Mak 14
PNG1 Aêamu Jutafe Sɨkuno Engo imoênyo sopo iêmofayoêne sɨkuno hufaêu wentanɨngki oso sɨkuno sɨmoêmjoso Anɨtu Aêamu Isɨlael somo Uyakoloêmentiso somneêne Syafɨsiyofoho. Sɨkuno nomênehwi hofɨko wopayo engo mokamoênnyoso nɨmotofofoho. Oso sɨkuno engo hufaêu mêmofape sohonta sɨkuno hufaêu nowentanɨngki oso hwe tajo ango syohoênjo yofe engoênjo sohwanji aêamu honɨngkano hungkuno lutɨhwayo syohoênjo sohwanji uhuêmokontɨfi, Hofɨko Jisasɨmo aho hiyasoêmo kehwasi nofonjosyaneêentɨfi honɨngkanoêno tɨpmmentohofofoho. 2 Ole hnnɨmentohofi, olo hiloso Anɨtu Aêamu Isɨlael somo Uyakoloêmentiso somneêne Syafɨsiyo Sɨkuno Engo osomo wopayo engo nontanɨngkuji aho kehwasoêno nonahonɨngkuji, aêamu hofɨko nakumo ikujoho nafongkupitnnoho. Oso hisoêno Sɨkuno Engo homo somo nakwo Jisasɨmo aho kehwaloho. Ose hnnɨmentohofofoho. 3 Jisas kako Saimounɨye ango Mpetani sopo humamentisofoho. Saimoun huhwo sohwo aêapaho uyo wonyoênjo hweho. Jisas hofɨkoênji wopayo nontanɨngkofi aêmu fisi sojo ahwonte weêe hwone mijo akino wonyoangkafoênjoso motoswapmmentisofoho. Oso mijo soêno hamniyoho mpe weêeêmaho. Nomotoswaponto ahwonte maneso hohwanɨpo lohofonto Jisasɨye mnokinopo mijo sohumentisofoho. 4 Nosɨsyontanɨngki aêamu fihwa uhwonontɨfi sɨmano hintotohino umnɨngkahonɨngki hnnɨmentohofi, Oloso wopɨngoêmaho. Hwone mijo wonyoangkafoso siki sɨsiyoso pehoêneto. 5 Olo mijo losoêno aêamu fihwo hamniyoho mɨkunɨmposo (300 tenaliyo) nejapontentesi oso hamniyoho aêamu wopayo umofonyo iyo neêno uyɨhwanesohilo. Ose hnnontɨfi aêmu simo yoka ulɨmentohofofoho. 6 Yoka ulahonɨngkofi Jisas ulɨmento, Kakoe syohofoho. Sekwo pehoêno olosimo sɨmeho tango uyalokwofo. Kako ngkimo wopɨngo ntohokwoho. 7 Aêamu yoêmayo umofonyo iwoênɨngkohofoso sekwoênji neênohino humawoênɨngkohofofoho. Sekwo hofɨkimo ufoêmantɨfiêmanji nohono ufoêmapmno. I osoêno ngko sekwoênji olo hwaho lopo neêno nohumantɨêmne hwonɨêmaho. 8 Olo hiso ntohofisoso wopɨngofoho. Kako nakwo aêamufe pijafo piênɨmomo wohoênosyano lontani ehulohofɨwoênɨngkuhwone hopaso ehontohokwoho. 9 Hungkuno nehopi waselɨmo. Ango yawojoêmeemo nje hungkuno wopɨngo aêamu somo ulɨkujoso olo aêmu losi ntohofiso sotnneêno ulɨfitnnefoho. Osoêno aêamu piênɨngo engo olo aêmu losimneêno syafɨhupitnnefoho. 10 Osohonta Jutas Isɨkaliyout kako Jisasɨye inomokomoyo aêamu aho hopiênono sɨfe mtaêni hufaêu uhwosopoêmentiso sohwo kako oso aêamu tajo ango syohoênjo yofe engoênjo sohwamo Jisasɨneêno aho kopitnneêno ufoêmaêmo lonto hofɨkoe angopo uêmaêmentisofoho. 11 Hofɨko nupaênontɨfi sɨmeho wopɨngo umoênɨngkahonɨngki oso hisoêno hamniyoho wokijopano ulɨmentohofofoho. Oseso Jutas Jisasɨmo utɨhwamneêento honɨngkano imofoêne syofɨsyomaêmentisofoho. 12 Sɨkuno Engo sɨmoêmjo Wopayo Feejo Lohonɨmotofo Sɨkuno somo hofɨko yahu fonjahumotofo sohonta Jisasɨye inomokomoyo sohwa Jisasɨmo ulɨmentohofi, Anɨtu Aêamu Isɨlael somo Uyakoloêmentiso somneêne Syafɨsiyo Sɨkuno Engo osomneêno wopayo naneso ntɨêmo ntɨêmo esyohumanehwono. 13 Ose ulahonɨngkofi Jisas inomokomoyo hufaêu sohwaêumo ulɨmento, Siko antɨme engo sopo nowehosɨsi osopo hwe fihwo kako mitɨhwontohoênjo sohumo uswoênɨngkohosɨsi kakimo tɨfi finɨngkunyo. 14 Kako angomo syuhwosoêno oso ango kakwoêyohwo sohumo ole ulinyo, Hwe Engo sohwo kako hungkuno ole lehwajohoho. Ngkoêne ango nje inomokomoyo sohwanji Sɨkuno Engo iyoho humayo somo wopayoso ntɨpo wonantaneto. Ose lehwajohoho. 15 Ose ulohosɨsoêno kako ango tokilonjwaêmo molinyo yokintahoponjo somo wosetɨhwamontonoho. Ango somo epohumayo ijempoho yoêmayoso hiênjomnoho. Osopo wopayo nakuneêno itoêno fesyohumunyo. Ose ulonto uhwantɨmentisofoho. 16 Uhwatɨmentisoso siko nowenji antɨme engo sopo iêmofaponji yoêmayo Jisas ulɨmentiso hopaso tɨpemaêmentisiyefoho. Notɨpemanji siko wosopayo itoêno yahumentisiyefoho. 17 Sɨkunoênji Jisas kakoe inomokomoyo nomêne sohwanji iêmofapmmentohofofoho. 18 Hofɨko epohumayopo wopayo nopemoênowentɨfi nonontanɨngkofi Jisas ulɨmento, Hungkuno nehopi waselɨmonneêno yohono. Hwe fihwo nakwoênji wopayo nalokuhwone sohwo kako mango sohwafe ahomo wohoênanɨhumonte hweho. 19 Ose ulahonɨngki hofɨko sɨmeho tango uyɨmentisofoho. Hwe angaêno angaênohino sohwa Jisasɨmo ulɨmentohofi, Nakwolaho. Nakwolaho. Ose ulɨmentohofofoho. 20 Ose ulahonɨngkofi Jisas ulɨmento, Nje inomokomoyo sohwasi hwe angaêno sekwoênjo mtaêangohwo ngkoênji wopayo mijomo yomahwe oso hunonoho. 21 Aêamu Anɨtuye hungkuno lutɨhwamotofo sohwa iyoswomo mtɨêmokumentohofo paênyoso Aêamufe Hwomu sohwo poyo umoênɨmontonoho. I osoêno oso hwe ngkineêno nje mango sohwamo tokoyoêofo ntohofone sohuneêno hitoho ntokwoho. Tohino engoso nomane hweho. Konaêwohi aswo momasoênjo yontentesi wopɨngoênesohilo. Ose ulɨmentisofoho. 22 Hofɨko nontanɨngkofi Jisas wopayo nomanto Anɨtumo isamoyoka ulonto kutɨkujo lohofonto hofɨkimo uyonto ulɨmento, Sekwo mapmno. Olo wosopayo loso nje aêapahofoho. 23 Ose ulonto kako noswanyo ipisayo mijoênjoso nomanto Anɨtumo isamoyoka ulonto inomokomoyo sohwamo uyahonɨngki hofɨko mijo nɨmentohofofoho. 24 Jisas ulɨmento, Oloso nje honɨyofoho. Aêamukuneêno usɨhumahono. Olo honɨyoso ngko Anɨtuênji sekwoênji makotɨkuênyoêne usɨhumahono. Nje honɨyo losomo Anɨtu uhwonɨngkuhwosi sekwo Anɨtuênji makotɨkuênyoso ne imoênyoênefoho. 25 Upaênɨmno. Hungkuno nehopiênohini waselɨmonneêno yohono. Nomêne sɨkuno somo olo ipisayo mijo apaêno manɨmnehono. Manyoênjo uyɨmnoho. Oêo Anɨtu yokumpohnênyo mokosyohumaso sopo ipisayo mijo songo nɨmnefoho. 26 Ose ulohonɨngki hofɨko ta angaêno lontɨfi noswapontɨfi hwofɨkiênyo Oulifɨneêno kotasɨmentohofofoho. 27 Jisas ulɨmento, Sekwo ngkimo nɨhwajɨkuji hiyaso wohumpeentɨfeho. Anɨtuye hungkuno mtɨêmokumentohofo sohwa ole mtɨêmokumentohofi, Aêamu yahu sipsip mokosyohumayo sohumo fonjasyɨkujoêno yahu sohwa hiyaso wohumpeentɨfeho. 28 I osoêno songo lɨkahmêmo Ngkalilineêno sɨmoêmo sepoêmnefoho. 29 Ose ulahonɨngki Pita ulɨmento, Nomêne hopiênonohino sohwa hofɨko ko kuhwotɨêmopijoso ngko mokuhwotɨêmoêmnehono. 30 Ose ulahonɨngki Jisas ulɨmento, Ngko hungkuno nehopi wakilɨmonneêno yohono. Olo sɨkwoêmiyo lomo yɨhufo tosɨka yoka hufaêu malontanɨngkuhwosi kɨko ngkineêno hwasyo hungkuno hufaêu sɨhune ole ulɨmonnoho. Ngko Jisasɨmneêno huno maniyohoyohoho. Ose ulohojoêno yɨhufo sohwo yoka walɨmontonoho. 31 Ose ulahonɨngki Pita nɨhuêno yokumpohnênyo ulɨmento, Awonoho. Oseêmaho. Ngko kikimneêno huno maniyohoyohoho eso mulɨmnehono. Oêo ngko kɨkoênji fonjanɨsiyo soêmanji oso hungkunoso mulɨmnehono. Ose ulahonɨngki inomokomoyo hopiênonohino sohwa Jisasɨmo osenohino mjulɨmɨmentohofofoho. 32 Hofɨko Ngketɨsemani iyo uyo syoho sopono umentohofofoho. Osopo nohumanto kakoe inomokomoyo sohwamo ulɨmento, Olopo fosyohumamno. Ngko nuêmo Mpohumo jomo ulɨmo. 33 Ose ulonto, kako Pita, Jemɨs, Jounênji nutɨmanto weêenepi nowentɨfi Jisas sɨmeho tango mɨkunɨmoposo umentisofoho. 34 Osoêno Jisas ulɨmento, Nje sɨmeho tango mokunɨmposoênjo hwoênyoho. Tango hiloso poyo wanɨmokumtolɨkeno. Olopo sekwo itoêno fosyohumafɨkuji nohontohumamno. 35 Ose ulonto weêenehwo nowento hwahopo ipitofawento kako Anɨtumo oso tohino hiso iêmofapososo uyakolofoêne jomo ulɨmentisofoho. 36 Ole ulɨmento, Mpohwo, kɨko yoêmayo hopiênono ihnnehino. Olo tango nɨêmasoso wae feenɨmofo. I osoêno nje nɨmoênyo somo inɨngkahutoho. Oêo jɨje kumoênyo somo tɨfi finɨngkayo. 37 Ose ulonto nolɨkokwaponto inomokomoyo sohwa uhumojohamentiso sopo saho fosyowentanɨngkofi uêmanto Pitamo ulɨmento, Saimoun, saho pehoêno fosyawotnno. Kɨko weêenehwo monohontohumayoênjotaho. 38 Seten sekumo yamofo selohofonoho. Sekwo ngkineêno nohontohumafɨkuji sekwo yamofo neêmasoso yahino wonyo somo nopɨwesyanoho lɨkuji Mpohumo jomo ulɨmno. Sekwo wopɨngoênohini uyano ko lɨfijoso sekwoe yokumpohnênyo hopoêmaho. 39 Ose ulonto, weêenepo nowento hungkuno Anɨtumo nto ulɨmentisoso apaêno ulɨmentisofoho. 40 Ose ulonto asomo ponto uhwonɨmentisoso inomokomoyo sohwa tɨmosaho engo unɨngkahonɨngki saho fosyowentanɨngkofi uêmahonɨngki hofɨko wonɨmangoêno yontɨfi nakwo pehofo ulanehwono lontɨfi imentohofofoho. 41 Jisas Mpohumo apaêno jomo ulonto asomo noponto ulɨmento, Sekwo saho neêno lofosyawotofo. Ntaênoho. Nje sɨkuno moiêwonoho. Ihwoni, Aêamufe Hwomu sohumneêno aêamu wonyo sohwamo tokoyoêofo nto imasofoho. 42 Sekwo filɨkapmno. Wohwano. Uhwonɨmno. Oso hwe ngkineêno tokoyoêofo ntohoêmaso sohwo nto pohoho. 43 Ose lontanɨngki Jutas Jisasɨye inomokomoyo aho hufaêu hopinono sɨfe mtaêni hufaêu sohwo komoêno iêmofapmmentisofoho. Aêamu yofe engoênjo tajo ango syohoênjo sohwanji aêamu honɨngkano hungkuno lutɨhwamotofo sohwanji aêamu Isɨlaelɨfe hwe engo sohwanji aêamu piênɨngo engo itokusoênjo hosɨmnoênjo sohwamo lutɨmahonɨngkofi Jutas kako Jisasɨyepono ipemotasɨmentisofoho. 44 Jutas oso aêamu sohwamo yamofo itɨhwayoêne ole ulɨmento, Hwe sohumo nuêmahmêmo hinjoho huênɨmeso oso hwe huhwo sohwo Jisasɨyoho. Osohumo sekwo aho kekuji fɨpemotawomno. Ose nto ulɨmentisofoho. 45 Oseso Jutas Jisasɨmo uêmanto ulɨmento, Nje Lontɨhwayohwo, ulonto hinjoho huênɨmentisofoho. 46 Aêamu sohwa ose uhwonontɨfi Jisasɨmo aho yokumpohnênyo koêmentohofofoho. 47 Jisasɨye inomokomoyo fihwo kakoe hwakuhwajo iwasɨpento kako oso tajo ango syohoênjo sohwafe hwe yofe engoênjo sohwo kakoe syoho ulohofiyo sohwoe halohomo lokuêmentisofoho. Lojwahonɨngki halohoso pɨwahuêmentisofoho. 48 Jisas ulohonɨmento, Sekwo aêamu hufo iwoênɨngkiso sohuneêno aho wokano lontɨfi hwakuhwajoênji itokusoênji lomotopalokwofo. 49 Sɨkuno engolopohamo ngko sekwoênji Anɨtuye tajo ango engo somo Anɨtuye hungkuno lutɨhwahonɨngko sekwo osopo manɨkosoênjo iwoênɨngkohofɨhwasoho. I osoêno hungkuno hohonta mtɨêmokumentohofoso olohonta nehopi imoênalofoho. Osoêno olo hiloso ntohofohofo. 50 Inomokomoyo hopiênonohino sohwa Jisasɨmo ulɨkoêmantɨfi hiyaso humpoêmentohofofoho. 51 Hwomu fihwo kako hwapɨfeênohini inyohwo Jisasɨmo tɨfi inɨngkowahonɨngki aêamu sohwa hwomu sohumo aho wokano lontɨfi imentohofoso 52 hwomu sohwoe hwapɨfe mokoloswomaêmentohofoso aêapahoênohino leêmaêmentisofoho. 53 Hofɨko Jisasɨmo aêamu tajo ango syohoênjo sohwafe hwe yofe engoênjo hwe engo sohwoe pone Anɨtumneêno jomo lɨmojo sohwoepono ipemotapontɨfi angopo uêmofopahonɨngkofi aêamu tajo ango syohoênjo yofe engoênjo sohwanji, aêamu honɨngkano hungkuno lutɨhwamotofo sohwanji hofɨko kaunɨsol syoho soêno uhuêmokumentohofofoho. 54 Pita Jisasɨmo ko inɨngkawomentisoso kakimo mufantohiênyofoho. Oêo, kako poêmtopoêmtisyo humulohoêmɨwesofoho. Kako hwe engo tajo ango syohoênjo mokosyohumayo sohwafe angkuhwafopo iêmofawento osopo aêamu uhwontohumayo syohoênjo sohwanji toho imokinɨmentisofoho. 55 Pita nohumentanɨngki angomno aêamu tajo ango syohoênjo yofe engoênjo sohwanji aêamu kaunɨsol syohoênjo hopiênonohino sohwanji Jisasɨmneêno hungkuno tangoênjo poyo imoênyoêne wotɨpeentɨfi ko imentohofoso 56 aêamu piênɨngo Jisas yoêmayo imentiso soêno hwasyo hwasyo lontɨfi hofɨkoe hungkunoso kengo kengo lɨmentohofofoho. Aêamu hufaêu hungkuno afa majofoho. Aêamu fihwa nolɨkafontɨfi hwasyo hungkuno ulɨmentohofi, 57 Olo hungkunoso upaênɨmalohwonefoho. 58 Jisas ole lɨmasofoho. Anɨtuye tajo ango engoso aêamu ahoênji molɨmentohofo somo ngko wae weeoêmnoho. Sɨkuno hufaêu sɨhune memjaofɨhwosoêno nomêne ango engo wamolɨmonnoho. Ahoênji wamolɨmontɨêmaho. 59 Ose lontɨfi, Hwasyo hungkuno piênɨngo lokwoposɨwatɨêmentohofoso ne mmoênyofoho. 60 Osoêno hofɨko Jisasɨye hungkuno tangoênjo soêno wonyopi tɨpeehonɨngkofi hwe yofe engoênjo tajo ango syohoênjo sohwo ajwopo nolɨkofalohofonto, Jisasɨmo ulɨmento, Kɨko hungkuno asomo mujoênjo pehoêno yalokuno. Pipilo. Olo hungkuno kikimo kilalokwofo losofo. 61 Ose ulahonɨngki Jisas hungkuno majofoho. Mampiênyo humamentisofoho. Hwe yofe engoênjo sohwo apaêno ulohonɨmento, Anɨtu nakwo aêamu Juta hnênɨmo nefoêmayoêne lokuhwatɨmentiso hwosilaho. Anɨtu nakwo kakoe yofe hoênomawoênɨngkuhwone sohwoe Hwomu Ne hwosilaho. Awolaho. 62 Ose ulahonɨngki Jisas ulɨmento, Ou, osoho hwoênyoho. Sekwo Aêamufe Hwomu sohwo Anɨtu Yoêmayo Yokumpohnênyo Hwapɨngo sohwoe aho anga sohohntaêni humentanɨngkuhwosi uhwonɨfitnnefoho. Kako himo ahwomo mtaêango sopo pontanɨngkuhwosi uhwonɨfitnnefoho. 63 Jisas ose ulahonɨngki oso hwe tajo ango syohoênjo sohwa sɨmano hintotohino umnɨmentiso soêno kakoe hwapɨfe manjiêmofo weêenehwo sɨsɨmpento ulɨmento, Nakwo nomêne aêamu Jisasɨmneêno hungkuno joêneso joho pehoêno ulanehwono. 64 Oêo sekwo kakoe hungkuno somo nto upaênɨngkohofo. Kakimo pipi ulohofanehwono. Sekwo huno pipi seyohoho. Ose ulahonɨngki hofɨko ulɨmentohofi, Hwe wonyo imaso hweho. Kako poyo umoênono. 65 Ose lontɨfi aêamu fehohnjo sohwa Jisasɨmo memijo uyatɨêmofontɨfi Jisasɨmo ikujoho fonjontɨfi ulɨmentohofi, Tɨhwo kufonjohoho. Yofeso fonaso. Ose ulahonɨngkofi aêamu mekinoênjo sohwa Jisasɨye sɨmoêmango sopo aho pehusɨêmentohofofoho. 66 Nofonjontanɨngkofi Pita angkuhwafopo nohumentanɨngki aêmusi hwe yofe engoênjo tajo ango syohoênjo mokosyohumayo sohwoe syoho ulohofiyosi uêmanto, 67 Pita toho imokinontanɨngki uhwononto ulɨmento, Kɨko Jisas Nasalet ntaêango sohwonji emoimotnno hwosoho. 68 Ose ulahonɨngki Pita ulɨmento, Hwasyo lohino, Oso hwe sohuneêno ngko huno maniyohoyohoho. Ose ulonto nolɨkafonto kusopo koêmoêmentisofoho. 69 Osopo nohumentanɨngki aêmusi apaêno Pitamo uhwononto aêamu mofoponjo sohwamo ulɨmento, Oso hwe nongkwo sohwo Jisasɨmo tɨfi inomokomoyɨwoênɨngkiso hweho. 70 Ose ulahonɨngki Pita apaêno awonoho ulɨmentisofoho. Hwangku weêe nehwo aêamu mofopo humalohofontohofo sohwa Pitamo apaêno ulɨmentohofi, Nehopeho. Kɨko hofɨkoênji emoimotnno hwosoho. Kɨko Ngkalilintaêango hwosoho. 71 Ose ulahonɨngkofi Pita hungkuno yokumpohnênyo ulɨmento, Ngko hwasyo hungkuno selɨmeso Anɨtu tohino wontapono. Oso hwe sekwo ntohofo sohwo ngko yofe mɨhwofeênjo hweho. Nehopi lohono. 72 Ose ulahonɨngki komoêno tosɨka yoka apaêno lɨmentisofoho. Pita nupaênonto Jisas hungkuno ulɨmentiso soêno huno syafɨhuêmentisofoho. Jisas ose nto ulɨmentisofoho. Yɨhufo tosɨkaso yoka hufaêu lososo sohonta Pita kɨko ngkineêno mango hufaêu sɨhune ole walɨmonnoho. Ngko Jisasɨmneêno huno maniyohoyohoho. Oso hungkuno Jisas ulɨmentiso soêno Pita syafɨsyonto humotaho engo lɨmentisofoho.