Luk 6

PNG

‹ Chapter 5 Luk — All Chapters Chapter 7 ›

1 Yori bati bei Yesus aqa a�gro na�gi ti wau ambleq na giloqnsibqa aqa a�gro na�gi bem sum gei ele�oqnsib ba� na ñoqoryoqnsib uye uye giloqneb. 2 Na�gi degsib gileqnabqa Farisi qudei na�gi bosib na�gi unjrsib minjreb, “Ni�gi kiyaqa kumbra degyeqnub? Yori bati qa kumbra degyo di getento koba." 3 Onaqa Yesus na kamba Farisi na�gi minjrej, “Nami Devit aqa wau tamo na�gi ti mamnjrnaqa kumbra yeb qaji di ni�gi buk miligiq di sisiyosai kiyo? 4 Devit a atra tal miligiq gilsiqa Qotei atraiyqajqa bem uysiqa aqa wau tamo na�gi dego anainjrnaq uyeb. Bem di getento. Di atra tamo na�go segi uyqajqa bem. Devit a degyej di a dal anjam grotej. Ariya a Qotei aqa �amgalaq di une saiqoji. Ni�gi anjam di sisiyosai kiyo?" 5 Osiqa minjrej, “E Tamo A�gro. Deqa e segi na yori bati taqatejunum. E segi yori bati aqa Tamo Koba." 6 Olo yori bati bei Yesus a Juda na�go Qotei tal miligiq gilsiqa Qotei aqa anjam plaltosiq minjroqnej. Qotei tal miligiq di tamo bei ba� wo qandamyej qaji a soqnej. 7 Onaqa dal anjam qalie tamo na�gi ti Farisi na�gi ti Yesus koqyoqneb. Na�gi are qaleb, “Yesus a yori bati qa tamo di boletqas kiyo? Yimqa minjqom, ‘Ni na yori bati grotonum.’” Deqa na�gi Yesus koqyoqneb. 8 Onaqa Yesus a na�go areqalo di qalieosiqa tamo ba� qandamyej qaji di minjej, “Ni tigelosim gago ambleq au.” Degsi minjnaqa a tigelosiq na�go ambleq bonaqa Yesus na Farisi na�gi minjrej, “E ni�gi anjam bei nenem�gwai. Iga yori bati qa kumbra bole yqom kiyo kumbra uge yqom kiyo? Tamo bei a padalqa laqnimqa iga na aqaryaiyonam bole sqas di kere kiyo iga a uratonam padalqas di kere kiyo? Dal anjam a kiyersi marqo?" 10 Yesus na na�gi kalil degsi minjrsiq koqnjrsiqa tamo ba� qandamyej qaji di minjej, “Ni ino ba� waiy.” Degsi minjnaqa aqa ba� waiyonaq boleej. 11 Onaqa Farisi na�gi Yesus aqa kumbra di unsibqa minji� oqetnjrnaqa na�gi Yesus kiyeryqajqa deqa qairoqneb. 12 Bati deqa Yesus a segi Qotei pailyqa marsiq manaq oqej. Manaq oqsiq dia Qotei pailyeqnaqa nebeej. 13 Nebeonaqa Yesus na tamo kalil a dauryosib laqneb qaji na�gi metnjrnaqa aqa areq bonabqa na�go ambleq dena a�gro 12 giltnjrej. Na�gi a ombla sosib aqa anjam mare mare laqajqa deqa giltnjrej. 14 Na�go ñam agiende. Bei Saimon. Yesus na aqa ñam bei Pita waiyej. Na�gi aqa was Andru wo. Bei Jems. Na�gi aqa was Jon wo. Bei Filip. Bei Bartolomyu. 15 Ariya Matyu Tomas wo. Bei Alfias aqa �iri Jems. Bei Saimon agi Rom na�gi winjrqajqa maroqnej qaji. 16 Ariya bei Jems aqa �iri Judas. Bei Judas Iskariot agi bunuqna Yesus osiqa jeu tamo na�go ba�q di atej qaji. 17 Onaqa Yesus na aqa a�gro na�gi di joqsiqa koba na manaq dena olo aiyeb. Aisib sawa gu� dia sonabqa tamo u�gasari gargekoba a dauryosib laqneb qaji na�gi bosib aqa anjam quqwajqa ti a na�go ma boletetnjrqajqa ti koroeb. Tamo u�gasari la�a la�aj gargekoba dego Judia sawa na�go qure qureq dena ti Jerusalem dena ti Tair qure wo Saidon qure wo na�go sawa alile jojom dena ti bele�eb. Bonabqa Yesus a tamo kalil mondor uge uge na ojele�o qaji na�gi boletnjroqnej. 19 Aqa jejamuq na si�gila gileqnaqa tamo ma ti kalil na�go ma kobooqnej. Deqa na�gi kalil aqa jejamuq di na�go ba� atqa maroqnsib ba� waiyoqnsib ojoqneb. 20 Onaqa Yesus a bulosiqa aqa a�gro na�gi koqnjrsiqa endegsi minjrej, “Ni�gi bini sougetejunub qaji bunuqna Qotei a nu�go Mandor Koba sosim ni�gi taqat�gwas. Deqa ni�gi tula� arebolebolei�gwas. 21 “Ni�gi bini mam unub qaji bunuqna kere na sqab. Deqa ni�gi tula� arebolebolei�gwas. “Ni�gi bini akam ti unub qaji bunuqna akam uratosib olo kikiqab. Deqa ni�gi tula� arebolebolei�gwas. 22 “Ni�gi e Tamo A�gro daurbeqnub deqa bunuqna tamo qudei na ni�gi jeut�goqnsib misili�goqnsib nu�go ñam ugeugeiyoqnqab. Nami na�go moma na�gi na Qotei aqa medabu o qaji tamo na�gi degsib ugeugeinjroqneb. Na�gi ni�gi ugeugei�gibqa, di u�gum, ni�gi tula� arebolebolei�gem. Ni�gi quiy. Nu�go awai bole agi la� goge di unu. Bunuqna ni�gi oqsib awai di itqab. 24 “Ariya ni�gi bini ñoro koba ti unub qaji ni�gi �am atoqniy. Nu�go are boletet�gwajqa i�gi i�gi agi ni�gi mandamq endi ekritonub deqa bunuqna ni�gi gulbe koba oqab. 25 “Ni�gi bini i�gi qa kere na unub qaji ni�gi dego �am atoqniy. Bunuqna ni�gi mam oqab. “Ni�gi bini kikieqnub qaji ni�gi dego �am atoqniy. Bunuqna ni�gi are ugei�gim akam ti sqab. 26 “Tamo kalil na�gi na nu�go ñam soqtet�gwab di uge. Deqa ni�gi �am atoqniy. Nami na�go moma na�gi na dego gisa� anjam maro tamo na�go ñam soqtetnjroqneb. 27 “Ni�gi ijo anjam endi queqnub qaji e na olo endegsi mer�gwai. Tamo qudei na ni�gi jeut�goqnibqa ni�gi kamba olo na�gi jeutnjraib. Ni�gi na�gi qa boleoqnsib qalaqalainjroqniy. 28 Tamo qudei na ni�gi misili�goqnibqa ni�gi kamba olo na�gi misili�njraib. Ni�gi anjam bole bole minjroqniy. Tamo qudei na ni�gi ugeugei�goqnibqa ni�gi kamba olo na�gi ugeugeinjraib. Ni�gi na�gi qa Qotei pailyoqniy. 29 Tamo bei na ula po�mimqa belosim wali�e bei osoryimqa po�yem. Tamo bei a ino gara jugo yaimimqa ni na saidyaim. Olo ino gara jugo bei dego ye. 30 Tamo bei na ino i�gi bei yaimqajqa mermimqa ye. Yosim a na kamba olo ni emqajqa minjaim. 31 Kumbra bole bole tamo na�gi na ni�gi e�gwajqa arearet�geqnu qaji di ni�gi na olo na�gi enjroqniy. 32 “Tamo u�gasari ni�gi qa boleeqnub qaji na�gi qa segi ni�gi kamba boleoqnqab di kumbra bolesai. Dal anjam gotra�yo qaji tamo na�gi dego kumbra degyeqnub. 33 Tamo u�gasari ni�gi geregerei�geqnub qaji na�gi segi ni�gi na kamba geregereinjroqnqab di kumbra bolesai. Dal anjam gotra�yo qaji tamo na�gi dego kumbra degyeqnub. 34 Ni�gi na tamo qudei na�gi i�gi bei enjrqa osibqa na�gi kamba olo ni�gi e�gwajqa minjrsib i�gi enjrqab di kumbra tula� bolesai. Dal anjam gotra�yo qaji tamo na�gi dego kumbra degyeqnub. 35 Deqa ni�gi ijo anjam endi quiy. Tamo qudei na ni�gi jeut�goqnibqa ni�gi kamba olo na�gi jeutnjraib. Ni�gi na�gi qa boleoqnsib na�gi qalaqalainjroqniy. Osib i�gi bole bole enjroqnsib na�gi na kamba olo ni�gi e�gwajqa minjroqnaib. Ni�gi kumbra degyqab di ni�gi Qotei Goge Koba aqa a�gro bole sosib awai tula� boledamu oqab. Ni�gi qalie, tamo u�gasari kumbra uge uge yoqnsib Qotei bi�iyqa urateqnub qaji na�gi di Qotei na kamba kumbra uge uge enjrosaieqnu. A na na�gi olo kumbra bole bole enjreqnu. Deqa ni�gi dego Qotei aqa kumbra di dauryosib tamo bole ti tamo uge ti na�gi turtnjroqnsib kumbra bole bole enjroqniy. Ni�gi kumbra degyqab di ni�gi Qotei aqa a�gro bole sqab. 36 Nu�go Abu a tamo na�gi qa duleqnu deqa ni�gi dego Qotei aqa kumbra di dauryosib tamo na�gi qa duloqniy. 37 “Ni�gi na tamo qudei na�gi peginjraib. Ni�gi peginjrqasai di Qotei a kamba dego ni�gi pegi�gwasai. Ni�gi na tamo qudei na�go jejamuq di une qametnjraib. Yimqa Qotei a kamba dego nu�go jejamuq di une qamet�gwasai. Ni�gi na tamo na�go une kalil taqal atetnjroqniy. Yimqa Qotei a dego nu�go une kalil taqal atet�goqnqas. 38 Ni�gi na tamo na�gi lueinjroqnsib i�gi i�gi enjroqniy. Yimqa Qotei a kamba dego ni�gi luei�goqnsim i�gi i�gi e�goqnqas. Osim i�gi i�gi tula� koba e�goqnsim nu�go mogomq di bilentoqnimqa ojqa keresaii�goqnimqa bile�oqnsib dobulq aiyoqnqab. Ni�gi tamo na�gi kumbra enjroqnqab kere dego Qotei a kamba ni�gi kumbra e�goqnqas.” Yesus na aqa a�gro na�gi anjam degsi minjrej. 39 Osiqa Yesus a olo yawo anjam bei endegsi minjrej, “Tamo bei �am qandimo unu qaji a na tamo bei dego �am qandimo unu qaji di gam osoryqa keresai. A na aqa ba� ojsim ombla walwelqab di ombla ma�galsib subq aiqab. 40 Skul a�gro na aqa qalie tamo a bu�yqa keresai. A kobaqujaosimqa di aqa qalie tamo ombla kerekereqab. 41 “Kiyaqa ni ino was aqa �amdamuq di �am ñe�gi kiñala unu di unsimqa ino segi �amdamuq di �ampa� kobaquja unu di ni unosai? 42 Kiyaqa ino segi �amdamuq di �ampa� kobaquja soqnimqa ni na tentosim ino was minjqam, ‘Was, e ino �amdamuq di �am ñe�gi kiñala unonum di osiy taqal waiyetmqai’? Kiyaqa ni degsi minjqam? Kiyaqa �ampa� kobaquja ino segi �amdamuq di unu qaji di ni unosai? Ni gisa� tamo. Ni mati �ampa� kobaquja ino segi �amdamuq di unu qaji di taqal waiyosim �amdamu suwa�mimqa ariya degam �am ñe�gi kiñala ino was aqa �amdamuq di unu qaji di geregere unsim taqal waiyete." 43 Osiqa Yesus a olo marej, “�am bole na�gi gei bole ateqnub. Na�gi gei uge atosaieqnub. �am uge na�gi gei uge ateqnub. Na�gi gei bole atosaieqnub. 44 Deqa tamo na�gi �am aqa gei unsibqa dena na�gi poinjrqas, ‘�am di bole. �am di uge.’ Ni�gi ma� luwit mari�q dena qura gei osib uyosaieqnub. Sil luwit mari�q dena wain gei osib uyosaieqnub. 45 Dego kere tamo bole na�go are miligiq di areqalo bole na maqejunu. Deqa na�gi kumbra bole yeqnub. Ariya tamo uge na�go are miligiq di areqalo uge na maqejunu. Deqa na�gi kumbra uge yeqnub. Tamo na�go areqalo kalil na�go are miligiq na oqoqnsiq medabuq na branteqnu." 46 Osiqa Yesus a olo marej, “Kiyaqa ni�gi ‘O Tamo Koba, O Tamo Koba’ e degsib metboqnsib olo ijo anjam dauryosaieqnub? 47 Ni�gi quiy. Tamo u�gasari na�gi ijoq bosib ijo anjam qusib dauryqab di na�gi tal gereiyo tamo bul sqab. Tal gereiyo tamo di a tal utru atqa osiqa tal ai sub bogele�osiq guma koba aiyele�osiq meni� itele�ej. Bunuqna awa koba bosimqa ya meli dosim tal di qamsim putqasai. Si�gila na tigelesqas. Di kiyaqa? A meni� quraq di tal atej deqa. 49 Ariya tamo u�gasari na�gi ijo anjam qusib olo dauryqa uratqab di na�gi tamo bei la�a sub gogeq di aqa tal atej qaji a bul sqas. Tal atnaq sonaqa awa koba bosiqa ya meli dosiqa tal di qamsiq re�gi�tosiq putonaq aisiq tula� niñaqej."

‹ Chapter 5 Luk — All Chapters Chapter 7 ›

Luk 6

Cite / Share This Page