1 Tesalonaika 3

PNG

‹ Chapter 2 1 Tesalonaika — All Chapters Chapter 4 ›

1 Iga ni�gi qa are kobaigoqnej. Deqa iga are qalem, “U�gum, iga olo tari�qa keresai. Aqo Sailas wo Atens qureq endi sqom." 2 Iga degsi are qalsimqa Timoti qari�yonam nu�goq gilej. Timoti a gago Kristen was bole. A Qotei aqa wau tamo. A Kristus aqa anjam bole maro qaji tamo. A ni�gi aqaryai�gosim nu�go areqalo Yesus qa si�gilateqnub qaji di olo si�gilatet�gwajqa deqa osim qari�yonam nu�goq gilej. 3 Gulbe ti jaqati� ti ni�gi eqnub qaji dena nu�go areqalo ugetet�gaim deqa marsim Timoti qari�yonam nu�goq gilej. Ni�gi qalie, Qotei a nami ni�gi ti iga ti gulbe oqajqa marsiq giltgej. 4 Agi iga ni�gi koba na sosimqa endegsi mer�goqnem, “Gulbe gargekoba gagoq boqnqas.” Mer�geqnam gulbe agi gagoq di brantoqnej. Di ni�gi qalie. 5 Utru deqa e tari�qa keresai. Ni�gi nu�go areqalo Yesus qa bole si�gilateqnub kiyo sai kiyo di e qalieqajqa deqa Timoti qari�yonam nu�goq gilej. E endegsi are qalem, walawalaiyo tamo Satan na ni�gi uneq wai�gonaqa ni�gi gago wau la�a ulontosib nu�go areqalo Yesus qa si�gilato qaji di urateb kiyo? Degsi are qalsim are kobaiboqnej. 6 Ariya Timoti a nu�goq gilsiqa olo urat�gsiqa aqo Sailas wo gagoq di brantosiqa anjam bolequja endegsi mergej, “Tesalonaika Kristen na�gi Yesus qa na�go areqalo si�gilatoqnsib segi segi qa qalaqalaiyo kumbra yeqnub. Osib gaigai ni�gi qa are boleinjreqnu. Ni�gi na�gi unjrqajqa are koba unu dego kere na�gi kamba ni�gi nu�gwajqa are koba unu." 7 O ijo was, ni�gi Yesus qa degsib nu�go areqalo si�gilateqnub anjam di Timoti a bosiq aqo Sailas wo saigonaqa anjam dena gago gulbe kalil qa olo are si�gilatetgej. 8 Deqa iga qalieonum, ni�gi si�gila na Tamo Koba aqa ñam ojejunub. Iga di qalieosim deqa bini iga so bole unum. 9 Iga ni�gi qa are qaloqnsim deqa iga gago Qotei aqa �amgalaq di tula� areboleboleigeqnu. Gago arebolebole di tula� kobaquja. Qotei na arebolebole di iga egej deqa iga a bi�iyeqnum. 10 Iga qanam ti qolo ti endegsim Qotei pailyeqnum, “O Abu, ni na odgimqa iga Tesalonaika Kristen na�goq gilsim unjrqom. Unjrsim na�go areqalo Yesus qa si�gilateqnub qaji di truquinjrimqa iga na olo si�gilatetnjrqom.” Iga degsim Qotei pailyeqnum. 11 Gago are koba endegsi unu. Gago Abu Qotei wo gago Tamo Koba Yesus wo na�gi aiyel na gam waqtetgibqa iga nu�goq olo gilqom. 12 Gago areqalo bei dego agiende. Tamo Koba a na ni�gi aqaryai�gimqa qalaqalaiyo kumbra nu�goq di tula� kobaeme. Amqa ni�gi segi segi qa qalaqalaiyo kumbra yoqnsibqa tamo u�gasari kalil na�gi dego tula� qalaqalainjroqniy. Agi iga na ni�gi tula� qalaqalai�geqnum dego kere. 13 Kumbra dena Qotei a nu�go are miligi si�gilatet�gimqa ni�gi aqa segi kumbra bole dauryoqnsib tamo u�gasari tula� bolequja brantosib gago Abu Qotei aqa �amgalaq di une saiqoji soqniy. Soqnib mondo� gago Tamo Koba Yesus na Qotei aqa segi tamo u�gasari kalil na�gi la� qureq dena joqsim bqas. Bole.

‹ Chapter 2 1 Tesalonaika — All Chapters Chapter 4 ›

1 Tesalonaika 3

Cite / Share This Page