Luk 15
PNG1 Aêamu mtaêni hamniyoho huêmemayo syohoênjo sohwanji aêamu honɨngkano wonyoênjo soênji hofɨko Jisasɨye hungkunomo upoênano lontɨfi kakimo uêmaêmentohofofoho. 2 Aêamu Falisi sohwanji aêamu honɨngkano hungkuno lutɨhwamotofo sohwanji ose uhwonontɨfi Jisasɨmo sitofo ulɨmentohofi, Olo hwe lohwo kako aêamu honɨngkano wonyo imofɨwoênɨngkohofo soênji majopohiênonto wopayo nɨwoênɨngkiso hweho. 3 Jisas oso hisoêno huno uyahonɨngki olo pahnnɨmo hungkuno ulɨmento, 4 Kɨko yahu sipsip wan hantɨlet (100) mokosyohumunyo sohwosi yahu kengaêno isɨpeeofɨhwosoêno kɨko oso yahu nainti-nain (99) hiso hoja nontanɨnkuji ulɨkoêmahoji isɨpeeofoso sohuneêno hafɨhafe wotɨpmmonnoho. Hafɨhafe neênohini tɨpehoji wotɨpemaêmonnoho. 5 Notɨpemahoji yahu hiso jɨje sangopo saêni kitofohoji sɨmonyoênji hofiyo womotawomonnoho. 6 Kɨko jɨje angopo iêmofahoji jɨje aêamu soênji jɨje aêamu afaponjo soêntnneêno joho lutɨmahojoêno hofɨko nuhuêmokukujoêno kɨko ole ulɨmontnnoho. Nakwo sɨmonyo uyano. Nje yahu sipsip isopeeoêmaso sohwo nto tɨpemahono. Ose ulɨmonnoho. 7 Jisas ose ulonto ole ulɨmento, Oso hopaso aêamu nainti-nain (99) honɨngkano wopɨngo inɨngkuwoênɨngkohofoso hofɨko sɨmeho mɨwoloêmokiyoênjo humentanɨngkofi aêamu ahwomomjoso uhwonontɨfi sɨmonyo miyofoho. I osoêno aêamu angaêno honɨngkano nɨhuêno wonyoênjoso kako honɨngkano wonyo homo somo hohujo ikinjaofɨhwosi Anɨtumneêno sɨmonyo mɨkunɨmposo uyantɨfeho. 8 Aêmu fisi kako hamniyoho aho hufaêu hopiênono mokosyohumunyosi kako angaênohino impoênaofososo kako sikiloho mongkujɨhwosi angomjo hintalinyo hulɨjusyɨhwosi tɨmo itoêno feênɨhwonɨngkuhwosi neêno tɨpemɨhwosi wotɨpemaêmontonoho. 9 Notɨpemahwosi kako kakoe aêamu soênji ango hopo soponjo humawoênɨngkohofo soênjimo joho lutɨmahwosoêno hofɨko kakoe angopo iêmofapɨkujoêno ole ulɨmontonoho. Nakwo sɨmonyo uyano. Nje hamniyoho impoênaoêmayoso olohonta ngko tɨpemanji nje sɨmeho wopɨngo nɨmoênɨngkohoho. 10 Oso paênyoso ngko hungkuno waselɨmonneêno yohono. Aêamu fihwo honɨngkano wonyoênjo sohwo kako kakoe wonyo somneêno hohujo ikinjaofɨhwosi Anɨtumneêno sɨmeho uyahonɨngkuhwosi aêamu ahwomomjoso hofɨko sɨmonyo engo uyantɨfeho. 11 Jisas ose ulonto nomêne pahnnɨmo hungkuno ulɨmento, Hwe fihwo kako hwomu hufaêuênjo hweho. 12 Akuêmu sohwo kanɨngkwohumo ulɨmento, Mpohwo, yoêmayo hoêyangoso hamniyohoso tɨfi noêmo ejapmmneêenji elofisasyɨwoênɨngkinoso njeso olohonta ntape. Ose ulahonɨngki kanɨngkwohwo eno ulonto kakoe hwomu hufaêu hwaêune hoêyangoso yano ulofiyonto akuêmu sohumo uyɨmentisofoho. 13 Sɨkuno weêenehwo memjaofahonɨngki akuêmu sohwo kako hamniyoho yoêmayo hoêyango nomɨhuêmokonto kako ango ikano engo soponeêno umentisofoho. Oso hopo sopo nohumanto nomêne aêamuênji syohiênyo yonto mijo yokumpohnênyo nonilohofonto kako kakoe aêapahomneêno hamniyoho hopiênonohinoso huêmeeoêmentisofoho. 14 Kakoe hamniyoho yoêmayoso nto huêmeeofahonɨngki oso ango hopo sopo mijoho engo iêmofapmmentisofoho. Iêmofopahonɨngki kako honɨngkanɨmentisoso kakoe yoêmayoso huno honɨngkanɨmentisofoho. 15 Ose yonto kako hamniyoho syoho umo lonto tɨpmmentisoso syoho tɨpemaêmentisofoho. Oso hwaho hopo soponjo hwe fihwoe yahu somo wosopayo uyo syohoso tɨpemaêmentisofoho. 16 Kakoe yahu sohwa oso jopahoso menontanɨngkofi uhwononto kako huno ole syafɨhuêmento, Ngko huhwoêni womanɨmo. Ose syofɨsyahonɨngki aêamu kakimo mufoêmaêmentohofofoho. 17 Oso hohosohonta kako huno itoêno ikwesyafɨsyonto kakoe hunoso ehohosɨsyahonɨngki ole hnnɨmento, Nje mpohwoe syoho ulohofiyo sohwa wosopayo engo nalokwofo. Ngko kakoe hwomu sohwoêni olopo nohumanji mijoho weêe mopeênalɨkuyohono. 18 Ngkilaho. Ngko nolɨkahmêmo nje mpohwoepono asomo uêmo ole ulɨmo, Mpohwo, ngko honɨngkano wonyo imote soêno ngko Anɨtuênji kɨkoênjimo wonyo selohoêmalefoho. 19 Oseso olohonta ngko hwe wopɨngo hwonɨêmaho. Kɨko ngkimo apaêno nje hwomufo nontohotoho. Oêo, kikimo syoho kilohofiyo hwoêni manɨmokufo. 20 Ose hnnonto kako kanɨngkwohwoepono asomo umentisofoho. Kanɨngkwohwo kakoe hwomu nopontanɨngki ikanopo ntaêni uhwonɨhwojawento kanɨngkwohwo kakineêno hitoho uloêmentisofoho. Oseso kako hano kunto kuntoêno nowento kakoe hwomumo kapopotohumo lohofonto hinjoho huênɨmentisofoho. 21 Ose ulohofahonɨngki hwomu sohwo ulɨmento, Mpohwo, ngko honɨngkano wonyo imentohe soêno ngko Anɨtuênji kɨkoênjimo wonyo selohoêmalefoho. Oseso ngko hwomu wopɨngo hwonɨêmaho. Kɨko ngkimo apaêno nje hwomufo nontohotoho. 22 Ose ko ulahonɨngki kanɨngkwohwo kakoe syoho ulohofiyo sohwamo ulɨmento, Sekwo nowekuji manjiêmofo sawemo wonyoangkafoso komoêno motapɨkuji nje hwomumo ulohofano. Ajoêmiyomjo wokoso wonyoangkafosoênji ulohofano. Sɨfɨkwongofosyoênji ulohofano. 23 Sekwo mpulɨmokau yahu isɨkuênnyo engoso fonjasyɨkuji iloho enɨngkuhwasi sɨmonyo uyano. 24 Hwapɨngoso olo nje hwomu lohwo kako poyo nto peênɨmentononji yɨwoênɨngkohe sohwo olohonta kako apaêno songo iêmofapohoho. Kako nto isɨpeeoêmaso sohwo ngko apaêno tɨpemahono. Ose ulahonɨngki nɨhuênahone sɨmonyo emaêmentohofofoho. 25 Ose yontanɨngkofi hwomu tisɨmaso sohwo kako syohoêmo humamentisofoho. Osopo ntaêni kako asomo noponto ango ne soêmo iêmofaponto upaênɨmentisoso taênji sɨmonyoênji hoênowentanɨngki upaênɨmentisofoho. 26 Oseso tisɨmaso sohwo kako syoho ulohofiyo fihumo joho lutɨmanto ulɨmento, Hofɨko peho yalokwofo. 27 Ose ulahonɨngki ulɨmento, hnnɨngkwaêwehwo sohwo nto iêmofapohoho. Oseso jɨje mpohwoe mpulɨmokau yahu isɨkuênnyo engoso fonjiyontɨfi sɨmonyo yalokwofo. Hwapɨngoso hnnɨngkwohwo kakoe hwomu huhwo sohumo apaêno mayoso wonyo mmoênyoênjo itoêno fosyohumayoênefoho. 28 Tisɨmaso sohwo ose upaênonto sɨmeho tohino umnɨngkahonɨngki kako angomo masyuyofoho. Oseso kanɨngkwohwo mempo noswaponto tisɨmaso sohumo angomo woswapononto hungkuno hofiyo ulɨmentisofoho. 29 Ose ko ulahonɨngki tisɨmaso sohwo ulɨmento, Soswo huhwo huhwi ngko kɨkoênji nohumanji kikimo syoho kilohofiyo sikiênjo paênyo imoênɨwoênɨngkohe hwoênyoho. Ngko jɨje hungkunomo yokumpohnênyo mmoênyo kitɨhwayo hwoênyoho. I osoêno nje aêamu soênji sɨmonyo niyoêne kɨko yahu meme weêeso me aneso ntopahonɨngkini nje aêamuênji sɨmonyo nimentɨhwonetaho. Oêo, awonoho. 30 I osoêno jɨje hwomu akuêmu lohwo kako jɨje hamniyoho hoêyango yoêmayoso hwoyaêmi hwaênte sofamo ihnênakumoêmaho. I olohonta kako apaêno kuêmahonɨngki kɨko sɨmonyo iyoêne yahu isɨkuênnyo meêwampeênjolo fonjiyalokuno. 31 Ose ulahonɨngki kanɨngkwohwo ulɨmento, Nje hwomu sohwosi, sɨkuno huhwo huhwi nekwo majopohiênɨwoênɨngkuhwoyo montosaêyoho. Nje yoêmayo hopiênonohinoso kɨkoênefoho. 32 I osoêno hnnɨngkwaêwehwo sohwo kako poyo nto peênɨmentononji iwoênɨngkohehwo ifɨwalofoho. Oseso nakwo sɨmonyo engo ihwasi sɨmeho wopɨngoênjo wohumano. Kako moiêwo nto imoênɨmentiso ko huhwo sohwo nakwo olohonta apaêno tɨpemahwono. Ose ulɨmentisofoho.