Luk 14

1 Sɨkuno iyoho humayo fihwi Jisas kako hwe fihwoe angomo wopayo nɨmentisofoho. Oso hwe huhwo sohwo kako aêamu Falisi sohwafe hwe engo hweho. Oso hopo sopo hwe fihwo kako aêapaho engo kamkamnnyo sohwo Jisasɨmo mofonepo humunyo hweho. Aêamu Falisi sohwa hofɨko Jisas sohwo kako hwe aêapaho wonyoênjo sohumo pipi ulohofone kiyohoho lontɨfi humuhwontohumantohofofoho. 3 Jisas kako oso hwe mnokinoênjo sohumo uhwononto kako aêamu honɨngkano hungkuno lutɨhwawoênɨngkohofo sohwanji aêamu Falisi sohwanjimo ulɨmento, Nakwoe honɨngkano hungkuno sɨkuno iyoho humayo somneêno nakwo aêamu mnokinoênjo somo wopɨngo umokiyoso wopɨngotaho. 4 Ose ulahonɨngki hofɨko mampiênyo humamentohofofoho. Oseso Jisas kako oso hwe sohwoe ahomo nomanto wopɨngo umokonto, kakoe ango poneêno uhwatɨmentisofoho. 5 Ose ulohofonto kako aêamu nomêne sohwamo ulɨmento, Sekwo sɨkuno iyoho humayo somo syoho miwoênɨngkiyohofɨhwasilaho. I sekwoe hwomutaho yahu mutaho sɨkuno iyoho humayo somo mijo kilofawoso somo usɨêmofawesoso sekwo komoêno ukuji utɨmantɨfitaho. Ou, utɨmantɨfeho. 6 Ose ulahonɨngki hofɨko kakimo aku hungkuno mulɨmmentohofofoho. 7 Jisas kako oso ango hopo sopo nohumanto uhwonɨmentisoso aêamu fehohnjoso oso ango homo somo swontɨfi hofɨko epohumayo wopɨngoênohini soêno hafɨhafe tɨpeehonɨngkofi uhwononto kako aêamu huhwo sohwamneêno pahnnɨmo hungkuno ole ulɨmento, 8 Aêamu fihwo kako ape maênyo soponjo wopayo engo soêneêne kikineêno joho kilososo kɨko nuhuji epohumayo wopɨngo sopo nohumayoêeno. Kɨko epohumayo wopɨngopo humusoêmanji ango kakwoêyohwo sohwo kako nomêne aêamu jɨje yofe engo somo kiyakoloênnyo sohumo joho ulosoêmanji jɨje yofe engoso monje weekohumontonoho. 9 Kɨko jɨje yofe weêeênjo sohwosi kɨko epohumayo wopɨngopo kakiêno humentanɨngkiji kohonɨngkuhwosi oso ango kakwoêyohwo sohwo kako ole wakilɨmontonoho. Kɨko olo epohumayo wopɨngo loso olo aêamu lohumo uyo. Ose kilɨhwosoêno kɨko wonɨmango engo kinɨngkuhwosoêno momɨngo soêmjo epohumayo sopo wohumamontnnoho. 10 I hwe fihwo kako kikimo kakoe angomo wosopayo nyoêne joho kilosoêmanji kɨko noswohoji epohumayo nɨhuêno momɨngo soponjo sopo fosyohumaho. Kɨko ose humusoêmanji oso aêamu huhwo sohwo kako kikimo nokohonɨngkuhwosi ole wakilɨmontonoho, Nje aêamuhwe, kɨko olopo fisohumape. Ose kilɨhwosoêno oso ango homo somjo aêamu wosopayo nontɨfijo aêamuso nokohonɨngkujoêno jɨje yofe engo umoênɨmontonoho. 11 Aêamu kakoe yofeênohini hoênomaênɨwoênontoso sohumo Anɨtu kako monje weehumontonoho. I aêamu kakoe yofe somo monje yahinɨngkuhwoso sohumo Anɨtu kako wopɨngo wonyoangkafo ulohofɨhwosi kakoe yofeso wohoênɨmaêmontonoho. 12 Oseso Jisas kakimo wopayo nyoêne joho lutɨmaêmentiso sohumo ulɨmento, Kɨko aêamumne wosopayo iloho iyo sohonta jɨje aêamu soêntnne, jɨje temtitofo soêntnne, jɨje angoponjo aêamu hamniyoho engoênjo soêntnneêno joho lutɨmahotoho. Kɨko ose isoso nomêne sɨkunomo jɨje wosopayo somneêno hofɨkoe angomneêno joho kilɨkuji hofɨko aku wokijopantɨfeho. 13 Oêo, kɨko aêamumneêno wosopayo iloho yohojoso kɨko aêamu yoêmayo umofonyo inyo soênji aêamu aêapaho wonyoênjo soênji sɨfe kokatoênnyo soênji aêamu tɨmpiênyo soênjimo joho lutɨmahoji uyo. 14 Oso aêamu homo somo hofɨko jɨje wosopayo somneêno aku kijapeso hopoenohinɨêmaho. Oseso kɨko sɨmonyo uyɨmonnoho. Hwapɨngoso aêamu Anɨtuye hungkunomo inɨngkawentɨfe peênɨmentohofoso lɨkapijo sohonta Anɨtu kako kikimo jɨje yahino wopɨngo somneêno yoêmayo wopɨngoso nokijaponefoho. 15 Oso aêamu Jisasɨênjopo wopayo nontanɨngkofi hwe fihwo nohumanto Jisasɨye hungkunomo upaênonto ulɨmento, Aêamu Anɨtumo enjwaêmo humasoso kako Anɨtuênji humayo soêno sɨmonyo uyono. 16 Ose ulahonɨngki Jisas kako pahnnɨmo hungkuno ole ulɨmento, Hwe fihwo kako wosopayo engo iloho umonto imentisofoho. Oseso oso sɨkuno wopayo iloho iyoêne somo pe-eêne kako aêamu piênɨngo engo somo joho lutɨmaêmentisofoho. 17 Oso sɨkuno neso iêmofopahonɨngki kako kakoe syoho ulohofiyo sohumo lɨhwojahonɨngki kako aêamu sɨmoêmo nto lutɨmaêmentiso somo ole ulɨmento, Sekwo oyonɨmno. Wosopayoso itoêno nto esyohumantono. 18 Ose ko ulahonɨngki aêamu angaêno angaênohinoso mape-eêne hungkuno ulɨmentohofo. Aêamu angaêno kako ole ulɨmento, Ngko hwaho songo mpe nto imale hwoênyoho. Ngko oso homo somo uhwonamneêno yohono. Kɨko nje aêamu sohumo ole uso, Ngko mapmnehono. Ose ntohoho uso. 19 U, nomênihwo ole ulɨmento, Ngko mpulɨmokau yahu aho hufaêu hopiênonohino nje hwaho ijɨwoloêmokiyoêno mpoêmaeso yamofo ulohoêmonneêno yohono. Oseso kɨko nje aêamuhumo ole uso, Ngko mapmnehono. Ose ntohoho uso. 20 Nomênihwo ole ulɨmento, ngko olohonta ape songo mahe sohwoêni mapmnehono. 21 Ose ulahonɨngkofi aêamu syoho ulohofiyo sohwo kakoe hwe engo sohumo hungkuno mopanehwono ulɨmentohofo soêno ulahonɨngki hwe engo sohwo sɨmeho tohino umnɨmentisofoho. Sɨmeho tohino umnɨngkahonɨngki kako kakoe syoho ulohofiyo sohumo ulɨmento, Kɨko komoêno uhuji oso ango soponjo honɨngkano engo soponjo soênji honɨngkano weêe weêe soponjo soênjimo nje wosopayo nyoêne joho filutɨmaho. Aêamu yoêmayo umofonyo inyo soênji aêapaho wonyoênjo soênji tɨmpiênyo soênji sɨfe wonyoênjo soênjimo lutɨmahoji nje ango lomo fɨpemotoswape. 22 Ose ulahonɨngki syoho ulohofiyo sohwo aêamu homo somo ipemotaponto ulɨmento, Hwe engofo, jɨje hungkunomo inɨngkawenji epohumayo fehohnjoso siki weho. 23 Ose ulahonɨngki hwe engo sohwo ulɨmento, Kɨko honɨngkano engo somo uhuji syohoponjo tokuêmango somo kuêmokwakuji oso ponjo hwe moyaêmi piênɨngo engo somo utɨmahoji fɨpemotoswape. Ngko nje ango somo aêamu uhulaêmopɨfe nnɨngkohoho. 24 Ngko kikimo wakilɨmo, Oso aêamu ngko sɨmoêmo joho lutɨmaêmaleso hofɨko nje wosopayoso nɨhuêno momapitnnehofo. Oso pahnnɨmo hungkunoso Jisas ulɨmentisofoho. 25 Hwe moyaêmi piênɨngo engo hofɨko Jisasɨênji hano wentanɨngkofi Jisas kako ikinjamo lohofonto ulɨmento, 26 Aêamu fihwo kako ngkimo wonnɨngkapmmo loso sohwo sɨmoêmo kako huno itoêno uyono. Yoêmayo aêamumo kako sɨmeho uyɨwoênɨngkisoso kanɨngkwohwo konaêwohi kakoe ape kakoe mehomi konɨngkwaêwehwo kaisi i, kakoe wopɨngo humayo hi oso homo somo kako sɨmeho uyɨwoênɨngkisoso sɨmeho ntapɨwoênɨngkiso somo yakoloênnyoêmanji kako nje inomokomoyo imoênyoso hopoêmaho. 27 Aêamu nje syoho somneêno yoêmayo tango ngkimo nɨêmante hopaso uêmayo soêno wopɨngofoho loso sohwo kako nje inomokomoyo ne umoênɨmontonoho. I tango hiso ngkilaho losoêmanji kako ngkimo monnɨngkapeênjo hweho. Oseso kakiêno kako huno itoêno ukwesyafɨsyono. 28 Sekwo olo pahnnɨmo hungkuno soêno fɨsyafɨhupmno. Aêamu fihwo kako ango sawemo engo wamolɨmo loso sohwo kako kakiêno nofosyohumahwosi oso ango huhwo sohune yoêmayo mpe iyoêne hamniyoho soêno huno itoêno ukwesyafɨhuêmontonoho. Olo soêno wosyafɨsyono, Nje hamniyoho olo ango lomneêno moiêwo esojwaofoêneso hopolɨkeno. Awoêmanji mamolomnehono. 29 Kako oso hopa huno mosyafɨsiyoêmanji kako hwosaho nto wonjososo ango neso moiêwo momolosojwaofeênjoêmanji aêamu ango homo somo uhwonɨngkuji tɨkafo jɨkuji sitofo ulantɨfeho. 30 Ole wolantɨfeho. Oso hwe sohwo kako ango molomoêmaso sohwo kako momolosojwamofe hweho. 31 I nomêne pahnnɨmo hungkuno fɨsyafɨhupmno. Hwe yofe engoênjo hwaho mokosyohumayo sohwo kako nomêne hwe engo sohumo wofongkiênaho lonto inyo sohwo kako kakiêno huno itoêno ukwesyafɨhuêmontonoho. I nje aêamu itokusoênjo sohwa ten tausen (10,000) hwafoho. I nomênihwo kakoeso tɨwenti tausen (20,000) hwafoho. I osoêno nakwo hofɨkoênji ikujoho fongkiênɨngkuhwasi nakwo hofɨkimo wae weeofantantɨkeno. Hofɨko nakumo wenaofantɨfetɨkeno. 32 Kako mango sohwamo muyakolofone soêno syafɨsyɨhwosi kakoe mango sohwa ikanopo nohumentanɨngkuji aêamu sɨmeho pompengo isyɨmofoêne wolɨhwatɨmontonoho. 33 Oso hopaso aêamu fihwo kako ngkimo wakinɨngkamo ntoso sohwo kako kakiêno huno itoêno ukwesyafɨsyono. Kako yoêmayo yoêmayo mokosyohumayoso Anɨtuyefoho lɨhwosi kako Anɨtumneêno syoho yokumpohnênyo uyɨmontonoho. Kako nje inomokomoyo ne hweho. 34 Nakwo wosopayo saênji nɨwoênɨngkuhwoneso wopɨngofoho. I osoêno sa fosyo mijoênohino imoênɨngkuhwosi kakoe yokumpohnênyo nonto wonyo imoênososo apaêno sa hiso wopɨngo imoênyoso pipi uyantanto. Awonoho. 35 Oso sa hiso nakwo syohopo hoênosyasyoso hwaho afofoênjo umoênɨmontolaho. Oêo, sa hiso nɨhuênahone siki hoênaofɨwoênɨngkuhwonefoho. Aêamu fihwo nje hungkunomo haloho upaênɨmo lɨhwosiêmanji halohoênjo hwoêmanji haloho upaênono.