Uli Anjam 5
PNG1 Onaqa e olo Åam atsimqa tamo awo jaramq di awesoqnej qaji aqa baÅ woq di buk bei ojesonaq unem. Buk di aqa baÅga olekokba. BaÅga di lulumesonaq unem. Buk aqa miligiqsi qoreqsi neÅgreÅ ti soqnej. Buk di tamo bei na plaltosim aqa miligi unaim deqa naÅgi na aqa baÅga lulumyosib kandel aqa namur na qandrato 7 yeb. 2 Onaqa e olo Åam atsimqa laÅ aÅgro siÅgila koba bei brantonaq unem. LaÅ aÅgro di a tulaÅ leleÅosiq marej, “Tamo yai a tamo bole unu deqa a na kandel aqa namur waqtosim buk di plaltqa kere?" 3 Onaqa tamo bei na buk di plaltosim aqa miligi unqajqa tamo dego bei sosai. LaÅ qureq di, mandamq di, mandam sorgomq di tamo dego bei sosai. 4 E degsi unsim deqa e tulaÅ akamugetem. 5 Onaqa tamo gate bei na merbej, “O Jon, ni akamaim. Ni que. Laion a Juda aqa leÅ na Åambabej deqa a qoto siÅgilaosiq aqa jeu tamo naÅgi tulaÅ buÅnjrej. A Mandor Koba Devit aqa leÅ na Åambabej deqa a na kandel aqa namur waqtosim buk di plaltqa kere." 6 Onaqa e olo Åam atsim Kaja Du tigelesonaq unem. A qalnab moiyej olo Åambile so bulonaq unem. A awo jaram ti wagme Åambile so qaji qolqe naÅgi ti tamo gate naÅgo awo jaram kokba ti ambleq di tigelesonaq unem. A qala 7 ti Åamdamu 7 ti soqnej. Åamdamu 7 dena Qotei aqa Mondor 7 naÅgi sigitnjrejunub. Mondor di Qotei na qariÅnjrnaqa sawa sawa kalilq gileleÅeb qaji. 7 Onaqa Kaja Du a bosiqa tamo awo jaramq di awesoqnej qaji aqa baÅ woq dena buk di yaiyej. 8 Buk di yaiyonaqa wagme Åambile so qaji qolqe naÅgi ti tamo gate 24 naÅgi ti bosib Kaja Du aqa areq di siÅga puluteb. NaÅgi kalil segi segi gombiÅ ti tabir gol na gereiyo qaji ti ojeleÅesoqneb. Tabirq dena qurem oqoqnsiqa Qotei aqa ulatamuq di branteqnu. Qurem di quleq boledamu. Qurem di aqa utru agiende. Qotei aqa segi tamo uÅgasari naÅgo pailyo qurem bul oqoqnsiqa aqa ulatamuq di branteqnu. 9 Wagme qolqe naÅgi ti tamo gate naÅgi ti bosib Kaja Du aqa areq di siÅga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Ni lumnab moisim ino leÅ aiyej deqa ni na ino segi tamo uÅgasari naÅgi awainjrsimqa Qotei aqa baÅq di ateleÅem unub. Od, ni na tamo uÅgasari leÅ segi segi, anjam maro segi segi, jejamu segi segi, sawa segi segi naÅgi awainjrsimqa Qotei aqa baÅq di ateleÅem. 10 Ni na naÅgi giltnjrem deqa naÅgi Qotei aqa atra tamo ti mandor kokba ti sosib mandamq di tamo uÅgasari naÅgi taqatnjroqnqab." 11 Ariya e olo Åam atsimqa laÅ aÅgro tulaÅ gargekoba tigelesonab unjrem. NaÅgi di iga na sisiyqa keresai. NaÅgi handet milion dego. NaÅgi tigelosibqa awo jaram ti wagme Åambile so qaji naÅgi ti tamo gate 24 naÅgi ti agutnjresosibqa tulaÅ murqumyeqnab e naÅgo kakro quem. 12 NaÅgi endegsib leleÅoqnsib maroqneb, “Kaja Du agi nami qalnab moiyej qaji a siÅgila ti ñoro ti powo ti ñam ti riaÅ ti arebolebole ti oqa kere. Deqa tamo uÅgasari kalil naÅgi aqa ñam soqtoqnsibqa a qa tulaÅ areboleboleinjroqnimqa a biÅiyoqnsib sqab." 13 Onaqa iÅgi iÅgi kalil Qotei na gereinjrej qaji naÅgi anjam mareqnab e naÅgo kakro quem. IÅgi iÅgi kalil laÅ qureq di, mandamq di, mandam sorgomq di, yuwal miligiq di unub qaji naÅgi anjam mareqnab e naÅgo kakro quem. Od, iÅgi iÅgi kalil sawa sawa kalilq di unub qaji naÅgo kakro quem. NaÅgi endegsib maroqneb, “Tamo awo jaramq di awejunu qaji naÅgi Kaja Du wo bati gaigai arebolebole ti ñam ti riaÅ ti siÅgila ti oqnsib sqab. Deqa iga bati gaigai naÅgi aiyel biÅinjroqnqom." 14 Onaqa wagme qolqe Åambile so qaji naÅgi maroqneb, “Anjam di bole.” Degsib mareqnabqa tamo gate naÅgi siÅga pulutoqnsib louoqneb.