Mak 15
PNG1 Imɨngo neênji aêamu tajo ango syohoênjo yofe engoênjo sohwanji aêamu Jutafe hwe engo sohwanji aêamu honɨngkano hungkuno lutɨhwamotofo sohwanji kaunɨsol aêamu hopiênono nuhuêmokontɨfi Jisasɨmneêno hnnɨmentohofofoho. Nohnnontɨfi Jisasɨmo aho kentɨfi ahwomo nano kilofontɨfi Pailot hwe yofe engoênjo hwaho mokosyohumayo sohwoepono Jisasɨmo ipemotapmmentohofofoho. 2 Ipemotopahonɨngkofi Pailot Jisasɨmo ulohonɨmento, Kɨko aêamu Jutafe hwe engo hwosilaho. Ose ulahonɨngki Jisas ulɨmento. Hungkuno hiso kɨko nehopi lohino. 3 Aêamu tajo ango syohoênjo yofe engoênjo sohwa Pailotɨmo hwasyo hungkuno Jisasɨmneêno mjalɨmentohofofoho. 4 Pailot Jisasɨmo apaêno ulohonɨmento, Oso hungkuno piênɨngo kikineêno mjakilɨmɨhwofo upaênɨngkinoso kɨko aku hungkuno pehofo ulɨmto. 5 Ose ulahonɨngki Jisas nomêne hungkuno mujoênjo yahonɨngki Pailot yomo yonto huno piênɨngo syafɨhuêmentisofoho. 6 Soswo huhwo huhwi oso sɨkuno iyoho humayo engo somo Pailot kako hwe fihumo impoêango mtaêangohwo nɨhuênahone isɨhutofɨhwatɨmojofoho. Aêamu Jutaso hofɨko hwe fihwoe yofe ulahonɨngkofi Pailot hofɨkoe hungkunomo tɨfi inɨngkamojofoho. 7 Oso hohosohonta hwe fihwa yokumpohnênyo sohwa hofɨko hofɨkoe hwe engo aêamumo mokosyohumayoênjo sohwamo ikujoho nofonjontɨfi aêamu fehohnjo somo fonjosyahonɨngkofi impoêangomo intofahumentohofofoho. Oso hwe huhwo sohwo impoêangomo humamentiso sohwo angaêno hwe kakoe yofe Mpolapas. 8 Hwe moyaêmi piênɨngo engo uhuêmokontɨfi Pailotɨmo uêmantɨfi ulɨmentohofi, Olo Sɨkuno Engo lomo kɨko hwe angaêno impoêango mtaêni usɨhutofɨhwatɨmonntaho. Oso yahinoso apaêno fiyo. 9 Osoêno Pailot kako hwe moyaêmi hopiênonohino somo ulɨmento, Olo hwe lohwo yofe engoênjo semokosyohumayoêne sohumo ngko usɨhutofono lasenɨngkohoho. Pailot kako huno moiêwonoho. Aêamu piênɨngo engo Jisasɨmo isɨhutofɨhwajiyoêne ulɨmentohofo soêno aêamu tajo ango syohoênjo sohwa Jisas neêno sɨmano hintotohino umnɨngkahonɨngki Jisasɨmo aho koêmentohofofoho. 11 Ose ulahonɨngki aêamu tajo ango syohoênjo sohwa hofɨko aêamu ajwo sopo lohofontɨfi aêamufe sɨmehomo ulɨkofantɨfi ulɨmentohofi, Mpolapasɨneêno ulɨmno. Jisas nakwolaho. Mpolapas usɨhutofo. Ose ulɨmno. 12 Ose ulahonɨngkofi Pailot apaêno ulohonɨmento, Olo hwe yofe engoênjo semokosyohumayoêne lohumo ngko pipi ulohoêmnehono. 13 Ose ulahonɨngki aêamu hopiênono joho lɨmentohofi, Iyomo fonjintoêofahumno. 14 Ose ulahonɨngkofi Pailot ulohonɨmento, Pehoêneto. Olo hwe lohwo peho wonyo imaso hwolo. Ose ulahonɨngkofi aêamu joho mohmêno lɨwoênɨmentohofi, Iyomo fonjintoêofahumno. 15 Ose ulahonɨngkofi Pailot hofɨkoe sɨmeho wopɨngo umoênono lonto Mpolapasɨmo isɨhutofɨhwajonto, kakoe hwe itokusoênjo sohwamo ulɨmento, Jisasɨmo impeênji fonjɨkuji iyopo fonjintoêofahumno. Ose ulɨmentisofoho. 16 Aêamu huhwo sohwa Jisasɨmo aêamu mokosyohumayo sohwoe tojo somo ipemotaswontɨfi nomêne hwe itokusoênjo hopiênonohino sohwamneêno joho lutɨmantɨfi uhwonɨmno ulɨmentohofofoho. 17 Nuhuêmokontɨfi manjiêmofo miyoênohino soênji Jisasɨye sangopo hoênasyontɨfi impe yongoênjoso nokikisontɨfi Jisasɨye mnokinopo monjiêmofahumentohofofoho. 18 Ose imentohofoso, Jisasɨmo atɨfe itɨhwantɨfi sitofo ulɨmentohofi, Ou hwe engo sohwosi kɨko aêamu Juta somo mokosyohumawoênɨngkino sohwosilaho. 19 Ose ulontɨfi nomênehwa foêmeênji mnokinopo hwanɨngo fonjontɨfi memijo sɨmanopo yatuêmo lohofontɨfi Jisasɨye yofe hoênomayoêno hwomtame poji ulohoêmentohofofoho. 20 Hofɨko sitofo moiêwo ulontɨfi manjiêmofo miyoênohinoso yojasyontɨfi kakoe manjiêmofo ulohoêmentohofofoho. Ose yontɨfi kakimo mempo hohontaêni iyomo fonjintoêofasiyoêne sopono ipemotasɨmentohofofoho. 21 Nosontɨfi hwe nomênehumo uswoênɨmentohofofoho. Oso hwe huhwo sohwoe yofe Saimoun, Sailinintaêango hweho. Alekɨsantaênji Lufosɨyo kanɨngkwohweho. Saimoun kako syoho mtaêango sohwo Jelusalemmneêno wasɨmo lonto ko yahonɨngki hwe itokusoênjo sohwa yokumpohnênyo ulɨmentohofi, Jisasɨye iyo hwojiyafujiyo mokahoênyo. 22 Ose ulontɨfi Jisasɨmo hwofɨkiênyo weêe Ngkoulɨkota sopo ipemotasɨmentohofofoho. Oso yofe Ngkoulɨkota hwapɨngo olenoho. Aêmomnokino yokino huyoêmango paênyoponoho. 23 Osopo sɨêmofontɨfi tohino umnonoho lontɨfi hofɨko ipisayo mijo iyohoênjo Jisasɨmo uyahonɨngkofi kako nɨmentisoêmaho. 24 Manyoênjo yohonɨngki hofɨko Jisasɨmo iyomo fonjintoêofahumentohofofoho. Nofonjintoêofosyantɨfi hofɨko syohiênyo yontɨfi Jisasɨye manjiêmofo yoêmayo soêno tɨhwo womaêmtolɨkeno lontɨfi yamofo imentohofofoho. 25 Mofehiênyo imɨngoênji (9 kɨlouk) Jisasɨmo iyopo fonjintoêofahumentohofofoho. 26 Jisas kako poyo imoênyo soêno iyoswomo mtɨêmokumentohofi, AêAMU JUTAFE HWE ENGO HWEHO. Oso iyoswo hiso Jisasɨye iyo mnokino sopo hofojahumentohofofoho. 27 Hwe hufaêu ikujohoênji hufoênji imojiyo sohwaêumo fonjintoêofahumentohofofoho. Hwe nomênihwo Jisasɨye aho angahohntaêni, hwe nomênihwo Jisasɨye aho hwonamonyo hohntaêni fonjintoêofahumentohofofoho. 28 [Hohonta hungkuno mtɨêmokumentohofoso oso sɨkuno somo ne imoênɨmentisoso ole, Kako aêamu wonyoênjopo nohumentanɨngki aêamu huhwo wonyo hweho lɨmentohofofoho.] 29 Hwe moyaêmiso nopohotawentɨfi mnokɨngkwaênɨngkwaênnyo yontɨfi sitofo ulɨmentohofi, Kɨko ole lɨwoênɨngkini, Anɨtuye tajo ango engoso ngko wae yaohmêmo apaêno songo molɨmeso sɨkuno hufaêu sɨhune memjaofɨhwosoêno ango moiêwo umoênɨmontonoho. Ose ulontɨfi tɨkafo jɨmentohofofoho. 30 Kɨko foêmaênyo. Ose ulontɨfi ulɨmentohofo, Iyopo ntaêni fɨkotape. Ose ulɨmentohofofoho. 31 Aêamu tajo ango syohoênjo yofe engoênjo sohwanji aêamu honɨngkano hungkuno lutɨhwamotofo sohwanji hofɨko aêamu ajwo somo lohofontɨfi Jisasɨmo sitofo mohmêno hnnɨmentohofi, Kako aêamu nomênemo ufoêmawoênɨngkiso sohwo kakimo mufoêmaênonehoho. 32 Kako Kɨlais Anɨtu uhwatɨmentiso hweho. Aêamu Isɨlaelɨfe yofe engoênjo mokosyohumayoêne hweho. Osoêno kako iyopo ntaêni kotapɨhwosoêno uhwonɨngkuhwasi nakwo sɨmeho hiêntnnono uyantanoho. Ose lontɨfi tɨkafo jɨmentohofofoho. Oso hwe wonyo Jisasɨênjopo fonjintoêofahumentohofo huhwaêuêntnneêno Jisasɨmo sitofo ulɨmentisiyefoho. 33 Hinjo ajwo kuntoliyopo sɨkuno mjaofonto mofehiênyomo hoholo yasyonto akupoênyoênji (3 kɨlouk) osoênji apaêno longkonɨngkahonɨngki mofehiênyo lɨmentisofoho. 34 Sɨkuno moiêwo imoênɨngkahonɨngki Jisas joho mohmêno lɨmento, Eloui, Eloui, lama sapakɨtani. Oso hungkuno iwoloêmo ole, Nje Anɨtu, nje Anɨtu, pehoêno nɨsɨkwojantokuno. 35 Ose lahonɨngki aêamu kakoênjopo humamentohofoso upaênontɨfi huno muyahonɨngki lɨmentohofi, Upaênɨmno. Olo hwe lohwo kako Ilaija osohumo Anɨtu hungkuno uyahonɨngki lɨmojo sohumneêno joho lalofoho. 36 Hwe fihwo komoêno nowento hwapɨfe weêe mijo mangkinyoênjo yomanto oso hiso tokemo yamjonto Jisas wanononto nuyonto ulɨmento, Hofahiyo. Nakwo uhwontohumano. Ilaija nopɨhwosi iyo mtaêni ufoêmaêmtolɨkeno. 37 Ose ulahonɨngki Jisas joho mohmêno lonto poyo imoênɨmentisofoho. 38 Poyo imoênɨngkahonɨngki hohosohonta Anɨtuye tajo ango engo somjo hwapɨfe engo oso ajwopo ango weêe Anɨtu humayoênefoho lɨmotofo sopo hokuêyopo pmpilɨpeehinyoso yokintahopo ntaêni tomonte sɨsɨmpo lohofonto hufaêu imoênɨmentisofoho. 39 Aêamu itokusoênjo sohwafe hwe engo sohwo Jisasɨye sɨmanopo lohofonto, Jisas poyo imoênɨngkahonɨngki uhwononto ulɨmento, Olo hwe lohwo Anɨtuye Hwomu Ne hweho. 40 Moyaêmi sofa ikano nonje sopo lohofontɨfi Jisasɨmo tɨmo humuhwontohumantohofofoho. Moyaêmi fifa yofe ole, Maliya Makɨtola ntaêangiyoho. Aêmu nomênesi kakoe yofe Maliya Jemɨs hwe songo sohwoênji Jousepɨênjiye konaêwohiyoho. Aêmu nomênesi Saloumiyoho. 41 Oso fanji nomêne moyaêmi sofa Jisas hwaho Ngkalili emoimojo sohonta hofɨko tɨfi inɨngkawentɨfi ufoêmaêmentohofofoho. Oso moyaêmi sofa Jisasɨênji Jelusalemneêno pmmentohofofoho. 42 Oso sɨkuno Fɨlaite somo mofehiênyo ukwoêmokumto iyosoênji Jousep ango Alimateyantaêango sohwo iêmofapmmentisofoho. Kako kaunɨsol syohoênjo hweho. Kako hwe wopɨngo hweho. Aêamu hopiênono kakoe yofe hoênomaêmotofofoho. Kako oso hwe Anɨtu uhwatɨmo lɨmentiso sohwe pe-eêne sɨkuno soêno hontohumamojo hweho. Kako sɨkuno iyoho humayoêne yoêmayo itoêno esyohumayo soêno syafɨsyonto kako iyoho weêe ko unɨngkahonɨngki yokumpohnênyo imoênonto Pailotɨmo uêmanto Jisasɨye pijafo mayoêne ulohonɨmentisofoho. 44 Ose ulohonɨmentisoso Pailot yomo yonto syafɨhuêmento nto kapeênɨngkohoho. Ose syafɨsyonto hwe engo itokusoênjo sohumo joho lutɨmanto ulɨmento, Jisas poyo nto limoênɨngkohoho. 45 Ose ulahonɨngki eno ulahonɨngki Pailot Jousepɨmo ulɨmento, Eêwano. Pijafoso maho. 46 Ose ulahonɨngki Jousep hwapɨfe halojo wonyoangkafo mpe yonto Jisasɨye pijafoso iyo mtaêni nomanto hwapɨfe somo ifohumpento sokimomo hoênahumentisofoho. Oso sokimoso kako sojo engo somo imo engo ilɨêmentisofoho. Osopo hoênasyonto sojo engo yɨwoloêmo lohofonto sokimo hokuêyo somo pɨjwahumentisofoho. 47 Maliya ango Makɨtolantaêangosiênji Maliya Jousisɨye konaêwohiênji siko Jisas hoênahumentohofo sopo uhwonɨmentisiyefoho.