Matɨyu 23

1 Hwangku sohonta Jisas kako hwe moyaêmi soênji kakoe inomokomoyo sohwanjimo hungkuno lutɨhwamentisofoho. 2 Kako ole ulɨmento, Aêamu honɨngkano hungkuno lutɨhwamotofo syohoênjo sohwanji aêamu Falisi sohwanji hofɨko hofɨkoe yofemnohini hoênomaênyoêne Mousesɨye hungkuno yoloho losetɨhwawoênɨngkohofɨhwafoho. 3 Osoêno oso hungkuno hofɨko losetɨhwawoênɨngkohofoso sekwo haloho nopekuji tɨfi finɨngkamno. I osoêno yoêmayo hungkuno hofɨkoe huno mtaêangoso hofɨkoe yoêmayo yahino hofɨko iwoênɨngkohofoso sekwo ikutoho. Oso hungkuno lutɨhwawoênɨngkohofo somo hofɨko koko tɨfi minɨngkayoênjo iwoênɨngkohofofoho. 4 Ose ulonto Jisas aêamu huhwo sohwafe hungkunomo inɨngkayoêne pahnnɨmo hungkuno ulɨmentisofoho. Aêamu huhwo sohwa yoêmayo honɨngkano hungkuno hofɨkoe huno mtaêangoso hoêyango kiêyo tangoênjo paênyo imoênyoso hofɨko esyohumantɨfi aêamufe hohujopo intofasyɨwoênɨngkohofofoho. I osoêno hofɨko aêamu hoêyango kiêyo tangoênjo somo ufoêmayoêneso ajoêmiyoponjo hoêyango weêe momokahoênyoênjo iwoênɨngkohofofoho. Oêo, aneênjo wowoênɨngkohofofoho. Yolohoso ole, oso hungkuno ko lutɨhwantɨfi hofɨko minɨngkayoênjo iwoênɨngkohofofoho. 5 Yoêmayo iwoênɨngkohofoso hofɨkoe yofe hoênomayoêne aêamu wonahonɨfe lontɨfi iwoênɨngkohofofoho. Anɨtuye hungkuno hoêyo weêe somo hoênasyontɨfi yomohuênyopo ahopo utɨhwaênyopo intofasyɨwoênɨngkohofofoho. Hofɨkoe manjiêmofo momɨngo lopo wokoso sawemo engo mtɨêmokuwoênɨngkohofofoho. 6 Aêamu elɨjwanyoêne soênji tajo angomjo soênji nuhuêmokuwoênɨngkohofo sopo hofɨko epohumayo sɨmoêmjo wopɨngoênohino soêno umoênɨngkohoho. 7 Hofɨko antɨme engo ajwo lopo aêamu piênɨngo engo uhuêmokuwoênɨngkohofo sopo lohofontanɨngkofi aêamu hofɨkoe yofe hoênomayo soêno umoênɨngkohoho. U, hofɨko nakwoe lonetɨhwayo hwosoho ujoênjo soêno umoênɨngkohoho. 8 Oseso aêamu sekumo ole selɨkutoho. Nakwoe lonetɨhwayo hwosoho. Ose selɨkutoho. Oêo, Anɨtu angaênohino sohwo sekwoe Hwe Losetɨhwayoêne hweho. Sekwo hopiênono afaênohino kuyoho. 9 Olo hwaho lopo sekwo hwe nomêne sohuneêno ole lɨkutoho. Olo hwe nakwoe hwe engo lohwo nakwoe mpohweho eso nolɨkutoho. Oêo, angaênohino sohwo ahwomomo humaso sohwo sekwoe Mpohweho. 10 U, aêamu hofɨko ole selɨkutoho. Nakwoe Hwe Engo hwasoho. Ose selɨkutoho. Awonoho. Sekwoe hwe engo angaênohinoênjo kuyoho. Oso huhwo sohwo Kɨlais Anɨtu uhwosopoêmentiso hweho. 11 Oseso sekwoe hwe engo neso kako sekwoe syoho selohofiyo paênyo hweho. 12 U, aêamu fihwo kako kakoe yofeênohini hoênomaênɨwoênontoso sohumo Anɨtu kako monje weehumontonoho. I, aêamu fihwo kakoe yofe somo monje yahinɨngkuhwoso sohumo Anɨtu wopɨngo wonyoangkafo ulohofɨhwosi kakoe yofeso wohoênɨmaêmontonoho. 13 Sekwo aêamu honɨngkano hungkuno lutɨhwayo syohoênjo sohwa hnnonji aêamu Falisi sohwanji sekwo yoêmayo tango seêmayo soêno iêwaho fiyɨmno. Sekwo mangoênohino hwasoho. Sekwo Anɨtu aêamumo mokosyohumayo soponeêno aêamu sofe sɨmanopo honɨngkano pɨjwamo ulohofontɨfeso sekwo soku masyuyoênjo hwasoho. Hwe moyaêmi hofɨko woswantɨfi yahonɨngkofi sekwo pɨjumofalokwofo. 14 [Sekwo aêamu honɨngkano hungkuno lutɨhwamotofo sohwa hnnonji aêamu Falisi sohwanji sekwo yoêmayo tango seêmane soêno iêwaho fiyɨmno. Sekwo mangoênohino hwasoho. Sekwo Anɨtumo hungkuno sawemo engo jomo ulontɨfi sekwo apɨwojo sofafe ango yoêmayo soêno wosemokosyohumano poji ulontɨfi ango hiso sekwo nɨhuênahone emawoênɨngkohofɨhwasoho. Oseso hwangku sekwo tohino engo notɨpemapitnnefoho.] 15 Sekwo aêamu honɨngkano hungkuno lutɨhwamotofo sohwa hnnonji aêamu Falisi sohwanji sekwo yoêmayo tango seêmae soêno iêwaho fiyɨmno. Sekwo mangoênohino hwasoho. Sekwo mijopo hwahopo angoêmeemo emoyɨwoênontɨfi aêamu tɨfi senɨngkayoêne tɨpewoênɨngkohofofoho. Notɨpemantɨfi sekwoe inomokomoyo imokuwoênɨngkohofɨhwasoho. Oseso kako Setenɨye mehomi sekwo hopa imoênonto kakoe yahino wonyoso sekumo yakolonoho. 16 Aêamu Falisi sohwa Anɨtumneêno huno itoêno mosyafɨsiyoênjo yontɨfi yoêmayo wonyoêwonyo yahino yontɨfe soêno Jisas yoka ulɨmentisofoho. Sekwo tɨmpiênyo sohwasi sekwo aêamu nomêne somo honɨngkano utɨhwano lɨwoênɨngkohofɨhwasoho. Sekwo yoêmayo tango seêmae soêno iêwaho fiyɨmno. Ole lutɨhwawoênɨngkohofi, Hwe fihwo kakoe hungkuno nehopi syafɨsiyoêneêento kako Anɨtuye tajo ango engo somne lohono loso sohwo, u, kakoe hungkuno ne mmoênyo soêno sekwo ole lɨwoênɨngkohofi, Kakoe syohofoho. Hungkuno anefoho. I, hwe fihwo kako sojo wonyoangkafoso Anɨtuye tajo ango engo somo wojo soêno nehopi lohono loso sohwo u, kakoe hungkuno nehopi umokono. Nehopi mmoênyoênjo yahonɨngki sekwo oso hwe huhwo sohumo lintofasyɨwoênɨngkohofɨhwasoho. 17 Sekwo aêamu huno ane sohwasi tɨmpiênyo paênyo hwasoho. Hungkuno yokumpohnênyo yakoloênnyoso ntisoto. Oso sojo wonyoangkafoso Anɨtuye angomo wojoso yakoloênnyotaho. U, Anɨtuye angoso sojo wopɨngo imokiyoso yakoloênnyo ntisoto. Anɨtuye angokofo. 18 Sekwo ole lutɨhwawoênɨngkohofi, Hwe fihwo kakoe hungkuno soêno aêamu nehopi syafɨsiyoêneso ole lososo. Oso ijempoho yoêmayo Anɨtumneêno hoênasiyo soponeêno hungkuno nehopi lohono. Ose loso sohwo ou, kakoe hungkuno ne mmoênyoso kakoe syohofoho. Hungkuno anefoho. I, hwe fihwo kakoe hungkuno soêno aêamu nehopi syafɨsiyoêneso ole lososo, Oso yano iyoso Anɨtuye ijempoho hoênasyɨwoênɨngkohofo soêno hungkuno nehopi lohono. Ose loso sohwo u, kakoe hungkuno nehopi umoênono. Nehopi mmoênyoênjo yahonɨngki sekwo oso hwe huhwo sohumo lintofasyɨwoênɨngkohofɨhwasoho. 19 Sekwo aêamu huno ane sohwasi tɨmpiênyo paênyo hwasoho. Hungkuno yokumpohnênyo yakoloênnyoso ntisoto. Aêamu oso yoêmayo Anɨtumo yano uyotaho. Oso ijempoho yoêmayo Anɨtumo yano uyo somo wopɨngo umokiyosotaho. Ntisoto. Anɨtuye ijempohokofo. 20 Oseso hwe fihwo kako Anɨtuye ijempoho soêno lohono loso sohwo kako yoêmayo soponjo hoênasyɨwoênɨngkohofo soêntnne lalofoho. 21 Oseso hwe fihwo kako Anɨtuye ango engo soêno lohono loso sohwo kako Anɨtuye ango soênji Anɨtu oso ango somo humaso soêntnne lalofoho. 22 Oseso hwe fihwo kako ahwomomneêno lohono loso sohwo kako ahwomoênji Anɨtuye epohumayoênji Anɨtu osopo humaso soêntnne lalofoho. 23 Sekwo honɨngkano hungkuno lutɨhwamotofo syohoênjo sohwa hnnonji aêamu Falisi sohwanji, sekwo tohino tɨpemapitnne soêno ngko hitoho ntokwoho. Sekwo mangoênohino hwasoho. Sekwo hamniyoho wosopayo kaênyo, sopopayo, ampuêwe yoêmayo mawoênɨngkohofoso sekwo hotitofontɨfi aho hufaêu hopiênono imoênɨngkahonɨngki angaêno Anɨtumneêno ko hoênasyantɨfeso sekwo oso honɨngkano hungkuno weêe somo itoêno inɨngkawowoênɨngkohofɨhwasoho. I, honɨngkano hungkuno engoso aêamufe hungkuno itoêno mɨhwajiyoso, aêamumo hitoho ulofoso, Anɨtumo sɨmeho hiêntnnono uyoso, oso hungkuno engo wonyoangkafoso sekwo minɨngkayoênjo hwotoho fewoênɨngkohofɨhwasoho. Oso yahino yoêmayo aho hopiênonohino wojo soêno angaênohino Anɨtumneêno hoênasiyoso nohoênafɨkutoho. I oso honɨngkano hungkuno engo soêntnneêno finɨngkamno. 24 Anɨtuye hungkuno weêe somo ko inɨngkawentɨfi Anɨtuye hungkuno engo somo hwotoho fewoênɨngkohofo soêno sekwo aêamu tɨmpiênyo paênyo nomêne somo honɨngkano utɨhwawoênɨngkohofɨhwasoho. Sekwo mijo nyoêne somjo wopmpeso weêeso wae yontɨfi soku i, humpotofo engo sohwo sekwo wosopayo mijo sopo kehumanteso muhwonyoênjo yontɨfeso hiênji nɨwoênɨngkohofɨhwasoho. 25 Sekwo aêamu honɨngkano hungkuno lutɨhwamotofo syohoênjo hnênnonji aêamu Falisi sohwanji sekwo yoêmayo tango seêmane soêno iêwaho fiyɨmno. Sekwo mangoênohino hwasoho. Sekwoe noswanyo yoêmayo somo ko yajɨjwontɨfeso sekwo humayoso kihoênjo hwasoho. I ajwomoêmo hufo yahino osoênji sekwoe aêapahomneênohini syafɨsyontɨfeso weho. 26 Kɨko Falisi tɨmpiênyo sohwosi, noswanyo ajwomoêmo yoêmayo wojoso kakiêno mijo yajɨjwohoji paho hohntaêni kihoêmaso umoênɨmontonoho. 27 Sekwo aêamu honɨngkano hungkuno lutɨhwamotofo sohwa hnnonji aêamu Falisi sohwanji sekwo yoêmayo tango seêmae soêno iêwaho fiyɨmno. Sekwo mangoênohino hwasoho. Sekwo aêamu poyo peênɨngkahonɨngkofi hoênasyɨwoênɨngkohofo paênyo hwasoho. Hwaho tojwa lopo wokoso wonyoangkafoênjoponoho. I, hwaho ajwomoêmo poyo peênyo sohwafe yokinoênji yoêmayo pisakinoênjo woênnyoponoho. 28 Oso paênyo kuyoho. Sekwoe aêapaho hohntaêni aêamu uhwonɨfijoso wopɨngo uhwonantɨfeho. I, sɨmeho ajwomoêmo hwasyo hungkunoênji yoêmayo wonyoso engo yamoênnyoponoho. 29 Sekwo aêamu honɨngkano hungkuno lutɨhwamotofo sohwa hnnonji aêamu Falisi sohwanji sekwo yoêmayo tohino mayoêne soêno iêwaho itoêno fiyɨmno. Sekwo mangoênohino hwasoho. Aêamumo Anɨtu hungkuno uyahonɨngki lɨmotofo sohwamneêno oso hwamo huno syafɨsiyoêno hofɨkoe pijafo hoênahumentohofo sopo ango wopɨngo molɨwoênɨngkohofɨhwasoho. Sekwo aêmopijohino sopo wokoso wopɨngo hulɨwoênɨngkohofɨhwasoho. 30 I osoêno ole lɨwoênɨngkohofɨhwasoho. Nakwo nanɨngkwohwosafe sɨkuno somo humentontasi nakwo aêamumo Anɨtu hungkuno uyahonɨngki lɨmotofo sohwamo fonjasiyo soêne mufoêmehwanesohilo. 31 Sekwo oso lɨfitnne soêno ole lonetɨhwalokwofo, Aêamumo Anɨtu hungkuno uyahonɨngki lɨmotofo sohwamo fonjahumentohofo sohwafe imuhwasoho. Oso sekwoe hwapɨngo soêno lonetɨhwalokwofo. 32 Osoêno yoêmayo seyakwosa emaêmentohofoso sekwo wesejwaofantɨfeho. 33 Sekwo homa mehomi hwasoho. Sekwo wonyo sohwafe mehomi hwasoho. Sekwoe honɨngkano wonyo somneêno tohino mayo soêno sekwo hiyaso leêmofoso pipilo. Awonoho. Sekwo hiyaso maleêmopitnnehofo. 34 Oseso sekwo upaênɨmno. Sekuyepono olo hwamo uhwatɨmo. Aêamumo Anɨtu hungkuno uyahonɨngki lɨwoênɨngkohofo sohwanji aêamu hunoênjo sohwanji Anɨtuye honɨngkano hungkuno lutɨhwawoênɨngkohofo sohwanji sekuyepono uhwatɨmo. Sekwoênjopo nohumentanɨngkuji sekwo aêamu fehohnjo sohwamo fonjasyɨkuji nomêne sohwamo iyo hwojiyafɨkuênnyo sopo fonjintoêofasyɨkuji nomêne sohwamo sekwoe ango uhuêmokiyo somo hwanɨngo fonjɨkuji nomêne angopono wofonjofepmnaofantɨfeho. 35 Ose ifijo soêno aêamu honɨngkano wonyo ane somo siki fonjahumentohofo soêno sekwo tohino engo nomapitnnefoho. Aêamu Apelɨmo fonjahumentiso somtaêango neêno fonjahumɨwentɨfi fonjahumɨwentɨfi ayoso Pelekaiyafe hwomu Sekolaiya oso humo sekwo Anɨtuye tajo ango engo somo oso ijempoho yoêmayo Anɨtumneêno hoênasyɨwoênɨngkohofoênjo sopo fonjahumentohofofoho. 36 Ngko nehopi waselɨmonneêno yohono. Oso aêamu hopiênonohino somo fonjahumentohofo sofe tohinoso sekwo olohonta humalofo sohwasi tohino hiloso nomapitnnefoho. 37 U, nje aêamu Jelusalem humamopmmotofo sokunonji olohonta humalofo sokunonji sekwo aêamumo Anɨtu hungkuno uyahonɨngki selɨmotofo sohwamo fonjasyontɨfi aêamu sekumo sefoêmayoêne Anɨtu uhwojɨwoênɨngkiso sohwamo sojoênji fonjɨwoênɨngkohofo kuyoho. Sɨkuno piênɨngo engo somo ngko sekumo ole hopa womasemokuêmonji imalefoho. Yɨhufoso hofɨkoe polonyo somo muhuêmokontɨfi efemokosyawowoênɨngkohofo hopaso ngko sekumo wosemokosyohumamonji ko imaleso sekwo nakwolaho lɨmalofofoho. 38 Sekwo upaênɨmo. Sekwoe ango Jelusalem sopo Anɨtu kako nto ulɨkoêmaêmaho. 39 Hungkuno nehopi waselɨmonneêno yohono. Olohonta sekwo ngkimo apaêno manohonyoênjo neêno yontanɨngkuji sɨkuno piênɨngo woseyakoloêmontonoho. Tɨfi noêmo sekwo nakwo oso aêamu Anɨtu uhwatɨmentiso sohumneêno yofe wohoênomano lɨfijo sohonta sekwo ngkimo apaêno wonehonantɨfeho.