Luk 7

PNG

‹ Chapter 6 Luk — All Chapters Chapter 8 ›

1 Yesus a anjam kalil degsi marnaqa tamo u�gasari na�gi qunabqa a na�gi uratnjrsiqa Kaperneam qureq aiyej. 2 Dia qaja tamo gate bei soqnej. A Rom tamo. Aqa ka�gal tamo a tula� qalaqalaiyoqnej qaji di makobaiyosiqa moiqa laqnej. 3 Deqa tamo qudei na qaja tamo gate di minjeb, “Yesus a bqo Kaperneam endi unu.” Degsi minjnab quej. Qusiqa Juda gate qudei na�gi Yesus minjib bosim aqa ka�gal tamo boletqajqa deqa qari�njrnaq gileb. 4 Gilsib Yesus itosib si�gila na pailyosib minjeb, “O Tamo Koba, ni iga uratgaim. Qaja tamo gate di a tamo bolequja. 5 A Juda kalil na�gi qa tula� boleoqnsiqa gaigai geregereinjreqnu. Agi a na gago Qotei tal gereiyej." 6 Na�gi degsib Yesus minjnab qusiqa tigelosiq na�gi daurnjrsiq koba na aiyeb. Aisib tal jojomyqa laqnabqa qaja tamo gate dena aqa was qudei na�gi olo qari�njrnaq gilsib gamq di Yesus turosib minjeb, “O Tamo Koba, gago was a marqo, ‘U�gum, ni la�a waukobaaim. E tamo bolesai deqa ni ijo talq baim. 7 E dego ino areq bqa keresai. Deqa ni anjam segi marimqa ijo ka�gal tamo a boleqas. 8 E dego tamo kokba qudei na�go sorgomq di unum. Ijo qaja tamo na�gi ijo sorgomq di unub. E bei minjqai, “Ni gile.” Yimqa a gilqas. Bei minjqai, “Ni au.” Yimqa a bqas. Ijo ka�gal tamo bei minjqai, “Wau di ye.” Degsi minjitqa a ijo anjam dauryqas.’" 9 Onaqa Yesus a anjam di qusiqa tula� prugugetej. Osiqa bulosiq tamo u�gasari gargekoba a dauryoqneb qaji na�gi minjrej, “E ni�gi endegsi mer�gwai. Qaja tamo gate di a e qa aqa areqalo tula� si�gilatqo. Israel tamo nami e qa degsi aqa areqalo si�gilato qaji bei unosai." 10 Onaqa qaja tamo gate aqa was na�gi a na qari�njrej qaji na�gi olo puluosib aqa talq gilsib ka�gal tamo di a boleosiq sonaq uneb. 11 Olo bati bei Yesus a qure beiq aiyej. Qure di aqa ñam Nain. Tamo u�gasari gargekoba na�gi Yesus aqa a�gro ti koba na aiyeb. 12 Yesus a qure polomq di branteqnaqa tamo bei nami moiyej qaji a subq atqajqa qoboiyosib giloqneb. Tamo di aqa ai qobulej. Aqa a�gro qujai bole qujai agi a segi. A�gro di qoboiyosib gileqnabqa tamo u�gasari tula� gargekoba qure dia soqneb qaji na�gi u�a di koba na walwelosib giloqneb. 13 Onaqa Tamo Koba a u�a di unsiqa a qa tula� dulosiqa minjej, “Ni akamaim." 14 Degsi minjsiq walwelosiqa ba� waiyosiq kulum a�gro jigeb qaji di ojnaqa tamo na�gi a qoboiyosib giloqneb qaji tigeleb. Onaqa Yesus na a�gro moiyej qaji di minjej, “O a�gro, e ni mermqai, ni tigel." 15 Degsi minjnaqa a tigelosiq awoosiq anjam maroqnej. Onaqa Yesus na a ba� ojsiqa osi gilsiqa aqa ai yej. 16 Onaqa tamo u�gasari kalil qure dia soqneb qaji na�gi Qotei aqa ma�wa di unsibqa na�gi tula� prugugetosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja a gago ambleq endi brantqo. Qotei na aqa segi tamo u�gasari na�gi aqaryainjrqajqa deqa tamo di qari�yqo bqo." 17 Yesus a ma�wa di yonaqa tamo u�gasari na�gi unsib deqa mare mare laqnab Judia sawaq di, sawa bei beiq di na�gi quekriteb. 18 Jon aqa a�gro na�gi ma�wa kalil Yesus a yoqnej qaji deqa Jon saiyeb. 19 Saiyonab Jon na aqa a�gro aiyel na�gi metnjrnaq aqa areq bonabqa minjrej, “Ni�gi Tamo Koba aqa areq gilsib endegsib nenemyiy, ‘Kristus agi Qotei na nami qari�yim bqajqa marej qaji di ni kiyo? Ni saiamqa iga tamo bei qa tari�qom kiyo?’" 20 Jon na na�gi aiyel degsi minjrsiq qari�njrnaqa Yesus aqa areq gilsib minjeb, “Jon yansnjro qaji a na iga qari�gwoqa inoq bonum. A ni endegsi nenemmqo, ‘Kristus agi Qotei na nami qari�yim bqajqa marej qaji di ni kiyo? Ni saiamqa iga tamo bei qa tari�qom kiyo?’" 21 Bati deqa Yesus na tamo u�gasari tula� gargekoba ma utru segi segi na�gi ti tamo na�go jejamu mondor uge uge na ojele�o qaji na�gi ti boletnjroqnej. Tamo �am qandimo gargekoba dego boletnjreqnaqa �am poinjroqnej. 22 Deqa Yesus a tamo aiyel Jon na qari�njrej qaji na�gi di minjrej, “Ni�gi aisib kumbra ni�gi uneqnub qaji deqa ti anjam ni�gi queqnub qaji deqa ti Jon saiyosib minjiy. Endegsib minjiy, ‘Tamo �am qandimnjro qaji na�gi olo �am poinjreqnaqa sawa uneqnub. Tamo jejamu lainjro qaji na�gi olo walweleqnub. Tamo na�go jejamu yu na ugeele�o qaji na�go yu kalil koboeqnu. Tamo dabkala gete�njro qaji na�go dabkala olo waqeqnu. Tamo more�o qaji na�gi olo tigeleqnub. Tamo sougetejunub qaji na�gi Qotei aqa anjam bole queqnub. 23 Tamo na�gi e qa na�go areqalo si�gilatoqnsib olo ijo ñam ulontosaieqnub qaji na�gi tula� areboleboleinjreqnu.’" 24 Onaqa Jon aqa a�gro aiyel na�gi Yesus aqa anjam di qusibqa na�gi olo puluosib Jon minjqajqa aiyeb. Aiyeqnabqa Yesus na tamo u�gasari gargekoba a ombla soqneb qaji na�gi Jon qa endegsi minjrej, “Ni�gi tamo kiyero unqajqa wadau sawaq gileb? Ni�gi tamo silai aqa ba�ga bul jagwa na pileteqnaqa di unqajqa gileb kiyo? Sai. Jon a tamo deqaji sai. 25 Deqa ni�gi tamo kiyero unqajqa wadau sawaq gileb? Ni�gi tamo gara bole walaosi laqnu qaji di unqajqa gileb kiyo? Di dego sai. Tamo gara bole walaoqnsib ñoro koba ti unub qaji na�gi mandor kokba na�go talq di unub. 26 Deqa ni�gi tamo kiyero unqajqa wadau sawaq gileb? Ni�gi Qotei aqa medabu o qaji tamo bei unqajqa gileb kiyo? Od. Agide. Ni�gi deqa unqa gileb. Deqa e ni�gi endegsi mer�gwai. Jon a Qotei aqa medabu o qaji tamo kobaquja. A na Qotei aqa medabu o qaji tamo kalil na�gi tula� bu�njrejunu. 27 Agi nami e mandamq aiyosaisonamqa Qotei a Jon qa endegsi merbej, ‘Ni que. E na ijo anjam maro tamo qari�yitqa a ni qa namoosim ino gam gereiyetmqas.’ Tamo di agi Jon. Anjam di Qotei aqa ne�gre�q di unu. 28 Deqa e bole mer�gwai. Jon yansnjro qaji a na tamo kalil mandamq endi unub qaji na�gi tula� bu�njrejunu. Ariya tamo qudei ñam saiqoji unub qaji na�gi Qotei na taqatnjroqnsiqa na�go Mandor Koba unu deqa na�gi olo Jon tula� bu�yejunub." 29 Onaqa tamo u�gasari na�gi ti takis o qaji tamo na�gi ti anjam di qusib mareb, “Bole. Qotei aqa kumbra kalil di bole ti�ti�.” Na�gi degsib mareb. Di kiyaqa? Na�gi nami are bulyonab Jon na yansnjrej deqa. 30 Ariya Farisi na�gi ti dal anjam qalie tamo na�gi ti Jon na yansnjrqa urateb deqa na�gi gam bole Qotei na osornjrej qaji di qoreiyeb. 31 Onaqa Yesus a olo marej, “Tamo u�gasari bini bati endeqa unub qaji na�go kumbra qa e yawo anjam kiyersiy marqai? 32 E na�go kumbra qa endegsi marqai. Na�gi a�gro du du bul qure ambleq di ala�oqnsib a�gro qudei na qudei minjreqnub, ‘Iga yumba anjamonumqa ni�gi lou tuosai. Iga are uge qa louonumqa ni�gi akamosai.’" 33 Osiqa Yesus a olo marej, “Jon yansnjro qaji a bosiqa i�gi ti wain ti uratosiq sonaqa ni�gi a qa mareqnub, ‘A mondor uge ti unu.’ 34 Ariya e Tamo A�gro bosimqa i�gi ti wain ti uyeqnamqa ni�gi e nuboqnsib mareqnub, ‘Ni�gi uniy. Yesus a qunja� ani. A wain uyo ani. A takis o qaji tamo ti une tamo ti na�gi koba na walweleqnub.’" 35 Osiqa Yesus a olo marej, “Qotei aqa tamo u�gasari na�gi bole qalieeqnub, aqa powo tula� kobaquja." 36 Bati bei Farisi tamo bei aqa ñam Saimon a Yesus minjej, “Ni ijo talq bamqa aqo ombla i�gi uyqom.” Onaqa Yesus a Saimon odyosiqa aqa talq gilsiqa Saimon ombla awoosib i�gi uyoqneb. 37 Onaqa sambala u�a bei qure dia soqnej qaji a anjam endegsi quej, “Yesus a Saimon aqa talq di sosiqa i�gi uyeqnu.” A anjam degsi qusiqa gore� jali�a quleq ti osiqa Saimon aqa tal miligiq gilsiq Yesus aqa qoreq na bosiqa aqa si�ga jojomq di tigelosiq akamej. Akamonaqa aqa �am ya Yesus aqa si�gaq ainaqa si�ga tombol na awoosiq aqa �am ya si�gaq aiyej qaji di aqa segi gate ba�ga na piyoqnsiqa Yesus aqa si�ga kundoqyoqnsiqa gore� quleq ti dena Yesus aqa si�ga liyoqnej. 39 U�a a kumbra di yonaqa Saimon a unsiqa are qalej, “Yesus a Qotei aqa medabu o tamo unu qamu u�a endi bosiq aqa jejamu ojqo qaji di sambala u�a a degsi poiyqo qamu." 40 Onaqa Yesus a Saimon aqa areqalo di qalieosiqa minjej, “Saimon, e ni anjam bei mermqai.” Onaqa Saimon na minjej, “O Qalie Tamo, ni mare." 41 Onaqa Yesus na yawo anjam endegsi Saimon minjej, “Tamo aiyel na tamo bei silali yaiyeb. Bei na 100 kina yaiyej. Bei na 10 kina yaiyej. Yaiyonabqa minjrej, ‘Bunuqna ni�gi na kamba silali di olo e ebqab.’ 42 Ariya bunuqna na�gi aiyel na kamba silali di a olo yqa keresai deqa a na na�gi aiyel minjrej, ‘U�gum, ni�gi na silali di olo ebaib. Uratiy.’ Degsi minjrej. Deqa Saimon, ni merbe, tamo yai a tamo deqa tula� are boledamuiyqas? Tamo 100 kina yaiyej qaji a kiyo tamo 10 kina yaiyej qaji a kiyo?" 43 Onaqa Saimon na minjej, “E are qalonum, tamo 100 kina ej qaji a tamo deqa tula� are boledamuiyqas.” Onaqa Yesus na Saimon minjej, “Ni kere maronum." 44 Osiq bulosiqa sambala u�a di areiyosiq Saimon minjej, “Ni u�a endi unime. E ino tal miligiq gilonumqa ni ijo si�ga yansetbosai. Ariya u�a endi a bosiqa aqa �am ya na ijo si�ga yansetbosiqa aqa gate ba�ga na ijo si�ga piyqo. 45 E ino tal miligiq gilonumqa ni e kundoqbosai. Ariya u�a endi a bosiqa ijo si�ga kundoqyoqnaj agi kundoqyoqnsiq unu. 46 Ni na ijo gate gore� na liyosai. Ariya u�a endi a gore� boledamu quleq ti osi bosiqa dena ijo si�ga liyqo. 47 Deqa Saimon, e ni mermqai. Sambala u�a endi aqa une tula� gargekoba. E na aqa une kalil kobotetonum deqa a e qa are tula� boledamuiyqo. Ariya e na tamo bei aqa une quja quja segi kobotetqai di a e qa are bolekiñalayqas." 48 Osiqa u�a di minjej, “Ino une kalil e na kobotetmonum." 49 Onaqa tamo na�gi Yesus koba na awoosib i�gi uyoqneb qaji na�gi aqa anjam di qusibqa segi segi maroqneb, “Yesus a tamo kiyero deqa a na tamo na�go une kobotetnjreqnu?" 50 Onaqa Yesus na u�a di minjej, “Ni ino areqalo e qa si�gilatonum deqa Qotei na ni oqo. Deqa ni are lawo na gilime."

‹ Chapter 6 Luk — All Chapters Chapter 8 ›

Luk 7

Cite / Share This Page