Mak 14

PNG

‹ Chapter 13 Mak — All Chapters Chapter 15 ›

1 Onaqa Juda na�go yori bati koba jojomej. Yori bati di aqa ñam Bem Tiyosai Qaji Uyqajqa Bati. Qotei a nami Israel na�gi Isip sawaq di padalqa laqnabqa aqaryainjrej. Deqa olo are qalqajqa bati jojomej. Bati aiyel soqnej. Deqa atra tamo kokba ti dal anjam qalie tamo na�gi ti endegsib nenemoqneb, “Iga kiyersim Yesus lumu na ojsim qalsim moiyotqom?" 2 Osib mareb, “Iga yori bati qa Yesus ojqasai. Ojqom di tamo u�gasari na�gi iga nugsib �iri�osib qoto tigelto uge." 3 Onaqa Yesus a Betani qureq gilsiqa tamo bei nami yu na aqa jejamu ugeele�ej qaji aqa ñam Saimon aqa talq di soqnej. Sosiqa i�gi uyeqnaqa u�a bei a gore� quleq ti tula� boledamu silali kobaquja na awaiyej qaji di jali�aq jigsiqa osi bosiqa aqa medabu paratosiqa Yesus aqa gateq di bilentej. 4 Onaqa tamo qudei tal miligiq di awesoqneb qaji na�gi u�a di aqa kumbra unsibqa �iri�osib segi segi maroqneb, “U�a di a kiyaqa gore� di la�a ña�guiyqo? 5 A gore� di osiq tamo qudei enjrqo qamu meni� silali 300 yonub qamu gilsiq tamo i�gi i�gi saiqoji na�gi jeisi enjrqo qamu di kere.” Osib na�gi u�a di �iri�teb. 6 Onaqa Yesus na kamba minjrej, “Ni�gi kiyaqa u�a di gulbe yeqnub? A kumbra bole ebqo. 7 Tamo i�gi i�gi saiqoji na�gi bati gaigai ni�gi ti sqab. Deqa ni�gi na na�gi aqaryainjrqa are soqnimqa aqaryainjroqniy. Ariya e bati gaigai ni�gi ti sqasai. 8 E moiqai. Moiyitqa e subq atqab. U�a di a e qa are qalsiqa ijo jejamuq di gore� bilentosiq dena ijo jejamu subq atqajqa gereiyetbqo. A na kumbra di e qa yqa kere agi yqo. 9 E bole mer�gwai. Bunuqna ijo wau tamo na�gi sawa sawa kalilq di ijo anjam bole mare mare laqnsibqa u�a endena kumbra ebqo qaji deqa are qaloqnsib a qa saoqnqab." 10 Onaqa Judas Iskariot a tigelosiqa atra tamo kokba na�goq gilej. Judas a Yesus aqa a�gro 12 na�gi deqaji bei. A na�goq gilsiqa minjrej, “E Yesus osiy nu�go ba�q di atqai." 11 Degsi minjrnaqa na�gi qusib tula� areboleboleinjrnaqa minjeb, “Ni Yesus osim gago ba�q di atimqa iga ni silali emqom.” Degsib minjnabqa a gilsiqa a Yesus osim na�go ba�q di atqajqa gam �amoqnej. 12 Ariya Bem Tiyosai Qaji Uyqajqa Bati brantej. Qotei a nami Israel na�gi endegsi minjrej, “Ni�gi kaja du du na�gi ñumele�osib sira�meq di le� liyibqa e na unsiy ni�gi urat�gwai. E ni�gi padalt�gwasai.” Qotei a nami Israel na�gi degsi minjrej. Kumbra deqa olo are qalqajqa yori bati brantonaqa Juda na�gi mareb, “Iga kaja du du na�gi ñumele�osim Qotei atraiyqom.” Onaqa bati deqa Yesus aqa a�gro na�gi na endegsib nenemyeb, “Ni iga merge. Iga aisim tal qabia yori bati aqa i�gi i�gi gereiyetmonamqa ni i�gi uyqam?" 13 Onaqa Yesus na aqa a�gro aiyel qari�njrsiqa minjrej, “Ni�gi aiyel aisib qure ambleq di tamo bei ya nobu qoboiyosim giloqnim gamq di itosib dauryiy. 14 Ni�gi a dauryosib tal a gogetqas qaji di miligiq gilsib tal lanja endegsib minjiy, ‘Qalie Tamo a marqo, “E ijo a�gro na�gi koba na awoosim yori bati aqa i�gi uyqajqa warum a qabi unu?” ‘ 15 Ni�gi degsib minjibqa a na warum kobaquja bei gogeqsi unu di ni�gi osor�gwas. Warum dia nami jar ti awo jaram ti atele�eb unu. Ni�gi aiyel aisib warum dia gago i�gi i�gi gereiyele�oiy." 16 Onaqa na�gi aiyel qure miligiq aisib anjam kalil Yesus na minjrej qaji degsi brantonab unsibqa i�gi i�gi kalil warum dia gereiyele�eb. 17 Onaqa bilaqtonaqa Yesus aqa a�gro 12 na�gi ti koba na aisib tal gogetosib awoosib i�gi uyoqnsibqa Yesus a na�gi endegsi minjrej, “E bole mer�gwai. Ni�gi ijo a�gro 12. Nu�go ambleq dena a�gro bei a tigelosim e osim tamo qudei na�go ba�q di atqas. A�gro di agi iga koba na i�gi uyeqnum." 19 Degsi minjrnaq qusibqa are tula� gulbekobainjrnaqa segi segi Yesus nenemyoqneb, “O Tamo Koba, ni e qa kiyo maronum?" 20 Onaqa minjrej, “A�gro aqo ombla endego tabir qujaiq di bem quiq di tuqteqnum qaji a na e osim tamo qudei na�go ba�q di atqas. A dego ijo a�gro 12 ni�gi deqaji bei. 21 Ni�gi quiy. E Tamo A�gro moiqai. Nami Qotei aqa anjam e qa degsib ne�gre�yeb. Deqa u�gum. E anjam di dauryosiy moiqai. Ariya a�gro e osim tamo qudei na�go ba�q di atqas qaji a tula� padalougetqas. A nami �ambabosai qamu di kere." 22 Osiqa Yesus aqa a�gro na�gi koba na i�gi uyoqnsibqa Yesus a Qotei pailyosiqa bem bei osiq gi�ge�yosiqa na�gi enjrsiqa endegsi minjrej, “Endi ijo jejamu. Osib uyiy." 23 Osiqa wain osiqa gamba�q di bilentosiqa Qotei pailyosiqa aqa a�gro na�gi enjrnaqa na�gi kalil osib uyeb. 24 Onaqa Yesus na minjrej, “Wain gamba� endi ijo le�. Tamo u�gasari gargekoba na�go une kobotetnjrqajqa deqa ijo le� aiqas. Aisim Qotei aqa anjam bunuj nami gereiyej qaji di si�gilatqas. 25 E bole mer�gwai. E wain endi olo uyqasai. Degsi gilsiy mondo� di�o batiamqa Qotei a nu�go Mandor Koba soqnimqa e olo wain bunuj uyqai." 26 Yesus na aqa a�gro na�gi degsi minjrsiqa na�gi koba na louosib koboonaqa qure uratosib Oliv manaq oqeb. 27 Yesus aqa a�gro na�gi ti manaq oqoqnsibqa Yesus na minjrej, “Ni�gi kalil ijo ñam ulontosib e uratbosib jaraiqab. Nu�go kumbra deqa Qotei aqa anjam bei nami endegsib ne�gre�yeb unu, ‘E na kaja na�go mandor qalitqa kaja na�gi segi segi jaraiqab.’ Qotei aqa anjam nami degsib ne�gre�yeb. 28 Ariya bati qalub koboamqa e olo subq na tigelosiy ni�gi qa namoosiy Galili sawaq gilitqa ni�gi bunuqna e daurbosib dia e itbqab." 29 Onaqa Pita na minjej, “A�gro kalil na�gi ino ñam ulontosib jaraiqab e segi ino ñam ulontqasai." 30 Onaqa Yesus na kamba Pita minjej, “E bole mermqai. Qolo qujai endeqa ni ijo ñam ulitqam. Tuwe anjamoaiyeltosaisoqnimqa ni gisa�oqalubtosim marqam, ‘E Yesus qaliesai.’" 31 Onaqa Pita a tula� saidosiq minjej, “Sai. E ni ombla moiqa marimqa, u�gum, e ino ñam ulitqasai bole sai.” Onaqa Yesus aqa a�gro kalil na�gi anjam qujai di minjoqneb. 32 Yesus aqa a�gro na�gi koba na walwelosib nañu agu beiq di branteb. Nañu agu di aqa ñam Getsemani. Di brantosib Yesus na aqa a�gro na�gi minjrej, “Ni�gi endi awesoqniy. E kiñala sasalosiy ijo Abu pailyosiy bqai." 33 Degsi minjrsiqa aqa a�gro qalub agi Pita na Jems na Jon na na�gi segi joqsiqa pailyqajqa sasalej. Sasalosiqa pailyoqnsiqa a are tula� gulbekobaiyej. 34 Osiqa aqa a�gro qalub na�gi di minjrej, “E are tula� gulbekobaibqo. Gulbe dena e moiyepratonum. Deqa ni�gi e ombla endi sosimqa �am atoqniy." 35 Degsi minjrsiqa olo kiñala sasalosiqa mandamq di �am quosiqa endegsi pailyej, “O Aba. (Di Hibru anjam. Aqa damu, “O Abu.”) Gam bei soqnimqa ni na marimqa gulbe aqa bati bqo endi e bu�bosim gilem. Ni kumbra kalil yqa kere. Deqa ni marimqa gulbe endi ijoq baiq. Gulbe endi ya uge uyo bul. U�gum, ni ijo areqalo dauryaim. Ni ino segi areqalo dauryosim ye." 37 Yesus a degsi Qotei pailyosiq olo tigelosiqa aqa a�gro na�go areq aisiq �am atej di na�gi are gulbe na �ere�esonab unjrej. Deqa Yesus na Pita minjej, “O Saimon, ni �eiejunum e? Ni �am sokiñalayqa keresai e? 38 Ni�gi �ere�aib. Ni�gi �am sosib pailyoqniy. Yim gulbe bei nu�goq bqas di gulbe dena ni�gi uneq wai�gwasai. Bole, nu�go are miligiq di ni�gi e daurbqajqa are unu. Ariya ni�gi segi gulbe di oqajqa si�gila saiqoji." 39 Osiqa Yesus a olo puluosi sasalosiq a nami pailyej qaji degsi olo pailyosiq bosiqa aqa a�gro qalub na�gi ur�amnjrnaqa �ere�esonab unjrej. Unjrnaqa na�gi Yesus anjam bei minjqa keresaiinjrej. 41 Olo gilsiq Qotei pailyosiq bosiq aqa a�gro na�gi itnjrsiq minjrej, “Ni�gi aqaratosib geregere �ere�ejunub e? U�gum. Bati koboqo. Ni�gi uniy. E Tamo A�gro osib une tamo na�go ba�q di atqajqa bati bqo. 42 Ni�gi tigelab gilqom. Tamo e osim une tamo na�go ba�q di atqajqa agi brantqo." 43 Onaqa Yesus aqa a�gro 12 na�gi deqaji bei agi Judas a na tamo gargekoba na�gi sebru ti torom ti ele�onab joqsiqa Yesus aqa areq di branteb. Juda gate na�gi ti dal anjam qalie tamo na�gi ti atra tamo kokba ti na�gi na na�gi qari�njrnab Yesus ojqa beb. 44 Judas a nami na�gi ti qairosib anjam gereiyosib a na endegsi minjrej, “E na tamo kundoqyqai agide. A ojsib geregere taqatosib osib giliy." 45 Onaqa Judas a Yesus aqa areq bosiq minjej, “O Tamo Koba.” Degsi minjsiq kundoqyej. 46 Kundoqyonaqa tamo na�gi brantosib ba� waiyosib Yesus ojeb. 47 Onaqa Yesus aqa a�gro bei jojom di tigelesoqnej qaji a na aqa sebru osiqa atra tamo gate aqa ka�gal tamo gateq di qalqajqa sebru waiyej grotosiqa dabkala segi gentetej. 48 Onaqa Yesus na tamo na�gi di minjrej, “E le� ojo tamo unum deqa kiyo ni�gi sebru ti torom ti ele�osib e ojqa bonub e? 49 E bati gaigai atra tal miligiq di ni�gi koba na sosimqa Qotei aqa anjam plaltoqnem. Bati deqa ni�gi yala ba� waiyosib e ojosai. Ni�gi kumbra degyeb deqa Qotei aqa anjam ne�gre�q di so qaji di aqa damu brantej." 50 Yesus a na�gi degsi minjrnaqa aqa a�gro kalil na�gi a uratosib jaraiyeb. 51 Bati deqa a�gro wala bei a �eio gara segi na kabuosiq Yesus dauryej. Onaqa tamo na�gi na a�gro di ojeb. 52 Ojnabqa a �eio gara segi na�go ba�q di uratosiqa yosi ula�ej. 53 Onaqa tamo na�gi na Yesus osib atra tamo gate aqa talq osi gileb. Dia atra tamo kokba ti Juda gate na�gi ti dal anjam qalie tamo na�gi ti kalil koroesoqneb. Koroesonabqa tamo na�gi na Yesus osi gilsib na�go ulatamuq di tigelteb. 54 Na�gi Yesus osi gileqnabqa Pita a kiñala isa isaq na Yesus dauryosiq uli uliosiq gilsiq torei atra tamo gate aqa tal meq di brantej. Brantosiqa na�gi Yesus kiyeryib unqajqa deqa are qalsiq qaja tamo qudei na�gi tal meq di �am tu�guyosib awesonabqa bosiq na�gi koba na �am yoroqneb. 55 Onaqa atra tamo kokba ti Juda gate na�gi ti kalil koroesosibqa na�gi Yesus aqa jejamuq di une qametqa are qalsib anjam �amoqneb. Di kiyaqa? Anjam dena na�gi Yesus qalib moiqajqa deqa. Anjam �amonab �amonab ugeinjrej. 56 Deqa na�gi tamo gargekoba metnjreqnab boqnsib gisa� anjam Yesus aqa jejamuq di qamele�oqneb. Na�gi anjam la�a la�a maroqneb. Na�go anjam di qujaiosai. 57 Onaqa na�go ambleq dena tamo qudei na�gi tigelosib Yesus aqa jejamu la�a gisa�yosib mareb, 58 “Tamo endi a endegsi marnaq iga quem, ‘E atra tal koba endi tamo na gereiyo qaji di ko�grontosiyqa bati qalub qa olo atra tal bei tamo na gereiyosai qaji di tigeltqai.’" 59 Ariya na�go anjam di dego qujaiosai. Na�gi anjam la�a la�a maroqneb. 60 Onaqa atra tamo gate a na�go anjam di qusiqa a tigelosiqa Yesus aqa areq bosiq nenemyej, “Tamo na�gi endi une gargekoba ino jejamuq di qameqnub. Di ni kamba anjam bei marqasai e?" 61 Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Ni Kristus e? Ni Qotei Goge Koba aqa �iri e? Ni e merbe." 62 Onaqa Yesus na minjej, “Od. Agi e segi. Ni que. E Tamo A�gro. Bunuqna e la� qureq oqsiy Qotei si�gila koba ti unu qaji aqa ba� woq di awesosiy olo la�biq na boqnit ni�gi e nubqab." 63 Onaqa atra tamo gate a Yesus aqa anjam di qusiqa a tula� minji� oqetonaqa aqa segi gara jugo bumbra�yosiqa marej, “Aqa une agi a segi na babtqo iga quonum. Deqa iga kiyaqa tamo bei olo metonam bosim aqa une marqas? 64 Aqa misili� anjam ni�gi quonub. Deqa ni�gi kiyersib marqab?” Onaqa na�gi kalil mareb, “A bole une ti. Deqa qalib moiyem." 65 Na�gi kalil degsib marnabqa na�go ambleq dena tamo qudei na�gi tigelosib Yesus miselyoqneb. Osib aqa �amdamu gara na qosetosib ba� na qaloqnsib minjoqneb, “Ni Kristus amqa ni ubtosim mare, yai na ni lumqo?” Onaqa qaja tamo qudei na�gi Yesus aqa areq boqnsib a ula po�yoqneb. 66 Ariya Pita a tal meq di awesosiq �am yoreqnaqa atra tamo gate aqa ka�gal u�a bei a bosiqa Pita unsiqa koqyosiq minjej, “Ni dego Yesus Nasaret qaji aqa a�gro bei. Ni nami a dauryosim laqnem." 68 Onaqa Pita a tula� saidosiq minjej, “Ni anjam merbonum di e qaliesai.” Degsi minjsiqa tigelosiq tal qala beiq gilsiq di soqnej. 69 Sonaqa ka�gal u�a dena olo Pita unsiqa tamo na�gi jojom di tigelesoqneb qaji na�gi minjrej, “Tamo di a dego Yesus aqa a�gro bei." 70 Onaqa Pita a olo tula� saidej. Olo kiñala soboleiyonaq tamo qudei Pita aqa areq di tigelesoqneb qaji na�gi Pita koqyosib minjeb, “Ni Galili qaji tamo. Deqa iga qalieonum, ni Yesus aqa a�gro bei." 71 Onaqa Pita a olo tula� si�gila na saidosiq marej, “E tamo di qaliesai bole sai. E bole maronum. E gisa�ot Qotei na e lubem." 72 A degsi marnaqa tuwe anjamej. Tuwe anjamonaqa Pita a qusiqa anjam nami Yesus na minjej qaji, “Tuwe anjamoaiyeltosaisoqnimqa ni gisa�oqalubtosim marqam, ‘E Yesus qaliesai,’” anjam deqa olo are qalsiqa poiyonaqa tula� akamugetej.

‹ Chapter 13 Mak — All Chapters Chapter 15 ›

Mak 14

Cite / Share This Page