ulonto ole ulɨmento, Pahnnɨmo hungkuno nomêne Anɨtumo enjwaêmo humayo yahino soêno ngko yamofoso pehomo esetɨhwamnehono. 21 Oso hiso olo paênyofoho. Aêmu fisi kako wosopayo polowaênji oso wosopayo polowa homo somo engo imokiyoêne hwamno paênyo kakoe yofe yis, osoênji iwoloêmokososo oso polowa hiso engo umoênɨmontonoho. 22 Jisas kako Jelusalemne wasɨmonto imentisoso honɨngkano momɨngo somo ango pone mjamolɨmohnnyo soponjo aêamu somo kakoe hungkuno lutɨhwamosimentisofoho. 23 Oso hohosohonta hwe fihwo ulɨmento, Hwe Engofo, Aêamu Anɨtumo uêmayoêneso aêamu angaêno angaêno sifitnnetaho. Hopiênono sɨfitnnetaho. 24 Ose ulahonɨngkahonɨngki Jisas ulɨmento, Anɨtumo uêmayoêne hokuêyoso weêefoho. I sekwo oso hokuêyo weêe homo somo syuyoêne syoho yokino fiyohoênɨmno. Hwapɨngo soêno yolohoso waselɨmonneêno yohono. Aêamu piênɨngo engoso hofɨko oso hokuêyo homo somo woswano lifijoso hofɨko yamofo ko ifijoso hofɨko hopoêmaho. 25 Hwangku oso ango homo somjo kakwoêyohwo sohwo nolɨkafɨhwosi hokuêyo weêe homo somo wopɨjwahumontonoho. Nɨhuênahone nto pɨjwasyɨhwosoêno sekwo mempo hohntaêni lohofɨkuji hokuêyopo hwanɨngo fonjɨkuji joho ole ulɨfitnnefoho. Hwe Engofo, hokuêyo fonehwosampofo. Ose ulɨfijoso kako ole waselɨmontonoho. Sekwo ntɨêmtaêango kulo. Ngko sekumneêno huno maniyohoyohoho. 26 Ose selɨhwosoêno sekwo ole ulɨfitnnefoho. Nakwo kɨkoênji wopayoênji mijoênji nɨmentɨhwone lokono. Kɨko nakwoe honɨngkanopo lohofonji nakumo hungkuno lonetɨhwamentohino lokono. 27 Ose ulahonɨngkuji kako apaêno ole waselɨmontonoho. Sekwo ntɨêmtaêango kulo. Ngko sekuneêno huno maniyohoyohoho. Sekwo honɨngkano wonyo yɨwoênɨngkohofo kuyoho. Sekwo ngkimo iêwaho ntohopmno. Sekwo mpanɨmno. 28 Ose selɨhwosi kako sekumo wae yasemofɨhwosoêno sekwo mempo hohntaêni humafɨkuji uhwonɨfijoso aêamu Anɨtumo enjwaêmo humalofoso Apɨloham, Aisak, Jekoup sohwanji aêamu Anɨtuye hungkuno lutɨhwamotofo sohwanjimo wosyɨhwonɨhwojowantɨfeho. Sekwo ose uhwonɨngkuji sekwo hulɨngkwajingo ifalohoênɨngkuji humotaho engo lɨfitnne kuyoho. 29 Hwe moyaêmi hofɨko mofehiênyo sɨêmofapiso mtaêni sahopɨkuji mofehiênyo nɨngkuênɨwoênɨngkiso mtaêni uêmofapɨkuji aêamu yaposiyo yohosi yohohntaêni iêmofapɨkuji hofɨko Anɨtumo enjwaêmo nohumafɨkuji Anɨtuye angomo wosopayo nɨfitnnefoho. 30 Oso hohosohonta aêamu fehohnjo somneêno sitofo ulɨwoênɨngkohofoso hofɨko yofe engo womantɨfeho. I aêamu fehohnjo hofɨkoe yofe olopo hoênomawoênɨngkohofoso hofɨko yofe engo ane paênyo wohumantɨfeho. Ose ulɨmentisofoho. 31 Oso hohosohonta aêamu Falisi fehohnjo sohwa hofɨko Jisasɨmo uêmantɨfi ulɨmentohofi, Kɨko olo ango lopo ulɨkoêmahoji nomêne angopono fɨwano. Hwe yofe engoênjo Helout sohwo kako kikimo wofonjakohumonto yalofoho. 32 Ose ulahonɨngkofi Jisas ulɨmento, Sekwo nukuji oso hwe wonyo sohwo, Helout, osohumo ngkineêno ole ulɨmno. Olohontajoênji moênɨngkajoênji ngko aêamu towahuno wonyo ehuhnnamoênnyo somo wae yaohmêmo aêamu mnokinoênjo somo wopɨngo umokumonnoho. Noêno moênɨngka sɨkuno hufaêu sɨhune sohonta ngko nje syohoso moiêwo wesojwaoêmonnoho. 33 Osoêno olohontajoênji moênɨngkajoênji neêno moênɨngkajoênji nje syoho moiêwo iêmo ngko hano Jelusalemneêno wosyɨêmoêmonnoho. Hwapɨngoso aêamumo Anɨtu hungkuno uyahonɨngki lutɨhwayo sohwamo ango nomênepo fonjasyɨwoênɨngkohofopoêmaho. Oêo, ango Jelusalemnohini fonjasyɨwoênɨngkohofoponoho. 34 U, nje aêamu Jelusalem humamopmmotofo sokunonji olohonta humalofo sokunonji sekwo aêamumo Anɨtu hungkuno uyahonɨngki selɨmotofo sohwamo fonjasyontɨfi aêamu sekumo sefoêmayoêne Anɨtu uhwojɨwoênɨngkiso sohwamo sojoênji fonjɨwoênɨngkohofo kuyoho. Sɨkuno piênɨngo engo somo ngko sekumo ole hopa womasemokuêmonji imalefoho. Yɨhufoso hofɨkoe polonyo somo mɨhuêmokontɨfi efemokosyawowoênɨngkohofo hopaso ngko sekumo wosemokosyohumamonji ko imaleso sekwo nakwolaho lɨmalofofoho. 35 Sekwo upaênɨmno. Sekwoe ango Jelusalem sopo Anɨtu kako nto ulɨkoêmaêmaho. Hungkuno nehopi waselɨmonneêno yohono. Sekwo ngkimo manohonyoênjo neêno yontanɨngkuji sɨkuno piênɨngo woseyakoloêmontonoho. Tɨfi noêmo sekwo nakwo oso aêamu Anɨtu uhwatɨmentiso sohumneêno yofe wohoênomano lɨfijo sohonta sekwo ngkimo apaêno wonehonantɨfeho.