Matɨyu 11
PNG1 Jisas kakoe inomokomoyo aho hopiênonohino sɨfe mtaêni hufaêu sohwamo hungkuno moiêwo ulonto kako oso ango hopo sopo ulɨkoêmanto nowento antɨme piênɨngo mofone hopo soponjo hwe moyaêmimo lutɨhwamentisofoho. 2 Joun impoêangomo nohumanto yoêmayo Jisas imentiso soêno nupaênonto Joun kako kakoe inomokomoyo sohwamo Jisasɨyepono lɨhwatɨmentisofoho. 3 Luhwojahonɨngki hofɨko Jisasɨmo ulɨmentohofi, Joun ole nalɨmaho, Hwe tɨfi wapmmontonoho hoênɨmentiso sohwosilaho. I, nakwo nomênihuneêno wohontohumantantaho. 4 Ose ulahonɨngkofi Jisas ulɨmento, Sekwo nukuji yoêmayo uhwonɨngkohofo soênji nupaênɨngkohofo soêntnno Jounɨmo ulɨmno. 5 Uhwonɨmno. Aêamu tɨmpiênyoso tɨmo apaêno honalokwofo. Aêamu sɨfe wonyoênjoso apaêno hano itoêno walokwofo. Aêamu aêapaho uyo nɨhuêno wonyoênjoso (lepɨla) hofɨkoe aêapahoso wopɨngo imoênɨngkohoho. Aêamu haloho pɨkuênnyoso apaêno itoêno haloho upoênalokwofo. Aêamu poyo peênyoso apaêno songo lɨkofalokwofo. Aêamu yoêmayo soêno umofonyo iyoso Anɨtuye hungkuno wopɨngo upoênalokwofo. 6 Aêamu ngkineêno hwahopontaêango hwolɨkeno Anɨtuye hwolɨkeno, ose mosyafɨsiyoênjo yontɨfi hofɨko sɨmeho hiêntnnono kengaêno ntopantokwofoso hofɨko sɨmonyo uyɨfe. Sekwo nukuji oso hungkuno hiso Jounɨmo ulɨmno. 7 Ose ulahonɨngki Jounɨmo inomokomoyo sohwa nuhwahonɨngkofi Jisas hwe moyaêmi somo Joun neêno hungkuno ole ulɨmento, Hohonta sekwo hwaho aêamu anepono hano umentohofo sohonta sekwo pehomo uhwonano lontɨfi umentohofoto. Sekwo hwe mohufiyo paênɨngo sohwo ifofo ilojaoêmentiso sohumo uhwonano lontɨfi umentohofotaho. Oêo, oseêmaho. 8 Sekwo pehomo uhwonano lontɨfi umentohofo. Sekwo hwe fihwo hwapɨfe yoêmayo wonyoangafo huêmeesisyoso uhwonano lontɨfi umentohofotaho. Oêo, aêamu hofɨko hwapɨfe wopɨngo wopɨngoênohini yalokwofoso hwe engo sohwoe angomo humalofo. 9 Oseso sekwo pehoêno umentohofo. Aêamumo Anɨtu hungkuno uyahonɨngki hungkuno najo sohumo uhwonano lontɨfi imentohofotaho. Ou, osohifoho. Upaênɨmno. Oso hwe sekwo uhwonɨmentohofo sohwo kako aêamu hopiênonohinomo Anɨtu hungkuno uyahonɨngki nalɨwoênɨngkohofo somo yakoloênnyo hweho. 10 Oso hwe huhwo sohumneêno Anɨtuye hungkuno Kakoe Hwomumo ole nalohi, Upaênyo. Ngko hwe fihumo nje hungkuno motaweêne wolɨhwatɨmonnoho. Oso huhwo sohwo kako kikimo sɨmoêmo kupe-eêne hweho. Kako jɨje honɨngkano itoêno esyohumayoêne hweho. Ose nalohoho. 11 Ngko nehopi selohono. Joun aêamumo mijo kiyomaêmojo sohwo kako olo hwaho loponjo imoênɨmentohofo somo yakolonoho. I oso hisoêno aêamu yofe ane paênyoênjo Anɨtu aêamumo yokumpohnênyo mokosyohumayo sopo humaso sohwo kako Jounɨmo nuyakolofonefoho. 12 Joun Aêamumo Mijo Kiyomaêmojo sohwoe sɨkuno syoho emaêmentiso sohonta oso mtaêango olohontajoênji aêamu ahwomomo Anɨtu mokosyohumayo sopo wohotoswano lontɨfi yohoto yohotofo yalokwofo. Aêamu yokumpohnênyo ikujohoênjoso oso hisoêno womano lalokwofo. 13 Aêamumo Anɨtu hungkuno uyahonɨngki lɨmotofo hopiênonohino sohwanji Mouses kakoe honɨngkano hungkunoênji Anɨtu ahwomomo mokosyohumayo sopone soêno neêno lɨmɨwahonɨngkofi Joun imoênonto oso hungkuno hiso neêno lutɨhwamentisofoho. 14 Hohonta aêamumo Anɨtu hungkuno uyahonɨngki lɨmotofo sohwa ole ulɨmentohofi, Hwe Ilaija paênyo sohwo asomo noponefoho. Oso hungkuno somo sɨmeho wopɨngo semoênosoêmanji ole upaênɨmno. Joun sohwo kako Ilaija paênyo hweho. 15 Aêamu halohoênjo hwoêmanji upaênono. 16 Aêamu olohonta humalofoso peho paênyo lɨmnehono. Hofɨko mehomi paênyofoho. Kako ose ulonto pahnnɨmo hungkuno Jounênji kakineêntnno ulɨmentisofoho. Ole ulɨmento, Mehomiso hofɨko angopo nohumantɨfi nomêne mehomi syohiênyo hutonɨwoênɨngkohofo sohwanjineêno joho lalokwofo, 17 Nakwo hmpehmpe yoka sɨmonyoêne kulɨmokahonɨngkuhwoni sekwo sɨmonyo miyo kuyoho. Nakwo wosafe lahonɨngkuhwoni sekwo humotaho majofoho. 18 Joun noponto wosopayo manyoênjo humaho humanto ipisayo mijo (wain) manyo hweho. Oseso hofɨko sitofo lɨmentohofi, Towahuno wonyo Jounɨmo ehuhnnamoênnyo hweho. Ose lɨmentohofofoho. 19 Oseso Aêamufe Hwomu hwoêni noponji ahuêmo wosopayoênji ipisayo mijo pompenjiyo soênji nɨwoênɨngkohe soêno hofɨko ngkineêno ole lalokwofo. Ihwoni. Hwe wopayo piênɨngo engo nyoênjo hweho. Ipisayo mijo pompenjiyo piênɨngo engo nyoênjo hweho. Kako aêamu hamniyoho mayo syohoênjo sohwanji aêamu honɨngkano wonyoênjo soênjiye aêamu hweho. Ose ngkineêno lɨwoênɨngkohofɨhwashoho. I oso hisoêno Anɨtuye hunoso neênjofoho. Aêamu Anɨtuye yahinomo inɨngkawoênɨngkohofoso huno ole uyonefoho. Yoêmayo Anɨtu iwoênɨngkisoso itoênohinoho. 20 Ango hopiênonohino somo Jisas yoêmayo kengo wonyoangkafoso aêamu miyɨwoênɨngkiyohofoso imentisoso aêamu sɨmeho mɨwoloêmokiyoênjo somneêno Jisas yoka ulɨmentisofoho. Hwapɨngoso hofɨkoe honɨngkano wonyo somneêno hohujo mikinjaofeênjofoho. 21 Jisas ole ulɨmento, U, aêamu Koulasin sokunonji aêamu Mpetɨsaita sokunonji sekwo Anɨtuye tohino somneêno iêwaho itoêno fiyɨmno. Ngko sekwoe angopo yoêmayo wonyoangkafoso aêamu miyɨwoênɨngkiyohofoso esetɨhwamentohe somo aêamu ango Taiyaênji ango Saitounênji hohonta humamotofoso hofɨko hofɨkoe yahino wonyo somneêno hulɨngkwajingo aêapahopo lohoênɨngkuji hofɨkoe honɨngkano wonyo somo hohujo nto ikinjaofɨkutnnesohilo. I sekwo yoêmayo wopɨngo ngko imalesomo ko uhwonontɨfi sekwoe yahino wonyo somneêno hohujo mikinjaoêmmalofo kuyoho. 22 Osoêno ngko sekumo hungkuno selalokweno. Sɨkuno aeêuyo somo Anɨtu kako aêamufe honɨngkano wonyo somneêno yano ilofoso sohonta Taiyajo aêamu soênji Saitounjo aêamu soênji hofɨko Anɨtuye tohino engo tɨpemapitnnefoho. I osoêno sekwoe tohinoso yakoloênnyo kuyoho. 23 I, oso sɨkuno homo somo ango Koponeyamjo aêamu humawoênɨngkohofo soku ngko sekumneêno pehofo selɨmnehono. Sekwo sekwoe yofe yokintahopo ko hoênomaênɨwoênɨngkohofo soku, sekwo tɨkanomo ufitnne kuyoho. U, aêamu fihwo yoêmayo sekwoe angopo esetɨhwamale hopaso aêamu ango Soutom honɨngkano wonyoênjo somo utɨhwantentesi hofɨkoe honɨngkano wonyo somo hohujo ikinjaofɨkuji hofɨkoe ango neêno nowentɨhwonesohilo. 24 U, ngko sekumo waselɨmonneêno yohono. Sɨkuno aeêuyo somo aêamufe yahino wonyo soêne hungkuno ikwolofoêne sohonta oso ango Soutommjo aêamuso hofɨkoe yahino pisakinoênjo somneêno tohino engo wotɨpemantɨfeho. I osoêno aêamu hohujo ikinjasemofoso hofɨkoe tohinoso Soutommjo aêamufe tohino somo yakoloênnyofoho. Ose ulɨmentisofoho. 25 Oso hohosohonta Jisas ole ulɨmento, U, Mpohwo, kɨko ahwomomjo yoêmayo soênji hwahoponjo yoêmayo soênji hwapɨngo hwosoho. Ngko ole soêno isamoyoka kilalokweno. Yoêmayo iwoênɨngkinoso kɨko aêamu hwahoponjo huno engo tɨpemaêmentohofo somtaêni hiyaso hoênahumentohinofoho. I aêamu hofɨko mehomimneêno sɨmeho kanɨngkwohwoêyaêumo uyɨwoênɨngkohofo hopa kijopontanɨngkofi kɨko ujo ehontojwahumahnnofoho. 26 Ou, Mpohwo, kɨko ose imoênoneêenji imentohinoso olohopeho. 27 Ose ulonto kakoe inomokomoyo sohwamo ulɨmento, Nje Mpohwo kako yoêmayo hopiênonohinoso nje ahomo hoênanɨhumentisofoho. Olo hwaho loponjo aêamu fihwo kako nje hwapɨngo soponeêno huno inyoso tɨhwolo. Awonoho. Nje Mpohwo kakoênohini huno uyohoho. U, Mpohwoe hwapɨngo soponeêno huno tɨhwolo. Oêo, ngko kakoe Hwomu hwoênnohini huno niyohoho. U, ngko Mpohumo wasetɨhwamo ulɨwoênɨngkohe aêamuso hofɨko hiênji ngkoêntnnohini huno nayohoho. Ose ulɨmentisofoho. 28 Aêamu tango engoênjo mokohoênawentɨfi usijoêno wohumano lalokwofo soku sekwo ngkimo nɨêmapmno. Ngko usijoêno wosehumatɨêmo. 29 Nje hungkunomo nnɨngkafijoso ngko wolosetɨhwahmêmo. Ngko aêamumo wopɨngo ulohofɨwoênɨngkohe hwoênyoho. Nje yofemo mohoênomaênɨwoênɨngkiyohefoho. Oêo, ngko nje yofe monje yasyɨwoênɨngkohefoho. Osoêno sekwo nje pompenjiyo soêno wotɨpemantɨfi yalokwofoso wonyo pompenjiyomo wohumantanoho. 30 Syoho sejapontnneso engoêmaho. Oêo, nosefoêmawoênɨngkohe hwoênyoho. Tango mokohoênyo soêno sejapmmeso tango engoênjoêmaho.