Uli Anjam 3

PNG

‹ Chapter 2 Uli Anjam — All Chapters Chapter 4 ›

1 Yesus na e degsi merbsiqa olo merbej, “Sardis qureq di tamo u�gasari ijo ñam qa koroeqnub qaji na�go la� a�gro qa anjam endegsi ne�gre�ye, ‘E Qotei aqa Mondor 7 ejunum. E bongar 7 dego ojejunum. E na anjam endi inoq qari�yonum. Kumbra ni yeqnum qaji di e qalieonum. Ino kumbra di bolesai. Na�gi ni qa mareqnub, “Ni �ambile unum.” Di sai. Ni moiyem. 2 Deqa ni �am sirosim olo tigel. Ino kumbra bole qudei moiyosaiunu qaji di ni na olo si�gilat. E ino kumbra kalil unonum di ijo Qotei aqa �amgalaq di keresai. 3 Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni �am sirosim tigelqasai di e baji� tamo bul inoq boqujatqai. Bati gembu e inoq bqai di ni qalieqa keresai. 4 “‘Ariya tamo u�gasari qudei Sardis qureq di unub qaji na�go kumbra bolequja. Na�go gara jigatosai deqa na�gi gara qat jigsib e ombla walweloqnqab. 5 “‘Tamo a Satan ombla qotsim si�gilaqas di e na gara qat jigetqai. Aqa ñam �ambile qa buk miligiq di unu qaji di e na olo nuntqasai. Aqa ñam di e na ijo Abu ti aqa la� a�gro na�gi ti na�go ulatamuq di ubtqai. 6 Tamo a dabkala ti sqas di a Qotei aqa Mondor aqa anjam geregere quem. Anjam di Mondor na tamo u�gasari qure qure kalilq di ijo ñam qa koroeqnub qaji na�gi minjreqnu.’ O Jon, ni anjam degsi ne�gre�yosim Sardis na�go la� a�gro aqaq qari�ye." 7 Yesus na e degsi merbsiqa olo merbej, “Filadelfia qureq di tamo u�gasari ijo ñam qa koroeqnub qaji na�go la� a�gro qa anjam endegsi ne�gre�ye, ‘E Qotei aqa tamo bole une saiqoji unum. E kumbra bole qa utru. Devit a nami mandor koba soqnej dego kere e kamba Mandor Koba unum. Deqa e sira� waqtqai di tamo bei na getentqa keresai. E getentqai di tamo bei na olo waqtqa keresai. E na anjam endi inoq qari�yonum. 8 Kumbra bole kalil ni yeqnum qaji di e qalieonum. Deqa ni unime. Ino ulatamuq di e sira� bei waqtetmonum. Di tamo bei na getentqa keresai. E qalie, si�gila kiñala inoq di unu. Ni ijo anjam geregere ojoqnsim dauryeqnum. Ni ijo ñam uratosaieqnum. 9 Deqa ni que. E na maritqa Satan aqa wau tamo na�gi bosib ino si�gaq di si�ga pulutosib endegsib qalieqab, e ni qalaqalaimeqnum. Na�gi segi qa mareqnub, “Iga Juda tamo.” Di gisa�. Na�gi Juda tamo sai. 10 Ni ijo anjam dauryoqnsim gulbe qoboiyejunum deqa e ni taqatmesoqnitqa Satan na tamo u�gasari kalil na�gi uneq breinjrqa batiamqa a ni uneq breimqasai. 11 E inoq boqujatqai. Deqa anjam ni ojejunum qaji di si�gila na ojesoqne. Amqa tamo bei na ino awai bole yaimqasai. 12 “‘Tamo a Satan ombla qotsim si�gilaqas di e na a osiy ijo Qotei aqa tal ai bul namoq di tigeltit sqas. Deqa a olo bunu Qotei aqa talq dena oqedqasai. Aqa jejamuq di e na ijo Qotei aqa ñam ti ijo Qotei aqa qure koba agi Jerusalem bunuj aqa ñam ti ijo segi ñam bunuj ti ne�gre�yqai. Jerusalem bunuj agi la� goge di unu. Qure di ijo Qotei aqaq dena mandamq aiqas. 13 Tamo a dabkala ti sqas di a Qotei aqa Mondor aqa anjam geregere quem. Anjam di Mondor na tamo u�gasari qure qure kalilq di ijo ñam qa koroeqnub qaji na�gi minjreqnu.’ O Jon, ni anjam degsi ne�gre�yosim Filadelfia na�go la� a�gro aqaq qari�ye." 14 Yesus na e degsi merbsiqa olo merbej, “Laodisia qureq di tamo u�gasari ijo ñam qa koroeqnub qaji na�go la� a�gro qa anjam endegsi ne�gre�ye, ‘Ijo ñam Anjam Bole. E Qotei aqa anjam kalil geregere palonteqnum. I�gi i�gi kalil Qotei na gereiyej qaji di aqa utru agi e segi. E na anjam endi inoq qari�yonum. 15 Kumbra kalil ni yeqnum qaji di e qalieonum. E qalie, ni ulili sai. Ni ka�ka� sai. Ni ulili sqam di kere. Ni ka�ka� sqam di kere. 16 Ni tula� ka�ka� sai. Ni tula� ulili sai. Ni ka�ka� kiñala segi. Deqa e ni i�gi qusa bul ijo miligiq na oqsim ijo medabuq na beqmqai. 17 Ni ino segi ñam soqtoqnsim mareqnum, “E silali koba ti unum. E ñoro koba ejunum. E i�gi bei qa truquosaieqnum.” Di ni gisa�onum. Ni i�gi i�gi tula� saiqoji. Ni sougetejunum. Ni �am qandimo unum. Ni yosi laqnum. Di ni segi poimosai. 18 Deqa e ni endegsi mermqai. Ni ijoq dena gol �amyuwo na yusiq milalej qaji di awaiyosim dena ni ñoro bole ti sqam. Ni gara qat dego awaiyosim jugwam dena ino jejamu kabutim tamo bei na ino yosi unqasai. Amqa ni jemaimqasai. Ni gore� dego awaiyosim dena ino �amdamu piyim �am poimqas. 19 Tamo na�gi e qalaqalainjreqnum qaji di e na olo �iri�tnjroqnsim dalnjreqnum. Deqa ni ino kumbra tingitqa si�gilaosim are bulye. 20 “‘Ni e nube. E sira�meq di tigelesosim kindokindo�eqnum. Tamo bei a ijo kakro qusimqa sira� waqtetbqas di e miligiq gilsiy aqo ombla i�gi uyqom. 21 Tamo a Satan ombla qotsim si�gilaqas di e na minjitqa aqo ombla ijo awo jaram kobaq di awoqom. Nami e segi qoto si�gilaosimqa aqo ijo Abu wo aqa awo jaram kobaq di awoem dego kere. 22 Tamo a dabkala ti sqas di a Qotei aqa Mondor aqa anjam geregere quem. Anjam di Mondor na tamo u�gasari qure qure kalilq di ijo ñam qa koroeqnub qaji na�gi minjreqnu.’ O Jon, ni anjam degsi ne�gre�yosim Laodisia na�go la� a�gro aqaq qari�ye.” Yesus na e degsi merbej.

‹ Chapter 2 Uli Anjam — All Chapters Chapter 4 ›

Uli Anjam 3

Cite / Share This Page