Matɨyu 22
PNG1 Jisas pahnnɨmo hungkuno apaêno aêamu somo ulɨmento, 2 Anɨtu aêamumo mokosyohumayo soêno olo paênyofoho. Hwe yofe engoênjo kakoe hwomu ape mante elɨjwanɨwoênɨngkohofo paênyofoho. 3 Sɨmoêmo kako aêamu piênɨngo engo elɨjwanyo wosopayo nɨfitnneêento uhwosopoêmentisofoho. Oso hohosohonta wopayo elɨjwanyo sɨkuno somo kakoe syoho ulohofiyo sohwamo aêamu uhwosopoêmentiso sohwa pɨfitnneêento utɨmayoêne lɨhwatɨmentisoso hofɨko nakwolaho ulɨmentohofofoho. 4 Osoêno syoho ulohofiyo nomêne sohwamo lɨhwajonto ulɨmento, Aêamu uhwosopoêmentohe somo ole ulɨmno. Wopayo nto lɨkuêmaho. Nje yahuênji tongoênji fonjasyontɨfi lɨkuêmaho. Sekwo oyonɨmno. Ose ulɨmno. 5 Ose ulahonɨngki nowahonɨngkofi aêamu uhwosopoêmentisoso hahnênyo yontɨfi hofɨko hofɨkoepi syohoêmno humpoêmentohofofoho. Nomênihwo kakoe wopayo syohomno umentisofoho. Nomênihwo kakoe kwope syohomno umentisofoho. 6 Nomêneso hwe engo sohwoe syoho ulohofiyo sohwamo wonyo ulohofontɨfi fehohnjo sohwamo hwanɨngo fonjahonɨngkofi nomêne sohwamo fonjahumentohofofoho. 7 Oseso hwe engo sohwo sɨmeho tohino umnɨngkahonɨngki kakoe aêamu itokusoênjo sohwamo luhwatɨmento, Sekwo aêamu nje syoho ntohofiyo sohwamo fonjahumalofo somo nofonjasyɨkuji hofɨkoe ango toho fɨhmêmopmno. Ose luhwatɨmentisofoho. 8 Ose yahonɨngkofi hwe engo sohwo kakoe syoho ulohofiyo sohwamo ulɨmento, Nje wosopayo nto lɨkuêmaleno. I, aêamu uhwosopoêmentohe sohwafe yahino hopoêmaho. 9 Osoêno sekwo honɨngkanoêmeemo humpekuji aêamu nuhwonɨngkuji nje wosopayoêne ulɨmno. Sekwo nakwoênji wohwano. Ose ulɨmno. 10 Ose ulahonɨngki syoho ulohofiyo sohwa honɨngkanoêmeemo nohumpentɨfi aêamu hopiênono wopɨngoênji wonyoênji uhwonɨmentohofo somo lɨtɨmantɨfi utɨmotapmmentohofofoho. Osoêno hwe yofe engoênjo sohwoe ango somo uhuêmokumentohofofoho. Ango hiso aêamu hopo imentisofoho. 11 Hwe moyaêmi angomo nohumentanɨngkofi hwe yofe engoênjo sohwo kako aêamu swahopohofo somo uhwonɨmo lonto noswonto uhwonɨmentisoso hwe fihwo kako manjiêmofo wonyoênjo sohwo nohumentanɨngki uhwononto, 12 Ulɨmento, Nje aêamu sohwosi, olo sɨkuno lomo nje hwomu ape masoloêno welɨjwonantaneêno yalokuhwono. Osoêno kɨko manjiêmofo songo miyoênjo yonji pehoêno swaponji humahnno. Ose ulahonɨngki hwe huhwo sohwo mampinyo imentisofoho. 13 Oseso hwe engo sohwo kakoe syoho ulohofiyo sohwamo ulɨmento, Olo hwe lohwo kakoe sɨfe aho nano mtitofɨkuji mempo hohntaêni sɨkwoêmjoho soêmo fohoênaopmno. Osopo aêamu humotaho engo lɨkuji hulɨngkwajingo ifalohoênɨfitnnefoho. 14 Ose ulonto Jisas ulɨmento, Anɨtu aêamu piênɨngo engo somneêno woswapɨfe lonto joho ko ulonteso i, aêamu angaêno angaênohino somo uhwosopoêmentisofoho. 15 Aêamu Falisi sohwa nuhuêmokontɨfi hungkuno hnnɨmentohofi, Jisas nakumo hwasyo hungkuno naloneêno pipi ulohofanehwono. Hwasyo hungkuno nalɨhwosoêno impoêangomo untofosyano. Osoêno nohnnontɨfi 16 hofɨko hofɨkoe inomokomoyo fehohnjo sohwanji Helout kakoe inomokomoyo fehohnjo sohwanjimo luhwo jahonɨngkofi Jisasɨmo nuêmantɨfi ulɨmentohofi, Nakwoe Lonetɨhwayo sohwosi, kɨko hungkuno nehopiênohini lɨwoênɨngkino soêno nakwo huno nayohoho. Kɨko Anɨtuye yahino soêno aêamu somo itoênohini lutɨhwawoênɨngkino hwosoho. Aêamu kikineêno huno wonyo syakufɨsiyo soêno kɨko iyoho makinyofoho. 17 Osoêno kɨko olo hilo soêno jɨje huno mtaêango fonaso. Nakwo hwe yofe engoênjo Sisa kako hwaho mokosyohumayo sohumneêno hamniyoho (takis) hoênasiyoso wopɨngotaho. 18 Ose ulahonɨngkofi Jisas kako hofɨkoe yahino kakimo yamofo ulohofoêne soêno huno uyahonɨngki ulɨmento, Sekwo hwasyo hungkuno hwapɨngoênjo hwasoho. Sekwo ngkimo yamofo pehoêno ntohofalokwofo. 19 Sekwo ngkimo hamniyoho angaêno ntɨhwamno. Ose ulahonɨngki hofɨko hamniyoho angaêno kakiyepono motapontɨfi utɨhwamentohofofoho. 20 Oseso Jisas hamniyoho somo uhwononto ulɨmento, Olo huyoêmango loênji yofe loênji tɨhwoeto. 21 Ose ulahonɨngki ulɨmentohofi, Sisafefoho. Ose ulahonɨngkofi Jisas ulɨmento, Eêwano, Sisafe yoêmayo soêmanji Sisamo uyimno. I Anɨtuye yoêmayo soêmanji Anɨtumo uyɨmno. 22 Ose ulahonɨngki nupaênontɨfi hofɨko yomo yontɨfi Jisasɨmo ulɨkoêmantɨfi umentohofofoho. 23 Oso sɨkuno homo somo aêamu Satɨyusi fehohnjo Jisasɨmo uêmaêmentohofofoho. Oso aêamu huhwo sohwa ole lutɨhwawoênɨngkohofi, Aêamu poyo peênyo sohwa hofɨko nɨhuênahone peênɨwoênɨngkohofo. Apaêno songo molɨkafeênefoho. 24 Oso aêamu Satɨyusi Jisasɨmo ulɨmentohofi, Nakwoe Lonetɨhwayo sohwosi, Mouses ole lutɨhwamentono. Hwe fihwo mehomi ane sohwo poyo peênososo konɨngkwaêwehwo kakoe apemo womaêmontonoho. Oso hwe huhwo sohwo kolaêwehwoe pijohinomneêno konɨngkwaêwehwo mehomi wotɨpemaêmtonoho. Ose lutɨhwamentono. 25 Oseso hwe aho fehohnjo hopiênono nomêni mtaêni hufaêu sohwa humamotofofoho. Tisɨmaso sohwo ape maêmentisofoho. Nomanto mehomi motɨpemasoênjo peênɨmentisofoho. Nopeênɨngkahonɨngki konɨngkwaêwehwoe apeso maêmentisofoho. 26 Oseso akuêmu sohwo ose imentiso soêno oseênohini mjɨmɨwentɨfi ae usaho sohwo peênɨmentisofoho. 27 Oso hwe hopiênono peênɨngkahonɨngkofi ape hiso kako tɨfi peênɨmentisofoho. 28 Eêwano. Ole fonaso. Aêamu poyo peênɨfijoso songo lɨkapijo sohonta oso homnɨngkwaêwehwo sohwa olo ape losi tɨhwo womaêmontolo. Hwaho lopo hopiênono maêmentohofofoho. 29 Ose ulahonɨngkofi Jisas ulɨmento, Sekwo Anɨtuye hungkuno soênji Anɨtuye yokumpohnênyo soêntnneêno huno maseyohoyohoho. Osoêno hwasyo hungkuno ntohofo. 30 Aêamu poyo peênɨmentohofoso lɨkapijo sohonta hwe moyaêmi ape momasoênjo ifitnnefoho. Oêo, hofɨko aêamu ahwomomjo ape momasoênjo paênyo imoênɨfitnnefoho. 31 I, aêamu poyo peênyoso songo lɨkapitnne soêno Anɨtu nalɨmentiso soêno huno maseyoênjotaho. 32 Anɨtu ole nalɨmento, Ngko Apɨlohamja Aisakɨja Jekoupɨjafe Anɨtu hwoênyoho. Ose nalɨmentisofoho. Oso aêamu hiso ahwomomo songo humalofo. Anɨtu kako poyo peênyo sofe Anɨtu hwoêmaho. Oêo, kako aêamu songo humalofo sofe Anɨtuyoho. 33 Olo hungkuno loso ulahonɨngki hwe moyaêmi hofɨko yomo imentohofofoho. 34 Olo hungkuno Jisas aêamu Satɨyusi sohwamo ulahonɨngki hofɨko hungkuno nomêne majo. Mampiênyo humamentohofofoho. Aêamu Falisi upaênɨmentohofoso aêamu Satɨyusi mampiênyo humamentohofoso nupaênontɨfi Jisasɨênjopo uhuêmokumentohofofoho. 35 Hofɨkoênjo ajwo lopo hwe fihwo honɨngkano hungkuno lutɨhwayo syohoênjo sohwo Jisasɨmo yamofo ulohoêmo lonto ole ulohonɨmento, 36 Anɨtuye hungkunomo inɨngkayoso nomêne hungkuno somo yakoloênnyoso ntisoto. 37 Ose ulohonɨngkahonɨngki Jisas ulɨmento, Hungkuno ole, Kɨko jɨje Hwe Engo Anɨtu sohuneêno sɨmeho uyohoji jɨje sɨmeho hopiênonohinoso kakimo uyo. Kɨko jɨje Hwe Engo sohuneêno jɨje sɨmeho uyohoji jɨje huyoêmango hopiênonohinoso kakimo uyo. Kɨko jɨje Hwe Engo Anɨtu sohuneêno jɨje sɨmeho uyohoji jɨje huno hopiênonohinoso kakimo uyo. 38 Olo hungkuno loso inɨngkayoso nomêne somo hwofiloênnyofoho. 39 Hungkuno tɨfinjoso sɨmoêmjo paênyofoho. Ole, kɨko hi kumoênonto sɨmeho kumoênɨwoênɨngkiso paênyoso aêamu nomênemneêno kɨkoênjo mofone sopo humalofo somo uyo. 40 Oso hungkuno sofaêu honɨngkano hungkuno soênji aêamu Anɨtu hungkuno uyahonɨngki lutɨhwamotofo sohwafe hungkuno soênjimo hwapɨngo woênyofoho. 41 Aêamu Falisi nuhuêmokontɨfi nohumentanɨngkofi Jisas ulohonɨmento, 42 Sekwo Kɨlais Anɨtu uhwosopoêmentiso sohumneêno huno pipi seyohoho. Tɨhwoe imu hwolo. Ose ulohonɨngkahonɨngki hofɨko ulɨmentohofi, Ntefitɨye imu hweho. 43 Ose ulahonɨngkofi Jisas ulɨmento, I, Ntefit Kɨlais sohumneêno nje Hwe Engofo lɨmentiso sohonta olo hungkuno hilo soêno Anɨtuye Towahuno Ntefitɨye hunomo pehoêno hoênahumentono. Ntefit ole ulɨmento, 44 Anɨtu kako nje Hwe Engo Kɨlais. Anɨtu nakwoe hwahopo lɨhwatɨmentiso sohumo ole ulɨmento, Kɨko nje aho anga sohohntaêni fosyohumaho. Osopo kɨko nohumahoji ngko jɨje mango sohwamo jɨje sɨfɨkiênyoêmo enjwaêmo wokuhumatɨêmonnoho. 45 Oso Hwe Engo huhwo sohuneêno Ntefit nje imu hweho mulɨmmentono. Oêo, nje Hwe Engofo ulɨmentisofoho. Osoêno oso hwe huhwo sohwo Ntefitɨye imuênohino hwolaho. 46 Ose ulohonɨngkahonɨngki hwe nomêne Jisasɨye hungkunomo asomo mujoênjo imentisofoho. Oso sɨkuno somo oso aêamu Falisi sohwa Jisasɨmneêno iyoho unomaêmentisofoho. Osoêno hofɨko Jisasɨmo hungkuno nomêneêno mujoênjo imentohofofoho.