Matɨyu 10
PNG1 Oseso Jisas kakoe inomokomoyo aho hopiênonohino sɨfe mtaêni hufaêu sohwamo joho ulahonɨngki hofɨko nuhuêmokahonɨngkofi Jisas kakoe yokumpohnênyoso yano uyɨmentisofoho. Oso yokumpohnênyoso aêapahomjo towahuno wonyo wae yaofoêne soênji aêamu mnokinoênjo soêntnneêno wopɨngo umokiyoêne soênji uyɨmentisofoho 2 Oso inomokomoyo (apousel) aho hopiênono sɨfe mtaêni hufaêuyo sohwafe yofe olenoho. Sɨmoêmjoso Saimounɨyoho. Saimoun huhwo kakoe nomêne yofe olenoho. Pitafoho. Nomênihwo Entɨlu, Saimoun Pitafe konɨngkwaêwe hweho. Nomêne sohwaêu Jemɨsɨênji konɨngkwaêwehwo Jounɨyoho. Oso huhwo sohwaêu Sepetiye hwomu hwaêuyoho. 3 Nomênihwaêu ole, Filipɨênji Mpatoulomɨyuênjoho. Nomênihwaêu Toumasɨênji hamniyoho mayo syohoênjo sohwo Matɨyuênjoho. Nomêne Tatiyosɨênji Alɨfiyosɨye hwomu Jemɨsɨênjoho. 4 Nomênihwaêu Saimoun Seloutɨênji Jutas Isɨkaliyoutɨênjoho. Jutas huhwo sohwo Jisasɨmneêno tokoyoêofo yonto aêamu Jisasɨmo fonjasiyoêne sohwafe ahomo uyɨmentisofoho. 5 Jisas oso hwe aho hopiênonohino sɨfe mtaêni hufaêu huhwo sohwamo hungkuno ulonto uhwatɨmentisofoho. Hungkuno hiso olenoho. Sekwo aêamu temtitofo kengo sofe ango soponeêno ango Someliya soponeêno nukutoho. 6 Oêo, aêamu Isɨlaelɨênohino sofepono fɨwanɨmno. Aêamu Isɨlaelɨso hofɨko yahu isɨpeemofo paênyo honɨngkanoêno tɨpeelokwofo. 7 Sekwo nukuji hungkuno ole soêno ulɨmno. Anɨtu aêamumo yokumpohnênyo mokosyohumayo sɨkuno mofonepo nto imoênɨmaho. Osoêno ulɨmno. 8 Sekwo aêamu mnokinoênjo somo wopɨngo umokukuji aêamu poyo peênyo somo songo ulɨkafɨkuji oso mnokino uyo wonyoênjo (lepɨla) wopɨngo imoênɨngkujoêno towahuno wonyoso wae hmmopmno. Olo yokumpohnênyo loso hamniyohoênjo mahofoêmaho. Oêo, ngko sejapohefoho. Osoêno sekwo olo yokumpohnênyo loênji yoêmayo uyɨfijoso hamniyoho momasoênjo uyantɨfeho. 9 Sekwo hamniyoho kiêyoênji nomokahoênɨngkutoho. 10 Sekwo yoêmayo hoêyo nomokahoênɨngkutoho. Oêo, manjiêmofo nomêneso sɨfɨkwongo fosyo nomêne soênji mno hwanji nomokahoênɨngkutoho. Awonoho. Aêamu syoho yoso sohwo kakoe wopayo nyoso wotɨpemaêmontonoho. 11 Oseso sekwo ango engo fipo ufijoêmanji ou, ango weêe fipo ufijoêmanji osopo sekwo tɨmo itoêno uhwonɨngkuji oso ango hopo sopo hwe wopɨngo itoênohinoso tɨhwo kofosyohumaho, uhwonɨfijoso oso hwe wopɨngo sohwoe angomo fosyohumamno. Oso ango hopo sopo neêno nohumafɨkuji wohumpeeno lɨkujoso oso hwe huhwo sohwoênji fosyawentɨfijo sohwasi fohumpopmno. 12 Oseso oso ango homo somo hufijoso sekwo oso hwe moyaêmi angomjo somo ole ulɨmno. Nakwoe aêamu soku Anɨtu wopɨngo waselohofono. 13 Ose ulahonɨngkuji hofɨko Anɨtuye hungkuno upoênano lɨfijoêmanji hofɨkoe sɨmehoso itoênohiniêmanji sekwo sɨmeho pompenjiyoso oso aêamu somo uyɨfijoso hungkuno sɨmoêmo nto ulɨfijoso nehopi umoênɨmontonoho. I oso hisoêno hofɨko Anɨtuye hungkuno nakwolaho lɨfijoêmanji sekwoe hungkuno wopɨngoso nomêne ango poneêno motawomno. 14 Hwe fihwo kako kakoe angomno mipesemotayoênjo yɨhwosi Anɨtuye hungkunomo haloho maseposoênjo ifijoêmanji oso hopo sopo nulɨkoêmafɨkuji hopo soponjo hwaho semongkiênososo hofɨko nosehontohumentanɨngkuji oso hintalinyo hiso wae feemoênɨmno. Oso homo somo sehonɨfijoso huno ole uyɨmontonoho. Hungkuno haloho maposoêneso hungkuno tangoênjo weho. 15 Upaênɨmno. Nje aêamu sohwasi, ngko hungkuno waselɨmonneêno yohono. Sɨkuno aeêuyo somo aêamuso yahino wonyo soêne hungkuno ikwolofoêne sohonta oso ango hufaêu sopo Soutomênji Ngkumoulaênji aêamuso hofɨkoe yahino pisakinoênjo somneêno tohino engo wotɨpemantɨfeho. I osoêno aêamu sekumneêno hohujo ikinjasemofoso hofɨkoe tohinoso Soutomênji Ngkumoulaênji aêamufe tohino somo yakoloênnyofoho. 16 Upaênɨmno. Ngko sekumo sehwojalokweso sekwo yahu osyuyo paênyo hwasoho. Aêamu sikisɨwojo paênyoso wonyo wosemokantɨfeêno yalokwofo. Osoêno sekwo yoêmayo ifijo soêno huno itoêno syafɨsyɨkuji nomêne somo wonyo mulohofeênjo fiyɨmno. 17 Sekwo yoêmayo yoêmayo aêamu selohofoêne noselɨkujoêno huno itoêno fɨsyafɨhupmno. Kaunɨsolɨênjopo ipesemotafitnnoho. Hofɨko tajo ango somo hwanɨngo sefongkupitnnoho. 18 Hofɨko ngkimo sɨmeho monje wenisyano lɨkuji hofɨko sekumo hwe yofe engoênjo hwaho mokosyohumayo sohwafepono upesemotowantɨfeho. Osoêno sekwo aêamu yofe engoênjo sohwanji aêamu temtitofo kengo soênjimo nje hungkuno wolutɨhwantɨfeho. 19 Hofɨko sekumo hungkunoêno ipemotasewofijo sohonta sekwo iyoho senɨngkuhwaloho. Huno ole syafɨsyɨkutoho. Hofɨko hungkuno nalohonɨngkujoêno nakwo peho hungkuno ulantanto. Ose syafɨsyɨkutoho. Oêo, ofaholohumo Anɨtu hungkuno nolɨfitnneso wolosetɨhwamtonoho. 20 Sekwoe hungkunoêmaho. Oêo, sekwoe Mpohwoe Towahuno sohwo sekwoe mango mtaêni hungkuno walɨmontonoho. 21 Hwangku sohonta aêamuso konɨngkwaêwehumo hungkuno lɨwoênɨngkohofo sopono ipemotakuji osopo hungkuno lɨkuji nofonjahufitnnefoho. Hwe fihwo kakoe mehomimneêno oso paênyo ulohofonefoho. Mehomiso kanɨngkwohwoêyaêumneêno mangohwa imoênɨngkuji fonjahufitnnefoho. 22 Oseso aêamu hopinono sekumneêno sɨmeho tohino mɨkunɨmposo umnonefoho. Hwapɨngoso nje yofeso sekumo weho. Osoêno aêamu fihwo yokumpohnênyo neêno lohofontanɨngkuhwosi sɨkuno aeêuyo sohonta Anɨtu kako oso hwe sohwo utɨmaêmontonoho. 23 Ango fipo hofɨko fonjofepmnasemofɨkujoêno sekwo nomêne angopo hiyaso fɨwanɨmno. Ngko nehopi waselɨmonneêno yohono. Sekwo aêamu Isɨlael sofepono nowentanɨngkuji syoho moiêwo mmoênyoênjo yontanɨngkuhwosi Aêamufe Hwomu wapmmontonoho. 24 Hwomu sɨkule syoho iwoênɨngkiso sohwo kako aêamu kakimo lutɨhwawoênɨngkiso sohumo uyakoloêmontolaho. Aêamu nomêne somo umokosyohumayoso kakoe syoho ulohofiyoso kakimo muyakolofonehoho. 25 Yoêmayo lutɨhwayo sohumo iêmofapososo oso paênyo kakoe sɨkule syoho iwoênɨngkohofo sohwamo umoênɨmontonoho. Yoêmayo hwe nomêne sohwamo umokosyohumayo sohumo iêmofapososo oso paênyo kakoe syoho ulohofiyo sohwamo umoênɨmontonoho. Hofɨko ango kakwoêyohwo sohumo sitofo ole ulɨmentohofi, Jɨje yokumpohnênyo Seten mtaêango hwosoho. Ose ulɨmentohofo soêno hofɨko kakoe mehomi sohwamo hungkuno wonyoso yakolo ulohofonefoho. 26 Oso hisoêno sekwo hofɨkineêno iyoho senɨngkuhwoloho. Yoêmayo hiyasoêmo wojoso hwangku utɨhwaênyopo uêmofapmmontonoho. Yoêmayo sekwo hiyaso mokosyohumawoênɨngkohofo hungkuno hiyasoêmo lontɨfeso yahino wonyo hiyasoêmo yontɨfi tɨfi noêmo utɨhwaênyopo iêmofapɨhwosoêno aêamu tɨmo uhwonantɨfeho. 27 Hungkuno hiyasoêmo selɨmaleso sekwo mofehiênyo lahonɨngkuhwosi filɨkuno. Hungkuno hofiyoka upaênɨngkohofoso sekwo utɨhwaênyopo mango engoênji filɨkuno. 28 Aêamu jɨje aêapahomo kufongkiyo soêno iyoho kinɨngkuhwoloho. Hofɨko jɨje aêapahoênohini wokufonjantɨfeho. Jɨje huyoêmangoso mofonjakohufitnnehofo. Oêo, Anɨtuneêno iyoho wakinono. Kako jɨje aêapahoênji jɨje huyoêmangoênji tɨkanomo mɨhwajososo hoponoho. 29 Yɨhufo weêe sohwaêumneêno aêamu hamniyoho touya angaêno mpe iwoênɨngkohofofoho. I oso yɨhufo hisoêno kako poyo peênyo soêno sekwoe Mpohwo Anɨtu kako huno uyohoho. Mpohwo kako yɨhufo soêno nopeênɨngkuhwoloho lososo yɨhufo huhwo sohwo mapeênonehoho. 30 Sekwo soku, Anɨtu kako yoêmayo hopiênonohinoso hunoênjo hweho. Kako jɨje mnokinomjo mijiyo kengaêno kengaênohinoso Anɨtu kako atofo nto lɨmentisofoho. 31 Osoêno sekwo poyo semokiyo sohwamneêno iyoho senɨngkuhwaloho. Oêo, oso yɨhufo nɨhuêno weêe Anɨtu inɨngo mamofeênjo hofiyo mokosyohumawoênɨngkiso somo sekwo yakoloênnyo kuyoho. 32 Aêamu fihwo kako aêamufe tɨmopo ngkineêno hungkuno lɨjwaofoso sohwo oso humneêno ngko nje Mpohwo ahwomomo humaso sohwoe tɨmopo hungkuno wolijwaoêmonnoho. 33 I osoêno aêamu fihwo kako aêamufe tɨmo sopo ngkineêno hohujo ikinjanɨmofoso sohwo oso humneêno ngko huhwoêni nje Mpohwo ahwomomo humaso sohwoe tɨmopo hohujo ikinjɨmoêmnefoho. 34 Ole losyonɨfɨsyantɨkwofo. Olo hwaho loponjo ikujoho yoêmayo yahinoso moiêwo esojwaofoêne pmmentiso hweho. Oêo, ngko ikujoho moiêwo imoênyoêne pmmentohe hwonɨêmaho. Awonoho. Ngko aêamu husilofoêne pmmentohefoho. 35 Ngko olo hwaho loponeêno pe-eso ikujoho ulɨkafoêne pmmentohefoho. Hwomu fihwo kako ngkimo nnɨngkapɨhwosoêno kakoe kanɨngkwohwo ngkineêno ngkilaho walɨmontonoho. I mu fisi kako ngkimo nnɨngkapɨhwosoêno konaêwohi ngkilaho wantɨmontonoho. U, aêmu fisi kako ngkimo nonɨngkapɨhwosoêno kakoe hwomufe ape mangohwo umoênɨmontonoho. 36 Oso ango afa somjo soênji oso hopa imoênɨfitnnefoho. 37 Hwe fihwo kanɨngkwohwoêyaêumneêno umoênɨwoênɨngkiso sohwo kako ngkineêno umoênyoso yakoloênnyo mumoênyoênjo yososo nje aêamu nehwoêmaho. Hwe fihwo kakoe hwomuênji mu sopi ntnneêno sɨmeho umoênyoso yakoloênnyo umoênyo sohwo kako ngkineêno mumoênyoênjo yososo nje aêamu ne hwoêmaho. 38 Hwe fihwo kako kikimo wokinɨngkapmmo ntoso sohwo kako nje yofeêno poyo imoênyo soêno iyoho unoso sohwo kako nje aêamu ne imoênyoso hopoêmaho. 39 Hwe fihwo olo hwaho lopo humahwosi kako kakoe yahino yokumpohnênyo kesyohumaso sohwo kako songo humayoso motɨpɨhwonone hweho. Hwe nomênehwo ngkimo tɨfi nnɨngkaponto kakoe yahino hoênaofalokunjo sohwo kako songo humayoêne notɨpemane hweho. 40 Aêamu wopɨngo selohofoso sohwo kako ngkimo wopɨngo ose ntohofantofoho. Oso aêamu wopɨngo ntohofantofonjo sohwo nje Mpohwo nɨhwatɨmentiso sohumo oso wopɨngo hiso oseênohini uyalofoho. 41 Hwe fihwo Anɨtu kakoe hungkunoêno uhwatɨmentiso sohwo aêamu nomêne oso hwe huhwo sohumo uhwononto syafɨhuêmento, Olo hwe lohumo Anɨtumneêno wopɨngo ulohoêmo loso sohwo kakoe angomo hwe huhwo sohumo wopɨngo umokosyohumasoso oso hwe huhwo sohwo hwe Anɨtu uhwatɨmentiso hopa wopɨngo nomane hweho. Ou, hwe nomêne kako hwe wopɨngo sohumo uhwononto hwe wopɨngo sohumo wopɨngo ulohoêmo loso sohwo wopɨngo sohwo paênyoso kako wopɨngo nomanefoho. 42 Ou, hungkuno nomêne upaênɨmno. Hwe fihwo kako aêamu yofe engo ane paênyoênjo ngkimo nnɨngkawowoênɨngkiso sohwo nonɨwoyo sosayo usontanɨngkuhwoso osohumo uhwonɨngkuhwosi Jisasɨye aêamumo ufoêmaêmo loso sohwo pompenjiyo mijo noswanyo soponjoso uyoso sohwo kako wopɨngo nomane hweho. Jisas ose ulɨmentisofoho.