Uli Anjam 6
PNG1 Onaqa Kaja Du a buk di ojesonaq e unem. Buk di kandel aqa namur na qandrato 7 yeb. Kaja Du a kandel aqa namur namba 1 waqtonaqa wagme Ćambile so qaji matu a namoosiq marej, “Ni au.” Aqa kakro di kola anjam ato bulonaq e quem. 2 Degsi marnaqa e Ćam atsimqa hos qat bei brantonaq unem. Tamo hos quraq di awesoqnej qaji a aĆ ti. NaĆgi na gate tatal wala ti yonabqa aqa gateq di atsiqa qoto siĆgilaqa marsiqa gilsiq qoto siĆgilaoqnej. 3 Onaqa Kaja Du a kandel aqa namur namba 2 waqtonaqa wagme Ćambile so qaji namba 2 na marnaq e quem, “Ni au." 4 Degsi marnaqa hos bei brantej. Hos di lent. NaĆgi na tamo hos quraq di awesoqnej qaji a siĆgila yeb. Yonabqa a na tamo uĆgasari mandamq di soqneb qaji naĆgo areqalo niñaqyetnjrnaqa naĆgi lawo kumbra uratosib tamo naĆgi ñumoqnsib moiyotnjroqneb. NaĆgi na a serie kobaquja yonabqa gilsiq wau di yoqnej. 5 Onaqa Kaja Du a kandel aqa namur namba 3 waqtonaqa wagme Ćambile so qaji namba 3 na marnaq e quem, “Ni au.” Degsi marnaqa e Ćam atsimqa hos tulu brantonaq unem. Tamo hos quraq di awesoqnej qaji aqa baĆq di skel ojesonaq e unem. 6 Unsimqa wagme qolqe Ćambile so qaji naĆgo ambleq di tamo bei na anjam marnaq e aqa kakro quem. A na tamo hos quraq di awesoqnej qaji di minjej, “Ni na tamo uĆgasari naĆgi mam koba enjre. Yimqa naĆgi silali kobaquja na bem sum tabir qujai segi awaiyoqnqab. Silali kobaquja na bali dego tabir qalub segi awaiyoqnqab. Deqa ni na oliv ĆamtaĆ ti wain sil ti ugeugeiyaim." 7 Onaqa Kaja Du a kandel aqa namur namba 4 waqtonaqa e wagme Ćambile so qaji namba 4 aqa kakro quem. A marej, “Ni au." 8 Degsi marnaqa e Ćam atsimqa hos merient brantonaq unem. Tamo hos quraq di awesoqnej qaji aqa ñam Moiyo. Moiyo Qure na a dauryosiq laqnej. Onaqa naĆgi aiyel siĆgila osib tamo uĆgasari mandam taqal qujaiq di so qaji naĆgi serie na ti mam na ti ma uge na ti wagme juwaĆ na ti ñumnab moreĆeb. Mandam taqal qalubq di so qaji naĆgi uratnjrnab soqneb. NaĆgi ñumosai. 9 Onaqa Kaja Du a kandel aqa namur namba 5 waqtonaqa Qotei aqa tamo uĆgasari nami ñumnab moreĆeb qaji naĆgo qunuĆ atra bijal sorgomq di sonab e unjrem. Tamo uĆgasari naĆgi di Qotei aqa anjam siĆgila na ojesosib mare mare laqneb deqa jeu tamo naĆgi na naĆgi ñumnab moreĆeb. 10 NaĆgo qunuĆ tulaĆ leleĆoqnsib Qotei endegsib minjoqneb, “O Tamo Koba, ni iĆgi iĆgi kalil naĆgo Mandor Koba. Ni gaigai kumbra bole yeqnum. Ni getento koba. Ni kumbra bole segi yeqnum. Deqa ni iga merge. Iga bati gembub tariĆonamqa jeu tamo mandamq di unub qaji naĆgi na iga lugnab gago leĆ aiyej deqa ni kamba peginjrsim awai uge enjrqam?" 11 Onaqa Qotei a gara jugo qat olekokba eleĆosiqa naĆgi segi segi jigetnjrsiqa minjrej, “NiĆgi mati kiñala aqaratosib tariĆoqnsib soqniy. Jeu tamo naĆgi na niĆgi luĆgnab nuĆgo leĆ aiyej dego kere nuĆgo wau qujai naĆgi ti nuĆgo was naĆgi ti degsib ñumqab. Tamo gembub jeu tamo naĆgi na ñumqab di e segi maritqa naĆgi kalil ñumekritib kereamqa bati deqa e kamba naĆgi peginjrsiy awai uge enjrqai." 12 Onaqa Kaja Du a kandel aqa namur namba 6 waqtonaqa e Ćam atsimqa mimiĆ tulaĆ kobaquja donaq unem. Unem di seĆ ambruosiq gara tulu bulej. Bai lentosiq leĆ bulej. 13 Onaqa bongar naĆgi laĆ goge na ululoĆosib mandamq aiyeleĆeb. Jagwa koba boqnsiq qura qunjimyeqnaqa gei qoqi ululoĆosib mandamq aiyeleĆeqnub dego kere. 14 LaĆ dego loumej. QobuĆ rer qalsib lubteqnub dego kere. Mana ti nui ti kalil naĆgo so sawa uratosib jaraiyeb. 15 Jaraiyonabqa mandor kokba ti tamo ñam ti qaja tamo naĆgo gate ti ñoro tamo ti tamo siĆgila ti kaĆgal tamo ti tamo naĆgo segi wau ojo qaji naĆgi ti kalil gulbe di unsibqa ulaugetosib meniĆ kokba miligiq di ulieleĆeb. Osib mana miligiq di dego ulieb. 16 Uliesosib tulaĆ leleĆkobaoqnsib mana ti meniĆ kokba ti kalil endegsib minjroqneb, “NiĆgi bosib iga kabutgibqa tamo awo jaramq di awejunu qaji a na iga nugwasai. Kaja Du aqa minjiĆ dego gagoq bqasai. 17 NaĆgi aiyel tamo uĆgasari naĆgi qa minjiĆ oqetnjrqa bati brantqo deqa tamo yai na naĆgo siĆgila gotraĆyqa kere? Tamo dego bei sosai."