Mak 15

PNG

‹ Chapter 14 Mak — All Chapters Chapter 16 ›

1 Onaqa nobqolo malu qameqnaq atra tamo kokba ti Juda gate na�gi ti dal anjam qalie tamo na�gi ti kalil koroesosibqa Yesus qalib moiqajqa anjam keretoqneb. Anjam kereonaq na�gi Yesus aqa ba� tontetosib osi gilsib Rom na�go gate Pailat aqa ba�q di ateb. 2 Onaqa Pailat na Yesus nenemyej, “Ni Juda na�go Mandor Koba e?” Onaqa Yesus na minjej, “Od. Anjam ni maronum di kere." 3 Onaqa atra tamo kokba na�gi Yesus aqa anjam di qusib minji� oqetnjrnaqa aqa jejamuq di une gargekoba qametoqneb. 4 Deqa Pailat na olo Yesus minjej, “Na�gi une gargekoba ino jejamuq di qamele�eqnub. Ni kamba anjam bei marqasai e?" 5 Onaqa Yesus a torei mequmej. A anjam bei yala marosai. Deqa Pailat a tula� prugugetej. 6 Pailat aqa kumbra agiende. Wausau gaigai yori bati koba brantoqnimqa Juda tamo u�gasari na�gi tamo qujai aqa ñam maroqnibqa Pailat na tamo di tonto talq dena uratoqnsim enjroqnqas. 7 Bati deqa tamo bei aqa ñam Barabas a tonto talq di soqnej. A nami tamo qudei joqsiqa Rom na�gi ti qotsib tamo qudei ñumnab more�eb. Deqa a ojsib tonto talq di waiyeb. 8 Waiyonab sonaqa tamo u�gasari kalil na�gi Pailat aqa areq gilsibqa a na�go yori bati qa kumbra gaigai yoqnej qaji di olo yqajqa minjeb. 9 Minjnabqa a na nenemnjrej, “E Juda na�go Mandor Koba uratosiy e�gwai e? Ni�gi na merbiy." 10 Pailat a na�gi degsi nenemnjrej? Di kiyaqa? A qalieej, atra tamo kokba na�gi Yesus qa ugeosib deqa a ojsib Pailat aqa ba�q di ateb. 11 Onaqa atra tamo kokba na�gi na tamo u�gasari kalil na�go areqalo tigeltetnjreb. Tamo u�gasari na�gi Pailat minjibqa a na Barabas uratosim enjrsimqa olo Yesus qalim moiqajqa deqa na�go areqalo tigeltetnjreb. 12 Onaqa Pailat na olo minjrej, “E ni�gi Barabas e�gwajqa merbonub deqa e Yesus kiyeryqai? Agi ni�gi a qa mareqnub, ‘A Juda na�go Mandor Koba.’" 13 Onaqa na�gi kalil murqumyosib minjeb, “Ni a �amburbasq di qame." 14 Onaqa minjrej, “Kiyaqa Yesus qalit moiqas? A une kiye yqo deqa a �amburbasq di qamqai?” Degsi minjrnaqa na�gi olo tula� murqumyoqnsib wai�yoqnsib minjoqneb, “Ni a �amburbasq di qame." 15 Onaqa Pailat a na�go are latetnjrqa osiqa na�go anjam di dauryosiqa Barabas tonto talq dena oqeq atsiqa na�gi enjrej. Enjrsiqa olo Yesus osiq qaja tamo na�go ba�q di atsiqa minjrej, “Ni�gi Yesus bu toqo� na kumbai�yiy.” Degsi minjrnaqa na�gi na Yesus osib kumbai�yeb. Kumbai�yosib koboonaqa Pailat na olo minjrej, “Ni�gi Yesus �amburbasq di qamqajqa osib giliy." 16 Pailat na qaja tamo na�gi degsi minjrnaqa na�gi Yesus ba� ojsib Rom na�go tal kobaqujaq osi gileb. Osi gilsib qaja tamo kalil na�gi metnjrnab bosib tal dia koroeb. Koroosib gara jugo olekoba lent mandor kokba na�gi gaigai jigeqnub deqaji bei osib Yesus jigeteb. Osib sil luwit osib lulumosib sil dena mandor na�go gate tatal bul gereiyosib aqa gateq di atetosib si�gila na teqiyeb. 18 Osib gisa� na Yesus bi�iyoqnsib minjoqneb, “O Juda na�go Mandor Koba, kaiye!" 19 Degsib Yesus minjoqnsib bu toqo� na aqa gateq di qaloqnsib miselyoqnsib aqa areq di si�ga pulutoqneb. 20 Na�gi degsib Yesus misili�yosib koboonaqa gara lent di piqtetosib aqa segi gara olo jigetosib aqa qawarq di aqa segi �amburbas atetosib a ba� ojsib gaintqa sawaq osi gileb. 21 Na�gi Yesus osi giloqnsibqa gamq di tamo bei walwelosiq Jerusalem aiyeqnaqa a turosib ojsib Yesus aqa qawarq dena �amburbas yaiyosib tamo di yonabqa a kamba qoboiyosiqa gam na Yesus dauryosiq giloqnej. Tamo di aqa ñam Saimon. A Sairini qure qaji. A Aleksander Rufus wo na�go abu. 22 Na�gi Yesus osi gilsib sawa agu kiñala bei aqa ñam Golgota di branteb. �am di aqa damu, “Tamo gate tanu." 23 Di brantosib qaja tamo na�gi na wain ti kial aqa ya isa koba de ti bulyosib Yesus anaiyonab uyo oneiyonaq ugeiyonaq uratej. 24 Onaqa qaja tamo na�gi na Yesus osib �amburbasq di qameb. Qamsib Yesus aqa gara ele�qa marsib giltele�eb. Osib meni� silali ala�eb. Tamo yai aqa meni� na bu�njrqas di a na gara oqas. Degsib marsib meni� silali ala�osib gara ele�eb. 25 Se� bati 9 onaqa nobqolo na�gi Yesus �amburbasq di qameb. 26 Qamsib �amburbas mutu gogeq di anjam endegsib ne�gre�yeb, “Tamo endi a Juda na�go Mandor Koba.” Yesus a nami maroqnej, “E Juda na�go Mandor Koba.” Yesus aqa une deqa osib anjam di ne�gre�yeb. 27 Bati deqa baji� tamo aiyel dego �amburbasq di gaintnjrsib ñumeb. Bei Yesus aqa ba� woq di qameb. Bei Yesus aqa ba� qona�q di qameb. 28 Kumbra dena Qotei aqa anjam bei ne�gre�q di so qaji di aqa damu brantej. Agi endegsib ne�gre�yeb, “Tamo u�gasari na�gi marqab, ‘Kristus a dego une tamo.’" 29 Yesus a �amburbas goge di sonaqa tamo u�gasari na�gi aqa ulatamuq dena walwelosib gile beoqnsib a misili�yoqnsib gate gai�yoqnsib minjoqneb, “Ni nami marem, ‘E atra tal koba ko�grontosiyqa bati qalub qa olo tigeltqai.’ Ni nami degsi marem. 30 Ino anjam di boleamqa ni ino segi jejamu aqaryaiyosim �amburbas uratosim mandamq aiye." 31 Atra tamo kokba ti dal anjam qalie tamo na�gi ti dego Yesus degsib misili�yoqneb. Osib segi segi maroqneb, “A na tamo u�gasari gargekoba na�gi aqaryainjroqnej. Ariya a na aqa segi jejamu aqaryaiyqa keresai. 32 A maroqnej, ‘E segi Kristus. E Israel na�go Mandor Koba.’ Aqa anjam di boleamqa a �amburbas uratosim mandamq aiyimqa iga unsim marqom, ‘Bole.’” Onaqa baji� tamo aiyel Yesus ombla gaintnjreb qaji na�gi dego Yesus degsib misili� anjam minjoqneb. 33 Qanam jige se� bati 12 onaqa sawa kalil tula� ambruosi sonaq gilsiq se� bati 3 onaq bilaqtej. 34 Onaqa Yesus a tula� lele�osiqa marej, “Eloi, Eloi, lama sabaktani?” Di Hibru anjam. Anjam di aqa damu, “O ijo Qotei. O ijo Qotei. Ni kiyaqa e qoreibonum?" 35 Onaqa tamo qudei Yesus aqa areq di tigelesoqneb qaji na�gi aqa anjam di qusib mareb, “Ni�gi quiy. A Elaija meteqnu." 36 Degsib marnabqa tamo bei a urur ti gilsiq gara ñe�gi bei osiq wain isa kobaq di tuqtosiqa soruq di qosisiqa osi bosiqa Yesus anaiyqajqa soqtosiqa aqa medabuq di atej. Osiqa marej, “Iga mati tari�osim koqyesqom. Elaija a bosim Yesus �amburbasq dena osim mandamq atqas kiyo?" 37 Onaqa Yesus a olo tula� lele�osiqa mondor titosiq aqa �ambile uratosiq moiyej. 38 Bati qujai deqa gara kobaquja atra tal miligiq di gai�esoqnej qaji a goge na bra�osiq aisiq poaiyelej. 39 Yesus a degsi mondor titosiq moiyej deqa qaja tamo na�go gate Yesus aqa areq di tigelesoqnej qaji a unsiqa marej, “Bole. Tamo endi a Qotei aqa �iri." 40 U�gasari qudei na�gi isaq di tigelesosib Yesus koqyoqneb. Bei Maria Makdala qure qaji. Maria bei agi Jems yala Joses wo na�go ai. U�a bei Salome. 41 Yesus a nami Galili sawaq di sonaqa u�gasari na�gi dena a dauryosib laqnsib ka�galyoqneb. Bunuqna Yesus a Galili sawa uratosiqa a na na�gi qalub u�gasari qudei ti joqsiqa koba na Jerusalem bele�eb. 42 Juda na�go yori bati brantqa laqnej deqa yori bati aqa i�gi i�gi kalil gereiyosib atnab soqnej. 43 Onaqa bilaqtonaqa tamo bei aqa ñam Josep a Yesus aqa jejamu osim subq atqa marsiqa Pailat nenemyqa gilej. Josep a Juda na�go gate bei. A Arimatea qure qaji. Aqa kumbra tula� boledamu. Deqa tamo u�gasari kalil na�gi a qa maroqneb, “A tamo bolequja.” A endegsi are qaloqnej, “Bunuqna Qotei a bosim gago Mandor Koba sosim iga taqatgwas.” A degsi are qaloqnsiq Qotei qa tari�oqnsiq soqnej. A Pailat aqa talq gilsiqa aqa areq di tigelej. A ulaosai. Osiqa Pailat nenemyej, “Ni e odbimqa e Yesus aqa jejamu osiy subq atqa kere e?" 44 Onaqa Pailat a tula� prugugetosiq marej, “Yesus a urur moiqo e?” Osiqa qaja tamo na�go gate a metonaq bonaq nenemyej, “Yesus a bole moiqo e?" 45 Onaqa minjej, “Od, a moiqo.” Onaqa Pailat a anjam di qusiqa Josep odyosiq minjej, “Di kere. Ni Yesus aqa jejamu am. Osim subq ate." 46 Onaqa Josep a gilsiqa gara qat awaiyosiqa Yesus aqa jejamu �amburbasq dena osiqa gara qat na dalaosiq osi gilej. Osi gilsiqa sub bei nami meni� miligiq di gereiyeb qaji dia atsiqa meni� kobaquja belbeltosiq dena sub me getentej. 47 Josep na Yesus subq ateqnaqa Maria Makdala qure qaji wo Maria bei agi Joses aqa ai wo bosib koqyesoqneb.

‹ Chapter 14 Mak — All Chapters Chapter 16 ›

Mak 15

Cite / Share This Page