Uli Anjam 4

1 Onaqa e olo Åam atsimqa laÅ goge dia siraÅ bei waqesonaq unem. Unsim koqyeqnamqa tamo nami leleÅonaq aqa kakro gul anjamobulonaq quem qaji a na endegsi merbej, “Ni goge endeq au. Bamqa kumbra kalil bunuqna branteleÅqas qaji di e ni osormqai." 2 Onaqa bati qujai deqa Qotei aqa Mondor na e siÅgilatbonaqa e tarosim laÅ goge dia awo jaram kobaquja sonaq unem. Tamo bei a awo jaramq di awesoqnej. 3 Aqa jejamu tulaÅ minjalej. MeniÅ jaspa tulaÅ minjaleqnu dego kere. Aqa jejamu meniÅ konilian bul tulaÅ lent. TuembiÅ na awo jaram di kalilyesoqnej. TuembiÅ aqa neÅgreÅ di tulaÅ minjalej. MeniÅ emeral tulaÅ minjaleqnu dego kere. TuembiÅ di Åam baÅga gesgi bul. 4 Ariya e olo Åam atsimqa awo jaram kokba 24 unjrem. Awo jaram kokba 24 dena awo jaram kobaquja ambletesoqneb. Tamo gate 24 naÅgi awo jaramq di awoeleÅesoqneb. NaÅgi gara qat olekokba jigeleÅosib mandor kokba naÅgo gate tatal wala ti gol na gereiyo qaji di ateleÅosib soqneb. 5 Awo jaram kobaqujaq dena minjal branteqnaq unem. QatroÅ ti kola anjam ti dego branteqnaq quem. Awo jaram namoq di Åam puloÅ 7 pumbloÅeleÅeb. Åam puloÅ dena Qotei aqa Mondor 7 naÅgi sigitnjrejunub. 6 Awo jaram namoq di iÅgi kobaquja bei sonaq unem. IÅgi di yuwal baÅga bul. A qunuÅ bul dego. A tulaÅ jeqilo. Ariya e olo Åam atsimqa wagme Åambile so qaji qolqe unjrem. NaÅgi na awo jaram kobaquja agutosib tigelesoqneb. NaÅgo bile ti qore ti dia Åamdamu gargekoba soqneb. 7 Wagme Åambile so qaji namba 1 a laion bul. Wagme Åambile so qaji namba 2 a makau bul. Wagme Åambile so qaji namba 3 aqa ulatamu tamo ulatamu bul. Wagme Åambile so qaji namba 4 a baira kobaquja tiosiq laqnu dego bul. 8 Wagme qolqe Åambile so qaji naÅgi di segi segi bari 6 ti. Bileqsi qoreqsi bariqsi Åamdamu gargekoba soqneb. Qanam ti qolo ti naÅgi gaigai louoqnsib endegsib mareqnub, “Qotei a siÅgila koba ti unu. SiÅgila kalil aqaq di unu. A nami soqnej. A bini unu. A bunuqna bqas.” NaÅgi degsib louoqnsib maroqnsib olo waiÅoqnsib mareqnub, “Qotei a getento koba. Qotei a getento koba. Qotei a getento koba.” Wagme qolqe naÅgi gaigai degsib louoqnsib mareqnub. NaÅgi aqaratosaieqnub. 9 Tamo awo jaram kobaqujaq di awejunu qaji a Åambile gaigai unu. Deqa wagme qolqe Åambile so qaji naÅgi a qa tulaÅ areboleboleinjreqnaqa aqa ñam soqtoqnsib biÅiyeqnub. 10 Yeqnaqa tamo gate 24 naÅgi siÅga pulutoqnsibqa tamo awo jaramq di awejunu qaji a qa loueqnub. Tamo di agi Åambile gaigai unu qaji. Tamo gate naÅgi naÅgo gate tatal wala ti gol na gereiyo qaji di awo jaram kobaquja namoq di breiyoqnsibqa endegsib loueqnub, 11 “O gago Tamo Koba Qotei, ni segi qujai laÅ goge di unum. Deqa tamo kalil naÅgi ni qa tulaÅ areboleboleinjreqnaqa ino ñam soqtoqnsibqa ino siÅgila biÅiyeqnub. NaÅgi ni kumbra degmeqnub. Di kiyaqa? Ni na qujai marnam iÅgi iÅgi kalil branteb unub. Ni ino segi areqalo na iÅgi iÅgi kalil gereiyem. Gam dena qujai iÅgi iÅgi kalil branteb unub."