ZABURA 29

SIM

¹ Ákↄ̃nↄ malaikanↄ, à Dikiri tↄ́ kpá, à gakuri kũ gbãnao dↄ̃ Dikirinɛ.

² À Dikiri tↄ́ kpá, à kútɛ Dikirinɛ a kúadona gupuran.

³ Dikiri kòto kú ínↄ musu, Luda Gakuride dì tó legũ pũtã, Dikiri kòto kĩni dↄ ínↄ musu.

⁴ Dikiri kòto gbãna dↄ, Dikiri kòto gakuri vĩ.

⁵ Dikiri kòtoo dì sida línↄ para, Dikiri dì Lɛbana bùsu sida línↄ para.

⁶ Àdi tó Lɛbana kpinↄ vĩvĩ lán zùnɛ bà, Ɛmↄ gbɛ̀ sↄ̃ lán zùsanɛ bↄ̀rↄↄ bà.

⁷ Dikiri kòtoo dì bo kũ legũpinanↄ,

⁸ Dikiri kòtoo dì gbáranna yĩgãyĩgã, Dikiri dì Kadɛsi gbáranna yĩgãyĩgã.

⁹ Dikiri kòtoo dì línↄ yĩgãyĩgã, àdi líkpɛnↄ pura kũ, gbɛ̃ kũ ò kú à ↄnnↄ tɛn pinɛ, Gakuridemɛ a ũ.

¹⁰ Dikiri kú í kũ à da anduniala musu, Dikiri vutɛna Kína ũ gↄrↄ sĩnda pínki.

¹¹ Dikiri dì a gbɛ̃nↄ gba gbãna, Dikiri dì arubarika dańgu ògↄ̃ aafia.